Ndonëse Britania, Gjermania dhe Franca kanë parë milion azilantë, kryebashkiaku i Portell, një fshat spanjoll ka dalë me një zgjidhje origjinale për të evituar që shkolla e fshatit të mos mbyllet për shkak të mungesës së nxënësve.
Ai planifikon t’i ofrojë familjeve me fëmijë një vend pune dhe strehim me qira për 50 euro në muaj, në këmbim të vendosjes në Portell, një fshat në Spanjën lindore.
“Ne u takuam me bordin e shkollës në janar, para se të fillojë semestri i dytë dhe kishte në total 7 nxënës. Vitin e ardhshëm do të ishin vetëm katër dhe ishin dy motra dhe dy vëllezër. Mësimi do të ishte monoton, duhet më shumë diversitet”, thotë kryebashkiaku Alvaro Ferrer.
Duke folur për familjet e përzgjedhura, Ferrer thotë se ato do të ishin zgjidhje nëse vendosin të qëndrojnë në Portell. Sidoqoftë, ai thotë se i ka ruajtur të dhënat e kandidatëve të tjerë, në rast se nuk funksionon me familjet e përzgjedhura.
Provinca e Castellon, ku edhe ndodhet Portell, vuan nga depopullimi. Sipas të dhënave rajonale, 86% e komunave të saj kanë më pak se 5 mijë banorë dhe 19 prej tyre, më pak se 100 banorë.
I dyshuari si atentator i Artan Cukut, Mikel Shallari merr statusin e bashkëpunëtorit të drejtësisë
Shallari aktualisht është i vetmi i arrestuar lidhur me atentatin ndaj ish komisarit të policisë, Artan Cuku.
Ndërkohë nga hetimet ka rezultuar se porositësit e vrasjes janë persona që ndodhen jashtë Shqipërisë.
Dosja e hetimeve të ndjekura nga prokurori Henrik Ligori janë drejt fundit.
Ish drejtori i Policisë së Vlorës Artan Çuku u ekzekutua me armë zjarri rreth orës 20:45 (8 prill 2017) në zonën e njohur si “Rruga e Kosovarëve” në Tiranë. Ekzekutimi, i cili mendohet se është kryer nga 2 autorë ka ndodhur në hyrjen e pallatit ku Çuku banonte.
Pista e hetimit e ekzekutimit mafioz është ajo për shkak të detyrës.
Është shmangur një tragjedi e vërtetë. Ndërhyrja në kohë nga një punonjës policie ka bërë që të shpëtohet nga vdekja një grua shqiptare, bashkë me fëmijë disa muajsh.
Ngjarja ka ndodhur pasditen e djeshme në Komo, Itali.
Siç shkruajnë mediat e vendit fqinj, rreth orës 17:50 minuta të ditës së djeshme, në tentativë për të kaluar, një makinë që drejtohej nga një grua shqiptare 34-vjeçare, kishte mbetur mbi shina.
Fatkeqësisht makina kishte mbetur mes dy barrierave të ngritura, për shkak se po vinte treni.
Situata dukej se do të bëhej e rëndë. Në makinat që ndodheshin duke pritur për të kaluar treni, ndodhej një punonjës policie, por që ishte jashtë orarit të shërbimit.
Duke parë makinën që kishte mbetur mbi shina dhe panikun e gruas, ai menjëherë kishte ndërhyrë. Fillimisht ka njoftuar policinë, që të ndalohej treni, më pas ka nxjerrë nga makina gruan me fëmijën disa muajsh.
Pas këtyre veprimeve polici, kishte nxjerrë dhe makinën nga shinat me qëllim që të mos përplasej. Nga ana tjetër, policia kishe njoftuar në kohë makinistin e trenit i cili kishte ndaluar duke pritur që situata të ishte e sigurtë.
Pas gjithë veprimeve, gruaja shqiptare bashkë me fëmijën shpëtuan e treni kaloi në mënyrë të sigurtë mbi shina.
8 ditë pas vdekjes së 13-vjeçares, familja Smajli nga fshati Berishë i Pukës ka thyer heshtjen duke bërë me faj bluzat e bardha në Fushë Arrëz për humbjen e vajzës.
I ati i 13-vjeçares Lini Smajli tregon momentet e rënda kur vajza dha shpirt si dhe telefonatën me mjekun e familjes që sipas tij pa e parë dhe vizituar fëmijën e ka këshilluar të mos shqetësohet por ta trajtojë me paracetamol me argumentin se është grip.
Humbja e vajzës e ka dërrmuar në shpirt por thotë se rron me shpresë që të paktën të shpëtojë vajza tjetër, më e vogël që prej 8 ditësh ndodhet në reanimacionin e pediatrisë në QSUT e prekur nga një pneumoni masive në anën e djathtë, raporton “BW”. E pyesim nëse e ka parë vajzën dhe se çfarë ka biseduar me mjekët por lini vetëm ngre supet.
Nga kryefamiljari mësojmë se e gjithë familja Smajli ka braktisur shtëpinë në fshatin e thellë në Fushë Arrës dhe është transferuar momentalisht në pavijonet e QSUT ku veç vajzës 11-vjeçare mbahen të shtruar edhe 3 djemtë, që ndodhen në shërbimin infektiv për të rritur.
60-vjeçari mezi i mban lotët teksa flet për dramën që ka pllakosur në familjen e tij të varfër ku edhe e vetmja e ardhur nga ndihma ekonomike 5 mijë lekë në muaj i është ndërprerë që në janar pasi siç thotë edhe vetë e ka pasur të pamundur të shkojë në qytet për të bërë dokumentet për shkak të izolimit nga dëbora.
Për qeverinë ka vetëm një lutje, që ta ndihmojë në hallin e madh që i ka rënë.
Të kontaktuar nga News24 burime zyrtare nga QSUT pohojnë se gjendja shëndetësore e 11-vjeçares është përmirësuar ndjeshëm dhe se është jashtë rrezikut për jetën ndërsa mjekët po mendojnë për ta transferuar në pavijon.
Të shëruar konsiderohen edhe 2 djemtë e mëdhenj të familjes Smajli që thuhet se do të lënë spitalin ditën e mërkurë. Djali tjetër do të vazhdojë të qëndrojë në spital për shkak të infeksionit në vesh që i shkakton gjakderdhjen.
Sipas spitalit “Nënë Tereza” shërbimi mjekësor i ofruar për 4 fëmijët e familjes Smajli ka qenë maksimal dhe nuk i ka munguar asnjë medikament.
MË TË LEXUARAT
Këto janë shtetet më të pasura në botë
Fotot e “VIP-ave” shqiptarë që nuk do të donin të qarkullonin në rrjet
Armike të betuara/ Të famshmet që e urrejnë për vdekje njëra-tjetrën
Renditja/ Shenjat që do bëjnë namin në Prill sipas astrologes së njohur
Bjondja dhe kuqsja tërbohen keq për një Genc: Ta fus p*dhin mu në gojë
Ndër veprat penale për të cilat i ka paditur policia Lulzim Basha, Monika Kryemadhin, etj, janë ajo e pjesëmarrjes në tubime të paligjshme, si dhe bllokimi i rrugës së automjeteve.
Policia e shtetit ka proceduar penalisht për disa vepra penale një numër të konsiderueshëm përfaqësuesish të opozitës si dhe përkrahësit e tyre, për sa, i takon bllokimit të disa ditëve më parë të rrugëve në disa akse të vendit, shkruan Shqiptarja.com. Ndër veprat penale për të cilat i ka paditur policia përfaqësuesit e lartë të opozitës, mes të cilëve janë edhe kryetari i PD-së Lulzim Basha, si dhe kryetarja e LSI-së Monika Kryemadhi, janë ajo e pjesëmarrjes në tubime të paligjshme, si dhe bllokimi i rrugës së automjeteve.
Vepra e parë penale, parashikon nga një dënim me gjobë deri në një dënim maksimal me një vit burg.
Më i rreptë është ligji për sa i takon bllokimit të rrugës duke penguar qarkullimin e automjeteve.
Në këtë rast parashikohet nga dënim me gjobë deri, në katër vite burg.
Deputetët e proceduar, ndër të cilëve ka edhe emra të njohur opozitarë si Flamur Noka, Kejdi Mehmetaj, Oerd Bylykbashi, etj, në rast se hetohen dhe shpallen fajtorë për një vepër të tillë, sipas Kodit Penal mund të burgoseshin deri në një maksimum prej katër vjetësh, në rast se Parlamenti vendos që t’ua heqi imunitetin që i mbron nga arrestimet.
Ështe krijuar ideja se piratët e korrupsionit jetojnë e veprojnë vetëm në metropol dhe në zona bregdetare. Nuk është e vërtetë.
Korrupsioni i shtetarëve jo vetëm nuk njeh kolor politik por as krahinor.
Besnik Dushaj kryetari aktual i Bashkisë Tropojë është shembulli brilant se si me korrupsion e abuzivitet mund të bëhesh pasanik edhe në skajet veriore të vendit.
Konkretisht po i bëjmë një parantezë corriculum vitae-s të z. Dushaj përpara argumenteve konkretë të cilët përbëjnë vepër penale dhe apelojmë prokurorinë e përgjithshme të regjistrojë urgjentisht procedim penal kryesisht.
Besnik Dushaj është një mediokër i pashkolluar. Rininë e tij e kaloi si bari kecash pa ndonjë talent baritor dhe pastaj pati ngritje në detyrë si transportues qumështi i fermës B.Curri!
Pas viteve ’90 Dushaj u bë për disa mandate kryetar i komunës Dushaj, Tropojë.
Pastaj për dy mandate ai u nominua nga PD-ja deputet i Kuvendit të Shqipërise.
Në vitin 2015 ndërpreu mandatin për tu zgjedhur ne krye të Bashkisë Tropoje.
“Gojët e liga” flasin se ai ja shiti mandatin sa frëngu pulën Mimoza Hajdarmatës, bashkëshorte e një ish drejtori policie i cili përflitet për abuzime me detyrën dhe përfitime të mëdha.
Ky Dusha i “urtë” sot jeton në një vilë supërluksoze ku konkuron në luks dhe komshiun e tij Adriatik Llalla.
Edhe fëmijët e tij adoleshentë konkurojnë në makina e jetë mondane me ata të Llallës e politikanëve të tjerë që janë frekuentues të Bllokut. Por nuk është ky objekti i shkrimit.
Është një vepër e rëndë penale e kryer haptaz nga zoti Dusha në dëm të një qytetari-bisnesmen ndoshta i vetmi investitor që me djersën e tij ka riskuar të ndërtojë një kompleks i cili spikat si e vetmja risi në qytetin alpin të Bajram Currit.
Konktetisht shoqëria “Valbona investment”Sh.p.k. ka lidhur një kontratë për ndërtimin e një kompleksi banim-shërbimi me një pronar trualli i cili zotëron gjithë dokumentet ligjore të pronësisë.
Nga Bashkia Bajram Curri po kjo kompani është pajisur me leje ndërtimi me dt.21.03.2013 me nr.prot.316 për ndërtim kompleks banimi 2 dhe 7 katësh.
Leja mban firmën dhe vulën e ish-kryetarit të Bashkisë z.Agron Demushi.
Edhe pse po kjo bashki ka ripërsëritur lejen me dt.4.05.2015 dhe kryetari aktual Besnik Dushaj sipas një kërkese të dt.31.08.2016 ka dhënë leje për 4 muaj shtyrje afati të ndertimit, rezulton se abuzivisht toka qenka regjistruar si pronë e Bashkisë.
Për të gjithë sa thamë disponojmë dokumente valide ligjore të cilat panalizojnë rëndë jo vetëm kryetarin abuzues të Bashkise por dhe regjistruesin e ZRPP Tropojë.
Arësyeja e këtij veprimi pasi pothuajse investimi ka përfunduar është i qartë; presion korruptiv ndaj investitorit për tu “falur” në xhaminë e Besnikut të partisë.
Ky rast jam i sigurt se nuk do ngelet vetëm mediatik por një veprim konkret qytetar kundër korrupsionit duke dorëzuar dosjen në zyrën e Prokurores së Përgjithshme të Republikës zonjes Arta Marku.
Besoj se autoritetet ligjore në Tropojë të shprehin interes dhe të marrin indicje nga ky shkrim për të filluar hetimin e këtij rasti skandaloz abuzimi e shantazhi të zyrtarëve me pushtetin.
Një tjetër ndërtesë është sekuestruar në bregdetin e Durrësit, pasi kishte shtuar kate pa leje. Mësohet se me kërkesë të Prokurorisë së Rrethit, Gjykata e Durrësit ka vendosur sekuestro preventive për një hotel më zonën e plazhit.
Pas objektit 9-katësh dhe atij në ndërtim e sipër pranë Urës së Dajlanit, Gjykata ka pranuar kërkesën e Prokurorisë, duke vendosur sekuestron mbi një ndërtim të paligjshëm, që ndodhet në lagjen Nr.13 Plazh, rruga “Venezia”, në anën e rërës. Sipas të dhënave, në një hotel ekzistues ishin ngritur pa leje 3 kate të tjera. Bëhet fjalë për hotelin “Perandor”. “Më datë 23.02.2018, u regjistrua procedimi penal nr.325 për veprën penale të “Ndërtimit të paligjshëm”, kryer për qëllim fitimi, parashikuar nga neni 199/a3 dhe 248 të Kodit Penal.
Ky procedim penal filloi për shkak se nga Sektori për Hetimin e Krimit Ekonomik dhe Financiar, në Drejtorinë Vendore të Policisë Durrës, është bërë referimi i materialit kallëzues lidhur me një objekt në ndërtim, në lagjen Nr.13 Plazh, rruga “Venezia”, në anën e rërës”, bënë të ditur burime nga Gjykata e Durrësit.
Sipas Prokurorisë, është shkuar në vendngjarje dhe është identifikuar objekti që rezulton në pronë- si të shtetasit me inicialet D.M., i cili ka ndërtuar tri kate shtesë mbi objektin ekzistues hotel “Perandori”, që është 6 kate mbi tokë +1 kat nëntokë. Në këto kushte, Prokuroria e Rrethit Gjyqësor Durrës ka kërkuar vendosjen e masës së sekuestros preventive për tri katet shtesë; përkatësisht katet 7, 8 dhe 9 mbi objektin ekzistues hotel prej 6 kate mbi toke + 1 kat nën tokë.
Gjykata ka pranuar kërkesën e Prokurorisë, duke vendosur sekuestron preventive mbi ndërtimin e paligjshëm të referuar më sipër. Një javë më parë, Gjykata vendosi sekuestro preventive për objektin 9-katëshnë zonën e Plazhit. Ndërsa më herët, u vendos sekuestro edhe për objektin në ndërtim e sipër në zonën e brezit të rërës në vendin e njohur si Ura e Dajlanit.
Ndërkohë, Prokuroria vijon hetimet për zbulimin e të tjera ndërtimeve pa leje, pjesa dërmuese e të cilave tashmë ndodhen edhe të legalizuara dhe të hipotekuara në kundërshtim me ligjin, shkruan Panorama.
Prej disa kohësh, organi i akuzës në Durrës ka vënë në shënjestër rreth 30 punonjës të ALUIZNI-t dhe Hipotekës, të cilët dyshohet se nëpërmjet falsifikimit të dokumentacioneve kanë legalizuar dhe hipotekuar objekte të ndryshme. Deri më tëni janë evidentuar tri raste, ku për të tri objektet Gjykata ka vendosur masën e sekuestros.
Zhvlerësimi i euros vijon në tregun vendas të këmbimit valutor dhe ditën e sotme kjo valutë i ështërikthyer niveleve nën 130 lekë. Pas një ngjitjeje që nisi 10-ditëshin e fundit të muajit Mars, u duk se valuta e përbashkët europiane mund t’i kthehej vlerave normale duke kapur edhe vlerën e 132 lekëve, por tashmë duket se rënia do të vazhdojë.
Sot një euro këmbehet për 129.8 lekë, duke u zhvlerësuar me 0.2 pikë të tjera kundrejt lekut krahasuar me ditën e djeshme. Në ndihmë të kësaj rënieje mund të kenë ndikuar edhe të dhënat e fundit që tregojnë se eurozona ngadalësoi prodhimin.
Ndërkohë, luhatjet kanë qenë pozitive sot për valutat e tjera kryesore, dollarin amerikan dhe paundin britanik.
Dollari u rrit me 0.4 pikë, duke u rikthyer në nivelet e javës së kaluar. Megjithatë pritshmëritë për këtë valutë janë të lidhura ngushtësisht me tensionet në tregtinë globale. Gjithsesi, dollari mbetet ende në nivelet më të ulëta të 4 viteve të fundit në raport me lekun.
Perspektiva pozitive për arritjen e një marrëveshjeje të kënaqshme për daljen nga Bashkimi Europian, ka favorizuar ditën e sotme edhe paundin britanik. Mbështetur nga ecuria e mirë e ekonomisë ishullore, stërlina fitoi 0.4 pikë në raport me monedhën vendase. Pritet që ky trend të vazhdojë gjatë gjithë pranverës, pasi në Maj Banka e Anglisë planifikon edhe një rritje të normave të interesit.
E pandryshuar ditën e mërkurë ka qëndruar vlera në treg e dollarit australian, ndërsa dollari kanadez i gëzohet luhatjes më të madhe pozitive të ditës, duke shtuar plot 1 pikë në raport me lekun. Ndërkohë, franga zvicerane ka rënë me 0.3 pikë krahasuar me ditën e martë dhe është tashmë 4 pikë larg atij që mund të quhet kursi i saj normal. /SCAN.
