Aktualitet

Kreu i Krimeve të Rënda Besim Hadarmataj është shkarkuar sot nga detyra dhe në vend të tij është komanduar prokurorja e Durrësit Donika Prela.

Megjithatë Hadarmataj duket se nuk do të ia hedhë shumë lehtë. Emri tij lakohet në qarqet e krimit dhe korrupsionit.

Ai është i mirmonitoruar si shitës i sekreteve hetimore të shumë dosjeve të rëndësishme që kanë lidhje me krimin e organizuar, kryesisht me figura të spikatura politiko-kriminale.

Kur bëhet fjalë për kokainën DEA nuk fal e për më tepër kur njeriu hije i tonelatave te kapura e të pa kapura i miellit të bardhë është person i njohur i Hadarmatajt dhe ndoshta ai ka ndërhyre për te tek ish shefi i tij Llalla në  këmbim te “sadaka” që t’i hiqet një kërkim ndërkombëtar.

Për arsye hetimi nuk po përmendim bosin tropojas të kokaines që natyrisht nuk është Arber Çekaj, por një tjetër djalosh të cilin partnerët e kanë indentifikuar…

Janë miliona në loje dhe pas milionave natyrisht banda krimi. Djaloshi i kokainës është mik i Olsi Ramës dhe kanë darkuar. Fshihet në Gjermani. Ka pasur një kërkim, por i është mbyllur me ndërhyrjen e Hajdarmataj dhe të sekserit të Llallës, Myftar Lumeshi pronar i restorant Vila Logoreci. Aty drekonte përditë Llalla, Rovena e Hadarmataj.

Priten zhvillime të bujshme…

Shoferi i ish-ministrit Tahiri, Gentian Çeka, është marrë ditën e djeshme në pyetje nga Prokuroria e Krimeve të Rënda. Kjo është hera e dytë që Çeka pyetet për çështjen “Tahiri”, nga prokurorët e Krimeve të Rënda.

Kujtojmë se dy ditë më parë është rimarrë në pyetje biznesmeni Orest Sota, më mjetin e të cilit u gjetën 863 mijë euro dhe dy pasaporta detare të ish-ministrit Tahiri.

Burimet pranë grupit hetimor, thonë për “Panoramën” se Çeka qëndroi rreth 3 orë në Prokurorinë e Krimeve të Rënda. Ai është pyetur për lëvizjet e tij jashtë shtetit me mjetin e Orest Sotës. Sipas dosjes hetimore, Çeka ka dy dalje dhe një hyrje me makinën me targë AA718OS, që është në pronësi të Orest Sotës dhe dy dalje dhe një hyrje në Shqipëri nga Murriqani, me makinën me targë AA101DJ, që është në pronë- si të shoqërisë “Ikona”, me pronar Lefter Sota.

Gjithashtu, Çeka është pyetur edhe për pasaportat e Tahirit, që u gjetën në mjetin e Orest Sotës. Më herët, biznesmeni ka pretenduar se patentat janë lënë në makinën e tij nga shoferi Çeka, me të cilin ka njohje shoqërore. Për këtë, ai ka paraqitur edhe komunikimet në telefon mes tij dhe familjarëve, që tregojnë, sipas tij, se pasaportat janë lënë nga shoferi i Tahirit. Megjithatë, Prokuroria e Krimeve të Rënda dyshon se paratë e gjetura në mjetin e Sotës lidhen me aktivitete kriminale të ish-ministrit Tahiri dhe gjetja e pasaportave në të njëjtin automjet përforcon bindjen e prokurorëve. Gjithashtu, sipas sistemit TIMS, ka edhe disa lëvizje të Tahirit me mjetin e Sotës.

TË DHËNAT E TIMS

Sipas sistemit TIMS, më datë 24.02.2017, ora 08:05, shtetasi Orest Sota ka dalë nga Shqipëria nëpërmjet PKK Murriqan, me automjetin me targë MB 279 AA, i cili rezulton në inventarin e mjeteve të Ministrisë së Brendshme. Më datë 07.07.2017, ora 22:14, shtetasi Saimir Tahiri ka dalë nga Shqipëria nëpërmjet PKK Murriqan, me automjetin me targë AA 973 RX, që rezulton e regjistruar në emrin e shtetasit Ardit Sota, vëllait të Orest Sotës. Është kthyer më datë 09.07.2017, ora 15:39, nga e njëjta pikë kalimi dhe me automjetin me targë AA101DJ, që rezulton e regjistruar në emrin e shoqërisë “Ikona”, me pronar Lefter Sotën, babai i Orestit.

Shtetasi Saimir Tahiri ka tre dalje dhe dy hyrje me automjetin me targë AA973RX, që është në pronësi të familjes Sota. Shtetasi Saimir Tahiri ka një dalje me automjetin me targë AA101DJ, që është në pronësi të shoqërisë “Ikona” me pronar Lefter Sota. Shtetasi Gentian Çeka ka dy dalje dhe një hyrje me makinën me targë AA718OS, që është në pronësi të Orest Sotës.

Shtetasi Gentian Çeka ka dy dalje dhe një hyrje me makinën me targë AA101DJ, që është në pronësi të shoqërisë “Ikona”, me pronar Lefter Sota. Shtetasi Gentian Çeka ka një hyrje me makinën me targë AA973RX, që është në pronësi të Ardit Sotës”, shkruan materiali i Prokurorisë.

Shqipëria është nga të paktat vende në Europë që do përjetojë një tranzicion të trishtë të popullisë.

Shekulli në të cilin jetojmë do të mbyllet me rezultate fatale të popullisë së vendit sipas projeksioneve të reja te Departamentit të Popullsisë në Organizatën e Kombeve të Bashkuara, të publikuara në faqen zyrtare të këtij institucioni ndërkombëtare.  Duke marrë në konsideratë ecurinë e popullsisë vetëm në normat bruto te lindjeve (norma e fertilitetit) sipas të gjithë skenarëve Shqipëria do të ketë ulje të popullisë së saj.

Varianti pesimist parashikon që vitin në 2100 popullsia e Shqipërisë do të jetë vetëm 860 mijë  banorë. Ndërsa skenari normal parashikon që Shqipëria të popullohet me vetëm 1 milionë e 600 mijë banorë. Skenari optimist që parashikon emigracion zero dhe ecuri normale të normave të fertilitetit parashikon që popullsia ë vendit deri në vitin 2100 të jetë 2 milionë e 800 mijë banorë, nga rreth 2,9 milionë që numërohen afërsisht aktualisht.

Organizata e Kombeve të Bashkuara ka rishikuar më përkeqësim treguesit e popullsisë së Shqipërisë për këtë vit në krahasim më një vit më parë. Në vitin 2017 OKB parashikoi që në vitin 2100, popullsia e Shqipërisë do të jetë 1,754,540 banorë me një rënie prej 1.2 milionë personash nga popullsia aktuale (2.9 milionë) sipas portalit të OKB, ndërsa sipas projeksioneve të rishikuara të këtij viti popullsia e Shqipërisë në vitin 2100 do të jetë , 1,6 mln banorë ose 100 mijë pak se projeksionet e vitit të kaluar.

Edhe sipas të dhënave kombëtare (INSTAT) popullsia e vendit po tkurret më shpejt se projeksionet e popullsisë 2011-2031. Më 1 janar 2018 popullsia ishte 18 mijë persona më pak se projeksioni zyrtar i INSTAT.

Shqipëria po humb gjithnjë e më shumë nga dividendi i saj demografik për shkak se popullsia po pakësohet me ritme të shpejta në grupmoshën e artë 0-40 vjeç teksa numri i personave mbi 65 vjeç po rritet me shpejtësi.

Sipas statistikave të fundit të popullsisë, publikuar nga INSTAT, numri i personave 0-40 vjeç pësoi rënie me 2% gjatë një viti. Në janar 2018, në këtë grupmoshë u numëruan rreth 19 mijë persona më pak se më 1 janar 2017.  Një nga shkaqet e rënies në këtë grupmoshë është emigracioni i lartë dhe rënia e numrit të lindjeve, rënia më e madhe i takon grupmoshës 10-14 vjeç, të cilët ishin 10,500 persona më pak në numër se vitin 2017.

Grupmosha e hershme 20-40 vjeç, që përbën kulmin e funksionimit fizik është pakësuar me 3777 mijë persona më 2017. Tkurrja e kësaj grupmoshe tregon humbjen e produktivitetit të forcës së punës dhe popullsisë në tërësi, pasi në këtë moshë merret vendimi për martesë dhe vihen bazat e karrierës.

Gjithashtu forca e punës shënoi rënie me 1.1%. Grupmosha 15-65 vjeç u tkurr me 2323 persona gjatë vitit 2017, teksa numri i të moshuarve ka shënuar rritje të mëtejshme.

Popullsia në mbi 65 vjeç u shtua me 11,216 persona më 2017, duke u rritur në mbi 3% brenda vitit. Për pasojë, raporti i varësisë së të moshuarve (raporti i personave në moshë +65 vjeç ndaj popullsisë në moshë pune 15- 64 vjeç) ka shënuar një rritje nga 18,9% në 19,4% gjatë së njëjtës periudhë.

Projeksionet e tregojnë se popullsia në moshë pune do të bjerë me një ritëm pak më të shpejtë se sa popullsia e përgjithshme me më shumë sesa 18% në pothuaj të gjitha qarqet, përveç atyre që e shtojnë popullsinë nëpërmjet migrimit (Tirana, Vlora dhe Durrësi).

Tirana është qarku i vetëm në të cilin parashikohet rritje e konsiderueshme në forcën potenciale të punës (me 20% deri në vitin 2031, sipas skenarit normal me shpërndarje gjeografike dhe emigrim konstant brenda vendit). Rënia më e fortë në forcën e mundshme të punës parashikohet për Gjirokastrën (me -43%), si dhe për Beratin dhe Dibrën (me të paktën -30%). Emigrantët janë në masën 90% pjesa më aktive e tregut të punës.

Donika Prela, një prokurore me profil të ulët publik, u emërua në krye të prokurorisë së qytetit bregdetar në Dhjetor 2017, pak ditë pasi në krye të Prokurorisë së Përgjithshme u caktua Arta Marku.
Transferimi i saj nga kryeprokurore e Durrësit si e komanduar tek Krimet e Rënda mbërrin pak kohë pasi Prokuroria e Durrësit shpalli moskompetencën për çështjen e ish-kryerprokurorit, Adriatik Llalla.

Por kush është Donika Prela?

Prela nuk është një emër i panjohur për drejtësinë shqiptare. Ajo ka mbajtur kreun e Prokurorisë së Durrësit dhe është akuzuar nga opozita për korrupsion.

Çështja e cila e bëri atë të famshme, ishte dhënia e lirisë për djalin e kreut të Kuvendit Gramoz Ruçi.
Prokurorja e re ka përfaqësuar akuzën në rastin e arrestimit dhe kontrollit të automjetit të shtetasit Ledion Ruçi. djalit të kreut të Kuvendit.

Ngjarja ka ndodhur në vitin 2012 dhe ajo i kërkoi gjykatës lirimin e djalit të Gramoz Ruçi dhe shpalljen e paligjshme të kontrollit të automjetit ku udhëtonte i dyshuari.

Ndërkohë, vendin e Prelës në Prokurorinë e Durrësit do ta zërë Anila Jella.

Besim Hajdarmataj u shkarkua sot nga detyra e kryetarit të Prokurorisë së Krimeve të Rënda.

Prokurorja e Përgjithshme Arta Marku ka emëruar në vend të tij zonjën Donika Prela. Pas kësaj lëvizjeje, Marku ka deklaruar se me ndryshimin në drejtim do të ketë edhe ndjekje penale më të shpejtë dhe të efektshme.

“Kemi besim se ky ndryshim në drejtim do të sjellë si rezultat ndjekje penale më të shpejtë dhe më të efektshme të çështjeve me përparësi të lartë. Ndjekja penale e krimit dhe korrupsionit mbetet prioriteti më i lartë për Kryeprokuroren Marku”, thuhet në reagimin e Prokurorisë së Përgjithshme.