Aktualitet

Bundestagu gjerman përvëlon kokat e korrupsionit të politikës dhe drejtësisë, me këtë klasë politike nuk ka integrim dhe shpresë, shqiptarët duhet të zgjohen, kërkohen arrestime dhe konfiskimi i pasurive të korrupsionit, kushtet nuk pranohen nga Rama, Berisha, Meta, Basha dhe Monika

Qëndrimi zyrtar i Bundestagut gjerman për çështjen e negociatave ka përvëluar krerët e krimit dhe korrupsionit të politikës shqiptare, të cilët janë përgjegjësit e vetëm për degradimin e Shqipërisë, rrënimin e shqiptarëve, vjedhjen e buxhetit, plaçkitjet, drogën dhe bllokimin e integrimit të vendit në Bashkimin Evropian. Me anë të projektrezolutës së djeshme të grupeve parlamentare të partive të koalicionit CDU/CSU dhe SPD, Angela Merkel u ka dhënë një mesazh të qartë shqiptarëve se, me këtë klasë politike të korruptuar, inkriminuar, antikombëtare dhe perverse, nuk mund të ketë bisedime për të pranuar Shqipërinë në Bashkimin Evropian.

Nëntë kushtet e Bundestagut gjerman konsistojnë në një pikë të vetme: Në arrestimin e kokave të korrupsionit në politikë dhe drejtësi si dhe në konfiskimin e pasurive të tyre, që burojnë nga korrupsioni dhe kthimin e parave të vjedhura në buxhetin e shtetit. Është i njëjti kusht që iu vendos Kroacisë, Rumanisë dhe Maqedonisë, vende të cilat kanë dënuar ish-kryeministrat me burg.

Më konkretisht, që Shqipëria dhe shqiptarët të pranohen në BE, duhet që më parë të hetohen, arrestohen, dënohen dhe t’u sekuestrohen pasuritë Sali Berishës, Ilir Metës, Monika Kryemadhit, Lulzim Bashës, ministrave të korruptuar socialistë, deputetëve të korruptuar dhe trafikantë. Që Shqipëria të pranohet në BE duhet që të arrestohet dhe t’i konfiskohet pasuria ish-kryeprokurorit Adriatik Llalla dhe ushtarëve të tjerë të Sali Berishës dhe Ilir Metës në drejtësi.

Duhet të ndalet vjedhja e buxhetit të shtetit me kontrata korruptive dhe koncesione mafioze. Duhet të kthehen pronat e grabitura nga politikanët dhe lukunia e tyre e të korruptuarve. Që dyert e Brukselit të hapen për Shqipërinë, duhet që administrata publike të pastrohet nga dashnoret e ministrave dhe të deputetëve.  Përtej mashtrimeve dhe propagandës së përditshme të Edi Ramës, Ilir Metës, Sali Berishës, Lulzim Bashës dhe Monika Kryemadhit, Angela Merkel dhe Brukseli janë shumë të qartë dhe të drejtpërdrejtë me shqiptarët se Shqipëria do të integrohet në BE kur të shporrë këtë klasë mafioze politike.

Kushti i parë ka të bëjë me përfundimin e Vetingut për 57 gjyqtarët dhe prokurorët e parë. Kalimi i kësaj faze kërkohet jo pa qëllim, pasi do t’i hapë rrugë ngritjes së organeve të tjera të drejtësisë, por edhe do të ‘asgjësojë’ krerët e korruptuar të drejtësisë.

Kushti i dytë ka të bëjë me reformën zgjedhore, ku ndërkombëtarët kërkojnë ndëshkime të ashpra për partitë mafioze politike që blejnë votat me paratë e korrupsionit, për t’u ricikluar në pushtet dhe për të vijuar të vjedhin.

Kushti i tretë, kërkon që të ndiqen penalisht gjyqtarët dhe prokurorët që nuk kaluan dot Vetingun apo që dhanë dorëheqjen nga frika e Vetingut. Pra, Gjermania kërkon të futen nga ushtarët e Ilir Metës dhe Sali Berishës në drejtësi duke nisur që nga Adriatik Llalla.

Kushti i katër ka të bëjë me ngritjen e Byrosë Kombëtare të Hetimit, Prokurorisë së Posaçme dhe Gjykatave Speciale. Gjermanit dhe amerikanët kërkojnë me forcë që të ngrihen këto organe, pasi do të hetojnë, arrestojnë dhe dënojnë kokat e korrupsionit në drejtësi dhe politikë.

Kushti i pestë kërkon që të nisë funksionimi i Byrosë Kombëtare të Hetimit, Prokurorisë së Posaçme dhe Gjykatave Speciale, pra të nisin hetimet dhe arrestimet në nivele të larta për korrupsion, trafiqe dhe krime njerëzore.

Kushti i gjashtë konsiston në ndeshkimin e krimit dhe korrupsionit në të gjitha nivelet e shtetit shqiptar. Tek ky kusht Bundestagu gjerman e vë theksin tek ndëshkimi i politikanëve të korruptuar, të cilët ka 28 vjet që mbajnë peng Shqipërinë, për ta vjedhur dhe sunduar.

Kushti i shtatë kërkon rezultate konkrete në luftën kundër drogës dhe trafiqeve. Kushti i tetë konsiston në pastrimin e administratës nga dashnoret e politikanëve dhe familjarëve të tyre, ndërsa kushti i nëntë konsiston në zbatimin e reformës zgjedhore. Asnjë nga këto kushte nuk pranohen nga Sali Berisha, Ilir Meta, Edi Rama, Lulzim Basha dhe Monika Kryemadhi, pasi kësaj pesëshe famëkeqe nuk i interesojnë negociatave, pos vjedhja dhe sundimi i Shqipërisë, siç kanë bërë prej 28 vitesh./Pamfleti

Pas reshjeve të natës me stuhi dhe rrufe duket se e shtuna do të jetë me vranësira të shpeshta që do dominojnë të gjithë territorin.

Më të dendura do të jenë pasdite ku priten rebeshe shiu në veriperëndim dhe juglindje.

Shira të izoluar rrezikojnë dhe zonat qendrore.

Temperaturat e ajrit ulen në veri dhe qendër, por rënie më të lehtë do të ketë në jug duke luhatur vlerat termike nga 10 në 28 gradë Celcius.

Ditën e sotme Kryeministri Edi Rama ndodhet në qytetin bregdetar të Vlorës ku do të zhvillojë disa takime me strukturat e qytetit bregdetar për të prezantuar projektet e reja të këtij qyteti.

Ashtu si në çdo qark tjetër të Shqipërisë edhe sot Rama është pritur me protesta nga simpatizantë të shumtë të Partisë Demokratike ku këta të fundit mbanin edhe pankarta në duar.

Dosja “Hajdari” cilësohet si dosja e shekullit, ku pas 20 vitesh do të dalin në dritë misteret që ajo mban. Sipas gazetës “SOT” rezulton se në dosje janë zhdukur prova dhe materiale shumë të rëndësishme. Një ndër provat që mungonjë është edhe ditari i ish-ministrit të Brendshëm në vitin 1998, Perikli Teta. Aty ndodhej një letër e tij ku thuhet se gjatë hetimeve atij i është sekuestruar nga grupi hetimor një ditar, ku ai ka shkruar të gjitha ndodhitë për vrasjen e Hajdarit.

Ai ditar momentalisht nuk figuron në dosjen që ka marrë në dorë Haxhia dhe avokati i tij Bashkim Nikolla. Kjo tregon se në dosjen “Hajdari” janë futur duart dhe janë zhdukur prova. Dyshimet janë se kanë qenë personalitete të politikës së asaj kohe që kanë ndërhyrë, në mënyrë që e vërteta e vrasjes së Hajdarit të mos dalë në dritë.

Por gazeta “SOT” ka mësuar se ish-truproja e Sali Berishës  përmes avokatit të tij do të kërokjë sqarimin e kësaj gjëje ku nuk përjashtohet mundësia të kërkohet edhe një hetim mbi zhdukjen e këtyre të dhënave.

Aty tregohet se si është ndërhyrë në dosje dhe se çfarë realisht ka ndodhur me procesin hetimor. Dyshimet e Haxhisë janë se gjithçka ka qenë fasadë dhe autorët e vërtetë nuk janë hetuar. Ajo që e tregon këtë është se 21 përfaqësues të PD refuzuan dëshminë. Kjo do të thotë se dosja e vrasjes së Hajdarit do të tronditë dhe një herë opinionin publik dhe politikën shqiptare.

Hapja e dosjes

Izet Haxhia është sulmuar fortë ditët e fundit. Sali Berisha dhe djali i tij kanë lëshuar një sërë kritikash. Ish-kryeministri akuzoi Haxhinë se po paguhet nga Rama. Gazeta foli me avokatin e tij, zotin Bashkim Nikolla dhe mikun e tij Romeo Kara, të cilët shpjeguan detajet e ekstradimit të Haxhisë. Ashtu siç paraqitet dhe në kërkesën e avokatit, dorëzuar pranë gjykatës, ka qenë qeveria “Berisha” ajo që ka dhënë garanci për ekstradimin e Izet Haxhisë.

Janë dy shkresa të Ministrisë së Drejtësisë dhe asaj të Jashtme, të cilat garantonin Turqinë dhe Gjykatën e Strasburgut se atij i lind e drejta për rigjykim. Pas vendimit që dha gjykata, avokati i Haxhisë do i drejtohet Apelit ku do e apelojë vendimin e Shkallës së Parë, duke kërkuar liri për klientin e tij, me argumentin se ai nuk është autori i ngjarjes.

Por duket se përballë do të kemi një betejë shumë të fortë, duke marrë shkas dhe se kjo dosje mund të tronditë politikën shqiptare. Interesant është fakti se nga dita në ditë reforma në drejtësi po jep rezultate  dhe nëse ngrihen organet e reja të drejtësisë, rriten më shumë shanset që dosja e vrasjes së Hajdarit të zbardhet një herë e mirë.

Prej më shumë se 1 muaj dosja “Babale” vijon të mbetet peng nga drejtësia italiane, pasi autoritet nuk kanë sjëllë përgjigjen, por në Shqipëri anëtarët e grupit hetimor kanë të zbulojnë një skenar të mirëiskenuar nga segmente të caktuara të Partisë Demokratike.

Momentalisht prokuroria ka përfunduar fazën dokumentare të pyetjes së personave kryesore, përfshirë këtu dhe një 45-vjeçar nga Novosela e Vlorës, që është vetëofruar si dëshmitar, duke marrë ai autorësinë e audios.

Shumë shpejt zëri i tij do i nënshtrohet ekspertizës për të mësuar nëse është i njëjtë me atë të audios.

Siç raporton “Shqiptarja.com” banorit të Novoselës i është marrë zëri dhe se tashme janë tre zëra që do krahasohen me njëri-tjetrin. Pritet që në ditët në vijim prokuroria mund të kërkojë arrestimin e disa personave, për akuzën e “Krijimit të provave të rreme”, pasi nga hetimet ka rezultuar se gjithçka është iskenuar mbi një mashtrim.

Mashtrimi i “Babales”

Albert Veliu,që u prezantua nga Partia Demokratike si dëshmitari X, nuk ka gënjyer vetëm për paratë, trafikun e trogës, takimin me Agron Xhafën, por mashtroi dhe për sa i përket faktit se ka takuar një efektiv policie në Vlorë, me emrin “Ermal”, të cilin sipas audio-përgjimit, ai pretendohet se Agron Xhafaj ja këshillon që të shkojë ta takojë, në mënyrë që ai ta ndihmonte për të trafikuar drogë.

Mësohet se për arsye përfitimi monetar Albert Veliu ose siç njihet ndryshe si “Babalja”, jo vetëm që ka iskenuar audio-përgjimin dhe ka shpikur një bashkëbisedues duke e joshur për të aktruar Agron Xhafaj, por ky dëshmitar i PD ka gënjyer edhe për sa i përket emrit “Ermal”, duke thënë se është punonjës policie dhe mik i Agron allias Geron Xhafaj.

Në këtë çështje nuk ka ekzistuar asnjë efektiv policie që të ketë bashkëpunuar me Babalen, për më tepër që edhe nga verifikimet e tabulateve të telefonit të katër policëve me emrin “Ermal” në Vlorë, ka rezultuar se nuk kanë pasur telefonata qoftë me Agron Xhafaj por edhe me Babalen gjatë muajit tetor 2017, kur është bërë përgjimi dhe në vijim.

“Nuk bisedoi me asnjë “Ermal”

Gjatë këtyre dy muajve hetime të Prokurorisë së Krimeve të Rënda, janë evidentuar dhe marrë në pyetje katër efektivët e policisë së qarkut Vlorë,që mbajnë emrin “Ermal”. Bëhet fjalë për policë që janë në organikën e komisariatit të Vlorës, Sarandës dhe një tjetër është në Drejtorinë Qëndrore.

Të katër këta efektivë janë marë në pyetje nga anëtarët e grupit hetimor, duke pohuar se nuk kanë njohje dhe miqësi me Albert Veliun por edhe me Agron Xhafaj, vllain e ministrit të Brendshëm Fatmir Xhafaj. Por pavarësisht dëshmive të katër policëve me emrin “Ermal”, prokuroria ka verifikuar me imtësi të gjitha tabulatet mujore të këtyre efektivëve, për të mësuar nëse ndonjëri prej tyre ka pasur biseduar ndonjëherë nga muaji Tetor 2017 e në vijim me Albert Veliun (Babalen) apo me Agron Xhafaj.

Nga kjo procedurë nuk ka dalë asnjë element i dobishëm. Madje tabulatet telefonike,i janë verifikuar dhe Babales, për të mësuar nëse kishte folur me ndonjërin prej këtyre policëve, por nuk ka rezultur që ai të ketë biseduar në telefon.

Rreth një vit më parë spiunët e administratës shtetërore “pushtuan” zyrat e shtetit dhe kompanitë private në kuadër të ligjit të korrupsionit. Sipas “Shqiptarja.com” në vetëm pak muaj 7 institucione publike si në nivel qendror ashtu edhe vendor janë spiunuar nga punonjësit e tyre.

Bilanci pasqyrohet në raportin vjetor të ILDKPKI ku thuhet se ka pasur sinjalizime brenda Shërbimit Kombëtar të Punësimit, Autoritetit Kombëtar të Ushqimit, Institutit të Sigurimeve Shoqërore, Bashkisë së Tiranës, Inspektoratit Shtetëror Teknik dhe Industrial, Bashkisë dhe Fondit të Sigurimit të Detyrueshëm të Kujdesit Shëndetësor.

“Inspektorati i Lartë gjatë vitit raportues në ushtrim të kompetencave ligjore, si mekanizëm i jashtëm raportimi për sinjalizimin dhe kërkesat për mbrojtje nga hakmarrja, ka regjistruar dhe trajtuar në total 8 raste sinjalizimi dhe 1 rast kërkese për mbrojtje të ardhur nga sektori publik. Në lidhje me rastet e sinjalizimit, denoncimet kanë qenë si më poshtë vijon: 4 raste është pretenduar për shkelje të detyrimeve ligjore për konfliktin e interesit; 3 raste është pretenduar për shkelje ligjore në procedurat e tenderimit; 1 rast është pretenduar për shkelje në dhënien e vendimeve gjyqësore dhe falsifikim dokumentacioni në proceset gjyqësore”, thuhet në raport.

Masat e marra

ILDKPKI pasqyron në raport edhe masat e marra pas sinjalizimeve.

“Në përfundim të hetimit administrativ, për zyrtarët e gjetur në shkelje të parashikimeve ligjore të ligjit nr. 9367/2005, i ndryshuar, është marrë masa administrative me “gjobe”, si dhe është kërkuar dhe është zgjidhur konflikti i interesit në përputhje me parashikimet ligjore. Kështu, janë aplikuar 3 masa administrative me “gjobë” ndaj zyrtarëve për shkelje të ligjit nr. 9367 /2005, i ndryshuar, si dhe është zgjidhur konflikti i interesit me largimin nga detyra të zyrtarëve që kanë qenë në kushtet e konfliktit të interesit.

Gjithashtu, ILDKPKI për rastet e tjera të sinjalizuara, pas hetimit administrativ ka vënë në dijeni organin kompetent sipas problematikes se ngritur nga sinjalizuesit, si vijon: “Njoftim pranë KLSH për auditim të fondeve publike; Njoftim për ndjekje penale Prokurorisë së Rrethit Gjyqësor Tiranë; Njoftim Komisionit të Pavarur të Kualifikimit; Njoftim titullarit të autoritetit publik qendror për marrjen e masave disiplinore ndaj personave përgjegjës”..

Sektori publik

163 njësi spiune janë ngritur në zyrat e administratës publike, ndërsa 446 njësi në kompanitë private. Këto njësi raportojnë pranë Inspektoriatit të Lartë të Deklarimit dhe Kontrollit të Pasurive konstatonte për rastet e korrupsionit brenda zyrave të shtetit si dhe në sektorin privat.

“Në vijim, ILDKPKI vendosi kontaktet përkatëse për ngritjen e njësive përgjegjëse dhe raportimin e tyre pranë Inspektoratit të Lartë. Me mbledhjen e informacionit të dërguar nga autoritetet publike, ILDKPKI përfundoi procesin e hartimit të regjistrit kombëtar të njësive përgjegjëse në autoritetet publike, në të cilin janë pasqyruar të dhënat dhe funksioni i personave të ngarkuar për të zbatuar ligjin për sinjalizimin dhe mbrojtjen e sinjalizuesve. Nga të dhënat statistikore rezulton se në total janë ngritur dhe funksionojnë 163 njësi përgjegjëse në sektorin publik”, thuhet në raportin e ILDKPKI.

Sektori privat

Që nga 1 korrik e 2017 janë ngritur njësitë spiune edhe në sektorin privat. “Ndërsa, duke filluar nga 1 korrik 2017, me fillimin e efekteve ligjore për sektorin privat, ILDKPKI koordinoi punën me Drejtorinë e Përgjithshme të Tatimeve për të identifikuar në sektorin privat organizatat të cilat kishin të punësuar mbi 100 punonjës, për të vendosur kontaktet përkatëse për ngritjen e njësive përgjegjëse dhe raportimin e tyre pranë Inspektoratit.

Me mbledhjen e informacionit të dërguar nga institucionet private, ILDKPKI përfundoi procesin e hartimit të regjistrit kombëtar të njësive përgjegjëse në sektorin privat, në të cilin janë pasqyruar të dhënat dhe funksioni i personave të ngarkuar për të zbatuar ligjin për sinjalizimin dhe mbrojtjen e sinjalizuesve. Nga të dhënat statistikore rezulton se në total janë ngritur dhe funksionojnë 446 njësi përgjegjëse në sektorin privat”, vijon raporti.