Aktualitet

Protestuan duke bllokuar 4 rrugë, procedohen 22 liderë politikë dhe 35 protestues

Leave a Comment / Aktualitet / /

Policia ka proceduar penalisht krerët e opozitës për bllokimin e disa akseve kombëtare, gjat protestës së fundit të udhëhequr prej tyre për mosbindjen e qytetarëve, si formë kundërshtimi ndaj politikave të qeverisë, për rritjen e taksave.

Lulzim Basha, Xhelal Mziu, Nard Ndoka, Luan Rama, Flamur Noka, Monika Kryemadhi, Edmond Spaho dhe të tjerë janë proceduar si organizatorë të tubimeve të paligjshme, të kryera në Vorë, Milot, Pogradec e kështu me radhë.

Mes pwrfaqwsuesve tw tjerw politikw tw proceduar janw edhe Arben Ristani, Viktor Tusha, Voltana Ademi, Nora Malaj, Oerd BykykBashi, Edi Paloka, Bardh Spahia, Fiqiri Ismaili, Enkelejd Alibeaj, Myslim Murrizi, Tritan Shehu, Luan Baçi, Oerd Bylykbashi, Oriola Pampuri, Nada Meçorapaj, etj.
PROTESTEN NE TIRANE

Tiranë, procedohen penalisht organizatorët dhe një numër protestuesish që ishin më aktiv në protestën e jashtëligjshme të zhvilluar më datë 05.04.2018.Në datë 5 prill 2018, në autostradën Tiranë – Durrës nga ora 09:30 deri në orën 12:00, një grup protestuesish kanë bllokuar rrugën nacionale në afërsi të rrethrrotullimit të Vorës. Ata kanë tubuar pa marrë leje përkatëse nga organet e rendit dhe kanë penguar qarkullimin e automjeteve në këtë aks rrugor, për rreth 2 orë e 30 minuta.Shërbimet e Policisë të Komisariatit Vorë në bashkëpunim me Prokurorinë e Rrethit Gjyqësor Tiranë, kanë referuar materialet për veprat penale “Organizimi dhe pjesëmarrja në grumbullime e manifestime të paligjshme” dhe “Pengimi i qarkullimit të mjeteve të transportit”, të parashikuara nga nenet 262 dhe 293 të Kodit Penal, në lidhje me tubimin e organizuar nga subjektet politike, Partia Demokratike dhe Lëvizja Socialiste për Integrim, me organizatorë 8 shtetas:L.B., 44 vjeç, banues në Tiranë, F.I., 52 vjeç, banues në Tiranë, Xh.M., 51 vjeç, banues në Tiranë, E. P., 53 vjeç, banues në Tiranë, A. R., 49 vjeç, banues në Tiranë, N. N., 55 vjeç, banues në Tiranë, L. R., 53 vjeç, banues në Tiranë, N. B., 51 vjeç, banues Tiranë. Për pjesëmarrje aktive në këtë tubim janë proceduar edhe disa shtetas të tjerë që ishin më aktiv në këtë protestë. Po punohet për identifikimin dhe procedimin e shtetasve të tjerë në këtë tubim të jashtëligjshëm.

PROCEDIMET PER PROTESTEN NE LUSHNJE

Në vijim të komunikatës në lidhje me protestën e paligjshme të zhvilluar në datë 05.04.2018 në vendin e quajtur “Rotondo e Çermës”, procedohen penalisht organizatorët dhe një numër protestuesish që ishin më aktiv në protestë. Në datë 5 prill 2018, në vendin e quajtur “Rotondo e Çermës”, Lushnje, nga ora 09:50 deri në orën 12:00, një grup protestuesish kanë bllokuar rrugën nacionale Lushnje–Tiranë, në të dyja drejtimet e lëvizjes. Ata kanë tubuar pa marrë leje përkatëse nga organet e rendit dhe kanë penguar qarkullimin e automjeteve në këtë aks rrugor, për rreth 2 orë. Policia e Lushnjes në bashkëpunim me Prokurorinë e Rrethit Gjyqësor Lushnje kanë referuar materialet për veprat penale “Organizimi dhe pjesëmarrje në grumbullime e manifestime të paligjshme” dhe “Pengimi i qarkullimit të mjeteve të transportit”, të parashikuar nga Nenet 262 dhe 293 të Kodit Penal, në lidhje me tubimin e organizuar nga subjekti politik Partia Demokratike me organizatorë 7 shtetas: M.M, 50 vjeç banues në Tiranë, E.A, 45 vjeç, banues në Tiranë, O.B, 44 vjeç, banues në Tiranë, O.P, 45 vjeçe, banuese në Tiranë, T.Sh, 69 vjeç, banuese në Tiranë, N.M, 37 vjeçe, banuese në Tiranë, L.B , 56 vjeç, banues në Tiranë. Për pjesëmarrje aktive në këtë tubim janë proceduar edhe disa shtetas të tjerë që ishin më aktiv në këtë protestë. Po punohet për identifikimin dhe procedimin e shtetasve të tjerë në këtë tubim të jashtëligjshëm.

PROCEDIMET PER PROTESTEN NE ELBASAN

Në lidhje me protestën e zhvilluar më datë 05.04.2018, ora 10:00 -12:00 tek rrethrrotullimi i Shijonit, në aksin rrugor Elbasan – Tiranë, Njësinë Administrative Bradashesh nga strukturat e Drejtorisë Vendore të Policisë Elbasan në bashkëpunim me Prokurorinë e Rrethit Gjyqësor Elbasan, janë referuar materialet hetimore për fillimin e proçedimeve penale për veprat penale “Organizimi dhe pjesëmarrja në grumbullime e manifestime të paligjshme “ dhe “Pengimi i qarkullimit të mjeteve të transportit” parashikuar nga nenet 262 dhe 293 të Kodit Penal , për 12 organizatorët, konkretisht shtetasit . L.B, 51 vjeç banues në Elbasan, E.S, 60 vjeç, banues në Tiranë, E.H, 52 vjeç, banues në Tiranë, A.B, 52 vjeç, banues në Elbasan, M.K, 44 vjeç, banuese në Tiranë, E.H, 37 vjeç, banues në Tiranë, K.B, 29 vjeç, banues në Tiranë, E.P, 58 vjeç, banues në Tiranë, E.S, 30 vjeç, banues në Tiranë, K.M, 25 vjeçe, banuese në Tiranë, F.H, 43 vjeç, banues në Tiranë, I.E, 57 vjeç, banues në Tiranë. Gjithashtu u proceduan penalisht 4 shtetas për veprën penale “Ndotja e ajrit” e parashikuar nga neni 201 i Kodit Penal, pasi gjatë zhvillimit të tubimit kanë djegur në rrugë disa goma. Ata janë; K.B., 29 vjeç, banues në Cërrik, S.G., 20 vjeç, banues në Cërrik, E.B., 28 vjeç, banues në Peqin, M.G., 24 vjeç, banues në Cërrik .Po punohet për identifikimin dhe proçedimin e shtetasve të tjerë në këtë tubim të jashtëligjshëm. Si dhe u proceduan penalisht edhe disa persona per pjesmarrje aktive ne tubim. Materialet proceduriale u referuan Prokurorisë së Rrethit Gjyqësor Elbasan, për veprime të mëtejshme.

PROCEDIMET PER PROTESTEN NE KURBIN

Në lidhje me protestën e zhvilluar më datë 05.04.2018, ora 10:00 -12:25 , në afërsi të kryqëzimit të Kosoves, në aksin rrugor Mamurras – Milot, Njësia Administrative Milot Bashkia Kurbin, nga Komisariati i Policisë Kurbin në bashkëpunim me Prokurorinë e Rrethit Gjyqësor Kurbin, janë referuar materialet hetimore për fillimin e proçedimeve penale për veprat penale “Organizimi dhe pjesëmarrja në grumbullime e manifestime të paligjshme “ “Pengimi i qarkullimit të mjeteve të transportit” “Prishja e qetësisë publike” të kryera në bashkëpunim, parashikuar nga nenet 262-25, 293-25 dhe 274 -25 të Kodit Penal , për 23 organizatorët.

Konkretisht për shtetasit : F.N. 47 vjeç banues në Tiranë , N.M. 53 vjeçe banuese në Tiranë, V.T. 56 vjeç banues në Tiranë , A.B. 43 vjeç banues në Tiranë, A.F. 50 vjeç banues në Tiranë, B.S. 42 vjeç banues në Tiranë P.S. 47 vjeç banues në Bulqizë, L.M. 40 vjeçe banuese në Lezhë , Xh.Gj. 55 vjeç banues në Tiranë , L.L. 59 vjeç banues në Shkoder, A.D. 48 vjeçe banuese në Tiranë , A.Z. 48 vjeç banues në Tiranë,R.Ç. 56 vjeç banues në Shkoder, Gj.U. 59 vjeç banues në Shkoder, V. A. 43 vjeçe banuese në Shkodër, B.Sh. 39 vjeç banues në Kukës, N.R. 53 vjeç banues në Burrel, B.Ç. 52 vjeç banues në Burrel, B. D. 48 vjeç banues në Tropojë, B.H. 54 vjeç banues në Milot, P.M. 50 vjeç banues në Lezhë, E.R. 24 vjeçe banuese në Laç, Z.H. 57 vjeç banues në Shkodër

Njëkohësisht, u proceduan penalisht edhe 3 shtetas për veprat penale “ “Organizimi dhe pjesëmarrja në grumbullime e manifestime të paligjshme “ “Pengimi i qarkullimit të mjeteve të transportit “, kryer në bashkëpunim , dhe “Prishje e qetësisë publike” “Ndotja e ajrit “të parashikuar nga nenet 262-25, 293-25, 201 dhe 274 të Kodit Penal , pasi gjatë zhvillimit të tubimit , kanë djegur në rrugë disa goma. Ata janë : G.S. 16 vjeç banues në Kurbin , D.C. 16 vjeç banues në Kurbin, K.B. 16 vjeç banues në Laç. Gjithashtu, po në lidhje me protestën , janë proçeduar edhe disa persona të tjerë për pjesëmarrje aktive.
Materialet proceduriale u referuan Prokurorisë së Rrethit Gjyqësor Kurbin , për veprime të mëtejshme

Protestuan duke bllokuar 4 rrugë, procedohen 22 liderë politikë dhe 35 protestues Read More »

Veza e kuqe dhe Buka e Pashkës

Leave a Comment / Aktualitet, Kuriozitete / /

Në mesnatë besimtarët ortodoksë  festojnë ngjalljen e Krishtit. Kësaj feste fetare i është paraprirë me një javë të rëndësishme nga besimtarët. Simbol i festës është veza e kuqe dhe buka e Pashkës. Java e Pashkës shoqërohet edhe me kryerjen e shumë riteve tradicionale në familjet e besimtarëve ortodoksë.

Dita e enjte sipas traditës i gjen amvisat korçare me pregatitjen e vezeve të kuqe dhe bukës me qiqër, një traditë e cila është ruajtur me fanatizëm edhe në kohën kur ishte e ndaluar nga sistemi.

Dhimitra Llazari është 77-vjeçe dhe ka arritur të ruajë me fanatizëm ritualet e Pashkës. Veza e kuqe e Pashkës dhe Buka janë simboli kryesor i kësaj feste.

E enjtja e madhe, siç njihet në kalendarin ortodoks ka nisur herët për të moshuarën, e cila tregon mënyrën e përgatitjes. Veza e kuqe e Pashkëve vendoset në çdo shtëpi, për të sjellë shëndet dhe mirëqënie. Me të fillon vakti i parë pas kreshmës së gjatë të pashkëve.

Veza e kuqe dhe Buka e Pashkës Read More »

Kur nis muaji Ramazanit? 4 fakte që duhet të dini

Leave a Comment / Aktualitet, Kuriozitete / /

Agjërimi është një nga “Pesë Shtyllat e Islamit”. Muaji i Ramazanit sipas kalendarit hënor, pritet të fillojë me 15 maj ditën e martë dhe të përfundojë në 14 qershor.

Traditat Pre-Islamike

Kulturat e lashta në Arabi merrnin pjesë në rituale gjatë kohës së Ramazanit. Kjo përfshinte fisin e Kurejshit, i cili banonte në Mekë. Sipas Sahih el-Buhari Hadithit 3831, “Ashura” ishte dita në të cilën fisi i Kurejshëve agjëronte. Ashura përkujton vdekjen e Huseinit ibn Aliut, nipi i Muhamedit. Traditat e tjera islame gjithashtu mund të gjurmojnë tek popujt e lashtë arabë dhe afrikanë. Sabaeans, një popull i lashtë që banonte në Gadishullin Arabik dhe Afrikën në atë që tani është Arabia Saudite, Jemeni dhe Eritrea, përmenden në Bibël dhe Kur’an.

Data e fillimit të Ramazanit ndryshon çdo vit

Datat ndryshojnë çdo vit, sepse kalendari islamik është një kalendar hënor. Nuk ka një sasi të caktuar ditësh. Kalendari hënor pasqyron ciklet e hënës dhe përpiqet të përshtatet me një kalendar diellor me 12 cikle (që përdor shumica e botës perëndimore). Kalendari i lashtë hebre gjithashtu ndjek ciklet e hënës dhe kjo është arsyeja pse Pashkët dhe festat e tjera hebraike bien në data të ndryshme. Ramazani është emri i muajit të nëntë të kalendarit islamik. Këtë vit, myslimanët festojnë vitin e 1439. Ramazani është muaji që tradita islamike pohon se Kur’ani u zbulua së pari nga Muhamedi. Sipas librit “Mendime me zë të lartë për religjionin” nga Rafig Y. Aliyev, myslimanët besojnë se të gjitha librat e shenjtë abrahamike u zbuluan gjatë muajit të Ramazanit, përfshirë: pllakat e Abrahamit, Tevratit, Psalmeve.

Agjërimi vlen për njerëzit e shëndetshem

Përjashtim nga agjërimi është për ata që janë në udhëtim, femrat me menstruacion, ata me sëmundje, mosha e vjetër, gratë shtatzëna dhe nënat që ushqyerjnë me gji foshnjet. Megjithatë, shumë myslimanë këmbëngulin të agjërojnë, kjo për të përmbushur një detyrim dhe për të kënaqur nevojat e tyre shpirtërore. Agjërimi gjithashtu mund të jetë i dëmshëm për ata që janë me: diabet, sëmundje të zemrës, hipertension, sëmundje renale dhe ulcera peptike.

Islami është feja e dytë më e madhe në bote

Islami është feja e dytë më e popullarizuar në botë pas krishtërimit. Por sipas Qendrës Kërkimore Pew, kjo do të ndryshojë së shpejti. “Popullsia myslimane në botë pritet të rritet me rreth 35% në 20 vitet e ardhshme, duke u rritur nga 1.6 miliardë në vitin 2010 në 2.2 miliardë deri në vitin 2030… Globalisht, popullsia myslimane parashikohet të rritet me rreth dyfishin e normës së popullsisë jo-myslimane. Gjatë dy dekadave të ardhshme, një normë mesatare vjetore rritjeje prej 1.5% për myslimanët, krahasuar me 0.7% për jo-myslimanët. Nëse trendet aktuale vazhdojnë, myslimanët do të përbëjnë 26.4% të popullsisë së parashikuar botërore prej 8.3 miliardë në vitin 2030, nga 23.4% e popullsisë botërore 2010 të vlerësuar prej 6.9 miliardë.

Kur nis muaji Ramazanit? 4 fakte që duhet të dini Read More »

Dëshmitar në dasmën e mikut italian, arrestohet shqiptari i rrezikshëm

Leave a Comment / Aktualitet / /

Një 46-vjeçar shqiptar është arrestuar si pjesë e një bande për vjedhjen e automjeve. Por shqiptari është arrestuar gjatë dasmës së mikut të tij.  Policia italiane në Milano ka arrestuar 46-vjeçarin italian Dante Di Lalla, pak orë përpara dasmës së tij.

Së bashku me të u ndalua edhe shqiptari 29-vjeçar, Zef Frisku. Ky i fundit ishte dëshmitar në dasmën e mikut të tij italian. Arrestimet vijnë pas shkatërrimit të një bande kriminale që merrej me vjedhjen e automjeteve. Më pas ato çmontoheshin dhe futeshin në tregun e zi si pjesë këmbimi.

Në total në prangat e karabinierëve përfunduan 12 persona; 1 hungarez, 7 shqiptarë dhe 4 italianë.

Zef Frisku, sipas policisë italiane është një person i rrezikshëm. Në 2015 policia ka tentuar ta arrestojnë, po ai është përleshur me efektivët e policisë.

Po ashtu ai akuzohet edhe për aktivitete të ndryshme kriminale, si grabitje, pastrim parash, armëmbajtje pa leje. /BW

Dëshmitar në dasmën e mikut italian, arrestohet shqiptari i rrezikshëm Read More »

Shqipëria e rrezikuar nga sulmet terroriste, agjentë iranian me mision

Leave a Comment / Aktualitet, Lajmi i fundit / /

Alejo Vidal-Quadras, kryetari i Komitetit Ndërkombëtar në Kërkimin e Drejtësisë në Iran(ISJ) paralajmëron se Shqipëria rrezikohet nga sulme terroriste, që kanë shënjestër muxhahedinët e strehuar në vendin tonë.

Alejo Vidal-Quadras, kryetari i Komitetit Ndërkombëtar në Kërkimin e Drejtësisë në Iran(ISJ), ka paralajmëruar se regjimi iranian është në mes të një fushate që rrezikon anëtarët e Rezistencës iraniane (MEK) që u zhvendosën në Shqipëri pasi u larguan nga “Kampi i Lirisë” në Irak.

Anëtaret e rezistencës së Kampit të Lirisë (muxhahedinët), kanë kaluar vite duke iu nënshtruar sulmeve çnjerëzore dhe testeve mjekësore. Njëqind e shtatëdhjetë e tetë banorë humbën jetën atje.

Shumë prej banorëve më në fund u transferuan në mënyrë të sigurt në Shqipëri ku u pritën ngrohtësisht. Ishte një arritje e madhe kur banorët e fundit u larguan nga Iraku dhe u konsiderua si një sukses i madh humanitar pas një nisme të fortë që përfshinte një presion të konsiderueshëm diplomatik. Kjo përfshiu Kombet e Bashkuara, ISJ, Senatorët e SHBA dhe Kongresmenë, anëtarët e Parlamentit, personalitetet amerikane dhe politikanë evropianë.

Vidal-Quadras kërkon që të ndërmerren masa të menjëhershme në mënyrë që fushata e Republikës Islamike Iraniane kundër “disidentëve” të thyhet. Ai thekson se regjimi iranian ka vënë në shënjestër grupin kryesor të opozitës, Organizatën Popullore të Mojahedin të Iranit (PMOI ose MEK), për dekada dhe ka vrarë mbi 100,000 aktivistë.

Ai gjithashtu tha se vrasjet dhe ekzekutimet e anëtarëve dhe simpatizantëve të MEK shoqërohen nga “një operacion masiv demonizimi nga Teherani dhe agjentët dhe lobistët e tij”.

Regjimi iranian është në një situatë të dëshpëruar pas protestave masive që filluan në fund të dhjetorit, në të cilat njerëzit protestuan në mbi 140 qytete në Iran. Njerëzit po bënin thirrje për ndryshim të regjimit, sepse e dinë se është shansi i tyre i vetëm i lirisë, demokracisë dhe të drejtave të njeriut.

Për të kundërshtuar izolimin e tij në rritje, regjimi po rrit fushatën e saj të shtypjes dhe tani po synon pjesëtarët e MEK në Shqipëri.

Në fund të marsit, mediat shqiptare raportuan se forcat e tyre të sigurisë kishin arrestuar dy iranianë që erdhën për të mbledhur informacione dhe për të spiunuar anëtarët e MEK.

Vidal-Quadras paralajmëroi: “Përvoja e kaluar ka treguar që këto lloj aktivitetesh janë preludë ndaj akteve terroriste. Dhe për të plotësuar këtë përpjekje, regjimi iranian po përgatit veprime në Parlamentin Evropian, me ndihmën e disa deputetëve pro regjimit Iranian, të dizajnuara për shpërndarjen e gënjeshtrave dhe akuzave kundër opozitës”.

Ai tha se Ministria e Inteligjencës dhe Sigurisë (MOIS) rekrutoi Massoud Khodabandeh, të lindur në Iran, dhe bashkëshorten e tij britanike, Ann Singleton, për të demonizuar MEK-un. Nëse nuk do të ishte për Komisionin Parlamentar Britanik për Lirinë e Iranit dhe deputetë të tjerë, atyre do t’u ishte dhënë një platformë në Parlamentin Britanik për të shpërndarë keqinformime rreth MEK-ut.

Singleton ka udhëtuar në Shqipëri të paktën tre herë në muajt e fundit, ku ajo flet keq çdo herë ndaj MEK-ut.

Vidal-Quadras tha se Singleton dhe disa të tjerë do të marrin pjesë në një takim në Parlamentin Europian në ditët e ardhshme (në vijim të aktiviteteve të tyre kundër popullit iranian dhe MEK).

Ai tha se është thelbësore që autoritetet përkatëse të veprojnë menjëherë, veçanërisht kur ka indikacione nga ngjarjet e kaluara se një sulm terrorist mund të jetë i afërt. Ai theksoi se regjimi nuk po rrezikon vetëm sigurinë e refugjatëve iranianë dhe të anëtarëve të MEK, por Evropës si një e tërë.

Image

Shqipëria e rrezikuar nga sulmet terroriste, agjentë iranian me mision Read More »

Erdogan i kërkon Edi Ramës koka kurbani gylenistësh në Shqipëri!

Leave a Comment / Aktualitet, Politike / /

Lufta për marrjen e gylenistëve nuk po mbyllet vetëm në Kosovë. Tash Erdogan është duke kërkuar nga Edi Rama, koka edhe në Shqipëri. Së fundmi, T7 mëson se Erdogan ka kërkuar shkarkimin e udhëheqësit të myslimanëve të Shqipërisë, Skënder Brucaj. Ndërsa ky i fundit ka thënë për T7, se askush nga qeveria nuk mund të ndikoj në shkarkimin e tij ani pse T7 mëson se Turqia ka kohë që është duke tentuar të fus duart në këte institucion

T7 mëson, presidenti turk kërkon shkarkimin e udhëheqësit të myslimanëve të Shqipërisë

“Operacioni i fundit në Kosovë nuk është as i pari, nuk do të jetë as i fundit. Prej këtu e falënderoj presidentin e Kosovës. Por kryeministrit i them ‘Turp”.

Kjo ishte deklarata Presidentit kontrovers të Turqisë, Rexhep Taip Ergodan, ditën kur kidnapuan dhe u deportuan nga Kosova gjashtë gylenistët.

Në këtë aksion, ndihmë të drejtpërdrejtë kishte dhënë Presidenti Hashim Thaci gjë të cilën e konfirmoi edhe vetë Erdogani i cili dërgoi falënderimie shefit të shtetit kosovar.

Mirëpo, Erdogan nuk do që të ndalet me kaq. Rrjetin e gylenisteve jo vetëm në Kosovë por edhe në vendet tjera, i dëshiron në burgjet turke,.

Erdogan filmin horror nuk po e përfundon vetëm në Kosovë. Ai që nga 2016 pasi që edhe përjetoi pucin ushtarak ndaj tij kishte bërë thirrje se të gjitha vendet të e ndihmojnë atë, që të arrestojë personat që kanë lidhje me Gylenin.

Televizioni T7, mëson se autokrati Erdogan ka kërkuar edhe nga Edi Rama që të shkarkojë nga detyra kryetarin e Komitetit mysliman në Shqipëri, Skender Brucaj. Udhëheqësi turk e ndërlidh Brucajn me rrjetin e gylenistëe në Ballkan.

Edhe pse nuk është bërë ende publike nga qeveria e Shqipërisë, T7 mëson nga burime shumë të sigurta se, Erdogan i ka thënë Ramës  që Brucaj është përkrahës i gylenistëve dhe për këtë shkak ai nuk duhet të jetë në krye të KMSH-së.

T7 ka kontaktuar me kryetarin e KMSH-së, Skender Brucaj ku ky i fundit ka thënë që një gjë e tillë nuk mund të ndodh.

Brucaj e ka arsyetuar mos shkarkimin e tij të pretenduar, duke thënë se kjo është e pamundur pasi që Kryetari i KMSH-së, zgjedhet ose shkarkohet vetëm nga instancat brenda institucionit, që janë të shkëputur nga politika dhe Qeveria.

Mirëpo, edhe pse Brucaj është treguar i rezervuar në përgjigje, T7 nga burimet e brendshme të këtij institucioni, ka mësuar  se Turqia shumë herë ka dashur të shtijë dorë në Komitetin mysliman të Shqipërisë.

Mësohet se para 8 vitesh kishte një tentative për puç institucional ndaj kryetarit te atëhershëm të ndjerit Selim Muça por grupi i mbeshtetur nga qeveria turke te udhëhequr nga Betim Truçi dhe Ermir Gjinishi (i akuzuari i vetëm për vrasjen e ish sekretarit te KMSH Sali Tivari) dështuan dhe gjykatat shqiptare u dhane përgjigjen e duhur.

Por, edhe pse Brucaj pretendon në këtë mënyrë, presidenti turk nuk ndalet vetëm me kaq.

Në vitin 2016 ambasada turke në Tiranë i kishte dërguar një shkresë Ministrisë se Arsimit, që të ndalojë vendosjen e simboleve të Turqisë, flamujt në shkollat në Shqipëri, pasi që ata pretendonin se disa prej atyre shkollave kanë lidhje me Gylenin.

Dhe pas kësaj shkrese, simbolet u larguan.

Por, kërkesat e turqve nuk mbaruan këtu. Erdogan kishte urdhëruar Edi Ramën  që edhe shkollat e lëvizjes së Gylenit të mbylleshin, por kjo kërkesë i rezultoi negativisht, Kërkesa të njëjta kishte pasur edhe për udhëheqësit e Kosovës, përfshirë Hashim Thacin, Isa Mustafën, Behgjet Pacollin, Enver Hoxhajn e Arsim Bajramin.

Sidoqoftë, edhe Kosova, edhe Shqipëria  i kishin kthyer mbrapsht kërkesën e Erdoganit me argumentin se për sa kohë janë të licencuara dhe përmbushin standardet shkollat s’kanë pse të mbyllen.

Ndryshe nga liderët e Kosovës që u ndihmojnë Turqisë në aksionë të tilla, të arrestohen profesorë të bijëve të tyre, në Shqipëri shkollat e tilla kenë mbrojtje dhe funksionajnë që nga dita e parë.

Televizioni shtatë mëson ekskluzivisht se ku kanë diplomuar disa nga fëmijët e ministrave shqiptarë.

Është vajza e ministres së arsimit Lindita Nikolla, Livia Nikolla e cila ka studiuar në universitetin “Epoka” , pastaj vajza e ish-ministres së integrimit, Majlinda Bregut, Kejda Ajvazi e cila ka studiuar tek Turgut Ozal. Në po të njëjtin kolegj pra “Turgut Ozal”, studimet i ka përfunduar edhe vajza e ish zv/kryeministrit tashme ministrit të bujqesisë, Niko Peleshit, Aleksia Peleshi. Shkollimin në kolegje turke, e bën edhe djali i Presidentit të Shqipërisë, Ilir Meta, Bes Meta. Ky i fundit, studimet është duke i bërë në kolegjin “Turgut Ozal”.

Vec kolegjit “Turgut Ozal” dhe univeristetit “Epoka”, edhe fëmijët e Arta Marku Prokurore e Pergjithshme e Perkohshme, Blendi Klosi minister i Turizmit dhe Mjedisit, Taulant Balla deputet i PS, dhe

Flamur Noka – deputet i Partise Demokratike studiojnë në shkollat që pretendohet të kenë lidhje me gylenin.

T7 mëson listën e institucioneve arsimore që Erdogan i kërkon Kryeministrit të qeverisë shqiptare t’i mbyll ato.

Medresetë në Tiranë, Shkodër, Durrës, Kavajë, Elbasan, Berat dhe Korçë.

Kolegjet turke në Shqipëri, si kopshti “Mehmet Akif”, shkollat fillore dhe te mesme, për djem dhe për vajza.

Kolegji “Hasan Riza Pasha” në Shkodër si dhe Kolegjet “Turgut Ozal” në Tiranë dhe Durrës.

Kolegji Gulistan, Instituti i Edukimit Gulistan si fondacion, qendra e kurseve me emrin “Meridian”.

Fonadacioni i edukimit “SEMA”

Shkolla në gjuhën angleze, “Memorial International School of Tirana”.

Universitetet “Bedër” dhe “EPOKA”.

Qendrat kulturore, “Horizontet e Reja” dhe “Drita Islame”.

Jehona “Gylenistë” u bë më e zhurmshme prej ngjarjes së fundit që ndodhi të enjten që lam pas, kur në mëngjes policia e Kosovës bashkë me intelegjencën kosovare dhe turke dhe me urdhër të Ministrisë së brendshme kishte arrestuar gjashtë gylenistë, dhe po të njëjtit në procedurë të përshpejtuar ua kishte dorëzuar autoriteteve të Turqisë.

Shkak i kësaj ngjarje kryeministri Haradinaj shkarkoi ministrin e brendshëm Flamur Sefaj dhe drejtorin e AKi-së,Driton Gashi, ku pas shkarkimit, Erdogan kishte kërcënuar Haradinajn ndërsa Presidentit Thaci i kishte thurur vargje lavde.

Erdogan i kërkon Edi Ramës koka kurbani gylenistësh në Shqipëri! Read More »

Ironia e Tinka Kurtit për publikun shqiptar: Bërtasin vetëm ‘Rroftë Robert Ndrenika’, ne të tjerëve na lënë në hije

Leave a Comment / Aktualitet, Art-Kulture / /

Aktorja e madhe Tinka Kurti, ishte e ftuar në emisionin “Thumb” të gazetareve Fatma dhe Aulona, ku në një bisedë për të rikujtuar kantautorin e parë shqiptar, Françesk Radi, janë ndarë kujtimet më të bukura me të ndjerin.

Në fund të intervistës, Tinka Kurti “thumboi” publikun shqiptar me mesazhin e saj, kur tha:

“Ne jemi në një fushë futbolli ku është një perde. Pas saj janë regjizori, puntorët e skenës kurse para jemi ne aktorët”, – ka thënë aktorja e mirënjohur dhe e nderuar me shumë çmime.

“Por, unë bëj një pas të bukur dhe golin e bën Robert Ndrenika, dhe të gjithë [publiku] bërtasin ‘Rroftë Robert Ndrenika’ e ne të tjerave na lënë në hije”.

Ironia e Tinka Kurtit për publikun shqiptar: Bërtasin vetëm ‘Rroftë Robert Ndrenika’, ne të tjerëve na lënë në hije Read More »

Artan Hoxha: Ky është kushti që Klement Balili ka vënë për t’u dorëzuar

Leave a Comment / Aktualitet, Lajmi i fundit / /

Pas deklaratës së ambasadorit amerikan Donald Lu, se Klement Balili mund të arrestohet shumë shpejt, brenda ditëve që vijnë, ai është kthyer në top listen e agjencive ligjzbatuese shqiptare. Në emisionin “Kjo jave” të Nisida Tufës, gazetari Artan Hoxha, tha se Klement Balili ka vëne një kusht për t’u dorëzuar, me negocim për të përfituar nga rrethanat lehtësuese në gjykim.

DEKLARATA E ARTAN HOXHES:

E ka bërë traditë ambasadori Donald Lu, u referohet me emra konkretë edhe pse jo në çdo rast ajo që ka thënë ai ka rezultuar më pas e kryer nga agjensitë tona të zbatimit të ligjit, por duke përmendur emra konkretë është përpjekur të përcjellë mesazhe të forta dhe për ti dhënë një mesazh klasës politike të mos vazhdojë të sigurojë paprekshmërinë e organizatave të mëdha kriminale që vazhdojnë të jenë aktorë shumë të rëndësishëm në trafikun e drogave të forta duke siguruar sasi të mëdha financiare, që nëpërmjet tyre influencohet edhe në zgjedhjet parlamentare apo lokale.

Duket sikur Balili ishte harruar dhe u desh ndërhyrja e ambasadorit për ta rikthyer edhe një herë në skenë. Përmendja e fundit s’ka qenë në Shqipëri, por ka qenë në vendet e BE. Balili vazhdon të jetë në kërkim që nga 12 maji i 2016 dhë është më i kërkuari në Shqipëri. Pas përmendjes së emrit të Balilit, dëgjojmë një debat të fortë mes opozitës dhe mazhorancës në Parlament.

Balili është një personazh që nëse do shohim të kaluarën, çuditërisht rezulton i lidhur me të gjitha palët, në fushata elektorale, duke mbështetur njërën apo tjetrën në varësi të situatave që kanë qenë në vend.

Ai vazhdon të jetë në kërkim, hetimet në Shqipëri nuk kanë ecur dhe kjo është një problem i madh, se prokuroria jonë kur ishte Llalla deklaronte se autoritetet greke vonojnë dërgimin e materialeve shtesë për çështjen Balili.

Por ka një hetim që ka filluar në prill 2016 që edhe ai nuk ka ecur. Fakti që dosja s’është dërguar ende në gjykatë ka ndikuar që edhe Balili të mos dorëzohet.

E dëgjova ambasadorin, nuk e di nga e ka ai atë informacion, por di që ka përpjekje të mëdha të policisë shqiptare për ta arrestuar, edhe kohët e fundit, ka një shërblim të konsiderueshëm, për personin që ndihmon, 100 mijë eruro, por edhe kjo s’ka rezultuar masë efektive.

Ka pasur përpjekje të negociojë në lidhje me një dorëzim të mundshëm që të përfitojë dhe ti njihet si rrethanë lehtësuese gjatë procesit gjyqësor.

Balili ka deklaruar se nuk dorëzohet sa kohë që dosja e tij nuk shkon në gjykatë, këtë e ka ngritur si nje kauzë të vetën se s’ka besim se do ketë një proces të drejtë në gjykatë dhe së dyti i trembet interfrencave politike dhe këmbëngul pse duhet të dorëzohet ndërkohë që me legjislacionin shqiptar ai mund të qëndrojë në paraburgim deri në 2 vjet.

Ka deklaruar që në momentin që dosja e prokurorisë shqipare shkon në gjykatë, nga ai moment mund të shikojë mundësinë që të dorëzohet se afati i qëndrimit të tij nga ai moment e mbrapa është i caktuar me ligj.

Në Greqi hetimet kanë vazhduar, prokuroria ka dorëzuar dosjen në gjykatë, por për personat që nuk arrestohen, çështja pezullohet, në rastin konkret ai s’është arrestuar dhe pjesa e dosjes së tij është veçuar nga ata që jane dërguar në gjyq.

Në Greqi mesa di une s’ka burgim të përjetshëm për trafikun e narkotikëve, megjithatë kjo i mbetet gjykatës. Besoj se shumë shpejt do kemi mundësinë ta dëgjojmë edhe Klement Balilin.

Balili ka një avantazh të mos ketë rrjedhje informacioni në zonën ku është me origjinë dhe ku ka banuar, ndryshe nga pjesa tjetër kriminale, Balili s’ka armiq natyralë dhe nuk është përfshirë në asnjë vrasje.

Artan Hoxha: Ky është kushti që Klement Balili ka vënë për t’u dorëzuar Read More »