Aktualitet

Çifti i prokurorëve Dritan Gina dhe Rovena Gashi kanë ankimuar në Kolegjin e Posaçëm të Apelimitvendimin e Arta Markut që i pezulloi ata nga detyra për shkak të refuzimit të deklarimit të pasurisë.

KPA ka marrë në shqyrtim ankimimin dhe ka vendosur shqyrtimin e çështjes. Trupa e KPA do të përbëhet nga gjyqtarët Luan Daçi dhe Rezarta Schuetz, ndërsa relatore e çështjes është caktuar Ina Rama, ish-kryeprokurore e Republikës. KPA ende nuk ka caktuar një datë se kur çifti i prokurorëve do përballen në një tjetër hallkë të drejtësisë me kryeprokuroren Arta Marku.

Kryeprokurorja Arta Marku vendosi në 14 maj pezullimin nga detyra të prokurores Rovena Gashi dhe të bashkëshortit të saj Dritan Gina. Çifti i prokurorëve u pezulluan pasi sipas Prokurorisë ata janë marrë të pandehur për refuzimin të deklarimit të pasurisë.

Njoftimi i KPA:
Në Kolegjin e Posaçëm të Apelimit, më datë 17.05.2018, është paraqitur ankimi me palë ankuese znj.Rovena Gashi dhe z. Dritan Gina, me objekt: “Anulimin e vendimit nr. 140, datë 11.05.2018 të Prokurores së Përgjithshme të Përkohshme Arta Marku dhe anulimin e vendimit nr.141, datë 11.05.2018 të Prokurores së Përgjithshme të Përkohshme Arta Marku etj.”.

Në datën 24.05.2018 u hodh shorti për caktimin e relatorit dhe anëtarëve të Kolegjit të shqyrtimit paraprak:

Sipas shortit, rezultojnë të jenë anëtarë të Kolegjit të shqyrtimit paraprak:

Gjyqtar Luan Daci
Gjyqtar Rezarta Schuetz
Relator i çështjes: Ina Rama

Deputeti i Partisë Demokratike, Ervin Salianji ka qënë dje në Kukës, në një aktivitet për vendosjen e bustit të poetit Havzi Nela, i cili më 10 gusht të vitit 1988, u ekzekutua me varje në mes të qytetit të Kukësit.

Nëpërmjet deputetit të skandalit erotik, ne mësuam se Ervin Salianji kishte qënë dje në Kukës për vendosjen e bustit të Havzi Nelës.

“Lyeu thonjtë me një rozë të ëmbël dhe mori hov drejt ngjarjeve të mëdha. U nis në përurimin e shtatores së Havzi Nelës. Ai ishte poet disident, ndërsa Salianji deputet disident “.

Në një postim në faqen e tij në rrjetet sociale, Saliani shkruante se “Sot për Kukësin dhe gjithë Shqipërinë është një ditë e veçantë dhe e rëndësishme, sepse me vendosjen e bustit të disidentit Nela, shoqeria vendos edhe një gur në përmendoren historike që ende duhet ti ndërtohet Havzi Nelës.”

Dje deputeti i skandalit erotik vlerësoi figurën e Havzi Nelës, dhe nuk e kuptoi që njerëzit duan monumentin e Salianjit.

Por, ajo që na bëri përshtypje ishte mungesa e Flamur Nokës.

Dhe natyrshëm lind pyetja, çfarë do Ervin Salianji në Kukës?

Sepse së pari, nuk është deputet i qarkut të Kukësit.

Së dyti nuk drejton Departamentin e të Përndjekurve Politik.

Dhe së treti dje në PD kishte një eveniment të madh, siç ishte ditëlindja e Lulit, dhe Ervini nuk mund të mungonte në atë event.

Ne fillimisht dyshuam se kishte bojkotuar ditëlindjen e Lulzim Bashës, por nuk ishte ashtu. Ervini ka shkuar në Kukës, i dërguar kuptohet nga Lulzim Basha.

Por, pyetja që lind është kush e ka dëbuar Flamur Nokën nga Kukësi?

Deputeti që ka kryesuar listën e qarkut të Kukësit, Flamur Noka nuk ishte në këtë aktivitet, por shkoi Salianji.

Kush e ka dëbuar Flamurin nga Kukësi është pyetja që kërkon përgjigje./ CNA

Të gjithë individët që shfrytëzojnë shtëpitë, apartamentet apo çdo lloj ambienti të tyre për t’i dhënë me qira, tashmë duhet të deklarojnë të ardhurat e përfituara prej tyre.

Njoftimi është bërë Drejtoria e Përgjithshme të Tatimeve sipas të cilës “përfituesi i të ardhurave (pronari i shtëpisë dhe apartamentit) është i detyruar që të paguajë tatim në burim në masën 15% të të ardhurave.”

Pavarësisht se deklarimet bëhen vullnetarisht, pronarët duhet të regjistrohen dhe të paguajnë tatimin jo më vonë se data 20 e muajit të ardhshëm.

Nga ana tjetër, duke qenë se kërkesa për qira është rritur ndjeshëm dy vitet e fundit dhe popullsia e Tiranës, e cila shtohet me rreth 20 mijë banorë të rinj vit, tatimi i ambienteve të lëshuara me qira mund të përkthehet në rritje të çmimit të qirasë.

Në zonat e preferuara qiratë variojnë nga 300 deri në 500 mijë lekë të vjetra, por nga ana tjetër rroga minimale vijon të jetë 220 mijë lekë të vjetra, gjë e cila thelluar ngërçin dhe e bën të pamundur rritjen e fuqisë blerëse të apartamenteve.

Edhe pse shumë shpejt mund të kemi rritje të çmimit të qirasë, kushtet e tyre zakonisht janë mjerisht skandaloze dhe shpesh të pabanueshme.

Zyrtari i lartë gjerman, Christian Lange, ka deklaruar se arrestimi i ish-ministrit të Brendshëm, Saimir Tahiri, dhe largimi nga detyra i ministrit aktual të Brendshëm, Fatmir Xhafaj, nuk janë kusht për hapjen e negociatave të Shqipërisë me Bashkimin Evropian, duke ju përgjigjur kështu akuzave të opozitës, të cilët i kanë cilësuar Tahirin dhe Xhafajn si pengesë për integrimin në BE.

Lange i ka bërë thirrje politikës shqiptare të luftojë korrupsionin, të vijojë thellimin e reformave dhe të shmangë bllokadat, si tre elementë tepër të rëndësishëm për hapjen e negociatave me Bashkimin Evropian.

Sekretari Parlamentar i Shtetit në Ministrinë e Drejtësisë dhe Mbrojtjes së Konsumatorit, Lange, deklaroi se korrupsioni shkatërron ekonominë e tregut dhe është shqetësim për jetën e qytetarëve shqiptarë.

Sipas tij, korrupsioni mbështet krimin e organizuar, terrorizmin dhe është risk për aparatin e sigurisë. Ai tha se nuk mund të japë përgjigje lidhur me vendimin për hapjen e negociatave në fund të qershorit, por shtoi se progresi në sistemin e drejtësisë dhe përshpejtimi i reformave janë një hap i rëndësishëm në këtë vendimmarrje.

“Korrupsioni është kundër zbatimit të së drejtave të njeriut. Korrupsioni shkatërron ekonominë e tregut, gjë të cilën pata mundësinë të informohem. Investitorët gjermanë më sollën në vëmendje se problemi kryesorë që kanë është korrupsioni. Natyrisht që korrupsioni është shqetësim edhe për jetën publike të qytetarëve shqiptarë, korrupsioni mbështet krimin e organizuar, terrorizmin dhe është risk për aparatin e sigurisë.

Korrupsioni në sistemin e drejtësisë pengon qasjen në gjyqësor, që është baza për sistemin e drejtësisë dhe për një proces të ndershëm. Vazhdimi i zbatimit të procesit të Vetingut është shumë i rëndësishëm. Ky proces jo vetëm duhet vazhduar, por edhe duhet përshpejtuar. Sot nuk mund të jap një përgjigje lidhur me vendimin për hapjen e negociatave. Ajo që mund t’iu them është që progresi në sistemin e drejtësisë, përshpejtimi i reformave është një nga hapat e rëndësishëm që do ketë ndikim në këtë vendimmarrje.

Ky është një vendim unanim që merret nga shefat e qeverive dhe të shteteve të BE. Edhe shtete të tjera anëtare do të hedhin vështrimin nga sistemi i drejtësisë i Shqipërisë, ndaj ky sistem është i rëndësishëm. Bllokadat politike nuk ndihmojnë për progresin e vendit. Ne vijmë nga kultura të ndryshme politike, ne në Gjermani jemi të drejtuar drejt konsensusi, gjë që nuk e konstatoj në Shqipëri.”

Ish ministri i Drejtësisë Ylli Manjani ka dalë kundra deklaratës se presidentit Meta i cili i bëri thirrje qeverisë dhe bashkisë që të jenë transparente dhe të dëgjojnë artistët për çështjen e Teatrit Kombëtar. Përmes një postimi në facebook Manjani thotë se nuk kupton thirrjen për transparencë dhe bisedime me artistët.

“Nuk e kuptoj thirrjen për Transparencë dhe bisedime me artistët! Vendimi për të prishur Teatrin Kombëtar dhe për të ndërtuar një të ri duke dhuruar pronën publike një privati, është kristal i qartë! Transparent sa më ska! Vendimi është marrë në dritë të diellit dhe mu në mes të Tiranës!

Bisedime për çfarë?! Me kë?! Qeveria e ka vendosur, do ta bëjë këtë gjëmë në dëm të kulturës, ligjit, shoqërisë dhe ekonomisë së Kombit. Ndaj ç’bisedime mund të bëhen, kur publiku dhe artistët i bien gozhdës, ndësa qeveria patkoit!!!

Çështjet janë: Je me qeverinë, apo me Artistët dhe Publikun! Kush e ndalon qeverinë/ Bashkinë nga kjo poshtërsi dhe si? Kjo nuk është çështje “paanësie” as për të qenë “mbi palët”, shkruan Manjani.