Një dimër i vonuar ka goditur Europën nga Polonia deri në Britaninë e Madhe, me pjesë të tjera të Europës Veriore që u prekën gjatë fundjavës.
Polakët panë reshje të dendura bore në Varshavë të premten, ndërsa paralajmërime për temperatura të ulëta u lëshuan në 10 rajonet jug-lindore të vendit. Nga e shtuna, më shumë se 25 centimetra borë dhe erëra me shpejtësi 40 kilometra në orë janë regjistruar në jug të Polonisë. Vala e të ftohtit atje pritet të vazhdojë deri më 22 mars.
Në Britaninë e Madhe, banorët në Anglinë Lindore dhe Skoci janë përballur me temperatura nën zero. Shërbimi Kombëtar Meteorologjik tha se disa zona të regjistrojnë disa centimetra borë dhe erëra të ftohta gjatë gjithë fundjavës.
Reshjet më të dendura të borës u regjistruan gjatë natës mes të shtunës dhe të dielës me më shumë se 5-10 centimetra borë në disa zona. Këto reshje kanë shkaktuar edhe probleme në vend. Mbi 100 fluturime nga Heathrou u anuluan të shtunën.
Reshje bore përfshinë të dielën edhe Irlandën, por edhe Francën dhe pjesë të Europës Qendrore dhe Lindore.
Personi që shikoni në foto është Agim Ismaili, përgjegjësi i vetëm për vdekjet në Shqipëri, për numrin e lartë të tumorëve dhe sëmundjeve të tjera, shkruan Pamfleti.com.
Pyetja lind pse? Ismaili është drejtori i Përgjithshëm i Autoritetit Kombëtar të Ushqimit (AKU).
Ai ka për detyrë që të kontrollojë çdo lloj ushqimi që vjen në Shqipëri apo prodhohet në vend. E ka për detyrë, por nuk e kryen punën e tij.
Një tjetër një mega-skandal ka përfshirë vendin tonë që është përhapur nga mediat belge.
Mediat belge kanë ngritur alarmin e mishit të skaduar që u eksportua nga vendi i tyre drejt Kosovës dhe mbërriti deri në doganën shqiptare.
Sipas një informacioni të fundit, në muajin Gusht të vitit të kaluar në kufirin Shqipëri-Kosovë u konfiskua 20 ton mish me etiketat e kompanisë Vanlommel.
Çështja është nëse ky mish i skaduar është shitur në dyqane dhe markete shqiptare. Asnjë nuk di këtë.
Nuk është rasti i parë i skandalit të këtij lloji. Sipas burimeve të Pamfleti.com, kontinierët me mish brazili në Shqipëri vijnë me tonelata produkte të skaduara.
Ismaili, juristi i diplomuar te Kristali, nuk thotë asgjë.
Imagjinoni këto produkte që shiten në marketet e lagjes dhe blihen nga kushdo.
Mishi dhe ushqimet e skaduara apo të mbushura me kimikate dhe pesticide janë burimi kryesor për përhapjen e sëmundjeve kancerogjene dhe sëmundjeve të tjera vdekjeprurëse në Shqipëri. Kjo e thënë nga ekspertët dhe mjekët e vendit.
E pra, Ismaili megjithatë nuk po e vë ujin në zjarr për këto probleme.agim-ismaili-juristi-i-kristalit-qe-po-vret-shqiptaret-me-kancer-dhe-helmime.Pamfleti
Edhe pse formula e matjes do të ndryshojë, jo të gjithë do të paguajnë taksën e pronës. Qeveria ka menduar të përjashtojë kategoritë e personave në nevojë.
Kështu, kryefamiljarët pensionistë në qytet apo fshat, kur jetojnë vetëm nuk do të paguajnë taksën e banesës.
Edhe ndërtesat e banimit të kryefamiljarëve që trajtohen me ndihmë ekonomike do të përjashtohen nga taksa, ashtu si ndërtesat e banimit që shfrytëzohen nga qiramarrësi me qira të paliberalizuara dhe banesat sociale në pronësi të bashkive.
Më pas, në listën e përjashtimit, të përcaktuar në ligjin e miratuar në nëntor të vitit 2017, janë të gjitha pronat shtetërore që përdoren për qëllime jofitimprurëse, pasuritë shtetërore nën administrimin e shoqërive publike shtetërore, ndërtesat e komuniteteve fetare në funksion të veprimtarisë së tyre, si dhe objektet e kulturës.
Qeveria ka menduar të përjashtojë nga taksa e pronës edhe hotelet/resortet me 4 dhe 5 yje, që marrin “status special” po me vendim qeverie. Kjo masë, sipas saj është marrë për të stimuluar sektorin e turizmit.
Rama dhe Berisha, bashkë po mbledhin para që të bëjnë luftë guerile në mbrojtje të gjësë së vjedhur prej tyre. Një provë e qartë dhe e re është te bashkëpunimi i tyre me kullat në trrualin e Teatrit Kombëtar. Ata që do të merren me ngritjen dhe shitjen e kullave shumëkatëshe janë klientë të përbashkët të Sali Berishës dhe Edi Ramës.
Një turp i padëgjuar është ky. Dhe një vjedhës i pacipë vetë kryeministri që kërkon të na mallëngjejë më Teatrin e Ri Kombëtar dhe dramatik. Por kam përshtypjen që drama e parë që do të luhet në atë teatër është pjesa që do të dramatizojë falimentimin e tyre.
Keni për ta parë.
Po, a e di politika amerikane betejën guerile që po përgatit Rama-Berisha?
Edhe njëherë për Teatrin Kombëtar.
Historia anti korrupsion në Europë na ka mësuar se të korruptuarit e niveleve të larta, sa më afër goditjes penale janë, aq më shumë vjedhin me korrupsion. Kjo po shihet sot edhe në Shqipëri. Rama dhe tabori i tij është hedhur me agresion kundrejt vjedhjes kudo në administratën shtetërore. Kërkon para, më çdo kusht para. Të gjithë po i habit ky fakt. Por paratë janë për skemën Berisha-Rama.
E shihni sa pasionant është për sallën e teatrit Kombëtar Rama, aq sa edhe projektin e vodhi për t’i hedhur hi syve opinionit publik. Nuk është pasionant për Teatrin Kombëtar por për paratë e kullave. Por tani është i kapur. Nuk ka asnjë mundësi më që të gënjejnë me Teatrin Kombëtar, sepse ndërtimin e godinës së tij po të duan e bëjnë shqiptarët më donacionet e tyre, dhe nuk kanë fare nevojë që të ndihmojnë hajdutët që të vijojnë vjedhjen për t’i shpëtuar ndëshkimit.
Po ta shohësh me vëmendje konstaton se gjithçka është organizuar si nga një bandë vjedhësish e grabitësish.
Këta po duan me çdo kusht që ta legalizojnë lejen e ndërtimit të të gjitha kullave, se pastaj paratë për destabilizim të Shqipërisë i luajnë edhe nga burgu. Në fakt janë mendje feyll e asgjë më tepër. Por e kanë kot: janë të falimentuar.
Gjithçka tani është e hetuar nga ndërkombëtarët, dhe këtyre guerilasve të Shekullit të XXI nuk iu ka mbetur gjë tjetër veçse të presim fatin e tyre ashtu si vetë e kërkuan.
Ai që jeton më vjedhje humbet gjithmonë nga fati që i imponon ligji. Kjo ka ndodhur edhe me taborët Berisha-Rama, se janë tashmë të kapur nga ligji, por janë të hetuar ndërkombtarisht: për këtë të jenë të sigurt. Ekspertët e huaj dinë sot dhe sa dhëmbë të vënë kanë në gojë; dhe sa kanë paguar për to. Janë të parët në rradhë, nga tre ministra të korrupsioneve kryeministrorë Rama-Berisha; nga tre për secilin tabori qeveritar. Dhe goditja ka filluar realisht në Lezhë; ku korrupsioni nxori edhe demonstrues që protestonin për arrestimin e hajdutëve.
Është komedi e madhe goditja e korrupsionit të lartë shtetëror në Shqipëri; prandaj thashë unë më lart që drama e parë në teatrin e ri dramatik kombëtar do t’u kushtohet atyre. Në sallën e godinës së re të Teatrit Kombëtar, që do ta ndërtojnë vetë shqiptarët me donacione, do të shihet vënia në skenë e tragjikomedisë së vetë eliminimit të korripsionit kryeministror në Shqipëri.
Presidenti Ilir Meta, në një intervistë për gazetën greke “To Vima”, sqaron edhe njëherë pozicionin e presidencës në lidhje me negociatat Shqipëri-Greqi për kufirin detar.
Kreu i shtetit theksoi se “vendimi i vitit 2010 i Gjykatës Kushtetuese, që e shpalli nul marrëveshjen mes Shqipërisë dhe Greqisë për kufirin detar, jo vetëm që argumentonte pse marrëveshja e vjetër ishte e papranueshme nga ana kushtetuese, por vinte edhe piketat për një marrëveshje të ardhshme. Këto piketa tregonin institucionet, hapat, procedurat dhe metodologjinë që mund të implementohej nëse do të negociohej një marrëveshje e re. Askush nuk mund t’i anashkalojë këto hapa. Nëse një prej këtyre elementëve anashkalohet, injorohet, shmanget ose ndryshohet, nga çdo institucion, para ose gjatë negociatave, është një shkelje e Kushtetutës”.
Intervista e plotë e Presidentit Ilir Meta për “To Vima”:
President, Shqipëria kërkon një datë për nisjen e negociatave për hyrjen në Bashkimin Europian në qershor. A keni shpresë se data do të njoftohet, veçanërisht pas raportit të fundit të Komisionit Europian mbi Strategjinë për Ballkanin Perëndimor?
Ambicia e madhe e Shqipërisë është anëtarësimi i plotë në Bashkimin Europian. Ky projekt strategjik gëzon mbështetjen e qytetarëve shqiptarë dhe politikës. Të gjithë aktorët institucionalë dhe politikë kanë mbështetur në mënyrë unanime kërkesën e Shqipërisë për hapjen e negociatave sa më shpejt të jetë e mundur, gjë që unë e konsideroj si shenjë të pjekurisë politike dhe përgjegjësisë së vendit. Nuk është sekret që ne presim një vendim pozitiv për hapjen e negociatave, mundësisht gjatë presidencës bullgare të BE-së. Gjithashtu, jemi të ndërgjegjshëm se kjo do të ishte një prolog për sfida më të mëdha dhe procese që duhet të ndryshojnë rrënjësisht vendin.
Nga ana tjetër, strategjia e Komisionit Europian, e ndjekur nga turi i Presidentit Juncker në 6 vendet e Ballkanit Perëndimor, është një shenjë e qartë e përkushtimit ndaj rajonit. Kam shpresë se Bashkimi Europian do të vazhdojë me këtë përkushtim për të përmbushur premtimin për anëtarësim të plotë dhe të ndihmojë të gjitha vendet në rrugëtimin e tyre.
Pavarësisht disa reformave të përmbyllura, rruga drejt integrimit në BE nuk është ende e qartë. Sipas burimeve të sigurta, korrupsioni mbetet problem, reforma në sistemin e drejtësisë është ende pezull dhe shumë analistë e përshkruajnë Shqipërinë si “Kolumbia e Europës” për shkak të prodhimit të marijuanës. Si i përgjigjeni këtyre?
Strategjia e re është shumë realiste kur thotë se Ballkani Perëndimor është larg të qënurit gati për anëtarësim të plotë në BE. Reformë e thellë dhe e plotë në sistemin e drejtësisë, luftë kundër krimit të organizuar dhe korrupsionit, përfshirë luftën kundër kultivimit të drogës dhe trafikimit, janë sfidat kryesore ku duhen përqendruar përpjekjet. Kam besim se ky trend mund të ndryshojë me sukses, me vullnet të madh politik dhe ndihmë nga partnerët tanë. Padyshim që mundemi dhe duhet të bëjmë më shumë në këtë aspekt, veçanërisht në luftën ndaj krimit të organizuar, që është një kërcënim serioz për sigurinë dhe që nuk mund të mbahet brenda kufijve. Duhet të fitojmë këtë luftë për t’i vërtetuar qytetarëve tanë që policia është më eficente dhe bashkëpunuese sesa rrjetet e krimit.
Disa analistë shprehin shqetësime serioze se Tirana po kërkon ende të përmbushë vizionin e “Shqipërisë së Madhe”. Ata paralajmërojnë se kjo mund të krijojë paqendrueshmëri në Ballkan. Kohët e fundit, kryeministri Edi Rama tha se Shqipëria dhe Kosova duhet të kenë një President të përbashkët në të ardhmen. Si mendoni?
Më lejoni që t’ju korrigjoj: Tirana nuk ka kërkuar kurrë dhe nuk do të kërkojë të përmbushë legjendën urbane të “Shqipërisë së Madhe”. Si President e kam bërë të qartë gjithmonë se Shqipëria është një partner i besueshëm në rajon. Që kur u rrëzua diktatura komuniste, projektet më ambicioze të vendit tonë kanë qenë NATO-ja dhe BE-ja. Kemi investuar të gjitha burimet politike, institucionale dhe njerëzore për këtë qëllim. Politika jonë e jashtme ka qenë gjithmonë e bazuar në paqe, stabilitet, siguri dhe fqinjësi të mirë me të gjitha vendet e rajonit.
Përsa i përket Kosovës, dua të theksoj se në dekadën e parë të pavarësisë së saj, Kosova ka vërtetuar se nuk është kërcënim për paqen, stabilitetin apo sigurinë e ndonjë vendi tjetër të rajonit. Autoritetet më të larta të Kosovës kanë nisur një proces dialogu me Serbinë, të ndërmjetësuar nga Bashkimi Europian dhe të asistuar nga Amerika, duke treguar se janë partnerë të besueshëm që përfaqësojnë interesat më të mira të vendit dhe qyetarëve të tyre. Tirana ka mbështetur dhe vazhdon të mbështesë këtë dialog, që ka për qëllim normalizimin e plotë të marrëdhënieve mes dy vendeve.
Sigurisht që Shqipëria ka arsye për të pasur marrëdhënie të shkëlqyera dypalëshe me Kosovën dhe përpjekjet tona reciproke kanë këtë qëllim. Për të njëjtat arsye, ne kërkojmë të kemi të njëjtin nivel mirëkuptimi dhe bashkëpunimi me të gjithë fqinjët dhe vendet e tjera të rajonit, sepse është në interesin tonë.
Muajt e fundit, Athina dhe Tirana kanë nisur një dialog të gjerë për të zgjidhur çështjet dypalëshe në një marrëveshje-paketë. Një nga çështjet më të ndjeshme ka të bëjë me detin, një marrëveshje e nënshkruar nga të dyja vendet në vitin 2009, por e gjykuar jokushtetuese nga Gjykata Kushtetuese e Shqipërisë. Kohët e fundit ju refuzuat t’i jepnit ministrit të Jashtëm, Ditmir Bushati, autorizimin për të vazhduar negociatat për një marrëveshje të re me homologun e tij Nikos Kotzias. Pse e bëtë këtë?
E para, kam nënvizuar gjithmonë faktin se marrëdhëniet e Shqipërisë me Greqinë janë të një rëndësie të madhe strategjike. Kam dashur gjithmonë që të shikoj një dialog të hapur për të diskutuar të gjitha çështjet me interes. Agjenda aktuale nuk vjen nga një planet tjetër, as nuk është e imponuar, por ka disa çështje, disa të trashëguara nga e kaluara dhe disa nga e tashmja, të gjitha me interes të përbashkët për popujt tanë. E vlerësoj faktin që ka vullnet të mirë për t’u ulur dhe për të diskutuar këto çështje. Shpresoj që të adresohen në mënyrën më eficente të mundshme.
E dyta, Shqipëria dhe Greqia janë të interesuara për të pasur një marrëveshje për kufirin detar. Është shumë e rëndësishme që të dyja palët të hyjnë në procesin e negociatave me një mision të qartë: të arrijnë një marrëveshje që është e ligjshme, e implementueshme dhe e pakthyeshme.
Në këtë kontekst, të dyja vendet janë të ndërgjegjshme se ndërkohë që janë pjesë e Konventës për të Drejtën Detare, duhet t’i nënshtrohemi ligjeve të vendeve përkatëse.
Vendimi i vitit 2010 i Gjykatës Kushtetuese, që e shpalli nul marrëveshjen mes Shqipërisë dhe Greqisë për kufirin detar, jo vetëm që argumentonte pse marrëveshja e vjetër ishte e papranueshme nga ana kushtetuese, por vinte edhe piketat për një marrëveshje të ardhshme. Këto piketa tregonin institucionet, hapat, procedurat dhe metodologjinë që mund të implementohej nëse do të negociohej një marrëveshje e re. Askush nuk mund t’i anashkalojë këto hapa.
Nëse një prej këtyre elementëve anashkalohet, injorohet, shmanget ose ndryshohet, nga çdo institucion, para ose gjatë negociatave, është një shkelje e Kushtetutës. Në të njëjtën kohë, çdo marrëveshje e re që nuk respekton “vijat e kuqe” mund të mos pranohet nga Kushtetuesja.
E treta, ju siguroj sërish juve dhe lexuesve tuaj se, pala shqiptare, përfshirë Presindetin e Republikës dhe institucionet e tjera, do të hyjnë në këtë dialog me vendosmërinë për të arritur një marrëveshje finale. Kam qenë krejtësisht transparent me institucionet shqiptare, aktorët politikë dhe opinionin publik për të pasur një marrëveshje siç duhet.
Sipas jush, marrëveshja e vitit 2009 ishte kundër interesave të Shqipërisë? Është e nevojshme një marrëveshje krejtësisht e re apo vetëm disa amendamente në marrëveshjen e vjetër do të mjaftonin? Çfarë aspektesh duhet të mbulojnë këto amendamente?
Kjo nuk është çështje për konsiderata personale ose çështje për opinionin publik. Marrëveshja e vitit 2009 ka qenë subjekt i vendimit të Gjykatës Kushtetuese, që duhet të respektohet. Ka pasur dy alternativa të tjera që vendet tona duhet të zgjidhnin për të përcaktuar kufirin e tyre detar. Mes tyre, të dyja palët vendosën që të rinisnin negociatat për një marrëveshje të re. Më lejoni t’ju kujtoj që Shqipëria e ka përcaktuar kufirin detar me Italinë dhe është e interesuar që ta bëjë këtë edhe me Greqinë, që do të sillte mundësinë për një marrëveshje trilaterale mes Greqisë, Shqipërisë dhe Italisë, ende pezull nga marrëveshja Shqipëri-Greqi.
Partia Socialiste ka “ndezur motorët” e fushatës për zgjedhjet lokale të vitit të ardhshëm.
Edi Rama mësohet, se ka zhvilluar takime kokë më kokë me krerët e grupeve drejtuese të punës së PS në qarqe. Gjithashtu, kreu socialist ka pasur konsultime edhe me të tjerë faktorë të rëndësishëm, për t’i dhënë një konsensus sa më të gjërë kandidaturave që PS do të përzgjedhë si kandidat për kryebashkiakë.
Mësohet se Tirana e ka kandidaturën më të padiskutueshme, ku sërish do të rikandidojë Erjon Veliaj.
Në Durrës Vangjush Dako, për të katërtën herë, në Korçë Sotiraq Filo do të rikandidojë për herë të tretë duke kërkuar që të marrë një mandat tjetër katërvjeçarë.
Armando Subashi është rikandidim i socialistëve për Bashkinë e Fierit. Dritan Leli do të ketë një garë të dytë për Vlorën. Në Maliq pritet të kandidojë për herë të gjashtë Vaskë Çinoku. Në Shkodër zëvendëskryeministrja Senida Mesi, e cila tashmë ka filluar fushatën elektorale. Në Lezhë kandidatura kryesore e socialistëve është deputeti Pjerin Ndreu. Ndrec Deda do të rivalizojë për një mandat tjetër në Rrëshen.
Presidenti i ekipit të Kukësit, Safet Gjici, pritet të jetë një nga kandidaturat kryesore si kryebashkiak në qytetin verilindor. Gjici është kandidatura e Ramës për të thyer pushtetin e shumë viteve të demokratëve dhe për të tentuar, që të marrë administrimin e Kukësit.
Këta janë disa nga kandidaturat të konfirmuara dhe që kanë filluar thuajse më shumë se një vit më parë punë në bashkitë, ku ata do të garojnë.CNA.al
Hetimet për abuzimin me pronat në zonën e bregdetit në Shëngjin, kanë nxjerr në pah dhe një aspect tjetër të abuzimit me detyrën të kryetarit të Bashkisë Lezhë, Fran Frrokaj.
52-vjeçari i zgjedhur kryebashkiak me siglën e PD-së në zgjedhjet lokale të vitit 2015, duket se ka shpërdoruar detyrën dhe sa i takon emërimeve në administratën e bashkisë.
Çudia ka ndodhur me dy punonjëse të Kadastrës, që janë gjithashtu nën hetim për pronat. Gjelina Bacaj, 55 vjeç, rezulton vetëm me arsim të mesëm ndërkohë që punon si përgjegjëse e Kadastrës.
Ndërsa Juxhina Mema vetëm 25 vjeçe, e diplomuar për fizioterapi, ka punuar gjithashtu si specialist pranë Kadastrës gjatë kohës që janë kryer abuzimet me pronën.
