Aktualitet

“Arratisje e madhe e parave me furgona nga Shqiperia!”. Ky eshte denoncimi qe ka bere sot ne rrjetet sociale ish kryeministri Sali Berisha i cili e ka faktuar sipas tij edhe me video.

“Lexoni mesazhin dhe shikoni videon e qytetarit dixhital. sb

“Doktorr Berisha so ne mesdit 7 fugona me lek per ne rinas po vetem 4 fugona arrita te filmoj drejt rinasit. Ku po qojn leket e shtetit shqiptar kto.”/korrieri

https://www.facebook.com/SaliBerisha/videos/1065084330319140/?t=0

Moti i keq që ka përfshirë Shqipërinë ditën e sotme, ka sjellë një situatë të rënduar në zonën jugore të tij.

Vlora, është përfshirë nga erërat e forta, duke e lënë qytetin në errësirë.

Po ashtu edhe nga Fieri raportohet një situatë kaotike, ku erërat e forta dhe shirat e dendur kanë lënë pa energji elektrike banorët e qytetit.

Në lagjen ’15 tetori’, xhamat e dyqaneve janë thyer dhe pemët janë rrëzuar në rrugë.

Demet e shkaktuara deri më tani në zonat e jugut raportohet se janë në bujqësi. Në Fier, Mallakastër dhe Lushnje fermerët raportojnë dëme në të  mbjella, frutikulturë dhe në sera.

Kanë mjaftuar 30 minuta shi për të shkatërruar gjithçka në fshatin Goskovë, të njësisë administrative Voskop, në Korçë. Shtëpi të shembura, pemë të rrëzuara, makina që kanë përfunduar në kanal, rrugë të mbuluara nga balta, e gjithçka kanë marrë me vete përrenjtë.

Në autostradën Tiranë-Durrës është krijuar një radhë e gjatë makinash.

Bllokimi i autostradës ka sjellë dhe vështirësi në qarkullim.

Po ashtu në veri të vendit mëngjesin e sotëm u raportua se Shkodra është paraqitur me probleme të mëdha.

Reshjet e dendura të shiut  kanë përmbytur spitalin Rajonal të Shkodrës. Konkretisht është përmbytur reparti i imazherisë, dhe sipas raportimeve gjithë shiu futet brenda.

Një ciklon i fuqishëm goditi rajonin e Vlorës vetëm disa minuta më parë ku era kapi shpejtësinë rreth 180 km në orë, duke sjellë shtërngata shiu dhe duke thyer dhe shkulur pemë, shpartalluar cadra dhe shezlonge në plazhe.

Një pemë rrreth 20 m e lartë u thye dhe u shemb mbi murin rrethues jugor të Stadiumit “Flamurtari”, por fatmirësisht pa dëme rreth e rrotull.

Vrulli i ciklonit u shua shpejtë, por shiu vazhdon dhe mund të krijoi edhe probleme.

Ndërkohë, në qytetin e Shkodrës, sipas burimeve të pavarura, ka pasur përmbytje dhe breshër.

Deputetja e PS-së, Vasilika Hysi theksoi gjatë seancës plenare se ndryshimet e propozuara në ligjin e dhunës përfshijnë rekomandimet nga BE-ja dhe Kombet e Bashkuara.

“Më konkretisht, nisma që ka sjellë Këshilli i Ministrave synon të garantojë që në momentin e denoncimit, periudhë kjo që ka qenë vakuum ligjor”, tha Hysi. Gjatë fjalës së saj, deputetja tha se mekanizmat e raportimit të dhunës janë ngritur në disa bashki, por ka probleme në zbatimin e tyre.

“Në disa bashki janë ngritur mekanizmat për raportimin e dhunës, në disa të tjera nuk ka mekanizma të tilla,  por edhe në disa bashki ku janë ngritur këto të fundit nuk funksionojnë. Ne do të kemi detyrë që të sigurojmë ngritjen e këtyre sistemeve dhe funksionimin e tyre”, tha deputetja e PS-së.

Hysi i bëri thirrje kryetarëve të bashkive për të treguar përgjegjshmëri lidhur me punonjësit që do të jenë pjesë e sistemit të referimit të dhunës. “Do të doja të bëja apel të 61 kryetarëve të bashkive, të mendojmë më mirë për ngritjen e këtyre mekanizmave mbrojtjes, të punësimit të punonjësve të përgatitur”.

Ndërkaq, ajo ka thënë se komentet dhe rekomandimet e marra janë përfshirë në ndryshimet ligjore e ligjit kundër dhunës. “Komentet dhe rekomandimet janë analizuar një për një me ekspertë dhe janë marrë në konsiderate në pjesën më të madhe të tyre. Ka pasur edhe konsultim dhe me organizatat e shoqërisë civile”.

“Risia e këtij ligji është përmbushja e pjesës më të madhe të rekomandimeve, ku me një projektligj kemi  bashkërendimin e shumicës së rekomandimeve nga Këshilli i Europës dhe Kombeve të Bashkuara”.

Po kështu, ajo i kërkoi ministrit të Financave lidhur me arsimin profesional, për gratë dhe vajzat e dhunuara apo që kanë probleme ekonomike, për t’i ardhur në ndihmë.

“Një apel tjetër, për të planifikuar buxhete të nevojshme për zbatimin e ligjit të strehimit social dhe si zbatim edhe i ligjit të dhunës në familje”, përfundoi ajo./atsh