Aktualitet

Është zbardhur një pjesë nga dosja e Prokurorisë së Krimeve të Rënda për çështjen “Habilaj-Tahiri”, në të cilën përmenden emrat e tre zyrtarëve të policisë në arrati Gjergj Kohila, Jaeld Cela dhe Sokol Bode, si dhe rolet që kishin ata në grupin e trafikut të drogës. Në dosjen e siguruar për “BalkanWeb” nga gazetarja Klodjana Lala, thuhet se Sokol Bode iu ka ofruar ndihmë dhe ka mbajtur lidhje me trafikantët Habilaj që të realizonin me sukses trafikun e drogës nga Shqipëria drejt Italisë.

“Nga hetimet e kryera rezulton se pjesëmarrës të këtij grupi kriminal janë edhe shtetasit Sokol Bode, me detyrë Shef i Stacionit të Policisë Dhërmi, i cili ka mbajtur lidhje duke ju ofruar ndihmë dhe mbështetje anëtarëve të këtij grupi kriminal me qëllim realizimin e trafikimit të narkotikëve nga Shqipëria drejt Italisë”,- thuhet në dosje.

Nga ana tjetër një rol aktiv siç thuhet në dosje rezulton të ketë pasur edhe shefi i Hetimit të Narkotikëve dhe Trafiqeve Gjergj Kohila, i cili thuhet të ketë bashkëpunuar drejtpërdrejt me trafikantët.

“Po ashtu rezulton se ka dyshime për faktin se shtetasi Gjergj Kohila, me detyrë Shef Sektori për Hetimin e Narkotikëve dhe Trafiqeve në Drejtorinë Vendore të Policisë Vlorë ka mbështetur dhe ka bashkëpunuar me anëtarët e këtij grupi kriminal në kultivimin e bimëve narkotike dhe më pas trafikimin e saj”,- sqarohet në dosje.

Raportohet se ish-polici grek, Efthymios Efthymious, i dyshuar për vrasjen e Devi Kasmit në Tiranë më 29 janar, është marrë në pyetje tre ditë më parë nga Prokuroria e Krimeve të Rënda. Një oficer i policisë gjyqësore ka shkuar në mjediset e burgut të Bradasheshit në Elbasan, për të marrë në pyetje për rreth 4 orë shtetasin grek, i cili mbahet aty nën akuzë për vrasjen e Devi Kasmit.

Bëhet me dije se gjatë seancës së marrjes në pyetje, në prani të avokates dhe përkthyesit, Efthymious ka debatuar me oficerin gjyqësor, duke i kërkuar që të paraqitet një provë ndaj tij.

Sipas Prokurorisë, ka dyshime se shtetasi grek është vrasës me pagesë dhe ka ekzekutuar Devi Kasmin me porosi të Aurel Hoxhallarit, i cili është ende në kërkim, por Efthymious ka mohuar që të ketë qenë ai përfshirë në vrasje.

Ai thotë se emrin e Devi Kasmit e ka mësuar pas ngjarjes së rëndë, në polici, ndërsa thotë se në Shqipëri erdhi së bashku me një mikun e tij Apostol, i cili donte të blinte një qen.

“Erdha në Shqipëri me mikun tim Apostol. Ai kërkonte të blinte një qen. Apostoli qëndroi 5 ditë në Shqipëri, ndërsa unë do qëndroja më gjatë. Hoxhallarin e kam mik, jam njohur me të në Greqi. Edhe me të dyshuarit e tjerë njihem, jam prezantuar përmes Hoxhallarit. Ndërsa Marion Meshinin nuk e njoh”, tha ai para oficerit që e mori në pyetje.

Ai ka debatuar edhe për faktin se përse u mor në pyetje 5 muaj pas ngjarjes për të cilët akuzohet.

Mbrëmjen e së enjtes i gjithë rrethi i Vlorës është përfshirë nga reshje shiu të shoqëruara dhe me erë. Por për banorët e fshatit Panaja të Vlorës, shiu është shoqëruar me breshër, gjë që ka sjellë dëme të konsiderueshme në të mbjella.

Fermerët e këtij fshati shprehen se breshëri ka dëmtuar rrushin në 70% të tij.

Ata shprehen se ka qenë një situatë e pazakontë dhe një fenomen i tillë në këtë periudhë ka sjellë dëme të konsiderueshme jo vetëm në vreshta, por edhe në ullinj, frutikulturë edhe pemtari.

Fermerët shprehen, se te ardhurat nga shitja e rrushit është e vetmja mënyrë që familjet e fshatit Panaja mbijetojnë.

Ata kanë kërkuar që të evidentohen dëmet në terren dhe te behet kompensimi i tyre nga strukturat përkatëse të drejtorisë së bujqësisë së Vlorës. Kjo situatë e pazakontë për periudhën e verës, sipas banoreve të zonës do të ketë pasoja për të mbjellat edhe në vitet që do vijnë.

Në Kolegjin e Posaçëm të Apelimit është rihedhur shorti për shqyrtimin e ankimimit të dy prokurorëve të pezulluar nga detyra, Dritan Gina dhe Rovena Gashi. Kujtojmë se herën e parë, në përbërje të shortit pati një anëtar që kishte konflikt interesi dhe u vendos që të rihidhej shorti.

Kështu, përmes një njoftimi për mediat, KPA ka sqaruar ditën e djeshme se pas hedhjes së shortit të dytë, ankimimi i Ginës dhe Gashit do të shqyrtohet nga Luan Daci, Rezrta Schuetz, ndërsa relatore e çështjes do të jetë Ina Rama.

“Në Kolegjin e Posaçëm të Apelimit, më datë 17.05.2018, është paraqitur ankimi me palë ankuese znj.Rovena Gashi dhe z. Dritan Gina, me objekt: Anulimin e vendimit nr. 140, datë 11.05.2018 të Prokurores së Përgjithshme të Përkohshme, Arta Marku, dhe anulimin e vendimit nr.141, datë 11.05.2018 të Prokurores së Përgjithshme të Përkohshme Arta Marku etj.”, shkruan njoftimi. Kujtojmë se Gina dhe Gashi janë pezulluar nga detyra me urdhër të Markut, pasi ndaj tyre ka një hetim të hapur nga Prokuroria e Fierit për fshehje të pasurisë.

Ata janë përplasur publikisht me Kryeprokuroren Marku, të cilën e kanë akuzuar edhe për shpërdorim detyre. Kujtojmë se disa ditë më parë, përmes një letre publike, Gashi ka akuzuar edhe kryetaren e KPA-së, Natasha Mulajn, se ka zvarritur ankimimin e tyre në KPA. Pas hedhjes së shortit në KPA, tani pritet që të merret edhe një vendim në lidhje me datën dhe orën e seancës.

Mot i pafavorshem per te gjithe ata qe kane plane per plazh te shtunen dhe te dielen. Se paku keshtu parashikon Meteoalb, duke sqaruar se “vranësirat fuqizohen në pjesën e dytë të ditës duke sjellë shira afatshkurtër thuajse në të gjithë vendin të shtunë dhe kryesisht në zonat Lindore ditën e dielë”.

Parashimi i Meteoalb

MOTI në fundjavë: sot vijon me kthjellime dhe vranësira të cilat në mesditë sjellin shira në Veri – Qendër por pasditja lokalizon shirat në Qendër dhe zonat Lindore. Vonë në mbrëmje shirat largohen nga pjesa më e madhe e vendit.

Fundjava mbetet me kthjellime dhe vranësira gjatë orëve të paradites por vranësirat fuqizohen në pjesën e dytë të ditës duke sjellë shira afatshkurtër thuajse në të gjithë vendin të shtunë dhe kryesisht në zonat Lindore ditën e dielë.

Temperaturat sot paraqiten me rënie të lehtë duke shënuar maksimalisht 29°C ndërsa fundjava sjell rritje graduale të temperaturave duke ngjitur maksimumin në 32°C.

Myftinia e Vlorës ka organizuar mengjesin e sotem faljen e madhe te Festes se Bajramit, e cila ka nisur ne oren 06:00 me faljen e madhe.

Mijera besimtare myslyman jane falur ne shesh, pas nje muaji argjerimi, si nje nga detyrimet e cdo besimtari.

Pas faljes se madhe do te organizohet nje panair me gatime tradicionale qe gatuhen per festen e Bajramit.

Keto gatime do te shiten dhe te ardhurat e tyre do te mblidhen per njerezit ne nevoje.