Aktualitet

Presidenti i Serbisë, Aleksandër Vuçiç ka publikuar në rrjetet sociale një foto nga takimi me kryeministrin e Shqipërisë, Edi Rama dhe kryeministrin e Maqedonisë së Veriut, Zoran Zaev.

Takimi i tyre është mbajtur në prag të Samitit të Shkupit, ku tre liderët pritet të nënshkruajnë marrëveshje bashkëpunimi mes tyre.

“Ky është një hap i madh për të ardhmen. Bashkëpunimi politik dhe mes njerëzve sjell stabilitet dhe shumë gjëra të rëndësishme për të ardhmen e rajonit”, shprehet Vuçiç.

Me tej, Presidenti serb thotë se marrëveshjet do të kenë të bëjnë me “agjendën jeshile” në mënyrë që vendet e Ballkanit Perëndimor të tërheqin më shumë investime dhe të krijojnë një treg të përbashkët.

Në Maqedoninë e Veriut u zhvillua takimi mes kreut tëi qeverisë shqiptare, Edi Rama, kryeministrin e Maqedonisë së Veriut, Zoran Zaev dhe me Presidentin e Serbisë, Aleksandër Vuçiç.

Gjatë takimit që bëhej në kuadër të Forumit Ekonomik, tre liderët e Ballkanit Perëndimor kanë bërë një shëtitje së bashku në rrugët e Shkupit. Gjatë kësaj ecjeje ndodhej edhe Petre Shilegov, Kryetar i Bashkisë së Shkupit.

Pati momente kur ata u ndërprenë nga qytetarët, kryesisht për të bërë foto. Nuk kanë munguar dhe përshëndetjet nga lokalet.

Një vajzë e re i thotë në shqip “a mund të bëjmë një selfie” dhe Kryeministri Rama ja kthen paksa me përtesë “Po hajd mo e bëjmë”.

Kryeministri i vendit Edi Rama ka drekuar këtë të martë me familjen e Dua Lipës në qytetin e Vlorës.

Ka qenë babai i këngëtares me famë botërore, Dukagjin Lipa i cili ka ndarë disa fotografi në rrjete sociale dhe ka bërë të ditur lajmin teksa shihet krah kreut të qeverisë.

“Unë mendoj se kam bërë një mik. Një njeri me shumë sharm”, ka shkruar Lipa krahas fotove të shkrepura nga vetë këngëtarja.

Kujtojmë që prej disa ditësh. Dua ndodhet në Shqipëri bashkë me familjen dhe të dashurin, Anwar Hadid.

Izabel, deri 10 vite më parë, as e kisha ditur, as e kisha imagjinuar trazimin emocional që mund të shkaktonte ardhja në jetë e një vajze. Nuk e di çfarë është, nuk jam mësuar ende sepse çdo ditë do të ishte e trazuar nëse nuk do të shihja buzëqeshjen tënde.

Buzëqeshjen që t’u shkrua në sy, që ditët e para që të pash. Lumturia që njohëm me ardhjen në jetë të vëllait tënd, ishte e para, por ishte e ndryshme. Vetëdijshëm ose jo, të qarat e para të një djali, shoqërohen gjithmonë me sigurinë që nesër ka për t’ia dalë vetë!

Sot, e di, e vogla ime, që edhe ti do t’ia dalësh, në çdo zgjedhje që do të bësh! Mbase nuk do të të mbesë e paprekur, ëmbëlsia që të njohin të gjithë, dashuria që pres gjithë ditën të përqafoj, i vetmi mendim që më largon nga punët, prej dyshimit që mund të të ketë zënë gjumi. Megjithatë, do të ngelet i paprekur përkushtimi dhe mbështetja ime për të të treguar çdo herë që rruga nuk është e lehtë, për askënd, por mund të fitohet me durim e besim. Disa zgjedhje do të të zhgënjejnë, do të lëndojnë, mua edhe më shumë sado që nuk do të ta them gjithmonë, por, shpesh, kjo është përgjigjja që të jep jeta kur je ushqyer e rritur me të drejtën!

Do të të mërzis duke ta përsëritur këtë, por nuk ka mënyrë tjetër për të mos ngatërruar rrugën! Izabel, nuk doja të shkoja në punë sot! I kam rënë kaq në qafë kohës tënde sa sot doja vetëm të rrija duke të parë, për të shijuar, pa numëruar, lumturinë që na ke dhuruar që kur erdhe në jetë.

Jo se ka gjë më të rëndësishme se ty, por edhe përgjegjshmëria është e rëndësishme. Sot do të vij herët në shtëpi, e vogla ime, sepse nuk do të jem në gjendje të mendoj gjë tjetër veç përqafimit tënd! Gëzuar ditëlindjen! Të dua shumë!

Presidenti Ilir Meta ngre sërish al armin fenomenin e largimit të të rinjve nga Shqipëri, ku kjo sjell si pasojë edhe plakjen e popullsisë.

Sipas tij zbrazja e Shqipërisë nga fëmijët dhe të rinjtë vijon të jetë një fe nomen thellësisht shqetësues, me tendencë të rre zikshme për t’u kthyer në një fatke qësi kombëtare.

Meta zbulon se raporti më i fundit i EUROSTAT, na rendit të tretët në Europë për aplikimet për azil të fëmijëve, që zënë gati 34.3% të totalit të kërkesave nga vendi ynë, shifër rekord në raport me popullsinë.

Postimi i plotë i presidentit Ilir Meta

NDAL MPAKJES SË SHQIPËRISË DHE SHPOPULLIMIT TË SAJ NGA FËMIJËT DHE TË RINJTË!

Zbrazja e Shqipërisë nga fëmijët dhe të rinjtë vijon të jetë një fenomen thellësisht shqetësues, me tendencë të rrezikshme për t’u kthyer në një fatkeqësi kombëtare.

Raporti më i fundit i EUROSTAT, na rendit të tretët në Europë për aplikimet për azil të fëmijëve, që zënë gati 34.3% të totalit të kërkesave nga vendi ynë, shifër rekord në raport me popullsinë.

Prej kohësh kam dhënë alarmin, referuar edhe konkluzioneve të organizatave të tjera prestigjioze ndërkombëtare, mbi nevojën e marrjes së masave urgjente për përmirësimin e kushteve të jetesës së fëmijëve dhe rikthimin e shpresës në Shqipëri.

Sepse edhe sipas Bankës Botërore, të paktën 100,000 fëmijë në vendin tonë, nuk e kanë të garantuar një vakt ushqimi në ditë.

Ndërsa referuar indeksit “Jashtë Hijes” të “The Economist Intelligence UNIT”, në analizën e mbi 40 vende të botës, Shqipërisë i jepet zero pikë për mekanizmat jofunksionalë të saj për mbrojtjen e fëmijëve nga shfrytëzimi dhe dhuna seksuale.

Më herët, në raportin e Komisionerit për të Drejtat e Njeriut të Këshillit të Europës është evidentuar se 41% e fëmijëve në vendin tonë, janë viktima të një forme të dhunës në shkolla.

Gjithashtu sipas “Save the Children”, pothuajse 55% e fëmijëve të moshës 12-17 vjeç nuk janë optimistë për gjetjen e një pune pas përfundimit të shkollës dhe si alternativë zgjidhje japin largimin nga Shqipëria.

Raporti “Fëmijët Mbrojnë Fëmijët”, i përgatitur nga CRCA/ECPAT Shqipëri dhe “Save the Children”, bën të ditur se 86% e fëmijëve në vend thonë se të drejtat e tyre nuk respektohen, ndërkohë që 89 % e fëmijëve të intervistuar deklarojnë se Qeveria nuk ka bërë mjaftueshëm apo aspak për të mbrojtur të drejtat e tyre.

Sipas GALLUP-it, 79 % e të rinjve në Shqipëri, dëshirojnë të largohen nga vendi, për shkak të varfërisë, papunësisë, përjashtimit social dhe korrupsionit.

Apeloj me forcë domosdoshmërinë për të shumëfishuar përpjekjet e të gjithë aktorëve për t’i thënë NDAL MPAKJES SË SHQIPËRISË DHE SHPOPULLIMIT TË SAJ NGA FËMIJËT DHE TË RINJTË, të cilët meritojnë mundësi dhe hapësira të reja për t’u ndjerë plotësisht të realizuar dhe për të ndërtuar të ardhmen e tyre të sigurt europiane në Atdhe.

Duhet të bëjmë gjithçka, ashtu siç na porosit edhe Papa Françesku, që shqiponjat të qëndrojnë dhe të kthehen në folenë e tyre dhe Shqipëria të ngrihet lart, atje ku e meritojnë ëndrrat dhe sakrificat e shqiptarëve.