Aktualitet

Një 42-vjecare ka rrëfyer në emisionin ‘Me zemër të Hapur’ në News24 peripecitë e martesës si dhe dhunën fizike dhe psikologjike të ushtruar nga ish bashkëshorti i saj. Kozeta Kulli është 42 vjeç me origjine nga Berati. Ajo u martua ne vitin 1996 me Ylvi Hazizin, qe aktualisht është 47 vjeç.

Ata sollën ne jete dy vajza, Altea qe është 20 vjeç dhe Elva 11 vjeç. Kozeta është dhunuar fizikisht dhe psikologjiskëshit nga bashkëshorti i saj për vite te tera. 42-vjecarja e martuar me shkuesi thotë se bashkëshorti e trajtonte si pronë të tijën dhe ushtronte dhunë edhe ndaj vajzës së madhe.

Kulmi i çiftit arriti ne vitin 2011, ku nena e dy vajzave vendosi të divorcohet dhe u bë ndarja e pasurisë. Dy vajzat kaluan me nenën dhe babai duhet të paguante detyrimin ushqimor çdo muaj, gjë të cilën nuk e ka berë. Kanë kaluar shumë vite nga divorci, dhe ai nuk është kujdesur kurrë për vajzat.

“Ne jemi njohur me shkuesi dhe brenda dy muajsh ne jemi fejuar dhe martuar. Përgjatë një viti dukeshin sikur gjërat po shkonin mirë. Nuk e njoha sa duhet personin që unë u martova. Unë mendoja se do përmirësohej situata me ardhjen në jetë të vajzave, por bashkëshorti im ishte i papërgjegjshëm dhe nuk punonte.

Ishte dembel dhe nuk punonte. Unë nuk doja që të divrcoheshim dhe pas 9 vitesh erdhi në jetë vajza e dytë. Por ai nuk ndryshonte dhe kuptova që nuk shtyhej më. Kishte mendime të dobëta. Më trajtonte sikur isha pronë e tij. Ti je e imja thoshte dhe bëj si të them unë.

Ke ardhur ti tek unë thoshte dhe jo unë tek ti. Ushtronte dhunë edhe ndaj vajzës së madhe. Nuk di ta shpjegoj , por ai ushtronte dhunë fizike dhe psikologjike ndaj vajzës se kishte frikë se ajo do vinte me mua nëse do ndaheshim. Vajza e madhe ishte 12 vjeç kur unë mora vendimin për ndarjen nga bashkëshorti”- thotë Kozeta Kulli.

Një shpërthim i fuqishëm me tritol ka tronditur banorët e qytetit të Patosit.

Mësohet se në orët e para të mëngjesit të djeshëm, persona ende të paidentifikuar kanë vendosur eksploziv në automjetin tip “Nisan” në pronësi të Eriselda Agalliut, mësuese matematike në gjimnazin “Zhani Ciko” të këtij qyteti.

Ngjarja ka ndodhur rreth orës 01:30, në lagjen “1 Maj” të këtij qyteti. Dyshohet se lënda plasëse ishte vendosur në pjesën e përparme të mjetit.

Si pasojë e shpërthimit është dëmtuar mjeti (Agalliu e kishte parkuar para banesës së saj), ndërsa nuk ka pasur persona të lënduar. Burime nga vendi i ngjarjes pohuan se në momentin që ka ndodhur shpërthimi, mësuesja dhe djali i saj i vogël 5-vjeçar kanë qenë në gjumë.

Po të njëjtat burime thanë se ngjarja është e përsëritur, pasi mësueses Eriselda Agalliu edhe një makinë tjetër tip “Lancia” i është hedhur në erë 5 muaj më parë.

E kontaktuar nga “Gazeta Shqiptare”, mësuesja u shpreh se është shumë e tronditur dhe se ka treguar gjithçka në polici (ka dëshmuar për afro 4 orë): “Jam shumë e shqetësuar dhe nuk më lidh asgjë me atë që ka ndodhur.

Nuk kam asnjë konflikt. Nuk e lidh dot me asgjë ngjarjen. Di të them vetëm që jemi tronditur shumë. Djali i vogël është trembur shumë dhe unë nuk jam në gjendje të lidh asgjë. Ia lë në dorë policisë të zbulojë gjithçka.

Ka marrë kamerat e sigurisë që janë në të gjithë zonën dhe po i verifikon. Policia ka të gjitha deklaratat e mia. Në kamerat e sigurisë duket një makinë që kalon dhe parkohet për tri minuta pranë makinës sime e më pas largohet.

Duhet verifikuar çdo gjë. Ka shumë mundësi të jetë ngatërruar edhe makina. Të bëhet sa më shpejt gjithçka duhet. Nesër do të shkoj si çdo ditë në punë, nuk fshihem nga askush”, deklaroi Eriselda Agalliu.

Ndërkaq, banorë të lagjes dhe tregtarë që ushtrojnë aktivitetin pranë shtëpisë së saj u shprehën se mësuesja nuk është njeri problematik, madje ajo dhe familjarët e saj gëzojnë respekt dhe janë një familje e nderuar.