Aktualitet

Në përgjimet e famshme të Habilajve, me siguri të gjithëve iu ka mbetur në mendje kostumi “Hugo Boss” për të cilin Moisi Habilaj u rrëfente bashkëpunëtorëve të tij se ia kishte blerë ministrit të Brendshëm Saimir Tahiri në një dyqan në Romë.

Madje sipas asaj që thoshte Moisi Habilaj në përgjim, Tahiri na e paskesh zgjedhur vetë këtë kostum! Lidhur me këtë ka ardhur letërporosia nga autoritetet italiane.

Guardia di Finanza ka pyetur tregtarin e dyqanit nëse ka shitur një kostum Hugo Boos për ministrin por ai e ka mohuar kategorikisht një gjë të tillë.

Hetuesit i kanë treguar fotot e Saimir Tahirit dhe e kanë pyetur direkt nëse ai që shikonte në foto kishte zgjedhur ndonjë kostum por sërish përgjigja ka qenë negative.

Autoritetet italiane nuk e kanë lënë me kaq. Ato kanë marrë në administrim të gjitha shitjet e dyqanit në Romë por dhe nga ky verifikim nuk ka rezultuar të jetë shitur kostumi i pretenduar.

Kjo ka qenë edhe “pika e nxehtë” e seancës gjyqësore te Krimet e Rënda. Vetë Saimir Tahiri i ka kërkuar llogari gjykatëses Liljana Baku nëse kjo e fundit e ka lexuar se ç’thuhej në letër-porosi dhe pse hidhte poshtë këtë akuzë të pabazuar në asnjë provë e madje të rrëzuar edhe nga vetë hetuesit italiane.

Por kjo pyetje ka lënë pa përgjigje si gjykatësen ashtu edhe prokurorin e çështjes Besim Hajdarmataj që edhe pse koshient për akuzën e rrëzuar me kostumin “Hugo Boss”, nuk ka dhënë asnjë shpjegim, shkruan Newsbomb.

Aktualisht Saimir Tahiri ndodhet në “arrest shtëpie” në pritje të vendimit të gjykatës së Apelit.

Dosja e CIA, Berisha ndihmoi Bin Laden të ngrinte celulat terroriste në Shqipëri, tani është i tmerruar nga ngritja e Byrosë së Hetimit

Nëse Ilir Meta, sipas raporteve më prestigjioze ndërkombëtare, konsiderohet si bajlozi më i madh i korrupsionit në Ballkan, Sali Berisha qëndron disa shkallë më lart, pasi emri tij lidhet me krimet më të tmerrshme njerëzore, kombëtare dhe ndërkombëtare gjatë 27 viteve të pluralizmit shqiptar.

Emri i Sali Berishës lidhet me furnizimin me naftë të Millosheviçit për masakrimin e popujve të Ballkanit, ngritjen e SHIK-ut famëkeq të Bashkim Gazidedes, me të cilin zhdukte njerëz, digjte gazeta dhe masakronte kundërshtarët politikë.

Lidhet me maskaradën e zgjedhjeve të 26 majit ’96, me hapjen depove në ’97, me luftën civile, bombardimin e Jugut, vrasjen e Azem Hajdarit, grushtin e shtetit të ’98, planin për bombardimin e Ambasadës Amerikane, Gërdecin, 21 Janarin, shitjen e detit dhe më një sagë të gjatë krimesh njerëzore dhe ekonomike.

Për të përmbledhur të gjithë veprimtarinë kriminale të Sali Berishës ndoshta duhet të ngrihet një skuadër e përbashkët hetimor me prokurorë shqiptarë, amerikanë dhe hetues nga të gjitha vendet e Bashkimit Evropian, për të punuar për një kohë të gjatë.

Nisur nga kjo veprimtari masive dhe e shtrirë në kohë keqbërëse, që do ta kishte zili edhe Pablo Eskobar, Sali Berisha ka të drejtë që është i tmerruar nga drejtësia e re.

Ekstradimi i Izet Haxhisë në Shqipëri, dëshmitarit kyç të krimeve kryesore të Sali Berishës, është një nga makthet, por jo i vetmi për Sali Berishën.

Ish-kryeministri është i tmerruar nga hapja e një tjetër dosje nga Byroja Kombëtare e Hetimit dhe Prokuroria e Posaçme, dosje e cila mund ta çojë në burg për jetë.

Bëhet fjalë për lidhjet e Sali Berishës me Osama Bin Laden, terroristin më famëkeq të të gjitha kohërave.

Bashkëpunimi i Sali Berishës me Osama Bin Laden rezulton në një dosje të CIA-s amerikane, e cila ka skanuar të gjithë njerëzit anembanë botës që kanë pasur lidhje me terroristin.

Deri më sot, kjo dosje është lënë në harresë, për shkak se gjykatat dhe prokuroria shqiptare ishin vegla qorre në duart e Sali Berishës dhe Ilir Metës.

Me ngritjen e organeve të SPAK-ut, ku përfshihen Byroja Kombëtare e Hetimit, Prokuroria e Posaçme dhe Gjykata Speciale, hapja e kësaj dosje është e pashmangshme.

Jo rastësisht amerikanët përsërisin herë pas herë masazhin që peshqit e mëdhenj të politikës duhet të kenë frikë.

Nga ana tjetër, jo rastësisht, Sali Berisha bën thirrje për rebelim popullor, pasi mendon se mund t’i shpëtojë hetimit dhe gjykimit, duke destabilizuar vendin siç bëri në ’97.

Dokumentet e CIA-as amerikane për lidhjet e Bin Laden me Sali Berishën janë bërë publike nga një sërë mediash prestigjioze dhe investigative, si “Qendra për Paqe në Ballkan”, “Historycommons”, apo dhe revista e inteligjencës “Jane”, të cilat u janë referuar dhe raportimeve të mediave të kohës dhe dokumenteve të Interpolit.

Duke ju referuar informacioneve të dhëna nga një agjent i CIA-s, raportohet se në 9 prill të vitit 1994 Bin Laden ka udhëtuar në Shqipëri, si pjesë e një delegacioni të qeverisë saudite dhe është takuar me zyrtarët e qeverisë vendase.

“Bin Laden vizitoi Shqipërinë si anëtar i delegacionit të qeverisë së Arabisë Saudite dhe u takua me zyrtarët e qeverisë vendase.

Ai e prezantoi veten si mik të qeverisë së Arabisë Saudite dhe se mund të financonte projekte humanitare.

Megjithatë, qeveria e Arabisë Saudite, më herët, po atë muaj kishte ndërprerë të gjitha lidhjet me Bin Laden.

Një ish-oficer i zbulimit amerikan do të ankohej në vitin 1999: ‘Pse ishte ai një anëtar i atij delegacionit? Sauditët supozohej të ishin aleatët tanë. Ata na thanë se ai ishte person non grata, por këtu ai ishte në një vizitë zyrtare’”, thuhet në dokument, për të cilin ka raportuar dhe “Washington Times” në vitin 2001.

Ndërsa media prestigjioze kanadeze, “Ottawa Citizen” ka raportuar se CIA dhe Interpoli ishin në vëzhgim të vazhdueshëm të aktiviteteve të Al-Kaedës në Shqipëri. Edhe ajo dhe mediat greke kanë deklaruar se Bin Laden vizitoi Tiranën.

Mediat ndërkombëtare, të cilat ju referohen informacioneve të agjencive të inteligjencës, por edhe raportimeve të kohës, kanë raportuar se që nga viti 1994 e deri më 1999 ka pasur një bashkëpunim të ngushtë mes qeverisë shqiptare dhe Bin Laden e grupit të tij, me qëllim ngritjen e celulave terroriste në vendin tonë.

“Në vitin 1994 kryeministri shqiptar Sali Berisha ndihmoi Bin Laden pas vizitës së tij në Shqipëri, për të ngritur një rrjet në Shqipëri përmes fondeve te bamirësisë të Arabisë Saudite”, raporton “Qendra për Paqe në Ballkan”./Pamfleti

Shqipëria besoj se është vendi që ka më shumë gazetarë për frymë, se çdo vend tjetër i globit. Do të më pelqente që ky të ish nje tregues i inteligjences si komb, por kam dyshimet e mia, se nuk është egzaktësisht kjo arësyeja, nisur nga rezultatet, natyrisht. Dhe ndoshta është e kundërta.

Shkruan Amarildo Pregapuca

Ndoshta është pikerisht pasja e kaq shumë gazetareve, aresyeja se perse Shqiperia ka mungesen me te theksuar si komb, të gazetarisë. Dhe mos pasja e gazetarisë, është sot, mallkimi më i madh si edhe dëmi më i madh, që mund t’i bëhet një vendi.

Gazetaria nuk është lojë, eshte ne fakt armata që ka ne dore fatet e kombit, me shumë se politika, shumë më shumë. Gazetaria nuk është as podium për folklorike, nga ku mund të shpalosin thesaret e trasheguara te elokuences krahinore të “dobicllekut”, te sjelle..qofte dhe me një gjuhe moderne, ndaj dikujtë apo disave. Ështe pergjegjesia me e madhe ndaj jetes se bashkekombasve.

Gazetaria është rruga, në te cilen ecën nje komb, nje shoqeri. Ështe mendja që e drejton në këte rrugë…një komb, një shoqëri. Ështe gjuha e zgjidhjes, së problemeve. Ështe pyetja për te gjetur çelsin e hapjes se deres, se rruges ku do ecë e tashmja dhe e ardhmja e kombit, shoqërise dhe çdo familje, burri, gruaje, fëmije qe ka lindur apo do te lind. Gjithkujte.

Ështe pyetja pra.. Dhe pyetja ime e pare është… -Përse Shqiperia pa bere asnje lufte, si Serbia, eshte perseri vendi i fundit per hapjen e negociatave ?

Dhe nga kjo, me rrjedh një tjeter pyetje.. -Perse Shqiperia eshte vendi i vetem ne bote, ku kryefjala e Opozites eshte droga dhe krimi, qofte dhe ne prag negociatash ?
Dhe nje tjeter pyetje vijon pas kesaj.. -A eshte Shqiperia vendi me i infektuar me droge e krim, krahasuar me shume nga vendet anetare te BE-se ?

Dhe duke pare alternativat për mbijetese qe BE-ja ju ka lene Shqiptareve per plot 28-vite, krahasuar me cdo popull anetar te saj..pergjigja me sjell nje tjeter pyetje.

-Çfarë eshte krim ? Krim eshte ta zhveshesh nje popull, nga alternativat per mbijetese. Krim eshte ti shesesh pasurite e nje populli, ti shkaterrosh fabrikat, uzinat, bujqesine, institucionet, drejtesine.
Krim eshte te vrasesh popull teresisht te pafajshem, me pushket e pushtetit. Krim eshte ta percash, ta demoralizosh nje popull.

Krim eshte t’ja nxish fytyren vendit tend, me te gjitha rruget e mundeshme..duke demtuar keshtu, jo vetem çdo mundesi por dhe cdo biznes, te ndertuar me gjak e sakrifice, cdo biznes qe do mund te ndertohet dhe cdo jete Shqiptari si rrjedhoje.

Krim eshte ta terrorizosh nje popull nga mengjesi ne darke per 365-dite te vitit, per plot 28-vite..nga foltoret e parlamentit, foltoret e partise dhe ta megafonosh ate, në njemije format e medias dhe shtypit.
Krim eshte ta mbeshtesesh kete krim.

Dhe ne mbeshtetjen e tij, ka nje dore jo te vogel dhe BE-ja, ndihmuar aq pakushtesisht nga mungesa e gazetarise, mungesa e pyetjes dhe berja e saj me qellim eshte genocid. Ështe krim, të shtysh një popull drejt krimit dhe pafytyrësi ta quash atë kriminel, duke u munduar kështu, ta shtysh akoma me shumë drejt krimit. Shqipëria nuk e meriton, nuk e meritojne Shqiptaret.

DEA jep goditjen e katërt ndaj mafias shqiptare të kokainës, duke arritur kështu që të kapë një grup shumë të fuqishëm që vepronte në Belgjikë dhe Hollandë.Në një operacion të përbashkët që DEA dhe Europol kanë zhvilluar në qytetin e madh belg Antverpen, është arritur të sekuestrohet rreth 313 kilogram kokainë dhe është kapur pjesa më e madhe e grupit.

Grupi që vepronte në portin më të madh të Belgjikës, mësohet se kontrollonte tregun e Francës dhe Belgjikës, si dhe një pjesë në Hollandë. Kokaina e fshehur në arka bananesh kishte ardhur nga Amerika Latine me një ngarkesë më të vogël. Ajo më pas ishte magazinuar në një ndërtesë në qytetin e madh port të Belgjikës, ku u zbuluan provat e tjera të bandës shqiptare.

Numri i të arrestuarve po mbahet sekret për arsye hetimore, por siç mësohet bëhet falë për një grup që ka lidhje me tre operacionet e tjera: atë të Maminasit, atë të Spanjës dhe të Gjermanisë, ku u kapën tonelata drogë të fortë. DEA, e cila komandon sulmet për ditën dhe kohën e duhur të operacionit, dyshon se tre goditjet e fundit që u dhanë ndaj eksportuesve shqiptarë të kokainës kanë bërë që trafikantët ta lëvizin atë me sasira më të vogla.

Kjo pasi grupi që është goditur në Antverpen është i fortë dhe i rëndësishëm thuajse njësoj me ata që u arrestuan në Madrid dhe në Hamburg. Sipas policisë belge që ekzekutoi dhe bashkërendoi operacionin, kokaina ishte fshehur në 15 kuti bananesh dhe kapte vlerën e 16 milionë eurove.

Shqiptarëve ju janë kaur vetëm 50 mijë euro cash, si dhe të gjitha makinat dhe dy motoçikleta që u gjendën në banesën ku u zhvillua operacioni. Gjithashtu në banesën ku u kapën krerët e bandës shqiptare, u gjet edhe një serë e madhe e kultivimit të kanabisit, ku mbilleshin kryesisht fidanët e mariuanës.

Hetimet për bandën shqiptare kanë nisur që në shtatorin e vitit 2016, kur në një ditë në të gjithë Europën, Europol arrestoi 36 baronë shqiptarë të drogës. Pas atij operacioni të madh, ky është aksioni i dytë, tashmë me synimin për t’i shpartalluar përfundimisht këto banda.

Ndërkaq, policia gjermane ka publikuar emrat e të arrestuarve në operacionin ku u sekuestrua 1.8 ton kokainë. Emiljan Hysenaj dhe Dashamir Ndoj, duket se janë krerët e kartelit shqiptar të Bavarisë, i cili kontrollonte shpërndarjen në një rrjet në jug të Gjermanisë.

Në Tiranë ka mbërritur një grup i policisë dhe i prokurorisë gjermane, të cilët dje janë takuar edhe me ministrin e Brendshëm Fatmir Xhafaj, takim ku ishte prezent edhe ambasadorja gjermane në Tiranë. Agjencia amerikane e Antidrogës, mendon se të gjithë të arrestuarit në operacionet e fundit nuk ka gjasa të jenë koka e vërtetë e trafikut gjigand të kokainës; ata janë thjesht ushtarë të një megaorganizate që është bashkuar prej kohësh dhe është bërë shumë e fuqishme./tesheshi.com/

Ngjarja ndodhur pasditen e të premtes në Vlorë,gjithcka ka ardhur pas një grindje ndodhur në lokal mes autorit dhe tre personave. Policia ka konfirmuar se tre persona dhe autori janë përplasur me njëri tjetrin ,një grindje që ka nisur pikërisht në lokalin pranë zonës së quajtur Sahati,një pikë bastesh.

Autori Besmir Gjela,është konfrontuar me tre persona,ndërsa pas grindjes,e cila sipas policisë ka ndodhur për motive të dobëta,31 vjeçari është larguar,duke u rikthyer pak minuta më vonë,me një mjet motorrik dhe një armë,tip pushkë,duke u drejtuar pikërisht drejt tavolinës,ku ndodheshin tre personat.

Me armë në dorë ,31 vjeçari është parë pikërisht nga tre personat,të cilët kanë qënë të parët që kanë ndërhyrë,më pas edhe persona të tjera që ndodheshin në lokal.

Arma ëhstë shkrepur vetëm një herë ,pa lënduar njeri,ndërsa shum pranë vendit të ngjarjes,ndodhej edhe një patrullë policie që ka ndërhyrë menjëherë duke neutralizar gjithcka. Autori 31 vjeçari Besmir Gjela është dërguar fillimisht në spital,ku ka marrë ndihmë mjekësore,për shkak të një plage të lehtë të marrë në momentin e neutralizimit,ndërsa aktualisht ndodhet në polici ,i akuzuar për tentativë vrasjeje. Policia konfirmon se autori nuk ka deklaruar endea sgjë rreth ngjarjes,ndërsa hetimet vijojnë.

Si nisi investigimi në Vlorë për të futur në kurth vëllain e ministrit?

Si u lidh PD me Albert Veliun dhe çfarë i premtoi apo i dha në këmbim të bërjes pjesë në investigim? A është deputeti i PD strumbullari i gjithë kësaj historie që ngjason shumë me atë të Durim Bamit?

Përse gazetari nuk e publikoi në media punën e tij investigative, por e çoi te Partia Demokratike? A do ta dorëzojë videon e plotë në prokurori?

Ka një shprehje që përdoret shpesh për gazetarët se “lajmësi nuk preket”. Kjo sidomos kur publikon informacione apo të dhëna që i shërbejnë publikut.

Nisur nga kjo edhe deputetët demokratë nuk ngurruan që audio-përgjimin t’ia faturonin punës së gazetarëve, kur deputetët Enkelejd Alibeaj dhe Ervin Salianji në dy televizione të ndryshme deklaruan se përgjimi është bërë nga gazetarë. Top Channel me një kronikë në lajmet e djeshme publikoi dhe gazetarin që fshihej pas këtij përgjimi.

Sipas tyre, “ai është Jetmir Olldashi, i cili aktualisht administron portalin online “Boldnews”, si dhe është pjesë stafit të emisionit “Ajsberg” që drejtohet nga gazetari Artur Çani. Ndërsa më herët ka qenë pjesë e stafit të emisionit “Të Paekzpozuarit” të Ylli Rakipit gjatë kohës kur emisioni transmetohej në “Ora News” dhe “News 24”.

Kolegët e tij thonë se më herët, ka punuar edhe pranë Autoritetit të Mediave Audiovizuale. Partia Demokratike u kujdes ta shmangte emrin dhe fytyrën e tij gjatë transmetimit të intervistës me Albert Veliun, por kolegët që e njohin e identifikuan nga zëri dhe ai vetë nëpërmjet telefonit e konfirmoi se është autori i kësaj interviste, por ende mbetet mister kush është gazetari që sipas Enkelejd Alibeajt, realizoi përgjimin”.

Kjo kronikë tregon vetëm pjesën e intervistimit të Albert Veliut në selinë e PD, por nuk thotë se është po i njëjti gazetar që ka bërë dhe përgjimin në Vlorë.

Gazetari Artur Çani i cili tashmë është shefi i Olldashit zbardhi në studion e emisionit “360 Gradë” detaje të reja lidhur me audio-përgjimin e “Bashkëpunëtorit X” me vëllain e Ministrit të Brendshëm, Agron Xhafaj.

Çani tha se biseda është regjistruar në tetor të vitit të shkuar. Sipas tij, një muaj më parë, shtator 2017, një gazetar kishte hyrë në kontakt me Albert Veliun përmes një personi të Partisë Demokratike.

Gazetari tha se i gjithë regjistrimi është 5 minuta, ndërkohë që deri tani është bërë publike vetëm 1 minutë e pak nga audio-përgjimi.

Por dhe kjo është vetëm një pjesë e së vërtetës, pasi edhe mediat zgjedhin të japin gjysmë të vërtetën duke ngritur edhe më shumë mjegullnajën e kësaj ngjarje që po hetohet nga prokuroria nga Krimet e Rënda.

Burime për DITA nga kjo Prokurori bëjnë me dije se dëshmitari kyç që është Albert Veliu dhe njerëz pranë tij kanë nisur të flasin.

Historia është më ndryshe nga sa paraqitet. Fillimisht Veliu është kontaktuar nga një deputet i PD, që është Ervin Salianji. Ai është ftuar edhe në protesta të PD kundër qeverisë.

Falë regjisë së deputetit Salianji dhe të Gazmend Bardhit është komanduar një gazetar. Nuk dihet sesi gazetari dhe Albert Veliu (Babalja) mund të kenë takuar Agron Xhafën, por burime pranë prokurorisë, bëjnë me dije se nga analiza e qelizave telefonike, Babalja nuk rezulton të jetë takuar me Agron Xhafajn.

Disa muaj më vonë PD duke përdorur Babalen dhe gjendjen e tij tejet të vështirë ekonomike kanë provuar sërish për të komunikuar me vëllain e ministrit.

Duke arritur t’i nxjerrin disa fjalë atij nga telefonatat është bërë një bashkim i fjalëve dhe i bisedës duke nxjerr në finale audion që publikoi PD.

Informacionet e mësipërme janë tashmë duke u administruar nga Prokuroria ndërsa Babalja dhe Agron Xhafaj kanë lënë zërin e tyre për t’u bërë ekspertiza.

Por disa pyetje që lindin pas kësaj janë:

–Si ra në kontakt Salianji dhe Bardhi me Albert Veliun?

-Çfarë i premtoi apo i dha në këmbim të bërjes pjesë në investigim?

-A është deputeti i PD strumbullari i gjithë kësaj historie që ngjason shumë me atë të Durim Bamit?

-Përse gazetari nuk e publikoi në media punën e tij investigative, por e çoi te Partia Demokratike?

-A do ta dorëzojë videon e plotë në prokurori?/DITA