Aktualitet

Gjatë 24 orëve të fundit Shqipëria është lëkundur sërish nga tërmetet duke krijuar panik tek banorët.

Brenda këtyre 24 orëve kanë rënë 3 tërmete me epiqendër në Ishëm, Gjiri i Lalzit dhe Thumanë. Fatmirësisht nuk ka patur dëme në njerëz apo bazë materiale.

Ministri për Evropën dhe Punët e Jashtme, Ditmir Bushati thotë se ende nuk ka një afat se kur do të nënshkruhet marrëveshja mes Shqipërisë dhe Greqisë. Gjatë njëinterviste për RTSH, Bushati konfirmoi edhe takimin mes Edi Ramës dhe Alexis Tsipras sot gjatë samitit në Londër. Më poshtë pjesë nga intervista.

Pyetje: Një tjetër risi në këtë Samit janë edhe takimet dypalëshe që kanë qenë të shpeshta orët e fundit, raportet diplomatike dhe takimet zyrtare. Çfarë zhvillimesh priten së afërmi zoti ministër, dhe kur pritet të konkretizohet marrëveshja me Greqinë?

Ministri Bushati: Ne jemi në kontakte mjaft intensive në të gjitha nivelet me Greqinë, qoftë në nivel politik, diplomatik dhe teknik. Besoj se takimi i sotëm mes kryeministrave Rama dhe Tsipras do të jetë një mundësi e artë jo vetëm për të shqyrtuar progresin e bërë nga ministrat e Jashtëm dhe ekipeve respektive teknike, por dhe për të përcaktuar linjat e drejtimit që duhet të jepen në këtë proces. Ne kemi bërë hapa të qëndrueshëm përpara përsa i përket bisedimeve për një marrëveshje të re për kufizimin e zonave detare, një marrëveshje e re që do të udhëhiqet nga parimet e të drejtës ndërkombëtare publike, në fushën e detit, por mbi të gjitha një marrëveshje e re e cila do të ishte e drejtë dhe e zbatueshme për dy vendet tona. Nuk është një proces i lehtë, ka rezistencë politike në të dyja anët, qoftë në Shqipëri ashtu dhe në Greqi, por besojmë se me vendosmëri dhe vullnet politik të qartë, ne, në një të ardhme të afërt do të kemi produktet konkrete, qoftë për këtë marrëveshje, ashtu dhe për pjesën tjetër që përbëjnë elementët e paketës që ne po diskutojmë me Greqinë.

Pyetje: Z. Ministër, të themi, këto pikat gri, ose kjo rezistenca ka të bëjë me çështje teknike apo qëndrime politike, më së shumti?

Ministri Bushati: Më së shumti janë qëndrime politike që vijnë qoftë nga segmente të caktuara në Tiranë, ashtu dhe në Athinë, të cilat ose preferojnë status quo ose janë kundër një perspektive të përbashkët evropiane të Shqipërisë dhe Greqisë. Por ne besojmë se me vullnet dhe duke u mbështetur tek parimet e së drejtës ndërkombëtare dhe fryma evropiane, do të kemi mundësi që të vijojmë të hedhim hapa solid përpara me Greqinë, qoftë përsa i përket paketës që ka lidhje me të drejtën, ashtu dhe përsa i përket elementëve të tjerë të paketës që janë të një rëndësie thelbësore për marrëdhëniet mes dy vendeve tona.

Pyetje: Parashikohet që kjo të konkretizohet në vjeshtën e këtij viti?

Ministri Bushati: Është folur shpesh për afate, u përcaktua pranvera, fillimi i verës, vera, vjeshta. Afatet janë shumë të rëndësishme sepse janë një mundësi për të mbajtur të motivuar ekipet respektive që punojnë dita ditës për të gjitha marrëveshjet që janë në tryezë, por është më e rëndësishme në këtë moment që flasim, cilësia e punës dhe cilësia e këtij procesi. Besojmë se ndajmë të njëjtin mendim dhe me palën greke, që nuk duhet humbur kohë në këtë proces, sepse problematika tashmë është mbi 70-vjeçare, e stërnjohur dhe të gjitha opsionet janë shqyrtuar në tryezë.

Britania tha se gati do të dyfishojë fondet për Ballkanin Perëndimor, për t’iu ndihmuar vendeve të këtij rajoni që të trajtojnë kërcënimet e përparimit të tyre, sidomos në luftën kundër krimit të organizuar dhe kontrabandës me drogë.

Kryeministrja britanike, Theresa May, i bëri këto komente në Londër, ku sot mbahet Samiti i Ballkanit Perëndimor.

Në këtë takim marrin pjesë udhëheqës të gjashtë vendeve të këtij rajoni, ashtu si edhe figura evropiane jashtë tij, përfshirë kancelaren gjermane, Angela Merkel, dhe kryeministrin polak, Mateusz Morawiecki.

Ballkani Perëndimor përbëhet nga Shqipëria, Bosnja, Kosova, Maqedonia, Mali i Zi dhe Serbia.

Tubimi është samiti i pestë në kuadër të Procesit të Berlinit, i krijuar në vitin 2014, me qëllim thellimin e lidhjeve midis Ballkanit Perëndimor dhe shteteve anëtare të BE-së.

PD ka nisur një sulm frontal ndaj firmës “Fusha Sh.p.k”, si përpjekje të fundit për ndalimin e ndërtimit të kullave në territorin e Treatrit Kombëtar pas kalimit të ligjit në Parlament. Por, në fakt pas fshihet një prishje marrëdhënieje mes Basha-Salianji dhe firmës Fusha.

Shkruan Ilirjan Blloshmi

Fundja Lulzim Basha tani ka inate personale me Fusha shpk/sha. Sepse Lulzim Basha si kryetar bashkie, gjithë tendrat e pastrimit, ndriçimit, gjelbërimit dhe rikonstruksionit të rrugëve të Tiranës, ja dha kësaj kompanie. Madje për një skeme-ndërtimi kallash ku ishte i perfshirë dhe Bujar Nishani u transferua edhe selia e PD.

Ervin Salianji belbëzon se Erion Veliaj nuk ka bythe të hapi ato letrat e bashkise kur Vini punonte në bashki dhe te shohe. Lulzim Basha dhe Vini kanë vetëm një merite që të djegin çdo kauzë të ngritur nga populli kundër kësaj qeverie.

Dogjën kauzën e protestës së kuksjaneve. I lanë në burg dhe iken. Më pas Vini si nipi i një ish sigurimsi, nxori atë vlonjatin e gjore, gjoja fliste me vëllain e misistrit. Iku dhe kjo, ai mavria iku në Kosovë, Vinen e kemi akoma këtu. Tani kërkon t’ju djege dhe kauzen aktorëve. Përseri eshte komiku dhe tigri i PD-së, qe po e bën këtë gjë.

Krerët Pazaret e drogës, krerët e krimit dhe korrupsionit të politikës shqiptare kanë hyrë në një lojë të rrezikshme, kolumbianët mesazh të koduar me eliminimin e dy gardistëve pas kapjes së ngarkesave me kokainë dhe euro, politikanët mes dy zjarreve, po u dridhet toka nën këmbë, ja çfarë fshihet pas deklaratës së fortë të ambasadorit Lu.

Kokave të krimit dhe politikës shqiptare po u dridhet toka nën këmbë. Nuk bëhet më fjalë për frikë nga drejtësia e re dhe burgu për afera korruptive, por për forca të jashtme, me të cilat nuk bëhet shaka, pasi të fshijnë nga faqja e dheut. Kokat e krimit dhe politikës shqiptare kanë hyrë në një lojë të rrezikshme, duke luajtur mes karteleve të drogës dhe partnerëve strategjikë, të cilët janë në luftë me kapot e drogës. Politikanët e nivelit të lartë shqiptarë, nga njëra anë bashkëpunojnë me kartelet duke u garantuar kalimin e ngarkesave me drogë, por nga ana tjetër bëjnë sikur bashkëpunojnë me partnerët ndërkombëtar në luftën kundër trafikut të drogës, për të ruajtur pozitat e pushtetit, qoftë kur janë në qeveri, qoftë kur janë në opozitë.

Kjo lojë e dyfishtë duket se nuk mund të zgjasë shumë. Kapot e drogës ndihen mosbesues dhe të tradhtuar. Për rrjedhojë, ata u kanë dhënë kohët e fundit disa mesazhe politikanëve shqiptarë, përmes disa vrasjeve që në dukje duken si aksidentale dhe vetëvrasje. Javët e fundit kanë vdekur në mënyrë misterioze dy gardistë, përgjegjës për sigurinë e jetës së funksionarëve të lartë, nga kryeministri deri tek kryetari i opozitës. Gardisti i parë humbi jetën pasi e shtypi një makinë, ndërsa i dyti, shofer i ministrit të Brendshëm, Fatmir Xhafaj, humbi jetën po në mënyrë të dyshimtë brenda Ministrisë së Brendshme.

Gjatë viteve të fundit, sa herë që në Shqipëri është kapur një sasi kokaine me burim nisje nga Kolumbia apo Ekuatori, janë vrarë persona të rëndësishëm me lidhje të forta me politikanët e nivelit të lartë. Vdekja e dy gardistëve ka ardhur pikërisht pas kapjes së një sasie rekord kokaine në Durrës, prej 613 kg si dhe pas bllokimit të 3.6 milionë eurove. Gardistët mund të mos kenë asnjë lidhje me këtë çështje, por ata mund të jenë viktima të një prag lufte mes krerëve të politikës shqiptare dhe karteleve të drogës.

Nga ana tjetër, Shtetet e Bashkuara të Amerikës dhe Gjermania po rrisin presionin ndaj politikës shqiptare për të luftuar kapot e drogës në Shqipëri dhe jashtë saj. Jo më larg se dje, ambasadori amerikan në Tiranë, Donald Lu, për herë të parë akuzoi qeverinë e Edi Ramës, policinë dhe prokurorinë se janë të paafta ose nuk kanë vullnet për të kapur një prej kapove të drogës, Kelmend Balilin, me lidhje të forta politike me partinë e Ilir Metës dhe të Monika Kryemadhit. Këta dy të fundit e bënë Balilin drejtor transportesh në Sarandë.

Ambasadori amerikan ua bëri dje të qartë shqiptarëve se qeveria, policia dhe prokuroria nuk duan që ta kapin Balilin, duke deklaruar se Balili ka lidhje të forta politike. Nuk ka më qartë dhe troç se sa kaq: Balili është një nga kapot që kontrollon politikën shqiptare. Ambasadori dha edhe një mesazh tjetër, kur tha se kapot e krimit tani duhet të kenë frikë, pasi do të ngrihet Byroja Kombëtare e Hetimit. Ky ishte një mesazh edhe për krerë e politikës shqiptare, të cilët duhet të vendosin përfundimisht nëse janë me kapot e drogës apo me amerikanët dhe gjermanët./Pamfleti>

Quhet Ariel Lamaj,vrojtuesi i plazhit ,ndërhyrja e të cilit i ka shpëtuar jetën një vajze 20 vjeçare,e cila ndodhej duke pushuar në zonën e Plazhit të Ri në Vlorë. Gjatë momentit që ndodhej në det,20 vjeçarja ka ndjerë shqetësime,ndërsa ka rrezikuar mbytjen.

Është dashur ndërhyrja emergjente e vrojtuesit të plazhit,i cili ka ndërhyrë në kohë ,duke arritur ta nxjerr në breg dhe i ka shpëtuar jetën.

Ky është rasti i parë i rrezikshëm i rregjistruar në palzhet e Vlorës. Përparim Kamberaj i Federatës së vrojtuesve të palzheve në Vlorë,ka theksuar domosdoshmërinë e vrojtuesve të tjerë në plazhe,referuar aktualisht edhe ngjarjes së kësaj të hëne.

Aktualisht mes të punësuarve dhe atyre që kanë në proçes çertifikimi,numëron 60 vrojtues plazhesh,ndërsa në Vlorë ka ende nevojë,çka ka sjell dhe kontrollet e rrepta të pushtetit vendor dhe policisë bashkiake për bizneset të cilat kanë në administratim territoret e plazheve.

Kryetari i bashkisë së Vlorës ,Dritan Leli, ka theksuar se të gjitha bizneset duhet të kenë një kontratë me vrojtuesit. Kontrat e cila është respektuar në pjesën më të madhe të palzheve. Në ato biznese ku nuk ka patur vrojtues,bashkia ka ndërhyre,si në rastin e bllokimit të një prej tyre,dhe më pas është lejuar të zhvillojë aktivitetin, pas vendosjes së rojës së plazhit. Leli ka kërkuar dhe ndërgjegjësimin qytetar,ndërsa kontrollet kanë vijuar  çdo ditë

Rasti i parë i rrezikshëm është rregjistruar gjatë kësaj të hëne në Vlorë,ndërsa vrojtuesit janë  një nevoje urgjente në plazhe.

Ne jemi në rrugën e duhur, nëse jemi të ndershëm, tregojmë respekt të ndërsjellë dhe flasim për marrëdhëniet mes dy popujve më të mëdhenj në Ballkanin Perëndimor në mënyrë që të tejkalojmë interesat kontradiktore and keqkuptimin, deklaroi Drejtoresha e agjencisë serbe të lajmeve Tanjug, Branka Djukic, në fjalimin hapës të  konferencës ndërkombëtare që po zhvillohet në Beograd me temë “Serbët dhe Shqiptarët – Në cilin drejtim?”.

Konferenca e organizuar nga agjencia serbe e lajmeve “Tanjug” në bashkëpunim me Agjencinë Telegrafike Shqiptare (ATSH) ka në fokus të diskutimeve marrëdhëniet mes dy kombeve, rrethanat historike, politike dhe ndërkombëtare që gjenerojnë këto marrëdhënie sot, si rrugëtimi i dy vendeve drejt BE-së./atsh