Aktualitet

Zyrtari i lartë gjerman, Christian Lange, ka deklaruar se arrestimi i ish-ministrit të Brendshëm, Saimir Tahiri, dhe largimi nga detyra i ministrit aktual të Brendshëm, Fatmir Xhafaj, nuk janë kusht për hapjen e negociatave të Shqipërisë me Bashkimin Evropian, duke ju përgjigjur kështu akuzave të opozitës, të cilët i kanë cilësuar Tahirin dhe Xhafajn si pengesë për integrimin në BE.

Lange i ka bërë thirrje politikës shqiptare të luftojë korrupsionin, të vijojë thellimin e reformave dhe të shmangë bllokadat, si tre elementë tepër të rëndësishëm për hapjen e negociatave me Bashkimin Evropian.

Sekretari Parlamentar i Shtetit në Ministrinë e Drejtësisë dhe Mbrojtjes së Konsumatorit, Lange, deklaroi se korrupsioni shkatërron ekonominë e tregut dhe është shqetësim për jetën e qytetarëve shqiptarë.

Sipas tij, korrupsioni mbështet krimin e organizuar, terrorizmin dhe është risk për aparatin e sigurisë. Ai tha se nuk mund të japë përgjigje lidhur me vendimin për hapjen e negociatave në fund të qershorit, por shtoi se progresi në sistemin e drejtësisë dhe përshpejtimi i reformave janë një hap i rëndësishëm në këtë vendimmarrje.

“Korrupsioni është kundër zbatimit të së drejtave të njeriut. Korrupsioni shkatërron ekonominë e tregut, gjë të cilën pata mundësinë të informohem. Investitorët gjermanë më sollën në vëmendje se problemi kryesorë që kanë është korrupsioni. Natyrisht që korrupsioni është shqetësim edhe për jetën publike të qytetarëve shqiptarë, korrupsioni mbështet krimin e organizuar, terrorizmin dhe është risk për aparatin e sigurisë.

Korrupsioni në sistemin e drejtësisë pengon qasjen në gjyqësor, që është baza për sistemin e drejtësisë dhe për një proces të ndershëm. Vazhdimi i zbatimit të procesit të Vetingut është shumë i rëndësishëm. Ky proces jo vetëm duhet vazhduar, por edhe duhet përshpejtuar. Sot nuk mund të jap një përgjigje lidhur me vendimin për hapjen e negociatave. Ajo që mund t’iu them është që progresi në sistemin e drejtësisë, përshpejtimi i reformave është një nga hapat e rëndësishëm që do ketë ndikim në këtë vendimmarrje.

Ky është një vendim unanim që merret nga shefat e qeverive dhe të shteteve të BE. Edhe shtete të tjera anëtare do të hedhin vështrimin nga sistemi i drejtësisë i Shqipërisë, ndaj ky sistem është i rëndësishëm. Bllokadat politike nuk ndihmojnë për progresin e vendit. Ne vijmë nga kultura të ndryshme politike, ne në Gjermani jemi të drejtuar drejt konsensusi, gjë që nuk e konstatoj në Shqipëri.”

Ish ministri i Drejtësisë Ylli Manjani ka dalë kundra deklaratës se presidentit Meta i cili i bëri thirrje qeverisë dhe bashkisë që të jenë transparente dhe të dëgjojnë artistët për çështjen e Teatrit Kombëtar. Përmes një postimi në facebook Manjani thotë se nuk kupton thirrjen për transparencë dhe bisedime me artistët.

“Nuk e kuptoj thirrjen për Transparencë dhe bisedime me artistët! Vendimi për të prishur Teatrin Kombëtar dhe për të ndërtuar një të ri duke dhuruar pronën publike një privati, është kristal i qartë! Transparent sa më ska! Vendimi është marrë në dritë të diellit dhe mu në mes të Tiranës!

Bisedime për çfarë?! Me kë?! Qeveria e ka vendosur, do ta bëjë këtë gjëmë në dëm të kulturës, ligjit, shoqërisë dhe ekonomisë së Kombit. Ndaj ç’bisedime mund të bëhen, kur publiku dhe artistët i bien gozhdës, ndësa qeveria patkoit!!!

Çështjet janë: Je me qeverinë, apo me Artistët dhe Publikun! Kush e ndalon qeverinë/ Bashkinë nga kjo poshtërsi dhe si? Kjo nuk është çështje “paanësie” as për të qenë “mbi palët”, shkruan Manjani.

Ditën e sotme para kryeministrisë po zhvillohet një tjetër protestë e minatorëve për statusin e minatorit.

Ato kanë paralajmëuar se do të ngrenë tenda para ambjenteve të kryeministrisë derisa të ketë një prononcim nga Rama.

“Do të ngremë tenda. Marrim 150 mijë lëkë të vjetra dhe mezi mbajmë fëmijët. Po presim përgjigje nga kryemintri dhe më pas do të vendosim. Jeni 140 deputetë, 140 hajdutë, tu vijë turp. Nuk kërkojmë makina e luks, por një pjatë makarona”- tha njëri nga protestuesit.

Ndërkohë që kreu i sindikatës Fiqir Xibri kërkon që minatorët të qetësohen.

Ai gjithashtu tha se minatorët e sëmurë mund të largohen ose të rrinë në hije.

“Nuk kemi asnjë reagim tani nga qeveria. Ne do të qëndrojmë këtu deri në prononcimin e qeverisë. “Ne duam status sot, nuk duam status për mot” është moto e protestës sonë. Kemi 5 vite me këtë qeveri dhe asgjë nuk është bërë.

Deri tani vendimi ynë është që do qëndrojmë këtu deri në prononcimin e kryeministrit. Thjeshtë duhet vullneti për të vënë vulën, për të thënë Po që kjo punë bëhet.

Është kaq shumë vapë sa do kishte pasoja të rënda greva, me këto kushte nuk besoj se do bëjmë grevë. Të sëmurëve u thamë të largohen ose të rrinë në hije, ata që kanë mundësi të rrinë këtu,” tha Xibri.

Edi Rama ka shpërthyer ndaj të gjithë atyre që u ngritën kundë Velierës në Durrës, duke i quajtur mbrojtësit e ambientit sharlatanë, ndërkohë që nuk ka lënë pa sulmuar edhe sistemin e drejtësisë, gjykatën, që vendosi pezullimin e punimeve në atë që u cilësua zona arkeologjike.

“Masakarada politike dhe ata sharlatanë që quhen mbrojtës të ambientit, kush e ka kundërshtuar do të skuqet, skuqje jo xhanëm se nuk e kanë më në trup kimikatin që skuq lëkurën e njeriut kur Veliera të jetë e përfunduar.

Është një ndërhyrje që transformon jo vetëm një zonë, por imazhin e një qyteti të tërë. Shpresoj që masakrada të përfundojë një orë e më parë, puna të vazhdojë dhe sezonin e ardhshëm Veliera të jetë aty si një vend që është transformuar nga ndotja, trafiku, shëmtia por edhe kthyer në magnet për të gjithë vizitorët e këtij qyteti.

Më vjen shumë keq për atë që ka ndodhur, turpi i atyre që e kanë orkestruar dhe ata që janë bërë palë në sistemin e drejtësisë duke bllokuar, penguar, përfshirë në një histori të turpshme. Tipike si janë shumë histori kur ka diçka të re që thyen marrëdhëniet me të shkuarën dhe hap dritare, si ngriheshin në Tiranë për parkun e lodrave dhe tani cojnë fëmijët dhe vënë kapele e gjyslyke dhe venë të parku si divrsantë që të mos duken se ishin ata që shkuan më parë për ta penguar, si do venë me kapele e gjyslyke në stadium, që e kundërshtonin nga një supermarket qenefesh kolektive në stadium të standardeve më të larta evropiane dhe më të bukur të Evropës”, është shprehur Rama.

Në datën 8 Maj 2018 emisioni “Stop” transmetoi rastin e abuzimit seksual të një miture nga ana e burrit të hallës, Rezmi Turhani.
Por edhe pse historia e fortë u provua me zë e me figurë, abuzuesi arriti të dalë pa u lagur nga drejtësia. Policia dhe Prokuroria e Beratit nuk regjistruan procedim penal për Rezmi Turhanin, duke dalë në kundërshtim me ligjet dhe Kodin Penal.

Një ditë pas transmetimit të rastit në emisionin “Stop”, Rezmi Turhani bëri kallëzim për një letër kërcënuese që i kishin vendosur në makinë, ku thuhej se nëse nuk do të paguante 20 mijë Euro, do ta varrosnin. Çështja e tij u regjistrua pranë Prokurosë Berat, duke u përdorur në këtë mënyrë dy standarde nga institucionet ligjzbatuese.

Gazetari i emisionit “Stop” iu drejtua Policisë Berat për të verifikuar se çfarë ka ndodhur me denoncimin e abuzuesit Turhani.

Gazetari – Për këtë rast, që ka denoncuar Rezmiu, janë bërë të gjitha procedurat? Janë referuar?

Efektivi i policisë – Po, po! Gjithë procedurat.

“Dje më thirrën në komisariat për letrën që gjasme e kisha kërcënuar unë Rezmi Turhanin”, u shpreh e mitura e abuzuar seksualisht.Opgj Berat – Urdhëro xxx! Po kam nevojë për ty, por bashkë me mamanë, për të mbaruar nja dy veprime. Po të sqaroj këtu, të mbarojmë nja dy veprime, që i ka lënë detyrë prokurori ashtu. Ti merr mamanë, flasim këtu bashkë, jo nga telefoni. Dakord?

Gjithashtu një qytetar tregoi se pas transmetimit të kësaj çështjeje në emisionin “Stop”, Rezmi Turhani e ka denoncuar me pretendimin se e ka kërcënuar nëpërmjet një letre. Ai nëpërmjet kamerës së fshehtë, shfaqi me zë dhe figurë sesi Policia e Beratit vijonte ta ndiqte këtë çështje, madje duke i thirrur personat disa herë për të marrë shenjat e gishtave dhe kaligrafinë.

Opgj Berat – Të kam thirrur për të marrë mostrat e shkrimit, sipas detyrës që na i ka lënë prokurori.

Qytetari – Si?

Opgj Berat – Për të marrë mostra shkrimi.

Qytetari – Aaa… Ok! Se unë erdha edhe herën e parë për këtë çështje. Unë tani nuk mund të vij, të le punën gjithmonë…

Opgj Berat – Po shumë mirë! Bëj urdhër- thirrje unë! Të duhet ndonjë urdhër- thirrje?

Qytetari- Po, mund të ma dërgosh herës tjetër me postë zyrtare, siç e dërgon prokuroria, gjykata apo tjetra, se unë s’mund të vij me një telefonatë tani, se mua po më shkatërrohet puna.

Opgj Berat – E do urdhërin e thirrjes tani? Ta jap?

Qytetari- Po ma dhe mirë do bësh, se nuk është hera e parë që unë vij për Rezmi Turhanin, të cilat kanë dalë të gjitha kallëzime të rreme.

Gazetari i emisionit “Stop” tha se kjo vepër penale është regjistruar pranë Prokurorisë Berat dhe kanë nisur hetimet, ndërkohë që duhet të hetohet vetëm nga Prokuroria e Krimeve të Rënda, çka e parashikon edhe neni 109/b për “shtrëngim me anë të kanosjes ose dhunës për dhënien e pasurisë”.

Por nga ana tjetër, kjo prokurori nuk ka nisur procedim penal ndaj Rezmi Turhanin për përndjekje, vepër e faktuar nga kamera e fshehtë e emisiont “Stop”. Sipas nenit numër 121/a të Kodit Penal, kërcënimi apo ngacmimi i një personi me anën e veprimeve të përsëritura dënohet me burgim nga gjatë muaj deri në katër vjet. Por nëse kjo vepër kryhet nga një person që ka pasur lidhje shpirtërore me të dëmtuarin, dënimi rritet me një të tretat e dënimit të dhënë.

Gazetari i emisionti “Stop” u interesuar pranë Policisë Vlorë edhe për denoncimin e të miturës për këtë vepër penale, por përgjigjia që mori ishte tregoi që ky institucion është në kundërshtim të plotë me ligjin.

Gazetari – Rezmiu nuk është arrestuar, pasi e kemi nxjerrë ne… në dijeninë tuaj?

Efektivi i policisë – Në dijeninë time jo, jo, jo!

Gazetari – Ndonjë procedim është nisur nga ju për përndjekjen që i ka bërë të miturës? Që i thoshte: hajde në taksi të vemë tek noteri të heqim kallëzimin, të bëjmë këtë?

Efektivi i policisë – Në dijeninë time jo!

Në lidhje ne këtë fakt, e mitura u shpreh: “Rezmi Turhanin nuk e futën fare brenda!”

Pra, pavarësisht thirrjeve të shumta për apel nga emisioni “Stop” për të vendosur drejtësinë në vend, një pedofil endet i lirë, duke patur mundësinë për ta ringacmuar të miturën e abuzuar prej tij./tvklan

Për herë të parë Saimir Tahiri nuk ka marrë pjesë në një përvjetor të themelimit të PS që prej ditës së parë që ai militon në këtë forcë politike. Ish-kryetari i degës së PS për Tiranën dhe ish-ministri i Brendshëm ndodhet në një përballje me drejtësinë pas akuzave për bashkëpunim në trafik droge, e cila e shkëputi atë nga jeta politike.

Por si është përjetuar mungesa e Tahirit në radhët e socialistëve në 27 vjetorin e themelimit të partisë?

Ministri i Bujqësisë, Niko Peleshi thotë për Report Tv se do donte ta shihte Tahirin në mes të socialistëve duke festuar, pasi sipas tij ai ka dhënë një kontribut të vyer në selinë rozë dhe nuk ngurron ta quajë kontributor të jashtëzakonshëm.

“Çdo socialist është patjetër pjesë e brendshme e kësaj partie. Saimiri është një kontributor i jashtëzakonshëm i PS-së, ka drejtuar PS-në e Tiranës që është zemra, bërthama e kësaj organizate të madhe. Do doja ta shihja këtu dhe ta falënderoja, ta përgëzoja për çfarë ka bërë për këtë forcë politike ku militojmë së bashku për të mirën e vendit.”

Pandeli Majko është më gjakftohtë dhe mungesën e Tahirit e paralelizon me atë të shumë socialistëve të tjerë.

“Mos e shikoni nga ky këndvështrim, këtu ka shumë mungesa, ne secilën e përjetojmë sipas mënyrës tonë.”
Edhe ish-ministrja e Mbrojtjes, Mimi Kodheli nuk e sheh si dramatike mungesën e ish-ministrit të Brendshëm.

“Mua më mungojnë të gjithë socialistët që s’kanë mundur të jenë këtu prezentë. Mund të kenë shumë më tepër kontribut se shumë të rinj këtu. I uroj të gjithëve atyre që mungojnë.”

Edhe pse mungoi fizikisht, Saimir Tahiri uroi socialistët përmes një postimi në rrjetet sociale. Tahiri thekson se ka gjithmonë momente të vështira e se ka pasur mbështetjen e kolegëve në çdo moment.

Urimi i Tahirit:

Nga 27 vjet, kam jetuar pak me shume se gjysmen e tyre mes shume burrash e grash, te rinj e te reja ne PS.Disa nuk jetojne me, te tjere jeta u ka hapur rruge te reja, shume jane ende e shume bashkohen.

Kam pasur privilegjin te njoh shume, te flas, te debatoj e mbi te gjitha te ndjej mbeshtetjen e shume prej tyre ne cdo moment. Akoma me shume sot.Momente te veshtira ka gjithmone, jeta ma solli ta kuptoj shume mire kete.

Ka plot te tjere qe kane pare e shohin keq e me keq ama. E ndoshta as flasin dot.Por dikur, do ringrihemi! Heret, me shume se vone. Per gjithcka nuk beme dot, e gjithcka duhet te bejme per te mos u perkulur para padrejtesise.

Per te dobtin qe do ze, te varfrin qe do nje shans, te mundurin qe do drejtesi, te pastrehun qe do shtepi, te papunin qe do pune, te aftin qe do merite, te gjithe ne Shqiperine tone, 27 vjet jane mjaftueshem per te kuptuar ku do hedhim kemben e rradhes.
Gezuar!