Aktualitet

Euro ka vijuar të humbë pikë edhe gjatë ditës së sotme. Sipas kursit zyrtar të Bankës së Shqipërisë një euro u këmbye sot me 127.07 lekë, rreth 0.17 lekë më pas se një ditë më parë.

Euro ka hyrë në trend rënës që prej fundit të Prillit dhe sot ka shënuar ditën e tetë radhazi që ka humbur pikë ndaj monedhës vendase, duke humbur 2 pikë. Ky është niveli më i ulët që nga fillimi i shkurtit 2009.

Prej fillimit të vitit 2018, deri sot euro ka humbur më shumë se 5.8 pikë ndaj lekut vendas. Kjo rënie kaq e fortë e euros nuk pritej që tani.

Ekspertët e tregut kishin parashikuar që euro do të prekte këto nivele me gjatë sezonit turistik, ku flukset e emigrantëve dhe turistëve rrisin më tej ofertën në valutë në vend. Sipas ekspertëve të tregut, tendenca rënëse e euros do të vijojë.

Faktori kryesor vijon të mbetet oferta e lartë për euro, sidomos ajo informale, që po kanalizohet përmes ndërtimeve.

Ekspertët e bankave pohojnë se ndikim ka dhe procesi i deeuroizimit, të nisur nga banka e Shqipërisë, por që nuk është thelbësor.

Një tjetër faktor që po ndikon së fundi sipas aktorëve kryesor të tregut të këmbimit valutor janë edhe flukset e turistëve. Ata argumentojnë se duke qenë qarkullimi i lekut në minimum dhe shpenzimet e ulëta, flukset e valutës prej turizmit reflektohen në kursin e këmbimit.

Tendenca rënëse e euros pritet të vijojë gjatë gjithë verës. Ekspertët argumentojnë se kjo do të jetë tendenca e euros duke qenë ecuria do të ndikohet edhe prej efekteve sezonale.

Rënia e euros gjatë ditës së sotme është ndikuar dhe prej nivelit të këmbimit të monedhës së përbashkët në tregjet ndërkombëtare. Sipas kursit të këmbimit të Financial Times një euro po këmbehet me 1.18 USD.

Ndryshe nga euro, dollari amerikan ka nisur të fitojë pikë përkundrejt lekut. Sipas kursit zyrtar të Bankës së Shqipërisë një dollar u këmbye sot me 106.86 lekë, rreth 0.26 pikë më shumë se një ditë më parë.

Izet Haxhia pritet te ekstradohet nga Turqia, mbremjen e sootme, ku parashikohet qe ne oren 20:00 do te mberrije ne aeroportin e Rinasit.

Ai u vetëdorëzua disa ditë më parë në policinë turke.

Ish badigardi i Sali Berishës, i cili ka vite që është në Turqi është vetëdorëzuar disa ditë më pare tek autoritet e policisë turke për rikthimin në Shqipëri. Një lëvizje e kryer me vullnetin e tij, që paralajmëron se zhvillime të bujshme pritet të ndodhin së shpejti.

Pas kësaj  pritet firma e ministrit turk të Drejtësisë që ekstradimi të realizohet dhe të rikthehet në vendlindje.

Njëherësh Izet Haxhia ka paralajmëruar se do të vihet në shërbim të drejtësisë shqiptare për të zbardhur të gjithë të vërtetat e hidhura të Sali Berishës.

Duke qënë se ka qënë njeriu më i afërt i Berishës për vite e vite me radhë, Izet Haxhia që u shit nga Berisha duke e akuzuar dhe për pjesëmarrje në vrasjen e Azem Hajdarit, për të cilën dhe është dënuar me burgim, i di të gjitha sekretet e familjes Berisha.

Sekrete që konsistojnë që nga vrasjet, helmimet, masakrat, vjedhjet, sulmin ndaj institucioneve dhe ndaj ambasadës amerikane e deri tek maskarallëqet e tjera të tij dhe të të birit Shkelzen Berisha.

Sipas Departamentit Amerikan të Enegjisë, këto pajisje janë përgjegjëse për më shumë se 10 përqind të enegjisë së shpenzuar në muaj

Por ato nuk janë të vetmet që shpërdorojnë energjinë elektrike.

Pjesa më e madhe e njerëzve i mbajnë të gjitha prizat e vëna 24/7.
Vetëm karikuesit e telefonave shpenzojnë rreth 26 wat në ditë kur qëndrojnë në prizë pa u përdorur.

Karikimi i laptopit është gjithashtu shpenzim energjie, duke konsumuar 4.42 wat kur nuk është në përdorim dhe 29.48 wat kur është në prizë dhe laptopi është i karikuar totalisht.

Por çfarë mund të bëni për të kursyer sa më shumë energji elektrike?
Testojeni shtëpinë për përdorim të tepërt të energjisë
Për të kontrolluar nëse në shtëpinë tuaj energjia po shkon dëm, kontrolloni matësin e energjisë elektrike, duke fikur më parë gjithçka.

Nëse ai vijon të xhirojë do të thotë se pajisjet vijojnë të konsumojnë energji.
Hiqni nga priza çdo gjë që nuk përdorni
Një ndër mënyrat më të zakonshme për të parandaluar shpërdorimin e energjisë është që të hiqni nga priza çdo gjë që nuk përdorni.

Prizat zgjatuese mund të jenë një zgjidhje e mirë, pasi me një buton të vetëm mund të fikni disa pajisje njëherazi.
Hiqni pajisjet e tepërta

Nëse keni një frigorifer të dytë apo pajisje tjetër të tepërt të cilën nuk e keni të domosdoshme, duke e hequr, do të kurseni energji elektrike.

Kultivimi i Aloe Verës në Shqipëri po shndërrohet në një biznes vërtet fitimprurës, duke premtuar një prespektivë të shkëlqyer për të apasionuarit e bimës së mrekullueshme. Falë përfitimeve dhe përdorimeve të panumërta, sot Aloe Vera po kultivohet gjerësisht në mbarë botën.

Edhe në Shqipëri, prej disa vitesh, disa fermerë nga zonat e jugut të vendit kanë nisur kultivimin e kësaj bime mrekullibërëse, jo vetëm për vlerat kurative të saj por edhe për kërkesën në rritje në treg.

Teksa fusha të tëra shqiptare kanë nisur të mbushen me Aloe Vera, e ardhmja premton kultivimin masiv të saj dhe forcimin e një biznesi të ri në këtë drejtim. Ekspertët e AgroWeb.org shpjegojnë se Aloe Vera është një bimë që mund të kultivohet dhe përshtatet në pothuajse të gjitha klimat.

Ndonëse është një bimë që kërkon kryesisht klimë të nxehtë dhe të thatë, ajo mund të rritet edhe në një vend me reshje nën mesataren e rajonit.

“Avantazhi i kultivimit të Aloe Verës qëndron në faktin se ajo nuk ka nevojë për shumë ujë dhe mirëmbajtje. Rritet lehtë ashtu si dhe kushtet që ajo kërkon janë minimale.

Ndërkohë, kostot e prodhimit janë të pakta dhe përfitimet të shumëfishta. Si fillim eksperimentova me kultivimin e Aloes në vetëm një parcelë. Duke parë se rritja e saj ishte e mbarë vendosa ta kultivoja në sipërfaqe më të mëdha.

Aktualisht jam në vitin e tretë të kultivimit të Aloes dhe jam shumë i kënaqur me ecurinë e shitjes së saj. Mund të them se kam gjetur atë që synoja në kapjen e tregut megjithëse ishte pak vështirë si fillim dhe aktualisht jam duke planifikuar zgjerimin e mëtejshëm të kultivimit të saj” thotë Sokrat Hima.

Kultivimi i Aloe Verës në Shqipëri – një biznes fitimprurës

Përfitimet që vijnë nga biznesi i kultivimit të Aloe Verës janë rritur ndjeshëm falë kërkesës së lartë për këtë produkt nga industria farmaceutike, kozmetike dhe bimore. Vlerat e larta mjekësore të Aloe Verës dhe popullariteti në rritje i kësaj bime i kanë dhënë asaj rolin e dhuratës më të mirë që nëna natyrë i ka dhënë njeriut.

Kjo bimë ka me mijëra përfitime mjekësore për njeriun. Ajo është efikase si antibiotik dhe është e pasur me vitamina dhe minerale. Kjo bimë e mrekullueshme është fort e mikluar në kozmetikë.

Ajo përdoret në përgatitjen e shampove, kremërave të fytyrës dhe të trupit, por edhe në industrinë e shëndetit. Aloe Vera gjen përdorim edhe në kurat medicinale kundër shumë sëmundjeve. /Koha

Në kuadër të reformës së ujit, në prag edhe të sezonit turistik, Ndërmarrja e Ujësjellës Kanalizimeve në Vlorë është përqendruar në subjektet hoteliere përgjatë bregdetit.

Grupet në terren kanë nisur që prej ditës së djeshme evidentimin e situatës së këtyre subjekteve.

Drejtori i Ujësjellës Kanalizimeve, Dorian Xhelili, tha se “qëllimi i aksionit është vazhdimësia e punës. Po vijojmë me të njëjtat ritme dhe me të njëjtin intensitet duke vlerësuar në maksimum aksionin për evidentimin dhe ndërprerjen e të gjitha lidhjeve të jashtëligjshme”.

“Duke qenë se jemi në sezonin turistik këto aktivitete janë në fokus të kontrollit dhe monitorimit nga ana jonë. Ne kemi bërë verifikimin e të gjithë situatës së bashku me kolegët ku kemi konstatuar dhe kemi parë që situata është normale dhe nuk kemi ndonjë rast abuzimi për momentin”, theksoi Xhelili.

Sipas tij, aksioni do të jetë i përqëndruar më shumë në zonën bregdetare ku në fokus do të jenë hotelet dhe kapaciteti i tyre.

“Në hotele po shikohet mënyra nëse janë apo jo të lidhur këto subjekte me shoqërinë tonë, nëse kanë kontrata dhe nëse kanë lidhje të jashtëligjshme, ndërsa verifikohet edhe situata e matësit. 27 raste të subjekteve i kanë kaluar organeve kompetente, ndërsa vijojnë edhe ndjekjet penale. Janë vendosur 560 masa administrative dhe janë gjoba të vjela nga shoqëria jonë”, bëri të ditur Xhelili.

Ai shtoi se kemi edhe raste që abonentët apo klientët kanë ardhur për të formalizuar situatën me shoqërinë tonë.

“Gjatë kësaj periudhe janë lidhur 2800 kontrata të reja, këto janë të gjitha kontrata me vendosje matësi. Kemi një numër të konsiderueshëm akt-marrëveshjes të cilat i kemi lidhur dhe kemi vendosur edhe 3900 matësa, veç kontratave që unë përmenda pak më sipër”, tha Xhelili./ATSH

Historia e Ledjona Mekos është nga ato histori që trondit fort këdo që e dëgjon. 23-vjeçarja u nda nga jeta më 6 korrik të vitit 2016 menjëherë sapo kishte dalë nga një operacion, ku kishte hequr apendicitin. Por tre muaj pas vdekjes, ekspertiza mjeko-ligjore kishte nxjerrë se vajza kishte vdekur për shkak të vetëhelmimit me fostoksinë.

Nëna e Ledjonës, Valbona edhe sot pas dy vitesh gati nga vdekja e vajzës nuk i ka hequr të zezat. Ajo ka ardhur në emisionin “Me zemër të hapur” në News24 për të rrëfyer dhimbjen e saj të madhe dhe për të kërkuar drejtësi. Valbona thotë se vajza e saj nuk është vetëhelmuar me fostoksinë, duke treguar dhe faktet .

“Atë ditë u ngritëm me çunin se djali do ikte në punë në Tushemisht. Vajza flinte. Gjithë natën në gjumë. Më pas u çua vajza për të ikur në tualet. Më tha se më duket sikur më është bërë një prag në krahë të djathtë. Më duket se po më ngacmon apendiciti. Po çalonte dhe tha mu mpi këmba. E çova në tualet, mezi e ngritëm me djalin dhe e shtrimë në krevat. Mora diçka të ftohtë nga frigoriferi dhe ia vendosa. I thashë djalit ta çojmë me makinën e punës së djalit. E çuam në urgjencë. Ishte ora kur ndërroheshin turnet. Ikte me avash makina sepse vajza kishte dhimbje në krahë të djathtë. E çova atje dhe më thanë çfarë ka vajza. Iu tregova e thanë që do i bëjmë analiza. Nuk kishte të vjella. I bën vetëm një qetësues. Por vajza ishte e vetëdijshme. Doktoresha e turnit e vizitoi i bënë qetësues dhe nuk i pushuan dhimbjet. Thanë ta çojmë për analizat. Unë se çoja dot sepse nuk lëvizte dot se e kishte këmbën e mpirë. Shkova i thashë laborantes. Ia çova dhe mjekes analizat. Iu kërkova që t’i bënin eko që mos ta fusja në operacion për apendicitin. I bëra dhe ekon e kirurgu më tha direkt në sallë operacioni. I jepja vajzës zemër, që të shpëtosh i thosha, por e ndieja që diçka po më shkëputej”, tregoi mes lotësh nëna.

Ajo tha se pasi doli nga operacioni vajza ndihej keq.

“Ishim shumë të gëzuar se vajza kishte dhe një rast të mirë, dhe vajzës i pëlqente dhe nuk e prisnim këtë. Isha e vetme në spital se djalin e dërgova në punë. Po prisja pas dere, doli një infermiere e tha se po bëhet qepja, asgjë nuk kishte thjesht i hoqëm apendicitin, shumë mirë është. Pastaj doli vajza e çuan në dhomë, ishte në narkozë. Dhoma e vajzës nuk ishte asnjëherë pa personel. E çova drejt vdekjes me dorën time. Po i flisnin vajzës që të përmendej. Erdhi doktori që bëri operacionin tha të shkuara vajzës, doli shkëlqyer, tani na ftoni në dasmë. Operacioni zgjati një çerek ore. Dhe rreth çerek ore ndenji gjallë vajza. Kam thirrur kirurgun që ishte në operacion, jo ai që e bëri i thashë hajde shikoje pak vajzën se po lëviz shumë. Më tha është normale. Pa kthyer shpinën mjeku, vajza më thoshte që mi fry plagës se po më djeg, dhe në një anë po i fryja, në një anë po i mbaja dorën. Më pyeti për babain, për vëllain pastaj më lëshoi dorën. Iku”, tha nëna e 23-vjeçares

Valbona përpiqet të kujtojë ato momente dhe thotë se mbërritja e policisë dhe njerëzve të afërt ishin dëshmi e qartë e asaj që kish ndodhur. E tronditur ajo dhe familjarët u vunë në kërkim të së vërtetës. Mjekësia ligjore tha se vdekja ishte shkaktuar si pasojë e vetëhelmimit me fostoksinë. Kjo për familjen Meko ishte një vdekje e dyte.

“Nga mjekët i ishte thënë vëllait tim se kemi konstatuar një mpiksje në tru. Kurse tre muaj pas vdekjes së vajzës, ekspertiza mjeko-ligjore nxori që vajza ishte vetëhelmuar me fostoksinë. Ai ishte ekzekutimi i dytë për familjen time. I thashë prokurorit më ndihmo. Ti mund të kesh ndërruar 7 kollare dhe të jesh shumë i rëndësishëm por unë po të flas si baba. Unë nuk kam lekë, ato pak që kisha nxorra vajzën nuse, po do shesh organet e mia për të nxjerrë të vërtetën”, tregoi Valbona.

Për familjen Meko e vërteta nuk mundet kurrë të jetë e tillë dhe të gjitha faktet tregojnë qartë që ky version është i rreme. Nëna e 23-vjecares kërkon të zbardhet e vërteta dhe mbi kujtimin e së bijës të mos rëndojë një peshë kaq e rëndë, madje më e rëndë se vetë vdekja.

Ledjona jetoi pak, por e donte shumë jetën dhe njerëzit ndaj iu falte atyre veç buzëqeshje dhe dashuri. Nëna e saj ka bërë një betim dhe do t’i shkojë deri ne fund së vërtetës, jo për të vrarë njerëz, por për të vënë në vend dinjitetin e Ledjonës së saj të shtrenjtë.

“I drejtohem me mish e shpirt Arta Markut. Të zbardhë të vërtetën time, të gjendet drejtësia. Nëse nuk zbardhet drejtësia do bëj vetëgjyqësi vetë”, thotë nëna e Ledjonës./“BalkanWeb”