Aktualitet

“Pallati i drejtësisë po shembet, të korruptuarit brenda pallatit nuk kanë shpëtim”. Ky ka qenë paralajmërimi i rradhës i kryeministrit Edi Rama gjatë fjalës së tij në Asamblenë Parlamentare të PS-së.

Duke folur për procesin e Vettingut Rama tha se ora e drejtësisë po troket pa dallim për këdo që është i përfshirë në korrupsion.

“Pallati i drejtësisë po shembet, të korruptuarit brenda pallatit nuk kanë shpëtim, njerëzit po e shohin se si po përshkallëzohet procesi e si po ikin një e nga një ata që e mbajtën peng pallatin e drejtësisë, ne duhet të shpjegojmë se ata nuk shpëtojmë me kaq. Vetingu është pastrimi dhe vënie e një sistemi drejtësie që jep drejtësi dhe nuk do lërë askënd nga ata që ikin pa e rithirrur për ti thënë ku i gjete paratë.

Ashtu si njerëzit përsërisin pse s’bëhet vetingu nga qeveria dhe politika. Vetingu që po bëhet ka synimin të pastrojë sistemin dhe është sistemi që e bën pastaj për të gjithë, edhe për mua, edhe për këdoqoftë tjetër atë që sot vetingu bën për gjykatësit dhe prokurorët. Duhet të jemi krenarë që PS, që është e vetmja forcë, që mendon dhe vepron si forcë e të ardhmes”,  tha Rama.

Si çdo ditë, shefi i qeverisë zgjedh diçka për të uruar mirëmengjesin. Sot ka postuar shkrimin e një media britanike që e rendit vendin tonë mes 12 vendeve që duhen vizituar.

POSTIMI I PLOTE

MIRËMËNGJES 😃

dhe me këtë artikull të revistës britanike “EveningStandard” që e rendit Shqipërinë të parën në 12 vendet që duhen vizituar sa më parë, ju uroj një fundjavë të qetë 🌹

12 vendet që gjithkush do i ketë vizituar vitin tjetër

Ashtu si syzet e diellit “polka dots”, të viteve ’90 apo pantallonat e shkurtra prej kadifeje edhe destinacionet e udhëtimit mund të jenë’ on trend ‘po ashtu.

Në raportin më të fundit të konkurrueshmërisë së turizmit në Forumin Ekonomik Botëror, sipas prestigjozes britanike, u analizuan 136 vende për aftësinë e tyre për të qenë një destinacion i mirë turistik.

Raporti zbulon se cilat vende kishin bërë kërcimin më të madh për të mbajtur në radarin tuaj të udhëtimit.

Sipas EveningStandard, Shqipëria u rrit tetë vende në raportin më të fundit, që do të thotë se është një destinacion udhëtimi emocionues.

EveningStandard gjithashtu sugjeron lexuesit të vizitojnë Rivierën Shqiptare dhe të enden nëpër Gjirokastër, ‘qytetin e gurit’.

Këto ditë, duket se kryeministri nuk ka zgjedhur heshtjen përballë qytetarëve që e ndjekin dhe i kërkojnë përgjigje në rrjetet sociale, përvec atyre që e kritikojnë.

Ai ka shkëmbyer edhe mbrëmjen e djeshme disa replika, mes te cilëve me një qytetar shkodran.