Policia e Fierit ka nisur kërkimet për një qytetar nga Fieri, Nazmi Goxhaj, familja e të cilti nuk ka më asnjë njoftim prej tij.
Sipas disa dëshmitarëve, Goxhaj ishte parë duke u hedhur në lumin Seman më 22 mars.
U pa të hidhej në lumin Seman, policia nis kërkimet për fierakun Read More »
Një 30-vjeçar shqiptar është arrestuar nga policia në Itali, pasi gjatë kontrollit i janë gjendur 30 kg drogë.
Mediat italiane kanë raportuar se shqiptari jetonte në Riva Ligure. Sipas tyre, gjatë ditës ishte punëtor i thjeshtë, ndërsa gjatë natës bënte tjetër aktivitet.
Kanë qenë fqinjët e pallatit ata që kanë spinuar 30-vjeçarin, duke e çuar në pranga, shkruan Gazeta Shqiptare.
Sipas policisë, shqiptari i ftonte klientët e tij gjatë natës në banesën e tij në këtë zone, dhe duket se kjo i ka shqetësuar shumë banorët, për shkak të zhurmave që bëheshin gjatë natës.
Policia ka nisur hetimet dhe përgjoi shqiptarin, deri sa arriti ta kapë në banesë, në një kontroll blic duke i sekuestruar sasinë e drogës, hashash, marijuanë dhe kokainë.
Shqiptari, punëtor ditën dhe trafikant natën.E spiunojnë fqinjët Read More »
Mesatarja e femrave beqare sipas matjeve të INSTAT është rreth 23.1 për qind në shkallë vendi. Por numri i meshkujve beqarë është shumë herë më i madh: rreth 32 për qind në të gjithë Shqipërinë. Vendin e parë çuditërisht e zë Dibra.
Ja qytetet me numrin më të madh të femrave dhe meshkujve beqarë.
Harta e femrave beqare:
Tiranë-27.2 për qind
Durrës-22.6 për qind
Vlorë-20.3 për qind
Korçë-18.3 për qind
Lezhë-25.1 për qind
Shkodër-24.2 për qind
Elbasan-22.6 për qind
Dibër-24.9 për qind
Harta e meshkujve beqarë:
Tiranë-33.9 për qind
Durrës-31.5 për qind
Vlorë-29.9 për qind
Korçë-29.0 për qind
Lezhë-3.1 për qind
Shkodër-32.8 për qind
Elbasan-32.5 për qind
Dibër-35.4 për qind
Qytetet Shqiptare që kanë më shumë femra dhe meshkuj beqarë Read More »
Pak veta e njohin dhe akoma me pak e kane vizituar. Por ky eshte padyshim gjiri me i bukur i bregdetit Jon ne Shqiperi.
Behet fjale per Gjirin e Gramit, i cili ndodhet ne zonen e Karaburunit, midis Vlores dhe Dhermiut. Thuajse 30 minuta me skaf te shpejte nga Dhermiu, Gjiri nuk ka akses nga toka. Deti eshte e vetmja mundesi per te arritur aty. Gjiri eshte mjaft i mbrojtur dhe ka nje zgjatin ne forme bishti qe lejon ankorimin e anijeve ne furtune dhe i mbron ato nga stuhia. E vecanta e tij eshte se per afro 2500 vjet ka sherbyer per te strehuar anije dhe marinare te ndryshem ne kercenimin e stuhise. Sot, ne shkembin ne ane te tij, mund te gjesh shenime nga me antiket, deri tek me te rejat qe jane bere ne vite nga marinare qe jane strehuar aty per ti shpetuar terbimit te detit. Mbishkrimet jane ne disa gjuhe, qe nga latinishtja e greqishtja e deri tek anglishtja, italishtja, frengjishtja dhe gjuhet arabe.
Gjiri ka qene i mbyllur per publikun ne vitet e komunizmit sepse ishte zone ushtarake. Deti eshte i jashtezakonshem, i paster dhe ne thellesi mund te dallohen objekte antike. Per shume vete, ai mbetet gjiri me i bukur ne Shqiperi dhe cdo njeri duhet ta vizitoje patjeter nje here.
A eshte ky vendi me i bukur i bregdetit shqiptar? (Foto) Read More »
Shqipëria renditet e pesta më e shtrenjtë në botë përsa i përket çmimit të karburanteve në krahasim me të ardhurat për frymë, pas Moldavisë, Indisë, Jordanisë dhe Marokut. Të dhënat janë përpunuar nga “Monitor”, bazuar në informacionin mbi çmimin e benzinës që jepet nga Global Price Petrol dhe të ardhurat për frymë sipas metodës së fuqisë blerëse, të Bankës Botërore. Treguesi mat përballueshmërinë, në bazë të përqindje së të ardhurave ditore që duhet për një litër karburant.
Çmimi i benzinës, që merret për referencë nga Global Price Petrol ishte 1.68 dollarë/litër në Shqipëri, në nivele të ngjashme me shtete që kanë të ardhura për frymë shumë më të larta sesa Shqipëria, si Gjermania, Belgjika, Holanda, Danimarka, Franca, Mbretëria e Bashkuar, Norvegjia etj. Në vlerë absolute Shqipëria renditet e 23-a më e shtrenjtë në botë.
Shqiptarëve u duhen 5.3% e të ardhurave ditore për të blerë një litër karburant. Ndonëse Norvegjia, psh, ka ndër çmimet më të shtrenjta në botë të naftës në vlerë absolute (2.05 USD/litër), qytetarët e saj mund ta përballojnë fare mirë, pasi u duhen vetëm 1.3% të të ardhurave ditore për të furnizuar makinën me një karburant.
Maqedonasve dhe malazezëve u duhen 3.2% të të ardhurave ditore, serbëve 3.7%, ndërsa shtetasve të Kosovës 3.9%. Greqia e ka këtë tregues 2.6%, ndërsa Italia 1.8%, Bullgaria 2.4%.
Në Moldavi, që është më e shtrenjta në botë për karburantet, sipas fuqisë blerëse, duhen 7.3% të të ardhurave ditore për të blerë një litër karburant.
Pse e paguajmë kaq shtrenjtë naftën?
Taksat e larta që paguajmë për naftën janë arsyeja kryesore se pse Shqipëria ka çmime kaq të shtrenjta të karburanteve, ku 60% të çmimit e përbëjnë taksat.
“Monitor” krahasoi strukturën e çmimit të naftës në Shqipëri dhe Maqedoni:
Në Maqedoni, sipas të dhënave zyrtare, nafta kushton aktualisht 63 dinarë maqedonas, ose 130 lekë, ndërsa në Shqipëri nafta kushton mesatarisht rreth 170 lekë, apo rreth 30% më e shtrenjtë. Më poshtë jepet e detajuar se si formohet ky çmim:
Çmimi i blerjes në port llogaritet i ngjashëm për të dy vendet, në rreth 53 lekë për litër në Shqipëri dhe 60 lekë për litër në Maqedoni, pasi ka kosto më të larta transporti për shkak të mungesës së portit. (një ton naftë sot blihet në bursa me rreth 600 dollarë)
Në Maqedoni, taksat direkte mbi naftën janë vetëm akciza, me rreth 28 lek për litër (0.2 cent për litër) dhe TVSH, në rreth 20 lekë për litër (norma e TVSH-së në Maqedoni është 18%, ndërsa zbatohet mbi një çmim 30% më të ulët se në Shqipëri).
Ndryshe nga Shqipëria, Maqedonia nuk e ka taksën e qarkullimit të përfshirë në çmimin e naftës, por e merr direkt tek automjetet.
Në Shqipëri nafta taksohet si vijon: Akciza, 37 lekë për litër; Taksa qarkullimit, 27 lekë për litër; Taksa karbonit, 3 lekë për litër. Krahas tyre, vitet e fundit në kosto janë përfshirë dhe tarifa e markimit dhe ajo e skanimit, nga 1 lekë për litër secila. TVSH totale arrin në 28 lekë për litër.
Në total, në Maqedoni taksat direkte janë rreth 48 lekë për litër dhe në Shqipëri 97 lekë për litër, pra dyfishi.
Krahas tyre, në Shqipëri është rritur ndjeshëm tarifa e rilicencimit të pikave të tregtimit të karburanteve, që sipas operatorëve llogarit një kosto shtesë prej 3-5 lekë për litër. Kosto të tjera përfshijnë tarifat për Inspektoriatin Qendror Teknik, taksë tabele, taksë reklame, amortizim etj, që duke shtuar dhe një marzh fitimi e çojnë çmimin final në rreth 170 lekë për litër, ose rreth 30% më shtrenjtë se në Maqedoni.
Taksa për rrugën Durrës-Kukës
Aktualisht qytetarët shqiptarë paguajnë rreth 120 milionë euro taksa nga qarkullimi (507 milionë litra naftë konsum vjetor me 2016 x 32 lekë taksë qarkullimi + TVSH).
Ndërkohë fondet që akordoi buxheti i shtetit për mirëmbajtjen e rrugëve në vend vitin e kaluar, duke përfshirë edhe Rrugën e Kombit ishin rreth 3 miliardë lekë ose 22 milionë euro. Kjo shumë është sa 18 për qind e taksës që u vol me 2016 nga qarkullimi dhe që ka destinacion mirëmbajtjen.
Këto fonde vlerësohen të mjaftueshme për të bërë mirëmbajtjen e të gjitha rrugëve në vend. Nga Financat nuk ka transparencë se si përdoren këto të ardhura.
Për herë të parë, Shqipëria ka nisur zbatimin e sistemit të rrugëve me pagesë, përmes dhënies me koncesion të mirëmbajtjes së segmentit Milot-Morinë, ku tarifat janë 5 euro për veturat dhe 22.5 euro për kamionët, sërish ndër më të lartat në Europë. Nga ana tjetër, juristët kanë pohuar se ato mund të ankimohen në gjykatë, për shkak se cenohet parimi kushtetues se nuk mund të paguhen më shumë se dy lloje taksash për të njëjtin funksion./ Monitor
Ministri për Europën dhe Punët e Jashtme, Ditmir Bushati, pret nga Komisioni Europian një rekomandim pozitiv për hapjen e negociatave me Bashkimin Europian edhe pse 3 shtete të rëndësishme si Gjermani, Franca dhe Holanda janë ende jo të bindura.
Ministri i jashtëm Ditmar Bushati tha se kryeministri Rama do të takojë kancelaren Merkel në pranverë ndërsa Ministri i Jashtëm francez do të vijë në Tiranë së shpejti.
“Takimi i kryeministrit Rama me kancelaren Merkel do të ndodhë brenda pranverës. Do të kemi një vizitë së pari të Ministrit të Jashtëm të Francës në Shqipëri ku do kemi mundësi për të diskutuar për këtë progres dhe gjithashtu për të identifikuar mënyrën se si mund të tejkalojmë disa sfida të tjera.
Stacioni i parë për ne është 17 prilli, dita kur Komisioni Europian do publikojë paketën e zgjerimit. Ne jemi me një shpresë të plotë që Komisioni Europian do dalë me një rekomandim për fillimin e bisedimeve për anëtarësim”, tha ai.
Negociatat me BE-në, lajmërohet takimi Merkel – Rama Read More »
Secili prej nesh shpreson se pranvera është fillimi i diçkaje të re dhe të habitshme. Më poshtë do ju prezantojmë se cilat shenja të horoskopit do kenë më shumë fat në muajin Prill.
Gaforrja
Për ju llogariten ndryshime të këndshme.
Ata prekin kryesisht jetën tuaj personale. Zemra jote është plot dashuri për këtë botë.
E kjo është ajo që do të bëhet forca juaj lëvizëse. Fati do t’ju shoqërojë në të gjitha fushat e jetës. Pra, përpara me ëndrrat dhe dëshirat tuaja!
Shigjetari
Pranvera do t’i japë jetë frymëzimit të Shigjetarit. Sepse më në fund ju do besoni në vete dhe do filloni të ecni përpara. Prilli do të sjellë shumë ndryshime pozitive. asnjë problem nuk mund t’ju nxjerrë nga brazda. Ju do të ndiqni synimet tuaja me besim, shkruan ShkodraNews. Dhe do të jetë mirë.
Fati do të jetë në anën tuaj. Pra guxoni!
Peshorja
Peshore, do të jeni në gjendje të gjeni harmoni dhe të gjeni paqen e mendjes. Do ndiheni të kënaqur dhe të lumtur. Çdo gjë do të jetë në rregull, me qetësi dhe në mënyrën që ju keni planifikuar për veten tuaj, shkruan ShkodraNews. E të gjitha problemet do të jenë të parëndësishme dhe atëherë ju do të jeni në gjendje të merreni me ta një nga një.
Gëzoni momentin. Në prill, do të jeni të suksesshëm në të gjitha fushat e jetës tuaj.
Demi
Muaji prilli do hapë mundësi dhe perspektiva të reja për ju. Qëllimi juaj kryesor nuk është të humbasësh fatin tënd.
Rrethanat do ndryshojnë mjaftueshëm shpejt. Ju nuk mund të jeni të ngadalshëm. Fati juaj do t’ju sjellë shumë surpriza interesante. Fillimi i pranverës është gjithmonë një moment i shpresës së re.
Andaj ndjehuni të lirë për të përkthyer dhe organizuar planet tuaja. Ju do të keni sukses!
Ja shenjat e horoskopit do të kenë fat të madh në muajin prill Read More »
Themeluesi i “Fundjavës Ndryshe”, Arbër Hajdari po përfaqëson Shqipërinë në programin e Vizitorit Udhëheqës Ndërkombëtar (IVLP) për “Vullnetarizmin dhe Veprimin Qytetar’ në Amerikë.
Njoftimi është bërë i ditur nga ambasada amerikane në Tiranë. “Arber Hajdari nga Fundjavë Ndryshe po përfaqëson Shqipërinë në programin e Vizitorit Udhëheqës Ndërkombëtar (IVLP) për “Vullnetarizmin dhe Veprimin Qytetar.”, shkruan ambasada amerikane”.
Emri i Arbër Hajdarit është i njohur pas nismave për të ndihmuar njerëzit në nevojë duke u dhënë shpresë familjeve shqiptare me probleme ekonomike.
I riu që ka ndihmuar dhjetëra familje të varfëra, falë nismës së tij që u përhap ngado, po përfaqëson Shqipërinë në programin e Vizitorit Udhëheqës Ndërkombëtar (IVLP) për “Vullnetarizmin dhe Veprimin Qytetar.”
Arbër Hajdari i ‘Fundjave Ndryshe’, takime në SHBA Read More »
