Bazuar në grafikun paraparak javor të nisur më parë, kërkohen stakimet e mëposhtem: Në n/st Babicë220/110/35, për punime për zëvendësimin e celësit seksionues 35 kV (aktualisht i shuntuar) më dt 04.05.2018 ora 00:00 deri 06:00 do të stakohen AT-1,2 nga ana 35 kV. Do të mbeten pa tension linjat L35 Babicë-TEC1, Babicë-TEC2, Babicë-Smokthinë dhe Babicë-Xhyherinë gjatë kësaj kohe.
u njoftojmë mbi kërkesën e ardhur nga OST-ja, për stakim të AT1 e të AT2 në N/stacionin Babicë 220kV, për zëvendesimin e Celësit 35kV të Seksionimit, i cili aktualisht është i dëmtuar e i shuntuar, më stakim të Zbarrave 35kV, Seksioni I + II-të në N/stacionin Babicë 220kV, në datën 04/05/2018 si më poshtë:
Stakim të AT1 e të AT2 në N/stacionin Babicë 220kV, në datën 04/05/2018 nga ora 00:00’ deri në orën 06:00’. Pa energji mbeten Zbarrat 35kV Seksioni I + II-të në N/stacionin Babicë 220kV. Pa energji mbeten N/stacionet TEC Vlorë, Skelë, Uji Ftohtë, Xhuherinë, Radhimë, Orikum. N/stacioni Smokthinë do të furnizohet nga L30-45/1 Amonicë – Smokthinë. Numri i konsumatorëve që mbeten pa energji është : 18144 Abonente. Zonat pa energji në Rrethin Vlorë / Lagja Pavarësia, Uji Ftohtë, 10 Korriku, 2 stacione pompimi, 15 Tetori, zona pranë spitalit të vjetër , Spitali Rajonal Vlorë, Hajro Cakerri, Topana, Partizani, Karabash, Isa Boletini, 29 Nëntori, Prefektura , Kinoteatri , Gjykate e Rrethit Vlorë, qëndra Studentore , Ambulanca Qëndrore , Prokuroria, Kanina, Rradhimë, Orikum, Tragjas, Fushë e Fshat Dukat, Llogara, Shën Thanase, Jonufër, Baza Pashaliman, Babic, Risili, Ceprat, Bunavi, Kërkove, Bestrovë, Babic madhe, Babicë vogël, Xhyerin, Inertem, Sherishtë, Drashovicë, Vodicë, Mavroivë, Lapardha, Maxhare, Llakatund, Beshisht, Shushicë, Mekat.
VO: Ky stakim do të realizohet vetëm nëse kanë përfunduar punimet, për zbritjet e përcjellësave në Linjën L110-53 Babicë – Sarandë.
OST-ja të njoftojë në media për Zonat e ndërprerjes të energjisë. Veç njoftimit të dhënë nga OST-ja , Njësia TL Rajoni Jugperëndim, Drejtoria Rajonale Vlorë, për konsumatorë të rëndësishem ti rinjoftojnë përseri mbi ndërprerjen e energjisë.
Në kuadër të orjentimit dhe ndihmesës të fermerëve të zonës së Lumit të Vlorës lidhur me aplikimet për Skemën Kombëtare të Mbështetjes për Bujqësinë dhe Zhvillimin Rural 2018, në mënyrë që të përfitojnë sa më shumë financim të drejtpërdrejt nga këto skema, mora pjesë në takimin e zhvilluar pranë Agjensisë së Zhvillimit Bujqësor dhe Rural.
Në këtë takim, në prani të kryetarit të Komisionit të veprimtarive prodhuese, tregëtisë dhe mjedisit z.Eduart Shalsi, koleg deputet dhe drejtues të Agjensisë së Zhvillimit Bujqësor dhe Rural, u ndalëm tek përfituesit e masave direkte si dhe sygjerimet për përmirësimin e kësaj skeme.
Ndërkohë, ju bëj me dije se është publikuar lista paraprake e fituesve për masat direkte, aplikimet e të cilave janë kryer online në Agropika. Midis tyre, ka fitues paraprakë të cilët janë asistuar dhe shoqëruar prej zyrës sime juridike, në lidhje me proçedurat që duhet të ndjekin në të gjitha fazat.
Më poshtë, po publikoj listën e fituesve paraprakë të Bashkisë Selenicë, dhe të Njësisë Administrative Horë-Vranisht, ndërkohë ka shumë aplikues të tjerë nga Qarku Vlorë të cilët janë shpallur në listen paraprake të fituesve, duke përfshirë Bashkinë Himarë, Sarandë, Konispol, Delvinë dhe Finiq, të cilët nuk po i publikoj për shkak të madhësisë së listës. Çdo aplikant, mund të marë informacion në adresën e faqes zyrtare të AZHBR-së, azhbr.gov.al nëse është përfshirë në listën paraprake të fituesve, e cila është publikuar online.
FITUESIT PARAPRAKË TË BASHKISË SELENICË JANË:
-Për masën nr.4: Mbjellje e lajthisë dhe shegës me kultivarë të kërkuar nga tregu, janë shpallur fitues:
• Elvi Ormënaj
• Etem Islamaj
-Për masën nr.13: Instalimi i ujitjes me pika në ullishte, vreshta, pemtore etj, janë shpallur fitues paraprak :
• Avni Skëndaj
Këta aplikantë, në fazën e dytë të verifikimit duhet të kenë gati vërtetimin e bankës për numrin e llogarisë bankare, projektin e mbjelljeve si edhe dokumentacionin e pronësisë. Ndërkohë, nëpërmjet portalit E-albania, do të bëhet verifikimi lidhur me kriterin e shlyerjes së sigurimeve shoqërore.
Për masën nr:38: Mbështetje për kosheret e bletëve, është shpallur fitues:
• Astrit Balilaj
Lidhur me takimin e zhvilluar në AZHBR, propozim që u diskutua ishte ulja e numrit minimal të krerëve, të gjedhëve, të imtave dhe të koshereve të bletëve, në mënyrē që të kenë mundësi të aplikojnë për subvencione sa më shumë fermer.
Një tjeter sygjerim që ngrita ishte përfshirja në skemën e subvencionimit edhe e qumështit të deles, duke pasur parasysh se zona jonë është kryesisht zonë blegtorale.
Gjithashtu, gjeta rastin në ketë takim të vija theksin tek problematika e pronësisë mbi tokën pasi titulli i pronësisë që pjesa me e madhe e fermerëve disponojnë, është Akti i Marrjes së Tokës në Pronësi, i cili është në bashkëpronësi të gjithë familjes bujqësore dhe rrjedhimisht për të aplikuar për mbjellje, duhet dakortësia e gjithë anëtarëve të familjes bujqësore .Në kushtet kur shumica prej janë të larguar ka vështirësi për t’ u plotësuar ky kriter.
Një tjetër propozim i ngitur ishte mundësia që subvencionimi për të imtat dhe gjedhet, të behët për çdo krerë, dhe jo vetëm për lindjet e reja.
Le të jemi optimist se mbështetja për fermerët po mer drejtimin e duhur, për t’u gjendur atyre sa më pranë dhe vitin e ardhshëm të meren masat për tu bërë pjesë e skemës sa më shumë fermerë.
Kjo është përgjigjja më e mirë që mund t’ju jepja të gjithë mosbesuesve dhe atyre që me keqdashje shanë dhe ofenduan pa të drejtë në takimin me Zv/ Ministrin e Bujqësisë, që publikova në faqen time.
Ky është respekti që tregon Edi Rama për të gjithë ata që i besuan timonin e qeverisjes, për ta çuar tepsinë për skrap dhe për të ndërtuar “Shqipërinë që duam”
Duke e mbyllur doja t’ju rikujtoja se në muajn Maj hapen aplikimet për IPARD. Mos nguroni të aplikoni ! Janë 75 milon € të Komunitetit Europian në dispozicion të Fermerëve shqiptar. Suksi i radhës na pret. Forca !
RIKTHIMI I MËKATEVE TË FSHEHURA
(Duke ndjekur komedinë”SENATORI FOXS”)
Komedia “Senatori Foxs”erdhi në qytetin e Vlorës si një optikë e bukur në sytë e qytetarëve vlonjatë.Një komedi e Luigi Lunarit sjell bukur nga regjizori i talentuar Roland Minga.Një përzgjedhje përmes elementeve argëtuese e groteske,nxjerr në pah prototipin e njerëzve në dukje të pushtetshëm që fshehin drama të thella ,iluzione apo jetë tronditëse.
E shkruar kjo në atmosferën e asaj kohe që qëndron aktuale dhe në shoqërinë e sotme ku dhuna..mekatet ..flirtet..lënë pasojë fryte të hidhura dhe gjirize të fshehura.
Në këtë komedi të zezë iluzionet e hershme dhe tradhtitë bashkëshortore mbulohen me një vello në dukje e kuqje..po’ që brenda mbartin hije e veladone
Ky imazh tronditës del në pah përmes gjëndjes shpirtërore të personazheve ,humorit të hollë duke rruajtur koherencën stilistike në mënyrën e aktrimit.Këto elemente dalin qartë nëpërmjet lojës brilante të aktorëve Jorgaq Tushe,Matilda Avduli,Astrit Mamaj,Artan Islami,Vladimir Abilaj,Bruna Belaj.Përmes tharmit tipizues ,emocionit tërheqës dhe zbërthimit befasues të bie në sy dhe formulimi muzikor i Artur Dhamos.
Muzika vjen si simfoni mbresëlënëse,apo si bulëz e shijes së rrëmuar në funksion të komedisë duke lënë në kujtesë vlerat e këtij kompozitori.
Skenografia tepër orgjinale duke krijuar ato gjirize të fshehura që vinë si gjenom në funksion të komedisë.E gjithë komedia është plot tharrm ,me buzëqeshje ngerthyer nga një humor i hollë,ku jeta paraqitet bardhë e zi,
një jetë e parë në sy, e detajuar edhe kur mendon se mëkatet në këtë
jetë janë harruar.
Kjo komedi sjell një mesazh të qartë,se edhe kur kujtesa tenton apo bën sikur harron të rikthehet goditëse ..ndonjëhere mbytëse.Mëkatet vjen një ditë dhe shlyen paçka se rrugën e nderton mbi dhimbje ..ajo shembet në karuselin e shtrembër që nderton..
Nuk ka zgjatur shumë bojkoti dhe mosbindja civile e Lulzim Bashës. Sot, opozita do të rikthehet në Parlament ku ka paralajmëruar një seancë jo normale. Burime nga grupet parlamentare të PD-së dhe LSI-së, bëjnë me dije se opozita nuk do të lejojë zhvillimin e një seance normale, për aq kohë sa ish-ministri i Brendshëm vijon të jetë i lirë dhe ndjek seancat parlamentare dhe gjithashtu katër nga protestuesit e Rrugës së Kombit mbahen në burg.
Mësohet se Basha më përpara do të thërrasë në një mbledhje Grupin Parlamentar demokrat ku edhe do të vendoset se cili do të jetë qëndrimi në Kuvend.
Deputetët demokratë në seancën e sotme, nuk do të lejojnë kolegëte tyre socialistë të flasin, aksion të cilin e mbështet edhe grupi parlamentar i LSI-së. Kreu i Grupit Parlamentar të LSI-së, Petrit Vasili, deklaroi pas mbledhjes së grupit se maxhoranca me çështjet që ka vendosur në rend dite, e ka imponuar anormalitetin e seancës.
Kjo duket se është një taktikë e kryetares së LSI, e cila tashmë e bëri rrugë që të zhvishet në Kuvend. Ndërsa Basha, nga paaftësia, zgjedh bojkotin, që e mban edhe me muaj, për Monikën kjo nuk është zgjidhje.
Monika dihet se do dhunë dhe përplasje fizike. Shpesh herë, ajo fut në rradhë të parë vajza 22-vjeçare që ka zgjehdur për deputete për tu goditur fizikisht me burrat e PS. Sipas burimeve, sherret që priten të ndodhin sot, janë të inskenuara nga LSI dhe janë miratuar edhe nga PD.
Megjithëse jemi në fund të pranverës duket se duhet dhe pak kohë për t’i thënë mirupafshim reshjeve. Ndonëse këto ditë kanë qenë me temperatura të larta, aq sa plazhet e vendit janë mbushur me pushues, maji rikthen disa ditë me stuhi e rrebeshe në disa zona të vendit.
Sipas meteorologëve, pas mesditës priten rrebeshe shiu në pjesën më të madhe të vendit. Ndërsa mbrëmja pakëson ndjeshëm shirat në territor duke i lokalizuar kryesisht në Veri dhe Qendër.
Temperaturat ulen lehtë në mëngjes por rënie me 2 – 3°C sjellin orët e mesditës kur maksimumi pritet të shënojë deri 28°C.
Era do fryjë mesatare në tokë por e fortë në bregdet, me shpejtësi 55 km/h nga drejtimi Jugor duke krijuar në det dallgëzim 3-4 ballë.
TEMPERATURAT
Temperaturat minimale dhe maksimale të ajrit pritet të arrijnë:
në bregdet: 18/ 23 °C
në vendet e ulëta: 16/ 24 °C
në vendet malore: 12/ 19 °C
Pak pare nisjes së seancës plenare, Partia Socialiste ka përfunduar mbledhjen e grupit.
Në këtë mbledhje, ishte i pranishëm edhe kryeministri Edi Rama.
Në mbledhjen e kryesisë u miratua axhenda e turit të llogaridhënies.
U mor vendimi që turi i llogaridhënies do të zhvillohet në të 61 bashkitë e vendit. Turi nisi dje në kryeqytetit ku takimi i parë u zhvillua në kodrat e liqenit artificial.
Në kryesi u vendos dhe akordimi i axhendës parlamentare dhe të qeverisë.
Tahiri është duke dhënë një konferencë për shtyp nga kryesia e kuvendit. Ai ka hedhur akuza të forta për Bashën, Berishën, Kryemadhin dhe Metën, por gjithashtu ai nuk i ka kursyer akuzat e dhe për pasardhësin e tij Fatmir Xhafaj.
Tahiri është shprehur se Berisha dhe Basha vazhdojnë avazin, ndërsa Xhafaj ia kalon edhe Lulit edhe Salit.
“Unë nuk dua ti iki dhe as ti shmangem drejtësisë. Unë nuk aq forcë për të gënjyer, por forcë për të vërtetën. Njëri vinte dhe më sugjeronte, se nuk isha unë, por Rama koka e drogës dhe kështu shpëtoja, unë heshta, tregtarët dhe pazarxhinjtë dolën në treg. Tani janë të gjithë bashkë përballë meje, unë këtu jam dhe do ia dal.
Për turpin më të madh sot Visho Ajazi është ambasador. Ilir Meta sikur e do puna njëherë mbi palët… mbeta unë të dëgjoj avazin e Saliut dhe Lulit. Edi Rama në fillim i falënderoi për kontributet, ndërsa pasardhësi im ia kalon edhe Saliut edhe Lulit. Nuk i kishin aty qytete të tëra të mbjella me hashash? Tani iu thonë njerëzve dhe botës që i bëra unë. Sot në Kuvend rrinë ministra, kryeministria, askush nuk ka lëvizur gishtin, sot rrinë si engjëj, shesin dëngla e më bëjnë moral, unë u përpoqa por mbajtja dhe palaçot e politikës në kurriz duke më bërë moral., ta dini, hapi shifrat e Guardia di Finanzia, në 4 vjet të qeverisë ku shërbeva, kultivimi i hashashit më pak se një vit i Saliut, as Kryeministri nuk e ka përmendur kurrë, as ministri e nuk e di pse.” tha ai.
