Aktualitet

Ditët e fundit, disa tërmete janë regjistruar në jug te vendit, kryesisht në qytetin e Vlorës, Himarës, Gjirokastrës dhe Tepelenës, të cilat kanë shkaktuar mjaft panik të banorët.

Megjithatë për sizmiologun Rrapo Ormeni, lëkundjet 5-6 ballë janë normale pasi vendi ynë ndodhet në një zonë me aktivitet sizmik të lartë.

“Shqipëria këto tërmete i ka normale. Gjatë vitit bien disa tërmete të tilla në zona të ndryshme të vendit, janë tërmete të cilat ndihen fort, janë të frikshëm por në përgjithësi nuk shkaktojnë dëme. Dëmet e tërmeteve fillojnë me magnituda më të larta, kryesisht tek magnituda 5 ose intensiteti me epiqendër 7”, u shpreh ai për Ora News.

Tërmeti i 19 majit, është pasuar nga 30 lëkundje, të cilat sipas Ormenit do të pasohen edhe nga të tjera në ditët e ardhshme. “Do të ketë lëkundje që vazhdojnë disa ditë. Sipas madhësisë së goditjes kryesore kur është e këtij rangu vazhdojnë disa ditë, kur është e madhe vazhdojnë me muaj dhe kur është shumë e madhe vazhdojnë me vite derisa në vatrën e tërmetit të vendoset gjendja e ekuilibrit, të çlirohet e gjithë energjia”, sqaroi Ormeni.

“Gjithmonë duhet të ruhet qetësia, të vendosesh nën një objekt më të fortë, një tavolinë. E shikon që kaloi goditja kryesore, nuk ka më, e mira është të dalësh jashtë”, këshilloi ai.

Në jug të vendit tërmeti i dytë 6 ballë, shkaktoi dëme të konsiderueshme materiale ku 9 shtëpi janë kthyer në të pabanueshme

Deputeti socialist Erjon Braçe ka komentuar ngjarjen e sotme të ndodhur në komisionin për Ekonominë e Financat. Braçe shkruan se xhesti dhe etika e gazetares nuk ishte normale  Dhe në institucionin që ai drejton nuk do të lejonte që të ndodh një gjë e tille.

Postimi i plotë:

NUK NDODH KUND NE BOTE!!

1. Une mendoj se; Ne nje mbledhje pune te komisionit per Ekonomine e Financat (cdo komisioni kuvendor xhanem), cilido gazetar duhet te degjoje, nese nuk i mjafton mund edhe te mbaje shenime.
   Por kaq. Mbledhja e komisionit per Ekonomine e Financat perfshin spjegime, pyetje e pergjigje, diskutime, kundershtime, votim gjithashtu, por nga deputetet e mes tyre. Ndaj eshte nje mbledhje pune.
   Mbledhja e punes e komisionit per Ekonomine e Financat nuk ka se si te jete dialog mes deputeteve e gazetareve apo, batuta te gazetareve me ze e figure, perkunder fjaleve te deputeteve.

Pa me te voglin diskutim, pas mbledhjes, gazetaret kane te gjithe te drejten te pyesin, marrin pergjigje,
te raportojne ne liri te plote, madje te kritikojne, po te duan edhe te shajne ku te duan dhe cilindo deputet, me apo pa arsye, ne media apo profilin e tyre ne te gjitha rrjetet sociale.

Ajo qe ka ndodhur sot gjate mbledhjes se komisionit per Ekonomine e Financat nuk ndodh kerkund ne bote; Nje gazetare, po, per mua “ajo me syze”- nuk eshte gazetare e atashuar prane komisionit ku une drejtoj, per here te dyte e kam vene re sot dhe per fajin tim nuk e di si quhet, e pa te arsyeshme te tallet me fjale e xheste, me ze e me figure i thone, ne mes te mbledhjes me deputetet.

Une e kuptoj qe te vendosesh rregull ne kete vend eshte e veshtire, per shkak te politikane gjithnje, po e pranoj edhe kete. E thashe edhe ne komision sot; Te fajesosh drejtuesin e komisionit perse vijon te drejtoje nje mbledhje normale, eshte aq e tepert sa nuk ka.

Por te bej viktimen nje gazetar qe shkel cdo rregull pune ne nje komision Kuvendor, pastaj etiken me minimale duke i dhene mundesi vetes te abuzoje pa cak me te qenit gazetar terreni,
eshte aq e tepert sa kalon cdo cak.

Gjithe cfare i lexova ne nje status publik, me jep aq te drejte ne sa shkruaj sa edhe konsumova publikisht ne komision!
Nuk ka gazetar ne bote qe e

merr veten me aq te mira sa te nderhyje me ze, fjale e xheste ne nje mbledhje pune deputetesh, per te fyer cilindo prej tyre.
Per asnje motiv, qofte ky edhe motiv qe vjen nga bindjet politike, personale, te drejta, publike ose jo.
Une per vete nuk do ta toleroj kurre.

Pa as me te voglin diskutim, ne nje perballje qe shpesh quhet “konference per shtyp”, gjithkush ka te drejten te bej “betejen” e tij me cilindo politikan qe ka marre persiper te jete perballe medias.
Por me te gjithe njesoj ama!

Per te shpetuar fytyren qe shpesh shfaqet si apolitike.

1. Arsen, une pranoj cilendo kritike por gjithnje ate qe ngrihet mbi te verteten. Mbi gjysma te verteta eshte e veshtire te gjykosh mbi ngjarjen apo sjelljen e kujtdo.

Kryeministri Edi Rama gjatë një dëgjese me qytetarët ka folur për drejtësinë, administratën, por edhe probleme të tjera, ndërsa nuk ka kursyer edhe batutat.

Sëmundje e vjetër, problem i madh kur njerëzit shkojnë në një zyrë hipoteke, e cila është simboli në këtë pikë. Çdo muaj zgjidhim rreth një mijë probleme. 120 persona janë ndëshkuar për mos përgjigje ndaj qytetarëve. Të pastrojmë administratën nga ata që janë mësuar të jetojnë si parazitë.

Është e pavërtetë dhe manipulim i madh që ne i paskemi dhënë qindra milionë oligarkëve për koncesionet, sepse duket se kemi marrë nga arka qindra milionë dhe ua kemi dhënë atyre, e vërteta është ndryshe. Në paguajmë cdo vit, pjesë pjesë, sipërmarrje që kanë marrë koncesionin për të bërë shërbime publike më të mira. Shumica duan të punojnë në shtet, o shtet o s’ka, thotë Rama.

Diskutimet e kryeministrit me qytetarët dhe batutat
Rama: Çajupi që iu ka njohur mirë e ka thënë ‘pika që s’ju bie se nga gratë rroni’.

Qytetarja: Unë jam njëra nga banoret e dëmtuara nga pallati…

Rama: Tani mos e zgjat, e përfundojmë para se të fillojë dimri

Qytetarja: Më kanë hequr dritat prej 6 muajsh, ka mbetur puna të gjykata e lartë?

Rama: Për rastin tënd, nuk kemi se cfarë shtojmë, se është në gjykatë, por është rasti për të përsëritur; nuk mund të zëvendësojmë gjykatat, kryeministri nuk bën dot prokurorin, ne e kemi ndërruar këtë sistem, që kur kemi vendosur të hyjmë në sistemin e ri. Nuk cakton kryeministri kush hyn në burg. Gabojnë ata që thonë se qeveria kap ata që janë të varfër dhe jo të fortët, këtë duhet ta bëjë drejtësia. Ka filluar pastrimi i sistemit të drejtësisë, njerëz të fuqishëm sot kanë dalë jashtë sistemit dhe një pjesë e tyre do të japin llogari për pasurinë.

Rama: Kush e do fjalën, jo, jo, je burrë ti, ulu, e kanë radhën gratë pastaj burrat. Imagjino që mos kesh gruan, ku vete…

Qytetarja: Kisha tre vite probleme me hipotekën, të kapa në Virua, te Kalaja nuk më lanë bodigardët, tani e zgjidha…

Rama: Po u ngrit edhe një të lavdërojë drejtorin e hipotekës e morët në qafë. Ulu more, pse të ulesh?! Nuk je grua…Të duket vetja më i mirë se kjo…rri tani

Qytetare: Jam rrahur nga nusja, prokuroria dhe gjykatat më kanë marrë pronën, shtëpinë, iu lutem kërkoj ndihmën tuaj?

Qytetari: Ju keni bërë shumë punë me shërbimet, ta themi drejt, se unë jam moshatar
Rama: Me mua…? (qesh)

Qytetari: Ore me pensionet e fshatit ca do bëhet, as i ngre dhe as i ul?
Rama: Ke të drejtë me pensionet, por a një kryeministër që nuk do t’i rrisë. Për pensionet e fshatit ka qenë problem cështja e kontributeve.

Paraditen e sotme vendi ynë është dominuar kryesisht nga një mot i kthjellët dhe me diell në orët e para të mëngjesit, por sipas sinoptikanëve pritet të kemi sërish një përkeqësim të kushteve atmosferike. Sipas Institutit te Gjeoshkencave, Energjisë, Ujit dhe Mjedisit (IGJEUM) gjatë pasdites së sotme dhe nesër në mesditë priten reshje të dobëta në disa qarqe të vendit.

Reshjet:

Sot pasdite (e hënë, dt.21) dhe nesër në mesditë (e martë, dt.22) pritet të ketë reshje të dobëta në të gjithë vendin, ndërsa në disa qarqe të jenë lokalisht deri mesatare. Gjatë pasditeve mund të ketë lokalisht edhe shtrëngata, kryesisht në terrenet kodrinore-malore dhe në zonat pranë tyre.

Temperaturat:

Nesër (e martë, dt.22) temperaturat minimale dhe maksimale të ajrit pritet të arrijnë:

në bregdet: 17 / 30°C

në vendet e ulëta: 18 / 28°C

në vendet malore: 10 / 24 °C

Era

Sot pasdite (e hënë, dt.21) dhe nesër (e martë, dt.22) era pritet të fryjë mesatare.

Vendi ynë shumë shpejt do të ketë tre aeroporte. Veç aeroportit ekzistues të Rinasit në Tiranë, vendi do të ketë në funksion aeroportin e Kukësit, teksa do të ndërtohet dhe ai i Vlorës. Gjithashtu, qeveria po vlerëson dhe ndërtimin e një aerodromi në Gjirokastër.

Kryeministri Edi Rama bëri të ditur, në përfundim të mbledhjes së qeverisë, duke iu përgjigjur interesit të mediave se, zgjedhja e Vlorës për t’u ndërtuar aeroporti i ri, nuk ka si qëllim diskriminimin e Gjirokastrës, por është çështje ekonomie dhe potenciali.

“Së pari kjo nuk është çështje zgjedhjeje diskriminuese apo mënjanimi, por çështje llogarish. Ka tjetër shkallë ekonomie Vlora dhe tjetër Gjirokastra.

Ka tjetër potencial investimi dhe kthimi Vlora dhe tjetër Gjirokastra. Ajo që mund t’ju them është se jemi në diskutim dhe s’do bëjmë normalisht dy aeroporte, por jemi duke duke vlerësuar mundësinë dhe krijimin e një aerodromi edhe në Gjirokastër.

Por gjithnjë pas një llogarie të mirëmenduar ekonomike, pasi shumë shpejt vendi ynë do ketë tre aeroporte, Rinasin, do futet në punë ai i Kukësit dhe do ndërtohet aeroporti i Vlorës, ç’ka do ishte luks të kishim dhe një në Gjirokastër”, tha Rama.

Radhë të gjata automjetesh në pikën kufitare të Kakavijës. Pas kapjes së një sasie heroinë një ditë më parë nga pala greke, policia e shtetit fqinj po ushtron kontrolle të rrepta mbi automjetet që kalojnë në këtë pikë kufitare. Të gjitha mjetet kalojnë në skaner, shkruan Ballkanweb.

Mbi 6 kg heroinë u kapën dje në portin e Igumenicës në makinën e një shqiptari me pasaportë italiane. Ai po udhëtonte me një mjet luksoz nga Greqia për në Itali.

Monedha e përbashkët e ka nisur javën me rënie, duke zbritur në 127.04 lekë, 0.13 lekë më pak se në fund të javës së kaluar, sipas kursit zyrtar të Bankës së Shqipërisë, duke arritur nivelin më të ulët në më shumë se një javë.

Rënia e euros ditën e sotme lidhet më shumë me nënçmimin e saj në bursat ndërkombëtare. Monedha e përbashkët zbriti në 1.17 dollarë, duke kapur nivelin më të ulët që prej muajit dhjetor.

Dollari është rritur në mënyrë surprizë në bursa, duke arritur nivelin m ëtë lartë në pesë muajve, si rrjedhojë e lehtësimit që ka sjellë pezullimi i luftës tregtare mes Kinës dhe SHBA-ve.

Euro nga ana tjetër është e dobët për shkak të koalicionit qeveritar populsit në Itali, në një kohë që pritshmëritë për një rritje të interesave nga Banka Qendrore Europiane janë shtyrë për në mes të vitit 2019.

Luhatjet në tregun ndërkombëtar janë reflektuar dhe përmes rritjes së dollarit, i cili kërceu në 108.15 lekë, duke arritur nivelin më të lartë që nga mesi i muajit janar.

Gjithsesi, në dhjetor 2017, kur euro ishte në të njëjtat nivele në bursat ndërkombëtare ndaj dollarit, në tregun e brendshëm ajo këmbehej me 133 lekë, nga 127 lekë që është sot, duke treguar që janë faktorët e brendshëm ato që po shkaktojnë zhvlerësimin afatgjatë të monedhës së përbashkët.

Madje në shkurt e mars, kur euro u ngjit në 1.24-1.25 dollarë, në tregun vendas monedha e përbashkët zbriti afër 130 lekëve shkruan Monitor.

Ekspertët pohojnë se arsyeja kryesore e euros së dobët lidhet me ofertën e lartë për valutë në tregun e brendshëm, përballë kërkesës së dobët.

Faktorët mbeten të njëjtë, burimet nga ekonomia informale, që po kanalizohen përmes ndërtimit, të ardhurat nga turistët që këtë vit pritet të jenë më të shumë në numër dhe faktorët e zakonshëm si eksportet, remitancat, pagesat e taksave nga bizneset që i kanë të ardhurat në euro, etj