Një 24-vjeçar është arrestuar mbrëmjen e djeshme në qytetin e Durrësit pasi dyshohet se shpërndante drogë.
Sipas policisë Blerim Oshafi, shiste dhe shpërndante lëndë narkotike të llojit kokainë dhe marijuanë në lokalet e natës.
Atij iu sekuestruan 4.5 gramë kokainë, 7 gram marijuanë të ndara në doza për shitje, si dhe 8200 lekë të reja dhe automjeti me targë AA212ND
“Me date 04.04.2018 ora 21:30 seksioni per hetimin e narkotikeve finalizoi me sukses plan operacioni “shperndarsi” ku u be e mundur kapja ne flagrance i shtetasit Blerim Bashkim Oshafi i dtl.26.04.1993 lindur dhe banues ne Durres lagja 13.
Pasi mbi bazen e informacioneve qe dispononte seksioni per narkotiket ky shtetas shiste lend narkotike te llojit kokain dhe Marjuane ne lokalet e nates. U sekuestruan ne cilesin e proves materjale 7 grame lende narkotike Marjuane dhe 4.5 grame lend narkotike Kokaine e ndare ne doza gati per shitje.
Shuma prej 8.200 leke te reja si automjeti me targe AA212ND ne pronsi te ketij shtetasi. Materjalet ju referuan prokurorise Durres per vepren penale prodhim shitje te narkotikeve parashikuar nga neni 283 i K.Penal,” shkruhet në njoftimin e policisë.
Gjatë forumit që po zhvillohet sot për personat LGBTI, ku marrin pjesë ministra dhe deputetë të shumicës parlamentare, ishte i pranishëm edhe ambasadori amerikan Donald Lu.
Lu kujtoi rastin, kur tre vjet më parë ai doli në terren bashkë me policinë, për të mbrojtur personat LGBTI që po parakalonin me biçikleta, nga goditja e disa njerëzve me vezë.
Ambasadori amerikan në Tiranë përmendi me emra dhe lavdëroi disa funksionarë publikë që u dolën në krah LGBTI-ve.
“Vetëm pak patën guxim. Igli Totozani, Vasilika Hysi, Olta Xhaçka, ju keni kurajo”
Më pas Lu nuk la pa përmendur me shqetësim edhe emrat e disa politikanëve, që i kanë sulmuar kohët e fundit personat LGBTI.
“Kemi ndjekur Ylli Manjanin, Tritan Shehun dhe Oriola Pampurin. Kini kujdes sepse përfaqësoni edhe elektoratin tuaj”
Paraljmërimi i përfaqësuesit të Donald Trumpit në Shqipëri.
Ylli Manjani, lidhur me nismën e komunitetit LGBTI për të zhvilluar seminare nëpër shkolla të ndryshme të vendit, kishte bërë thirrje që të rinjtë të bojkotonin ambasadën e SHBA-ve në Tiranë, që e ka përkrahur gjithnjë kauzën e komunitetit vulnerabël.
Gjithashtu edhe deputeti demokrat Tritan Shehu e kishte kritikuar nismën, aq sa kishte shkaktuar edhereagimin e idinjuar të kësaj pakice
Edi Rama, kreu i qeverisë shqiptare, ka paralajmëruar se diçka do të ndodhë sot. Madje ka paralajmëruar rëndë dhe dy krerët zyrtarë të opozitës Lulzim Bashën dhe Monika Kryemadhin se e dinë se çfarë do të ndodhë sot.
Kryeministri e bëri këtë deklaratë sot në sallën bosh të Kuvendit, teksa nënvizoi se ka një zhvillim të ri që po ndodh sot.
Për më tepër sipas tij dhe liderët e opozitës e dinë shumë mirë dhe për këtë arsye kanë dalë në protestë. Ai nuk dha të tjera detaje se për çfarë bëhet fjalë, por tha se shumë shpejt do e shohin të gjithë shqiptarët.
“Çfarë i shtyn ata të dalin atje? Çfarë e shtyn lala Gjonin dhe maçokun me çizme që të thonë se do presim sa të dalë raporti i KE? i shtyn diçka që po ndodh sot, që ata e dinë shumë mirë dhe shumë shpejt do e shohin të gjithë shqiptarët”, tha Rama.
Mbetet mister se çfarë do të ndodhë, pavarësisht se vetëm burgu mund të detyrojë liderë politikë të dalin dhe të aplikojnë mosbindjen civile duke bllokuar akset kryesore në vend. Do të ketë arrestime të “Peshqve të Mëdhenj” sipas Ramës?! Mbetet për t’u parë apo për të pritur deri në mbylljen e ditës së sotme. Por Kreu i qeverisë shqiptare ka përmendur dhe dy dosje të mëdha, atë të “Gërdecit” dhe të “21 janarit” që sipas tij nuk i ka harruar.
“Është drejtësia që duhet të bëjë drejtësi. Nuk ka qeveria asnjë të drejtë kushtetuese që të bëjë drejtësi. Kujt më thotë që ju e harruat atë që thatë që do shkojnë përpara drejtësisë që bënë “21 Janarin” e “Gërdecin” i them: më merr te keqen, sepse jo vetëm që nuk e kemi harruar por kemi ndërmarrë reformën më të fortë që do vendosë në shina një sistem drejtësie që do marrë përpara ata që i ngulin çdo ditë thikë pas shpine këtij vendi”, tha Rama.
Mos janë këto dy dosje që do të hapen dhe që kanë si protagonistë Berishën, Bashën dhe Metën. Kryeministri ka paralajmëruar rëndë dhe fundi i ditës do të vertetojë nëse do të hyjë ndonjë “peshë e rëndë” në burg apo Rama e ka bërë këtë deklaratë i detyruar nga presioni i protestës së opozitës dhe mosbindjes civile të saj./Pamfleti.net
Kryeministri Edi Rama u është rikthyer replikave me qytetarët në faqen e tij të ‘Facebook’-ut. Pas postimit të tij në rrjetin e tij social, teksa ishte i pranishëm në edicionin e 2-të i “Panairit Mesdhetar të Turizmit, Tirana 2018” në Expocity, lumë komentesh nisën në adresë të tij.
Mes komenteve pikante spikat ajo e një qytetareje akuzon qeverinë për shifra të fryra të punësimit.
“Kur thoni ka 500 mije vende pune, e pune ska”, shkruan qytetarja, ndërsa Rama ia ktheu se: “500 mijë nuk kemi thënë ndonjëherë, po punë ka qe c’ke me atë punë për ata që duan te punojne ne sektorin privat e jo ne fejsbuk”
Vendimi i marrë një ditë më parë nga një trupë gjykuese e Gjykatës së Lartë që ka shqyrtuar çështjen e kapjes së 1 ton drogë në Portin e Durrësit, ku të arrestuar janë 5 persona, ka vendosur që kjo çështje të mos i kalojë për kompetencë, shkruan Shqiptarja.com. Gjykata e Lartë, ka marrë një vendim që urdhëron Gjykatën e Krimeve të Rënda të mos shpallë moskompetencën për një sërë dosje penale të cilat nuk kanë lidhje me të akuzuar për grup të strukturuar kriminal, por për vepra të ndryshme penale.
Vendimi i marrë një ditë më parë nga një trupë gjykuese e Gjykatës së Lartë që ka shqyrtuar çështjen e kapjes së 1 ton drogë në Portin e Durrësit, ku të arrestuar janë 5 persona, ka vendosur që kjo çështje të mos i kalojë për kompetencë Gjykatës së Durrësit, por të vijojë të gjykohet nga Gjykata e Krimeve të Rënda për akuzën e trafikut të narkotikëve në bashkëpunim.
Në vendimin e saj, Gjykata e Lartë ka urdhëruar që të gjitha çështjet e rregjistruara përpara 1 gushtit 2017 të vijojnë të gjykohet nga kjo gjykatë, duke mos shpallur moskopetencën lëndore. Mësohet që prej hyrjes në fuqi të ndryshimeve ligjore, gjykata e Krimeve të Rënda ka shpallur moskopetencën për 30 çështje penale që kanë të bëjnë pëhr krime në familje, trafik droge, vrasje, dhe kanosje e gjobëvënie.
Gjykata e Apelit
Në të njëjtën linjë, ka vepruar dhe Gjykata e Apelit për Krime të Rënda e cila ka transferuar për gjykim në rrethet e tjera disa dosje. Çështja më e nxehtë që kjo gjykatë ka qënë në diskutim për ta transferuar në Apelin e Durrësit, ka qënë dosja me të pandehurin Dritan Dajti i akuzuar për vrasjen e 4 efektivave të policisë së Shtetit në Durrës.
Mirëpo pas këtij vendimi të Gjykatës së Lartë, çështja “Dajti” tashmë nuk mund të transferohet. Burimet pranë gjykatës thanë se pas vendimit të djeshëm të Gjykatës së Lartë pritet që dhe gati 30 çështje që janë transferuar në rrethe të rikthehen sërisht për tu gjykuar nga Gjykata e Krimeve të Rënda. Procesi gjyqësor për këto çështje hyri në një spirale ligjore, për shkak të ndryshimit të procedurave ligjore, të bëra si rezultat i reformës në drejtësi.
30 dosje sërisht tek Krimet e Rënda
Vendimi i një dite më parë rrëzon atë të marrë 2 jave më parë për shkak të krijimit të disa anomalive në sistem. Gjatë dy javëve, Krimet e Rënda shpallën moskompetencë për rreth 30 dosje duke ua deleguar rretheve. Mes tyre edhe çështje të rëndësishme për trafik droge apo krime në familje. Tashmë ato priten të rikthehen përsëri pranë Gjykatës së Krimeve të Rënda. Bëhet fjalë për dosjen e vrasjes së gjyqtares së Shkodrë Fildeze Hafizit, vrasjen e Suela Sulës në Shkodër nga bashkëshorti i saj dhe një sërë çështjes të tjera.
Tre vite burg për Pëllumb Petritaj, tjetërsoi 150 ha tokë në Zvërnec. Dënohen edhe 3 ish-zyrtarë
Teksa janë zhvilluar një sërë senaca gjyqësore në gjykatën e Vlorës, një trupë gjykuese e kësaj gjykate, tre ditë më parë ka vendosur të dënojë me 3 vite burg biznesmenin Pëllumb Petritaj.
Ky i fundit njihet në qytetin e Vlorës si një nga njerëzit që nëpërmjet dokumentave të falsifikuara ka arritur të tjetërsojë shumë sipërfaqe tokësore në zonën e Karaburunit dhe Zvërnecit në Vlorë.
E ndërsa për çështjen penale të nisur nga prokuroria e Vlorës, që bënte fjalë për abuzimet me tokat në Karaburun, Petritaj, ka mundur në rrethana të dyshimta ti shpëtojë rrjetës së drejtësisë duke mos u marrë as i pandehur, tre ditë më parë ai u gjet fajtor nga gjykata e Vlorës duke e dënuar me 3 vjet burg.
Pas këtij dënimi, duket se testi i rradhës do jetë në gjykatën e Apelit të Vlorës, e cila do vendosi ose jo që dënimi i biznesmenit të marë formë të prerë ose jo. Banorë të fshatit Zvërnec, të cilët kanë depozituar kallëzim në prokurori që prej vitit 2010, i thanë gazetës “Shqiptarja.com” se përveç dënimit me burg për Pëllumb Petritaj, trupi gjykues ka vendosur të konfiskojë dhe sipërfaqen tokësore prej 150 hektarë tokë, që ishte përfituar me dokumenta të falsifikuara.
Gjykata për dhënien e këtij vendimi është bazuar në paligjshmërinë e dokumentave dhe për pasojë ka vendosur konfiskimin dhe kalimin e kësaj sipërfaqe tokësore në vafor të shtetit.
Pëllumb Petritaj konsiderohet dhe dyshohet nga prokuroria e Vlorës si një nga njerëzit kryesorë dhe nismëtari e financuesi, i disa skemave abuzive që synonin tjetërsimit e tokave shtetërore në bregdetin turistik të Vlorës. Gjykata e Vlorës së bashku me Pëllumb Petritaj ka gjetur fajtorë dhe ka dënuar me nga dy vjet burg për akuzën e “Shpërdorimit të detyrës” tre persona të tjërë, ish-zyrtarë të Komisionit të Kthimit të Pronave në Vlorë. Më konkret me dy vjet burg është dënuar Petro Puleri me detyrë ish-kryetar i Komisionit të Kthimit të Pronave.
Dënim me dy vite burgim kanë marrë dhe dy ish-juristët e Komisionit të Kthimit të Pronave në Vlorës, shtetasit Klodian Jahaj dhe Miriam Isufi. Nga hetimi gati 1 vjeçar që ka kryer prokuroria e Vlorës ka konstatuar se zyrtarët e dënuar të Komisionit të Kthimit të Pronave në Vlorë,në mënyrë të kundraligjshme u kishte njohur trashëgimtarëve të shtetasit Ramiz Shehu sipërfaqen e tokës prej 150 hektarë.
Vitet e fundit prokuroria dhe gjykata e Vlorës, po përballen me falsifikime të shumta të pronave në qytetin bregdetar por edhe me veprimtari të kundraligjshme edhe nga vetë institucionet shtetërore në këtë qark. Pikërisht në 27 mars 2018 për abuzimet me pronat në Karaburun, gjykata e Vlorës shpalli fajtorë katër nga pesë të akuzuarit për falsifikimin e dokumentave për 342 hektarëve tokë në zonat turistike të Karaburunit, Zvërnecit dhe Palasës të martën, ndërkohë që i dha pafajësi avokatit Enkes Hysendhima.
Trupi gjykues i përbërë nga Albert Spiro, Albana Selmanaj dhe Laurent Fuçia shpalli përgjegjës kryesor Rajmond Mëzin dhe vendosi dënimin e tij me 18 vjet burg për falsifikimin e pronësisë së 220 hektarëve tokë në Karaburun dhe 89 hektarëve të tjerë në Zvërnec.
Lefter Gjergji, i cili akuzohej për tjetërsimin e 33 hektarëve tokë në Palasë u dënua me 16 vjet burg. Ish-punonjësja e hipotekës, Blerina Dhrami u dënua me 6 vjet burg ndërsa arkivistja e gjykatës së Vlorës, Donika Besimaj me 3 vjet burg.
Avokati i Mëzit, Enkes Hysendhima, i cili akuzohej nga Prokuroria e Vlorës si një ndër protagonistët e falsifikimit të tokës u shpall i pafajshëm nga trupi gjykues. Prokuroria kishte kërkuar dënimin e Hysendhimës me 24 vjet burg.
Nuk duhet ta humbisni këtë video që tregon momentet e tensionit mes kryeministrit Edi Rama dhe gazetarit Blendi Fevziu ne Opinion.
Biseda fillimisht ka nisur me tone të qeta, por shpejt është tensionuar.
Kryeministri ka pranuar përgjegjësinë lidhur me tarifën e vendosur në Rrugën e Kombit, por është shprehur ndër të tjera se kjo ka ndodhur edhe për mospasje të dijenisë lidhur me problematikën, duke qenë se kjo është një përvojë e re për Shqipërinë.
Gazetari Fevziu e ka kundërshtuar këtë përgjigje, duke u shprehur se Rama ka marr shumë letra nga përfaqësuesit e biznesit, të cilët prej vitit 2016 në fakt i kanë shkruar për të kërkuar bisedime lidhur me këtë çështje.
Të dish pikat e tua të dobëta është e rëndësishme që të përmirësosh veten dhe të dish të mbrohesh në situata të vështira. Sipas shenjës suaj të horoskopit ja kush është pika juaj e dobët.
Dashi
Dashi Personave të shenjës së dashit ju pëlqen të udhëheqin. Duke qenë se kanë të gjitha cilësitë e një lideri atyre nuk iu pëlqen të marrin mendimet e të tjerëve dhe bëjnë gjithmonë vetëm sipas kokës së tyre.
Demi
Demi është një shenjë që i pëlqen siguria dhe rehatia. Ata nuk dëshirojnë të provojnë eksperienca të reja nëse kanë gjetur rehat me diçka. Kjo bën që shpesh të humbasin shumë.
Binjakët
Ndryshe nga shenja e demit, binjakët janë gjithmonë në ndryshim. Shumë rrallë ndodh që binjakët të gjejnë paqe e të mos ndryshojnë. Ata kërkojnë gjithmonë gjëra të reja e kjo bën që ndonjëherë edhe të dështojnë.
Gaforrja
Gaforret kanë shumë probleme me vetëbesimin. Ata kërkojnë gjithmonë mendimin dhe aprovimin e personave të tjerë sepse I vlerësojnë më shumë se veten.
Luani
Luani dëshiron gjithmonë të jetë protagonist dhe në qendër të vëmendjes. Ata harrojnë se dhe personat rreth tyre kanë nevojë për ta dhe kështu pa dashur kthehen në arrogantë.
Virgjëresha
Personat e shenjës së virgjëreshës duan gjithmonë të dinë përse ndodh diçka. Ata dëshirojnë të gjejnë një arsye për gjithçka dhe kjo bën të jenë shumicën e kohës të shqetësuar.
Peshorja
Nëse peshorja inatoset me ju atëherë e keni punën keq. Peshoret mbajnë shumë inat dhe kjo nuk kalon lehtë. Ata do të vazhdojnë të jenë të mërzitur me ju për një kohë të gjatë.
Akrepi
Akrepi vuan nga xhelozia e tepërt. Ata janë xhelozë për gjithçka dhe shpeshherë shumë shumë mosbesues.
Shigjetari
Shigjetarët nuk çojnë asgjë deri në fund. Ata mërziten shpejt dhe gjithçka që zgjat ju duket monotone.
Bricjapi
Bricjapi është shumë punëtorë. Kjo është gjë e mirë por edhe e keqe. Të fiksuar pas punës ata harrojnë të kujdesen për veten e tyre e aq më tepër për personat që i rrethojnë.
Ujori
Ujori gjen gjithmonë diçka për të kritikuar. Ka gjithmonë një gjë që nuk i pëlqen kësaj shenje. Dhe kur të gjitha janë në rregull, me siguri ujori do ta gjejë një detaj që ta kritikojë.
Peshqit
Kjo shenjë ka emocione shumë të trazuara. Kjo bën që të mos jenë kurrë të qetë dhe nuk arrijnë të përballen me realitetin. E shmangin atë sa më shumë të jetë e mundur.
