Aktualitet

Çifti i prokurorëve Dritan Gina dhe Rovena Gashi, nuk do të gjykohen nga gjykata e Durrësit, por nga ajo e Fierit. Vendimi për transferimin e dosjes në këtë gjykatë është marrë pak ditë më parë nga prokuroria e qytetit bregdetar, e cila vendosi të shpallë moskopetëncën lëndore dhe të transferojë dosjen me të pandehur prokurorët Dritan Gina dhe Rovena Gashi në Fier.

Ky vendim është marrë pasi prokuroria i ka komunikuar akuzat dy prokurorëve, dhe marrë ata të pandehur. Sipas burimeve të prokurorisë së Durrësit, dosja është transferuar në Fier, ku dhe do të gjykohet.

Ky vendim është marrë për të shmangur konfliktin e interesit, pasi Gina ka punuar për disa vite në prokurorinë e Durrësit dhe ka përfaqësuar këtë prokurori gjykatë. Nisur nga kjo situatë, për të mos i lënë vend çdo kalkulimi, prokuroria ka transferuar dosjen në Fier.

Në Elbasan dhe Tiranë, nuk mund ta transferonin pasi Gina ka shërbyer si drejtues në Elbasan, ndërkohë në Tiranë, Gina vijon te të ishte prokuror, e ndërsa bashkëshortja e tij Gashi, ka shërbyer për disa vite në këtë akuzë.

Ditën e hënë të kësaj jave, Prokuroria e Përgjithshme Arta Marku, nëpërmjet një njoftimi, dy prokurorët Rovena Gashi dhe Dritan Gina janë marrë të pandehur për veprën penale të fshehjes së pasurisë, akuzë kjo që është pasuar me urdhrin e pezullimit të tyre nga detyra.

Pasuria e bashkëshortëve Gashi dhe Gina po hetohej nga Prokuroria e Durrësit, e cila njoftohet se ka regjistruar ndaj tyre procedim, i cili parashikon veprën penale të “refuzimit për deklarim, mosdeklarim, fshehje ose deklarimi i rremë i pasurive, interesave private të personave të zgjedhur dhe nëpunësve publikë”.

Sipas Prokurorisë së Përgjithshme, pezullimi nga detyra për Rovena Gashin dhe Dritan Ginën u firmos nga kryeprokurorja Marku më 11 maj, pasi kjo e fundit u njoh me ngritjen e akuzës dhe marrjen në cilësinë e të pandehurve për të dy bashkëshortët.

“Dy prokurorët do të jenë të pezulluar deri në përfundim të hetimeve ose gjykimit të procedimit penal të regjistruar pranë Prokurorisë pranë Gjykatës së Shkallës Parë Durrës,” thuhet në njoftimin e shpërndarë nga Prokuroria e Përgjithshme.

Por pavarësisht kësaj që thotë, Prokuroria e Përgjithshme në njoftim, çështja penale kundër Dritan Ginës dhe Rovena Gashit tashmë është transferuar në prokurorinë e Fierit,qytet ku dhe do kryhet procesi i gjykimit. Gjatë kohës së drejtimit të prokurorisë së Përgjithshme nga Adriatik Llalla, çifti Gina-Gashi mbanin poste drejtuese.

Gina ka qëndruar si drejtues i prokurorisë së Elbasanit, ndërsa gruaja e tij Gashi ka qëndruar për 5 vite me radhë si drejtuese e Drejtorisë së Marrëdhenieve me Jashtë dhe Sektorit të Dekriminalizimit. Pas uljes në detyrë, Gashi dhe Gina i kundërshtuan vendimet e Markut në gjykatë, duke i cilësuar ato të kundraligjshme.

Pretendimet e tyre u rrëzuan respektivisht nga Gjykata e Durrësit dhe Gjykata Administrative e Tiranës, duke lënë në fuqi vendimet e kryeprokurores. Dosja penale për fshehje pasurie ndaj prokurorëve Gashi dhe Gina vjen pas hetimit, Adriatik Llalla, i cili po hetohet për pastrim parash me transaksionet multimilionë shitblerjes së tokave në periferi të Tiranës./Shqiptarja.com

Megjithëse muaji i Ramazanit ka nisur që ditën e mërkurë, kryeministri Edi Rama është kujtuar ditën e sotme për të uruar besimtarët myslimanë. Nëpërmjet një statusi në rrjetet sociale ai ka postuar disa foto nga resturimi i xhamisë së Et’hem Beut në Tiranë dhe i ka uruar të gjithë besimtarëve myslimanë një agjërim sa më të lehtë.

Postimi i plotë i Edi Ramës në Facebook

MIRËMËNGJES 😃 dhe me këto foto nga kantieri i restaurimit të Xhamisë së Et’hem Beut në Tiranë, pjesë e programit “Rrugët e Besimit” që mundeson restaurimin e objekteve të Kultit si pjesë e zhvillimit të Turizmit Kulturor, ju uroj të gjithë qytetarëve myslimanë agjërim të lehtë🙏

Një shoqatë islame “Drita” ka vënë në mëdyshje nëse dita e parë e Ramazanit fillon sot.

Sipas udhëheqësve të kësaj shoqate, BIK dhe të gjithë hoxhallarët e tjerë e kanë gabuar ditën e parë të muajit të Ramazanit.

“Drita” ka bërë një postim interesant në Instagram. Kjo shoqatë e cila nuk dihet se nga kush mirëmbahet, ka thënë se sipas disa dijetarëve të tyre Ramazani fillon ditën e enjte (nesër) dhe jo sot.

Kryeministri Rama ka bërë një deklaratë të fortë gjatë mbledhjes së grupit parlamentar të PS-së, ku la të kuptohet se 613 kg kokainë fshehur në banane i përkasin një subjekti politik të opozitës, që mesa duket ka patur edhe mbështetjen e Prokurorisë.

“Ata thonë se po pengojnë bllokojnë qeverinë e krimit dhe të drogës por në fakt po tentojnë të rrëzojnë veç Shqipërinë në këto metra të fundit, vulëhumbur pa atdhe, të coroditur nga frika e drejtësisë, ata janë vërsulur me tërbim në një ofensivë balte.

Jo vetëm që këture të paudhëve pa din e pa iman i vjen mendja se duke minuar e hedhur në erë negociatat do i kthejë njerëzit kundër nesh, e do kthehen në pushtet me rrëmujë për të marrë peng drejtësinë, por këto e dinë më mirë se të gjithë ne se me çeljen e negociatave drejtësia shqiptare bëhet një problem i madh për ta sepse hyn në fazën e çeljes deri në fund të kapakëve të zullumeve të mëdha, të krimit e korrupsionit në vite, lidhjeve reale të politikës me aktivitet krimale që ka pastrimi i parave me vulën e partisë deri te kuntalet e kokainës fshehur në banane me ndihmën e prokurorisë.Por ndërsa e ardhmja e drejtësisë afrohet, ata do e paguajnë një më një”,  tha prerazi Rama.