Aktualitet

Fshati Gjorm në Vlorë u trondit mbrëmjen e djeshme nga një ngjarje e rëndë, ku mbetën të vdekur dy persona.
Mariglen Memaj dhe Artion Shenaj ishin dikur miq, përveçse komshij, dhe kishin emigruar së bashku por nuk dihet se çfarë e ka shkatërruar miqësinë e tyre.

35-vjeçari Memaj i cili mbeti viktimë e sherrit, ishte duke pirë kafe mbrëmjen e djeshme në një nga baret e fshatit kur ish-miku i tij shkoi dhe i drejtoi një breshëri plumbash.

Autori Artjon Shenaj, 33 vjeç, ishte kthyer vetëm pak kohë më parë nga Franca, ku kishte qenë i dënuar për vjedhje. Pas kthimit në fshat, i riu kishte shfaqur shenja të një rëndese psikologjike, çka i ka detyruar familjarët të kërkojnë ndihmë nga një yshtare.

Balkanweb shkruan se ditën e djeshme autori ishte thirrur në Prokurorinë e Vlorës për të dëshmuar. Pas kthimit në fshat ai ka kërkuar të takojë fqinjin e tij, tek i cili mund të ketë dyshuar se e kishte spiunuar për ngjarje të së kaluarës. Ai e ka gjetur në mbrëmje tek bari i fshatit dhe e ka vrarë me një breshëri plumbash.

Më pas 33-vjeçari ka shkuar në banesën e xhaxhait të tij dhe ka vrarë veten. Mbetet ende mister shkaku pse Shenaj vrau ish-mikun e tij me të cilin ishte rritur.

Familjet e autorit dhe viktimës jetojnë shumë pranë njëra-tjetrës, dhe mes tyre ka mbetur një konflikt i hapur për shkak të kësaj vrasje.

Ditën e sotme pranë banesave të familjeve që kishin hapur dyert e mortit qëndronte një fuoristradë policie, për të shmangur një konflikt të mundshëm apo një hakmarrje mes tyre.

Viktima Mariglen Memaj ka lënë pas dy fëmijë, një djalë e një vajzë, ndërsa Artioni nënën dhe vëllanë e tij.

Të dy ata kanë qenë ish-të dënuar në Itali dhe Francë por ishin kthyer së fundmi në vendlindjen e tyre ku kanë gjetur dhe vdekjen ditën e djeshme.

Shumëkush ka ose ka pasur një makinë që e veçon më shumë se të tjerat.

Jo çdo makinë zgjatë përgjithmonë dhe dikur duhet të ndash rrugët me të. Por, a keni menduar ndonjëherë për varrosjen e një makine “të gjallë” ?

Tyler Hoover bëri pikërisht këtë, pasi bleu një makinë të re BMW 850i.

Makina në fjalë është një Chryslet Lebaron 1983. Ai nuk ka dashur ta shes apo ta rregulloj atë më, kështuqë zgjidhja sipas tij ishte ta varroste.

Por, çfarë është edhe më e çuditshme, pronari synon të gërmojë pas një viti dhe ta nxjerr makinën, për të parë se a mund të ndizet përsëri.

Qeveria e Kosovës ka reaguar ndaj vrasjes së kryetarit të Iniciativës Qytetare, Oliver Ivanoviq, në Mitrovicë.

Përmes një reagimi dërguar mediave, Qeveria ka deklaruar se kjo vrasje e sfidon sundimin e ligjit, përcjellë Indeksonline.

Ata kanë bërë thirrje që qytetarët të bashkëveprojnë me organet e rendit në zbardhjen e rastit, si dhe ka kërkuar nga mekanizmat e sigurisë që të kapin sa më shpejtë autorët e krimit.

Ky është reagimi i plotë:

Qeveria e Republikës së Kosovës dënon ashpër aktin e vrasjes me armë zjarri të politikanit serb nga Kosova, Oliver Ivanoviq, përpara selisë së partisë së tij në pjesën veriore të Mitrovicës.

Qeveria e Republikës së Kosovës vlerëson se akti i vrasjes së Oliver Ivanoviqit sfidon sundimin e ligjit dhe çdo përpjekje për të vendosur rendin në gjithë territorin e Kosovës.

Dhuna është e papranueshme pa marrë parasysh nga kush vjen dhe ndaj kujt drejtohet.

Qeveria fton të gjithë qytetarët që të bashkëpunojnë me organet e rendit në zbardhjen e rastit dhe njëkohësisht nga mekanizmat e sigurisë kërkon që të kapin autorët e krimit dhe t’i sjellin ata përpara drejtësisë.