Aktualitet

Fshati shqiptar duhet t’i kthejë sytë nga agroturizmi. Me shembujt e suksesit në fushën e agroturizmit që tashmë ekzistojnë në Shqipëri, qeveria synon të nxisë jo vetëm investitorët, por edhe vetë fermerët të shfrytëzojnë pasuritë natyrore për t’i kthyer në një biznes mjaft fitimprurës. Një prej këtyre shembujve të suksesit ndodhet në Ballaban të Këlcyrës, ku Magide, një investitor francez, sëbashku me bashkëshorten e tij shqiptare, Elonën, kanë ndërtuar fermën e quajtur “Grand Albanik”.

Kryeministri Edi Rama në një bisedë të zhvilluar në fermën e tyre, së bashku me fermerë të tjerë të zonës, shpjegon se qeveria ka një paketë të posaçme mbështetjeje për agroturizmin shqiptar. “Është gjëja që ne duam të nxisim shumë, se ju jeni një ndër shembujt, por ka dhe shembuj të tjerë që janë pozitivë, ka pak akoma, por për këtë arsye, ne jemi shumë të interesuar që t’i promovojmë dhe t’i nxisim të tjerët që të hyjnë në këtë rrugë. Në këto zona, një familje që zotëron një pozicion dhe një pronë mund të marrë mbështetje nga qeveria për të transformuar shtëpinë në një bujtinë, për ta kthyer në një instrument fitimprurës nëpërmjet një ferme të vogël që i shërben tavolinës, nuk është për tregun dhe është rezultat i sigurte.”

Elona, e cila pas një tjetër eksperience të suksesshme në fushën e agroturizmit në qytetin e Elbasanit është kthyer për të investuar në vendlindjen e saj, shprehet mjaft e kënaqur me rezultatet e punës së deritanishme. “Kemi gati 2 vjet e gjysmë që punojnë dhe investojmë këtu. Kemi shumë pak kohë që jemi hapur. Gjithçka po shkon shumë mirë. Jemi shumë të kënaqur. Është edhe më larg seç e kemi pritur. Tani me sezonin turistik, edhe sepse kemi bërë pak publicitet nëpër guida turistike franceze etj., ka të huaj që vijnë, por edhe shqiptarë. Kemi gati 10 vjet që merremi me agroturizmin.”

Kryeministri Rama thekson se të gjithë ata që do të ngrenë një fermë, bujtina, apo restorante do të përjashtohen nga taksa e ndikimit në infrastrukturë, ndërsa do të përfitojnë edhe nga ulja e taksave të tjera. “Paketa e re mbështetëse financiare nuk është vetëm te subvencionet direkte që do japim për projekte në agroturizëm në çdo zonë të Shqipërisë, nga Thethi deri në Konispol, por është dhe tatim-fitimi 5%, është dhe TVSH 6%. Pra, siç është TVSH-ja 6% për hotelet me 4 dhe 5 yje që do ndërtohen, do jetë edhe për të gjitha strukturat e agroturizmit, për hotelet dhe bujtinat në një fermë të vogël, edhe me fjetje dhe restorant në dispozicion. Këto incentiva, besoj, do tërheqin edhe paranë e sipërmarrësve të ndryshëm, që mund t’i kenë lënë këto vende dhe kanë shkuar në Tiranë, që kanë mundësi të investojnë në pronat e tyre të prindërve, gjyshërve, por edhe për familjet në fshat.”

Edhe Alex, një tjetër francez, bashkë me Migenën, kanë ndjekur të njëjtin shembull, duke blerë një tokë aty pranë, për të zhvilluar modelin modern të bujqësisë. “Ky është një shembull që është i vlefshëm edhe për ata që janë në emigracion, sepse kanë kursimet e tyre, kanë të ardhurat e tyre dhe kanë një kapital që duke ardhur në këto zona, duke pasur një pronë këtu, apo një shtëpi të vjetër mund ta vënë këtë kapital dhe mund të fitojnë shumë më tepër sesa mund të fitojnë me punën në emigracion, ndërkohë që atje mund të vazhdojnë të qëndrojnë për shkak të fëmijëve etj., për një periudhë kohe, por mund ta lënë në shfrytëzim këtu me të tjerë njerëz. Është një rrugë e njohur që e kanë ndjekur shumë të tjerë përpara nesh dhe që ne kemi mundësi ta ndjekim tani, sepse kemi shumë zona të virgjëra dhe të mrekullueshme,” shprehet Kryeministri.

Ferma “Grand Albanik” është një bujtinë ku tradita është në harmoni të përsosur me ekologjinë dhe ku ofrohen prodhimet bujqësore të zonës, delikatesat franceze dhe gatimet përmetare. “Ne mundohemi që nëpërmjet produkteve bazë, që janë të një cilësie të jashtëzakonshme, duke filluar nga qumështi, djathi, mishi, të mund ta sjellim në një formë pak më elegante,” shprehet Elona, duke shtuar se ky është gjithashtu vendi ideal për të kaluar një fundjavë në kohë pune dhe javën e plotë në kohë pushimesh.

Pasi emri i Ermalit, punonjës policie në Vlorë, u përmend gjatë audioregjistrimit të publikuar nga Partia Demokratike, ABC News zbulon identitetin i tij. Nga verifikimet e efektivëve të policisë së qarkut Vlorë, Ermal Haxhi, ka qenë i vetmi që ka pasur rol drejtues në periudhën Shtator-Dhjetor 2017, si shef stacioni në Policinë e Dhërmiut.

Prokuroria e Krimeve të Rënda ka nisur verifikimet pas përmendjes së emrit të një punonjësi të policisë në qarkun Vlorës gjatë audioregjistrimit të publikuar nga Partia Demokratike javën e kaluar.

Në atë përgjim, dëshmitari X, Albert Veliu dhe gazetari invesigativ, Jetmir Olldashi, pretendojnë se drogën përtej detit, do ta kalonin nëpërmjet efektivit me emrin Ermal.

ABC News ka verifikuar punonjësit e policisë së qarkut Vlorë, që kanë pasur rol drejtuesi në periudhën 2016-2017. I vetmi që ka pasur post drejtuesi në atë qark ka qenë Ermal Haxhi, i cili nga Shtatori deri në Dhjetor 2017 ishte shef stacioni në Policinë e Dhërmiut.

Për këtë emër, Pokuroria e Krimeve të Rënda nuk jep informacion, duke thënë se është çështje në hetim dhe mund të dëmtohen provat. Ndërkohë paralelisht organi i akuzës po verifikon të gjitha tabulatet telefonike, të punonjësve të policisë së qarkut Vlorë, me emrin Ermal për të vërtetuar, nëse ka pasur bashkëpunim, ndërmjet efektivëve blu me trafikantët e lëndëve narkotike.

Përgjimi i kryer në lokalin e Agron Xhafaj nga Veliu ka ndodhur në Tetor të vitit 2017, ku sipas dëshmitarit Albert Veliu, pretendohet se për trafikun e dorgës duhet të takohet me punonjësin e policisë të quajtur Ermal.

Të hënën, tre zyrtarë të Partisë Demokratike që denoncuan audiopërgjimin e një bisede për trafik drogë u paraqitën tek Prokuroria për Krimet e Rënda. Ata iu përgjigjën thirrjes së prokurorisë për t’u pyetur në lidhje me hetimin e nisur për rastin. Përveç deputetëve dha shpjegime edhe gazetari Jetmir Olldashi, personi që mori përsipër autorësinë e intervistës së Albert Veliut dhe të audiopërgjimit./Pamfleti

“Ne i kemi mbyllur ato hesape, kanë ardhur kanë bërë benë, sipas zakoneve që kemi pasur”.

Kjo është deklarata e prindërve të Bujar Dakës i cili në prill 2017 u shpall në kërkim për dyshimet se kishte porositur vrasjen e kryekomisarit Artan Cuku.

Pavarësisht se më pas u identifikuan si porositës, persona të tjerë për të cilët u vendos masë arresti në mungesë, Bujar Daka u harrua nga prokuroria për një vit rresht në listen e të kërkuarve, madje iu mbajten pa të drejtë edhe sendet personale.
Atij iu shkelën të drejtat duke iu ndaluar të dalë jashtë vendit pa arsye, edhe pse ai nuk ishte më një i dyshuar.

Top Channel kërkoi informacion në datën shtatë maj mbi këtë shkelje të Prokurorisë së Krimeve të Rënda, por informacioni u përcoll tej afatit 10 ditor të caktuar nga ligji për të drejtën e informimit.
Edhe pse ndërkohë kishte marrë prej muajsh një masë sigurie për të dyshuarit e vërtetë të vrasjes së Artan Cukut, prokurori i çështjes Henrik Ligori shpjegon se edhe vëllezërit Daka kanë qenë të dyshuar për vrasjen e kryekomisarit .

Me këtë shpjegim kontradiktor prokuroria justifikohet se përse u mbajtën të sekuestruara sendet personale të Bujar Dakës dhe përse ai qëndroi në kërkim tej çdo afati dhe pa shkaqe të bazuara.

“Në përfundim të hetimeve, Z.Bujar Daka iu kthyen sendet e sekuestruara. Ai i paraqiti prokurorit vetëm shqetësimin se figuronte ende në kërkim dhe pengohej të lëvizte drejt Malit të Zi. Nga ana e prokurorit, u telefonua menjëherë Z.Ibrahim Hoxha, oficer në Drejtorinë e Përgjithshme të Policisë së Shtetit, i cili informoi se kreu të gjithë praktikën e nevojshme të heqjes nga kërkimi në sistemin e Policisë së Shtetit”, thuhet në dokument.

Pas kësaj përgjigjeje pyetja që ngrihet është, kush i mbron të drejtat e qytetarëve atëherë kur atyre u shkelen garancitë që u ofron ligji?/Pamfleti

Prej 3 ditësh polombarët e RENEA-s vijojnë kërkimet për gjetjen e trupit të 20-vjeçarit, Xhorxho Seferi që ra në Shpellën e Pëllumbasit.

Po ashtu sot do të devijohet edhe një pjesë tjetër e lumit, pasi rrjedha është shumë e fuqishme dhe terreni është shumë shkëmbirë. Kërkimet vazhdojnë edhe nga Policia e Farkës.

Xhorxho Seferi dhe Fabio Dukagjini kishin dalë të dy, pasi siç shihej edhe në profilet e tyre në rrjetet sociale ata kishin pasion natyrën.

Fabio Dukagjini, i riu që u shpëtua ka thënë se shoku i tij kishte hyrë në lumë dhe nuk kishte mundur ta shpëtonte. Xhorxho Seferi rezulton i zhdukur prej mesditës së të shtunës, ndërsaFabio tha se e kishte marrë rrjedha e lumit.

https://www.facebook.com/1502420603377639/videos/2166622506957442/?t=0

Lokali që shikoni në pamje është vendi ku thuhet se u realizua audio-përgjimi midis Albert Veliut, ose i njohur ndryshe si “Babalja” me të supozuarin vëllain e ministrit të Brendshëm, Agron Xhafa.

Një ambient ku shërbehet kafe, në katin e dyte të një pallati, përgjatë bulevardit Vlorë- Skelë.

Vlonjatët e njohin prej shumë vitesh si pronë e Agron Xhafës, zëri i të cilit hamendësohet se ishte në audio përgjimin, në bashkëbisedim me Babalen për afera të trafikut të kanabisit.

Në lokalin “Miami”, vazhdohet të shërbehet. Fqinjët thanë se klientela nuk ka pësuar rënie. Sikurse ai nuk është mbyllur asnjë ditë megjithëse tashmë dyshohet si strofka ku u gatua përgjimi që shkaktoi skandal, shkruan Abcnews.

Në kohën kur u regjistruan zërat mes Babales që kërkonte drogë për të dalë nga gjendja e tij e vështirë ekonomike, dhe sipas tij, Agron Xhafës, kanë qenë dhe persona të tjerë, por që identiteti i tyre nuk bëhet publik.

Gazetari Jetmir Olldashi i cili ka pranuar se ishte një investigim prej tij, nuk ka qenë prezent në procesin e audio përgjimit dhe as e ka parë dhe njeh Agron Xhafën.

Olldashi ka folur për median se koha kur u realizua audio-përgjimi ishte Tetori i vitit të kaluar, kurse PD e bëri publike më datë 14 Maj.

Dy ditë më pas, vëllai i ministrit Xhafa përmes një letre publike mohoi të ishte zëri i tij. Ai dha një deklarim në Prokurori dhe më pas iu vetëdorëzua policisë italiane në aeroportin e Rinasit.

Një ditë më pas PD transmetoi intervistën që gazetari Olldashi kishte realizuar me Babalen, i cili tregoi se kishte vepruar për hakmarrje dhe se zëri tjetër ishte i ish-shokut të tij Agron Xhafa. Në Vlorë familjarët e Babales apo të Albert Veliut janë larguar nga banesa, por në “Miami bar” klientela vazhdon. /albeu.com/

Por megjithëse ai është një ish-oficer i përjashtuar zyrtarisht nga policia shqiptare, Dritan Zagani i fshehur në arrati jashtë shtetit dhe në kërkim nga drejtësia, vazhdon të vetë-prezantohet ende si punonjës i Policisë së Shtetit Shqiptar, në adresën e tij në rrjetin social “Facebook”, ku komunikon përditë edhe me zyrën e informacionit të PD
Shkruan: Memo Aliaj

Ish-shefi i hetimit të anti-drogës në Fier Dritan Zagani, zyrtarishrt rezulton i përjashtuar nga struktura dhe puna në Policinë e Shtetit, pas arrestimit në datën 4 maj 2014 për lidhje me bandat e trafikurt të drogës dhe çuarjes së tij në gjyq, proces të cilit iu shmang duke u arratisur jashtë Shqipërisë 3 vite më parë e që prej kaq kohësh, ai është i shpallur në kërkim ndërkombëtar nga drejtësia shqiptare.

Por megjithëse ai është një ish-oficer i përjashtuar zyrtarisht nga policia shqiptare, Dritan Zagani i fshehur në arrati jashtë shtetit dhe në kërkim nga drejtësia, vazhdon të vetë-prezantohet ende si punonjës i Policisë së Shtetit Shqiptar, në adresën e tij në rrjetin social “Facebook”, ku komunikon përditë edhe me zyrën e informacionit të PD. Sipas ligjit anti-krim, një veprim i tillë cilësohet dhe kualifikohet “vepër penale”, parashikuar nga Kodi Penal, i cili përcakton:

Neni 190

“Falsifikimi ose përdorimi i vulave, i stampave apo i formularëve të falsifikuar ose paraqitja e rrethanave të rreme në këto të fundit, që u drejtohen organeve shtetërore, dënohet me burgim nga gjashtë muaj deri në katër vjet dhe me gjobë nga katërqind mijë deri në një milion lekë.

Kur kjo vepër kryhet në bashkëpunim ose më shumë se një herë apo ka sjellë pasoja të rënda, dënohet me burgim nga gjashtë muaj deri në pesë vjet dhe me gjobë nga gjashtëqind mijë deri në dy milionë lekë. Kur falsifikimi bëhet nga personi që ka për detyrë hartimin dhe zbatimin e tyre, dënohet me burgim nga tre deri në shtatë vjet dhe me gjobë nga një milion deri në tre milionë lekë”./Pamfleti

Pas 10 takimesh, çdo të hënë në oborrin e Teatrit Kombëtar, Aleanca për Mbrojtjen e Teatrit Kombëtar e mbylli këtë fazë.

Ishte dorëzimi pranë Ministrisë së Kulturës i kërkesës për shpalljen e dy godinave të TK dhe të Teatrit Eksperimental “Kujtim Spahivogli” në një “korpus monument kulture”, që i dha fund kësaj faze të parë rezistence ndaj idesë për shkatërrimin e godinave të mësipërme dhe ndërtimit në vend të tyre të një tjetër teatri, shoqëruar me një seri kullash, si produkt i partneritetit publik-privat.

Kërkesa në fjalë është shoqëruar me firmat e 780 artistëve, politikanëve dhe qytetarëve të Tiranës, që kërkon ruajtjen e godinave të teatrit si pjesë e memories së qytetit, por edhe historisë së një sërë institucionesh kulturore që kanë hedhur hapat e para, pikërisht në këtë kompleks godinash.

I pari që hodhi firmën në këtë kërkesë ishte aktori Robert Ndrenika, i pasuar nga shumë të tjerë. Regjisori Kastriot Çipi, një prej artistëve më aktivë në mbrojtjen e godinës së Teatrit Kombëtar dhe një ndër drejtuesit e SASE-s (Sindikata e Artistëve të Skenës dhe Ekranit), thotë se tashmë ka përfunduar faza e grumbullimeve dhe fjalimeve në oborrin e teatrit dhe po mendohet.

Po diskutohet një formë e re rezistence, jo detyrimisht përmes radikalizmit të saj me greva urie, por pse jo përmes vet artit, teatrit, muzikës, video-projeksioneve… por gjithçka do të bëhet me dije në ditët në vijim. Ndërkaq, ideja për ngritjen e një fondacioni që do të mundësojë mbledhjen e fondeve për të rikonstruktuar godinën aktuale të TK-së, pritet të marrë formë ligjore.

REZISTENCA

Historia e mbrojtjes së godinës së Teatrit Kombëtar rinisi në datën 8 shkurt, kur po diskutohej lëvizja e trupës së TK-së drejt qendrës kulturore “Turbina”, por edhe pas publikimit të projektligjit “Për artin dhe kulturën”.

Pasi u mbyllën dilemat për zhvendosjen dhe projektligjin, ia behu deklarata e Kryeministrit Edi Rama, i cili tha me zë e figurë se godina e Teatrit Kombëtar do të shembet dhe mbi të do të ngrihet një ndërtesë e re. Madje, në ambientet e Kryeministrisë ai prezantoi edhe një projekt nga arkitekti danez Bjarke Ingels. E gjithë kjo u shoqërua me një përçarje të artistëve pro dhe kundër shembjes së godinës aktuale dhe ngritjes së një të reje.

Po aq edhe me deklarata kundërthënëse nga titullarë të institucioneve të ndryshme, që nga Bashkia e Tiranës, te Ministria e Kulturës. Si rezistencë kundrejt qëndrimeve institucionale një grup artistësh e përfaqësues të shoqërisë civile krijuan Aleancën për Mbrojtjen e Teatrit Kombëtar, e cila fillimisht tërhoqi vëmendjen me deklarata të forta aktorësh, për t’u qetësuar më në fund në disa njerëz që i qëndruan besnik deri në fund kauzës.

Gjatë 10 javëve rezistencë u zhvilluan takime me përfaqësues të opozitës, u hartuan kërkesa e peticione drejtuar institucioneve shqiptare, por edhe faktorit ndërkombëtar. Dhe pas 10 javësh fjalimesh e deklaratash të artistëve, qytetarëve e specialistëve të arkitekturës, pritet që rezistenca të kalojë në një nivel tjetër, me shpresën që interesi publik të jetë më i madh se në këtë fazë të parë.

Pas shumë akuzave nga opozita për keq qeverisje të vendit, skandaleve me ish-ministrin Saimir Tahiri, publikimet e videos e audio-përgjimit përmes të cilave opozita kërkon të kryqëzojë Fatmir Xhafën dhe të vëllain Agron Xhafa, Kryeministri Edi Rama duket se nuk ndihet më rehat në karrigen drejtuese të qeverisë.

Në një intervistë nga qyteti I Gjirokastrës, Rama duket se ka nisur “flirt” në distancë me Presidentin Iliri Meta, pasi e ka cilësuar si Presidentin më të mirë që ka pasur Shqipëria.

“Ilir Meta nuk ka bërë asnjë gabim deri më sot. Nuk është se kemi shumë komunikim,po ka pak rëndësi.Ajo që unë vlerësoj është pozicioni që ai mban. Nëse nuk do ishte Meta, po një person që s’do kishte bagazh nga e shkuara do ishte shume keq.Është presidenti më i mirë që kemi pas.”- është shprehur Rama

Pavarësisht ndaj elozheve në drejtim të Metës, bashkëshortja presidenciale aktualisht kryetare e LSI Monika Kryemadhi, e ka kundërshtuar jo pak herë në sallën e Parlamentit, madje duke e shndërruar në “tabelë qitje” për çizmet e saj 1000 dollarëshe./ Pamfleti.net