Aktualitet

Feronikeli i cili është në pronësi të kompanisë greke ‘Cunico Resources’, është duke iu shitur kompanisë nga Shqipëria, ‘Balfin Group’, me pronar biznesmenin më të pasur në Shqipëri, Samir Mane.

Kompania e Manes, e cila mësohet se është në fazën finale të blerjes së gjigandit Feronikel, aktivitet me biznesin e xehes, ushtron edhe në Shqipëri, më saktësisht në minierën e Bulqizës, ku pushtetin lokal e ka LSI e cila udhëhiqet nga bashkëshortja e presidentit Ilir Meta.

51 vjeçari është miliarderi i parë Shqiptar. Ai është president dhe pronar i grupit BALFIN, i cili është grupi më i madh i investimeve private në Shqipëri dhe në Evropën Juglindore.

Ndërkaq, Fabrika e Feronikelit është përballur me krizë ekonomike edhe në vitin 2017.

Prodhimi u ndal me 13 mars pasi rreth 820 punëtorë dhe 250 kontraktorë ndërprenë punën si shkak i mospagesës nga ana e Menaxhmentit të kësaj fabrike.

Për ndaljen e prodhimit, Menaxhmenti u deklarua se fabrika është duke u përballur me disa vështirësi teknologjike.

Telegrafi mëson se që nga muaji qershor punëtorët e kësaj fabrike nuk i kanë marrë pagat.

Ata thonë se ndjehen shumë të shqetësuar me të ardhmen e tyre, pasi siç thonë ata, shumë punëtorë tanimë kanë kredi nëpër banka në Kosovë dhe ndalja e punës në këtë fabrikë, po iu krijon probleme financiare.

Fabrika kishte paralajmëruar fillimin e punës në fillim të korrikut, por një gjë e tillë nuk kishte ndodhur./njekomb

LSI ka shumë të drejtë që publikon shifrën reale të 65% të shqiptarëve, që nuk bëjnë dot pushime, por “harron” të deklaroj shkakun e këtij mjerimi, që është ky: 50% të pasurive të shqiptarëve dhe krejt floririn e 45 viteve akumulim të shtetit, i ka vjedhur Ilir Meta, si dhe faktin tjetër, se me milionat e taksave që paguajnë shqiptarët, bëjnë pushime luksoze shtetërore e private shtetarët, mes tyre dhe familja e hajdutëve Meta-Kryemadhi.

LSI ka nxjerr “tellallët” e saj milionerë me biznese në gurore, krom, ilaçe, shkolla private, puse nafte, restorante, parkinge, hotele, motele e të tjerë, kumarxhinj që lënë nga 10 mijë euro në natë, për të “qarë” hallin e shqiptarëve të varfër, të cilët nuk kanë mundësi financiare, për të bërë pushime verore.

Deputeti i LSI-së i Bulqizës Spahiu, i cili vetëm nga biznesi i kromit që ka në ortakëri ilegale me “kukullin” Samir Mane, nxjerr sa 20% e të ardhurave të krejt familjeve të Bulqizës, ka publikuar studimin social-ekonomik të KE, sipas të cilit 65% e shqiptarëve nuk kanë lekë për të bërë pushime verore.

Që shqiptarët janë tepër të varfër kjo dihet, dhe KE e ka të saktë shifrën me këtë realitet të rënduar, por këtë mjerim nuk e ka krijuar as populli, as BE, as KE dhe as SHBA, por politikanët dhe shtetarët hajdut të këtyre 26 viteve, të cilët kanë vjedhur çdo qindarkë fond investimesh dhe çdo “copë” pasuri kombëtare.

Tellallët e familje-LSI-së, patjetër që e dinë se në krye të kësaj “tufë” hajdutësh, kanë qenë dhe janë dy pronarët e LSI, pazarxhinjtë Like-Mona, të cilët me pushtetin e tyre pronë private që kanë pasur në dorë, kanë grabitur llogari e pasuri të shumta, aq sa vetëm vila e tyre me sipërfaqe 3 dynymë (3000 m2) ndërtesë e park botanik-zoologjik, me 12 banjo mbretërore, me 5 dhoma-vaska dhe me mobilim total 1.2 milionë USD mobilje e pajisje të sjella nga Greqia e Italia, kushton sa sa 3 buxhete vjetore të Bashkisë Skrapar.

LSI ka shumë të drejtë që publikon shifrën reale të 65% të shqiptarëve, që nuk bëjnë dot pushime, por “harron” të deklaroj shkakun e këtij mjerimi, që është ky:

50% të pasurive të shqiptarëve dhe krejt floririn e 45 viteve akumulim të shtetit, i ka vjedhur Ilir Meta, si dhe faktin tjetër, se me milionat e taksave që paguajnë shqiptarët, bëjnë pushime luksoze shtetërore e private shtetarët, mes tyre dhe familja e hajdutëve Meta-Kryemadhi./Pamfleti

Rikthimi i Shtëpisë së Flamurit në qytetin e Korçës një ndërtesë simbolike për historinë, ishte një moment mjaft i rëndësishëm, por ndërtesa duket se nuk i ka shpëtuar vëmendjes së vjedhësit të skrapit.

Për herë të dytë brenda vitit ullukët prej bronzi që shërbejnë për shkarkimin e ujrave, tek “Shtëpia e Flamurit” në qytetin e Korçës janë vjedhur.

Për drejtorin e Drejtorisë së Monumenteve, Gjergji Koki, ky është një rast i përsëritur, ku elementë të vendosur nëpër objektet e trashëgimisë kulturore grabiten nga persona të papërgjegjshëm.

Vjedhja e parë u regjistrua vitin e kaluar dhe mësohet se policia arriti t’i ndalojë personat përgjegjës.

Ndërsa jo më larg se fundi i vitit të kaluar e njëjta situatë ka ndodhur edhe në Pazarin e Vjetër të Korçës, edhe ky një Monument Kulture i kategorisë së parë, ku u grabitën një pjesë e ullukëve të disa dyqaneve kryesisht në pjesën periferike të tij.

Drejtoria e Përgjithshme e Doganave ka njoftuar se çdo person, shqiptar ose i huaj, i cili hyn ose largohet në dhe nga territori i Republikës së Shqipërisë është i detyruar të deklarojë shumat në të holla, çdo lloj instrumenti të negociueshëm, metalet ose gurët e çmuar, sendet me vlerë dhe objektet antike, duke filluar nga shuma 1,000,000 (një milion lekë) ose kundërvlera e saj në monedha të tjera të huaja, si dhe qëllimin e mbartjes së tyre, për të cilat duhet të paraqesë dokumente justifikuese.

Pra, nëse keni 1 milion e sipër lekë me vete, cash ose në objekte, mos tentoni ta kaloni pa e deklaruar sepse ka disa penalitete nëse nuk e bëni këtë gjë.

Por, cilat janë penalitetet e mosdeklarimit?

Mosdeklarimi në kufi i të hollave dhe i sendeve me vlerë, në hyrje ose dalje nga territori i Republikës së Shqipërisë, i shumave në të holla, i çdo lloj forme të çekut bankar, metaleve ose gurëve të çmuar, si dhe i sendeve të tjera me vlerë, përtej vlerës së parashikuar nga ligji përbëjnë kundërvajtje penale dhe dënohen me gjobë ose me burgim deri në dy vjet.

Si kryhet deklarimi?

Deklarimi kryhet nëpërmjet formularit për raportimin e transportit të vlerave në kufi (RTVK) i cili gjendet pranë zyrave doganore në Pikat e Kalimit Kufitar ose mund të shkarkohet nga faqja web e Drejtorisë së Përgjithshme të Doganave.

Paraqituni pranë Autoriteve Doganore për të plotësuar formularin për raportimin e transportit të vlerave në kufi (RTVK) duke paraqitur dokumente plotësuese që justifikojnë burimin e të ardhurave që deklaroni.

Formulari i deklarimit plotësohet:

Përpara kontrollit të pasaportës nga autoritetet e Policisë dhe Autoritetet e Sigurisë.

Nuk ka rëndësi mënyra e udhëtimit tuaj (me avion, anije makinë, motorr, biçikletë, këmbë).

Nuk ka rëndësi ku ju i mbani vlerat monetare: në çantën e dorës , në bagazhe, në mjetin që udhëtoni.

Edhe nëse mjetet monetare nuk janë në pronësinë tuaj.

Nuk paguani taksë për plotësimin formularit të deklarimit të vlerave monetare (RTVK), vë në dukje Drejtoria e Përgjithshme e Doganave./njekomb

Një denoncim i rëndë është bërë ditën e sotme në lidhje me një fëmijë të mitur, i cili është prekur nga tumori dhe ndodhet në ambientet e Spitalit Pediatrik në QSUT prej disa ditësh.

Sipas denoncuesit, problemin e së cilit e ka bërë publik Koço Kokëdhima, mjekët nuk i kanë ofruar ilaçet dhe prej dy ditësh nuk i ndërrojnë fashën një foshnjeje, vetëm pse prindërit nuk kanë mundësi financiare.

Fëmija vetëm 16 muajsh, ka 5 ditë aty dhe është në gjendje të rëndë shëndetësore.

Mëse 10 muaj më parë, pasi u dignostikua me tumor, fëmija iu nënshtrua një operacioni për heqjen e syrit të majtë, kurim i ofruar falas nga një prej spitaleve private në vend.

Tani metastazat janë shpërndarë në të gjithë fytyrën e fëmijës duke i rrezikuar jetën, ndaj mjekët kanë sugjeruar nisjen e një kimioterapie urgjente për të ndalur përparimin e sëmundjes./gazetaglobale

Shëtitorja e re përgjatë bregdetit në Vlorë siç njihet tashmë nga të gjithë “Lungomare”, do të zgjatet nga fushat e sportit deri te tuneli në zonën e njohur si Uji i Ftohtë.

Pas mbylljes së këtij sezoni turistik do të nisë puna për zgjatimin e Lungomares, njofton në një postim në rrjetin social “Facebook”, Fondi Shqiptar i Zhvillimit, institucioni zbatues i këtij projekti të rëndësishën në infrastrukturën rrugore të vendit.

Sipas FZHSH-së, zgjatimi që do të ndërtohet është rreth 640 metër, me një gjerësi 7 metra dhe do të ruhen të njëjtat motive të shëtitores ekzistuese.

Investimi i ri do të kombinojë shtresat e betonit me zaje të bardha lumi, gjelbërim me pisha, ndriçim dhe mobilim urban, duke e plotësuar kështu tërësisht shëtitoren e Lungomares, atraksionin e ri bashkëkohor turistik të Jugut të vendit.

Zgjatimi i këtij projekti, që përbën dhe fazën e dytë të ndërtimit të shëtitores do t’i shtojë qytetit një tjetër hapësirë urbane buzë detit.

Gjithashtu do të krijohen hapësira të reja publike që do të bëjnë të mundur shkëputjen nga shëtitorja dhe argëtimin jashtë saj.

Një tjetër element interesant është edhe lidhja e shëtitores me detin nëpërmjet shkallareve që zbresin deri thellë në det. Projekti parashikon ruajtjen e shkëmbinjve ekzistues dhe integrimin e tyre me shkallët, si dhe mbrojtje detare.

Projekti i Lungomares është unik në llojin e vet, jo vetëm për përmasat dhe rëndësinë që ka në rigjallërimin urban të qytetit dhe impaktin në turizëm, por edhe për veshtirësinë e realizimit.atsh

Ministria e Bujqësisë ka përgatitur disa shtesa e ndryshime në ligjin “Për peshkimin”, që synojnë të rregullojnë aktivitetin në këtë sektor dhe të nxisin një dinamikë të re zhvillimi.

Sipas relacionit që shoqëron këtë draft, ndryshimet përcaktojnë atë se çfarë quhet peshkim tregtar artizanal duke e përafruar atë me konceptin ndërkombëtar.

“Peshkim tregtar artizanal ose peshkim bregdetar artizanal, është peshkimi tregtar që zhvillohet nga anije më të vogla se 12 metra dhe që nuk përdorin vegla peshkimi fundor me ose pa timon, vegla peshkimi me tërheqje të peshkimit pelagjik me timon ose çift pelagjik, rrjeta binjake me timon dhe draga hidraulike”, thuhet në draftligj.

Për rastin e përshkrimit tregtar ose peshkimit bregdetar artizanal ligji përcakton se subjektet duhet të jetë të përfshira në organizata të menaxhimit të peshkimit në nivel qarku apo formë më të madhe.

Gjithashtu, drafti parashikon “Të drejtën e peshkimit për format e tjera të peshkimit në det, pa përdorimin e mjeteve lundruese, që fitohet nëpërmjet konkurrimit publik, procedurë e cila përcaktohet me vendim të Këshillit të Ministrave”. atsh