Aktualitet

Gramoz Ruçi kryetari i Kuvendit të Shqipërisë ka mështetur artistët e Teatrit Kombëtar. Dje, një përfaqësi e Sindikatave të Artistëve kanë zhvilluar një takim me kreun e Parlamentit, Gramoz Ruçi, në ambientet e kryesisë së Kuvendit.

Ata përgjatë tri muajsh kanë qenë në krye të rezistencës kundër shembjes së godinës së Teatrit Kombëtar, Arben Derhemi, Kastriot Çipi, Robert Budina, Taulanda Jupi dhe Ervin Bejleri kanë parashtruar të gjitha shqetësimet e artistëve.

Kanë diskutuar që nga Ligji për Artin deri tek godina në rrezik e Teatrit Kombëtar. Për këtë të fundit ata kanë kërkuar bllokimin e të gjitha veprimeve, deri në momentin e një transparence të plotë, kryerjen e studimeve dhe hapjen e konkurseve.

Aktori Arben Derhemi, kryetar i Sindikatës së Artistëve të TK-së, u shpreh optimist nga ky takim me Ruçin, i cili shprehu mbështetje të plotë për të gjitha propozimet e parashtruara nga artistët.

Ai shprehu keqardhjen që në këto 27 vjet shumë pak është bërë për artin e sidomos për teatrin. Pas këtij takimi, vetë artistët do të angazhohen në hartimin e një projektligji dhe do të forcojnë urat e komunikimit me institucionin e Parlamentit dhe ministren e Kulturës.

Një raport që vetë kreu i Parlamentit premtoi që ta përmirësojë.

LIGJI PËR ARTIN

“Patëm një takim me kreun e Parlamentit, i cili na priti mjaft mirë dhe shprehu mbështetjen e tij pa rezerva dhe në mënyrë të sinqertë. Z. Ruçi pranoi se në këto 27 vjet nuk është bërë asgjë dhe se deri më sot nuk ka pasur politika për artin dhe kulturën”, tregon Derhemi. Sipas tij, përpara Ruçit u shtruan një sërë problematikash, të cilat ai i dëgjoi me vëmendje.

“Një nga shqetësimet tona kryesore ishte Ligji për Artin dhe Kulturën dhe z. Ruçi u shpreh se duhet punuar fort për depolitizimin e artit dhe kulturës. Sipas tij, është paradoksale që drejtorin e TK-së ta vendosë ministri i Kulturës dhe Kryeministri. Sipas tij, duhet të funksionojnë më mirë bordet artistike. Po ashtu na kërkoi projekt-drafte për ligjin në fjalë, në mënyrë që të hartohet një ligj i qëndrueshëm, i cili të funksionojë të paktën për dy dekada. ‘Keni mbështetjen time në mënyrë të sinqertë, pasi ndihem me të vërtet keq që në këto vite nuk kemi bërë asgjë për artin dhe është e trishtueshme të shohësh artistë të varfër’, tha ndër të tjera”.

Po ashtu, artistët ngritën shqetësimin e të ardhurave të TK-së, të cilat me ligj u takojnë teatrit, por derdhen në arkën e shtetit. U diskutua Ligji për Sponsorizimet për mbështetjen e artit dhe kulturës dhe lehtë- sirat që meritojnë bizneset që investojnë në këtë lëmë. Mësohet që regjisori Robert Budina i solli shembullin e Qendrës së Kinematografisë, skema e të cilit ka funksionuar për 20 vjet. Sipas tij, kjo skemë ka qasur në Shqipëri studio të huaja, çka përthyhet në të ardhura, në më shumë vende pune dhe më shumë shërbime. Një skemë që mund të përdoret edhe për teatrin dhe që paratë e investuara për të, të mund të gjenerojnë para të tjera.

GODINA E TEATRIT

Një nga temat më të nxehta të kohëve të fundit ka qenë pa dyshim shembja e godinës së Teatrit Kombëtar. Artistët i kanë kërkuar Ruçit që ajo të mos shembet, por të rikonstruktohet dhe të vazhdojë të jetë funksionale, siç është edhe tani.

“Në lidhje me godinën e TK-së, i bëra me dije kreut të Kuvendit se ajo është funksionale dhe do të jetë e tillë edhe 50 apo 100 vjet të tjerë, nëse rikonstruktohet. Është një rikonstruksion që kushton vetëm 2 milionë dollarë. Meqë shteti nuk ka 30 milionë dollarë për të ndërtuar një teatër të ri, atëherë le të mbajë këtë që ka, le ta rikonstruktojë dhe ne do të ishim shumë të kënaqur, aq më tepër që është hapur një sallë alternative. Kur të kemi një shtet më të fuqishëm, që të ketë dinjitet dhe dashuri për teatrin, pasi, i thashë, që po kuptojmë që nuk ka dashuri për artin. Ka një lloj arrogance të pakuptueshme, por është e sigurt që ajo nuk pjell asgjë tjetër veç arrogancës. Dhe z. Ruçi ra dakord me këtë. Madje në këtë kontekst z. Çipi ngriti edhe shqetësimin e mungesës së komunikimit me ministren e Kulturës, Mirela Kumbaro, e cila nuk pranon të ulet në një tryezë me artistët, premton për bashkëpunim, por nuk e mban fjalën”.

Siç mësohet, Ruçi nuk është shprehur pro apo kundër shembjes së godinës së TK-së, por artistët i kanë kërkuar që të bllokohet çdo lloj iniciative që ka për synim shembjen e teatrit dhe kjo çështje të rimerret më vonë, kur të jenë bërë studimet përkatëse, të jetë hapur një konkurs dhe të diskutohet me palët e interesit. Në këtë takim, të pranishmit shprehën vullnetin e të gjithë artistëve kundër shembjes së godinës së TK-së.

Që prej datës 25 maj Pamfleti ka lajmëruar ndalimin e ish kryeprokurorit Adriatik Llalla nga autoritet gjermane. Kanë kaluar pesë ditë dhe heshtja ka pllakosur të gjithë, por askush nuk e përgënjeshtron këtë fakt.

Shkëlzen Berisha me ushtarët e tij mediatik menjëherë pas publikimit të lajmit u përpëlit ta sfumojë duke përgënjeshtruar ndalimin, por pavarësisht përpjekjeve titanike për t’i mbyllur gojën, Adriatik Llalla është i penduar në duart e ndërkombëtarëve.

Organet ligjzbatuese gjermane kanë marrë në pyetje ish kryeprokurorin Llalla, cili është i akuzuar për “korrupsion” dhe “shpërdorim detyre”. Mësohet se Adriatik Llalla ka mbi 6 milionë euro abuzime me tenderat dhe që dje ka filluar procedimi ndaj tij.

Ish Prokurori i Përgjithëshëm Llalla, i vetmi Kryeprokuror i shpallur “nongrata” nga SHBA, është i implikuar dhe në çështje të trafikut të drogës dhe shitje të sekreteve hetimore në këmbim të shumave marramendëse të trafikantëve të fuqishëm.

Tashmë që Adriatik Llalla ka folur për autoritete gjermane-amerikane, ai nuk do të jetë vetëm i pari “peshk i madh”, që do të bie në rrjetë, por do të marrë me vete edhe kupolën që ka diktuar lëvizjet e tij.

Arrestimi i Adriatik Llallës do të jetë fillimi i rënies së ngrehinës së kalbur të sistemit të degraduar politik dhe juridik në Shqipëri, i një sistemi të korruptuar për përmbysjen e të cilit janë investuar fuqishëm instucionet ligjzbatuese ndërkombëtare nën drejtimin e Shteteve të Bashkuara të Amerikës dhe Gjermanisë.

Shumë shpejt do të dalë në dritë ku jeton Adriatik Llalla në Gjermani dhe në emër të kujt është vila e blerë prej tij. Gjithçka mbetet çështje ditësh…/Pamfleti

Mbrëmjen e së martës gazetari Blendi Fevziu publikoi në emisionin ‘’Opinion’’ një kronikë që tregonte rastin e një familjeje me 6 motra jetime nga Kukësi. Ato kishin mbetur në mëshirë të fatit. Disa vite më parë ato kishin humbur të atin, por vetëm pak muaj më parë ato humbën edhe nënën e tyre.

Për 6 motrat nga fshati Surroj situata bëhet edhe më dramatike, pasi ato tashmë janë edhe pa një çati ku të fusin kokën e tyre. Ato jetojnë në një shtëpi me qira dhe nga pamundësia financiare për ta paguar atë, pronari i banesës i ka nxjerrë në qiell të hapur.

Por deputeti i Partisë Demokratike Agron Shehaj është prekur nga ky rast dhe ka vendosur që rrogën e tij për sa kohë do të ushtrojë funksionin e deputetit t’ua japë motarve nga Kukësi. ‘’Kjo nuk është zgjidhja, por do t’i ndihmojë në përballimin e jetesës’’, u shpreh ai.

Me nje pamje te mrekullueshme te natyres shqiptare ne Alpe ka pershendetur ndjekesit ne rrjetet sociale kryeministri Rama sot.

“MIRËMËNGJES 😃

dhe me këtë përmbledhje në 120 sekonda të transformimit fantastik të Alpeve shqiptare, nga një zonë e harruar, e braktisur dhe e izoluar, në një destinacion të jashtëzakonshëm turistik gjithëvjetor, ju uroj një ditë të mbarë 🌹”, shkruan ai ne FB.