Aktualitet

Ajo që ka paralajmëruar “Pamfleti” disa ditë më parë se Prokurorja e Përgjithshme Arta Marku do të marrë sitiatën në dorë në Shqipëri, me mbështetjen amerikane dhe të BE tashmë po realizohet hap pas hapi.

Pas një vizite të suksesshme të Kryeprokurores në Francë, takimeve të rëndësishme në këtë vend i cili është shumë i rezervuar, sidomos në marrëdhëniet me Shqipërinë, radha i ka ardhur konferencës dhe takimeve në Kroaci.

Arta Marku duket se i ka bindur organet ligjzbatuese të një vendi skeptik si Franca, se e ka seriozisht arrestimin e “Peshqve të mëdhenj” në Shqipëri dhe me mbështetjen e SHBA dhe vendeve anëtare të BE.
Dhe një garanci të tillë me sa duket Prokurorja e Përgjithshme e Shqipërisë e ka dhënë në mënyrë të qartë dhe të vendosur dhe në Zagreb.

Kështu Prokurorja e Përgjithshme e Shqipërisë Arta Marku po merr pjesë në një takim të rëndësishëm rajonal në kryeqendrën e Kroacisë, Zagreb. Në takim merr pjesë Prokurori i Përgjithshëm i Shteteve të Bashkuara të Amerikës, Jeff Sessions, Prokurorët e Përgjithshëm si dhe Drejtorët e Policive të gjashtë vendeve të Ballkanit Perëndimor. Takimi rajonal zhvillohet në Akademinë e Policisë në Zagreb në datat 23-25 maj 2018 për luftën kundër krimit të organizuar ndërkombëtar.

Zgjedhja e Kroacisë si një vend simbol në luftën kundër krimit dhe arrestimit të drejtuesve më të lartë të shtetit për korrupsion, duke filluar me ish kryeministrin Sanader, është një shenjë e qartë se kjo është dhe “receta kroate” dhe për Shqipërinë për arrestimin e “Peshqve të mëdhenj” sa më shpejt të jetë e mundur.

Prania e Kryeprokurorit amerikan dhe zgjedhja e goditjes së krimit të organizuar dhe zyrtarëve të lartë të lidhur me krimin në Shqipëri dhe në rajon, përkimi dhe me situatën në të cilën ndodhej Kroacia para hapjes së negociatave për në BE kur u arrestua kryeministri i atëhershëm Sanader, tregon qartë se dhe në Shqipëri po përgatitet sërish një situatë e tillë goditjeje ndaj krimit.

Shqipëria është në prag të hapjes së negociatave me BE dhe vetëm goditja e “peshqve të mëdhenj” ka mbetur si një nga elementët bazë për të hapur këto negociata, por dhe për të bindur euroskeptikët se Shqipëria e ka seriozisht luftën kundër krimit dhe pandëshkueshmërisë së zyrtarëve të lartë.

Me sa duket “kokat” e para që do të bien janë ato të ish kryeministrit Sali Berisha dhe e ish kryeministrit dhe Presidentit aktual Ilir Meta. Shoqëruar dhe me arrestime në radhët e ish ministrave dhe ministrave të të gjithë palëve politike, që kanë abuzuar dhe kanë qënë të lidhur me krimin në Shqipëri.

Në këtë situatë, Arta Marku me sa duket po përgatitet për goditje të fortë deri në momentin kur të ngrihet SPAK. Pas kësaj, sikurse ka paralajmëruar dhe “Pamfleti” Kryeprokurorja pritet të marrë në dorë drejtimin e një qeverie antimafia dhe antikrim, të përbërë nga teknicienë dhe të mbështetur fort që në krye të herës nga SHBA dhe BE. Kjo qeveri antikrim do të zhbëjë këtë politikë që nuk ka lënë maskarallëk pa bërë në kurriz të shqiptarëve për 28 vite me radhë dhe që nuk largohet ndryshe nga skena./Pamfleti

Opozita është duke u përpjekur që të organizojë një protestë të madhe në 26 maj për t’i treguar shqiptarëve dhe ndërkombëtarëve se sa të mërzitur janë qytetarët me qeverinë e Edi Ramës, e cila deri më tani ka dy ministra të lidhur me trafikun e drogës.

Në deklaratat e tij për protestën, Lulzim Basha ka qenë mjaft i kujdesshëm që të theksojë faktin se bëhet fjalë për një protestë të paqtë duke nxitur edhe deputetët e tjerë që të ruajnë qetësinë dhe të mbledhin sa më shumë pjesëmarrës.

Në këtë linjë ishte edhe deklarata e deputetit demokrat Oerd Bylykbashi, i cili tha dje se do të dilte me familjen e tij në protestë.

Lulzim Basha është përsoni më pak i interesuar që protesta e 26 majit të jetë e dhunshme në një periudhë kur qeveria Rama ka hyrë në një proces konsumimi të shpejt për shkak të arrogancës, raporteve me krimin, rritjes së kostos së jetesës, punësimit të militantëve dhe mbi të gjitha, humbjen e shpresës së qytetarëve.

Basha e di këtë dhe di gjithashtu interesin e ndërkombëtarëve që Shqipëria të jetë stabël në një rajon ku rreziku i destabilitetit është i madh edhe për shkak të presionit rus.

Por, dikush tjetër nuk është i interesuar për protesta paqësore dhe ai e ka bërë të qartë këtë edhe në daljet e tij publike.

Sali Berisha flet për revoltë popullore dhe jo protestë duke dhënë sinjalet se organizimi i së shtunës të mos jetë paqësor.

Ironikisht protesta e së shtunës përkon me 26 majin 1996, datën e zezë të demokracisë shqiptare ku për herë të parë u aplikua dhe legjitimua vjedhja e votës.

Ndryshe nga Basha, Berisha është më agresiv ndaj maxhorancës dhe zhvillimeve të fundit. Burgosja e Gruevskit ishte precedenti më i fundit se si ish-liderët futën në burg pasi kanë rënë nga pushtet për shkak të abuzimeve të bëra në periudhën kur ishin “mbi kalë”.

Predecenti i Gruevskit duket i rrezikshëm, prandaj edhe Berishës i duhet një acarim i situatës deri në atë pikë sa opozita të djegë mandatet duke ftuar ndërkombëtarët që t’a zgjidhin më pas çorbën e gatuar në Tiranë. /albeu.com/

Ditën e shtunë, opozita ka lajmëruar dhe ka marrë leje për protestë, ku do te kerkoje doreheqjen e ministrit te Brendshem Fatmir Xhafaj.

Por kryeministri Edi Rama duket se nuk do e shohë nga zyra e Kryeministrisë kete proteste.

Mësohet se në fundjavë Rama do të jetë në Berat.

Për shkak të mungesës së stafit të infermierisë shoqata gjermane Bäderverband ka filluar rekrutimin e punonjësve të rinj nga Kosova dhe Shqipëria.

Kjo shoqatë gjatë kësaj vere ka planifikuar të sjellë studentë nga infermieria dhe shkencat shoqërore nga Prishtina për në Mecklenburg-Vorpommern, shkruan Insajderi.

Nëse gjithçka shkon sipas planit të kësaj shoqate pas diplomimit studentët nga Kosova dhe ata nga Shqipëria nga viti i ardhshëm mund të punojnë në Gjermani.

Megjithatë, drejtori i kësaj shoqate, drejtor Marianne Düsterhöft gjatë ditës së sotme në Rostock tha se ende nuk dihet për numrin e saktë të punonjësve që do të pranohen.
Për tu bërë pjesë e këtij projekti kosovarët duhet të kenë aftësi profesionale të cilët do t’i nënshtrohen një testi në Gjermani.

Po ashtu, studentët kosovarë pasi të kenë diplomuar duhet të tregojnë edhe aftësitë në gjuhen gjermane.

Vazhdojnë hetimet për grabitjen e dokumentave në Durrës.

Grupi hetimor ka hedhur dyshimet se grabitësit janë ndihmuar nga bashkëpunëtore nga brenda organit të akuzës.

Burime nga grupi hetimor kanë bërë të ditur se një ndër pistat e hetimit është ajo e bashkëpunimit me punonjës që e njohin terrenin e organit të akuzës, të cilët mund te kenë ndihmuar grabitësit për të realizuar objektivat dhe hyrjes brenda në institucion.

Kjo pasi grabitësit kanë punuar me përpikmëri dhe pa lënë shumë gjurmë apo pa krijuar rrëmujë në ambinetet e brendshme.

Një 30 vjeçare nga qyteti i Vlorës, nënë e një fëmije prej dy vitesh dergjet në shtrat si pasojë e një sëmundje që i ka krijuar paralizë në të gjithë trupin. Drita Zekaj thotë se është diagnostikuar me Encefalit dhe sëmundja përparon çdo ditë e më shumë, duke i shkaktuar paralize të pjesshme edhe në dorën e djathtë. Dhimbjet nuk e lejojne të ulet në karrike me rrota. Nëna e një vajze 10 vjec, e braktisur nga bashkëshorti pas shfaqjes së sëmundjes kërkon ndihmë që të mund të kryejë ndërhyrje kirugjikale për transplant të palcës.

Drita Zekaj: Ekziston mundësia e kurimit në një shtet tjetër. Operacioni kushton mbi 70 mijë euro. Sepse duhet të bëhet transplanti i palcës. Prej 2 vitesh jam ndarë nga burri. Edhe nëna e 30 vjeçares apelon për ndihmë për shërimin e të bijës, e cila rëndohet çdo ditë e më shumë.Zenepe Zekaj: Kush të ketë mundësi të verë dorën në zemër si për fëmijën e tij se ka dhe një fëmijë për të rritur. Shteti nëse ka mundësi mos na i lërë kështu. Të vetmet të ardhura për 30 vjecaren e sëmurë, janë pensioni i dy prindërve, ndërkohë që thotë se ndërhyrja për diagnozën e Encefalitit kushton të paktën 70 mijë euro.

Prokuroria e Krimeve të Rënda ka bërë regjistrimin për procedim penal në lidhje me audio-përgjimin e shfaqur nga PD.

“Më datë 18.05.2018 me këtë procedim është bashkuar dhe procedimi penal Nr. 3853 i Prokurorisë Pranë Gjykatës së Shkallës së Parë Tiranë i regjistruar për veprën penale të “Kallëzimit të rremë”, parashikuar nga neni 305 i Kodit Penal”, thuhet në reagim.

NJOFTIM NGA PROKURORIA
Prokuroria pranë Gjykatës së Shkallës së Parë për Krime të Rënda, njofton se më datë 17.05.2018 ka regjistruar procedimin penal Nr. 95/v.2018 për veprën penale të “Trafikimit të narkotikëve” parashikuar nga neni 283/a i Kodit Penal.

Më datë 18.05.2018 me këtë procedim është bashkuar dhe procedimi penal Nr. 3853 i Prokurorisë Pranë Gjykatës së Shkallës së Parë Tiranë i regjistruar për veprën penale të “Kallëzimit të rremë”, parashikuar nga neni 305 i Kodit Penal.

Hetimet në këtë procedim penal lidhen me të dhënat e bëra publike më datë 14.05.2018 në një konferencë për shtyp të organizuar në selinë e Partisë Demokratike të Republikës së Shqipërisë ku është publikuar një material video.

Nga biseda e bërë publike midis dy personave, njëri i cilësuar si “Bashkëpunëtori X” dhe një personi tjetër i supozuar si shtetasi Agron Xhafaj (vëllai i Ministrit të Brendshëm, Fatmir Xhafaj) është treguar se bashkëpunëtori është ndihmuar nga shtetasi Agron Xhafaj për të siguruar një sasi kanabisi për ta trafikuar.

Hetimet po kryen nga një grup hetimor i përbërë nga dy prokurorë dhe dy oficerë të policisë gjyqësore të Prokurorisë së Krimeve të Rënda, Tiranë. Janë duke u kryer veprime hetimore të gjithanshme brenda dhe jashtë vendit.

Po kështu është dërguar për ekspertim materiali i videopërgjimit në laboratorë ndërkombëtarë jashtë vendit.

Gjithashtu njoftojmë se ka filluar dhe kryerja e verifikimeve pasurore për shtetasin Geron Xhafaj, i ditëlindjes 08.06.1975, me kombësi dhe shtetësi shqiptare, lindur dhe banues në Vlorë.