Aktualitet

Me titullin ”Dhuratë 100 mijë euro për Greqinë nga Shqipëria për viktimat nga zjarri”, një nga gazetat më të njohura greke, ”Protothema”, i ka kushtuar një shkrim vendimit të qeverisë shqiptare për të ndihmuar me burime financiare qeverinë greke, pas zjarrit shkatërrimtar në periferi të Athinës, që ka shkaktuar deri tani rreth 80 viktima dhe mbi 170 të plagosur.

”Nëpërmjet një postimi në Facebook, kryeministri i Shqipërisë, Edi Rama i ka drejtuar me një mesazh ngushëllimi kryeministrit grek Aleksis Cipras duke i shprehur mbështetjen e tij popullit grek në këto kohë të vështira”, shkruan gazeta, transmeton Atsh.

”Shqipëria ndihet shumë afër Greqisë fqinjë, në këto orë tragjike për ata që humbën të dashurit e tyre dhe përballen me pasojat e dhimbshme të një zjarri! Qeveria shqiptare sapo ka miratuar një donacion në emër të solidaritetit me vëllezërit tanë”, shkruajti Rama në Facebook, thotë ”Protothema”.

Enes Dreshkoviç, kryetar i Klubit të Alpinizmit dhe Sporteve “Hrid” në Plavë të Malit të Zi ka thënë se ndjehet i tradhtuar nga një veprim i një gazetari serb, i cili sipas tij, ka shfrytëzuar shoqatën e tij për tu ngjitur në Malet e Gjeravicës në Kosovë për të bërë një artikull për mediat serbe.

Siç edhe mund të shihet në artikullin e publikuar, përcjell Telegrafi, një gazetar i mediumit serb “Novosti” ka publikuar një artikull me titullin “Novosti në kulmin e Serbisë”, në të cilën ai shfaqet duke mbajtur një mbishkrim në duar ku shihet emri i mediumit në fjalë.

“Gazetari ynë në krye të Gjeravicës për herë të parë që nga agresioni i NATO-s. Rrugët që terroristët kishin kaluar u bënë shtigje turistike”, shkruan Novosti në artikullin në fjalë.

Dhe menjëherë pas publikimit të artikullit ka ardhur reagimi i Dreshkoviç, përcjell Telegrafi.

Ai u ka kërkuar falje, sidomos miqve të tij nga Kosova dhe falënderim për bashkëpunim, mirëkuptim dhe tolerancë ndaj provokimeve të tilla të cilat sipas tij janë bërë nga “individë dhe grupe armiqësore” nga Serbia.

“U dërgoj një mesazh alpinistëve, sidomos nga Serbia mos të kërkojnë më ndonjë mbështetje, akomodim dhe ndonjë ndihmë tjetër në këtë drejtim”, ka shkruar Dreshkoviç.

Lidhur me këtë, Dreshkoviç ka deklaruar për Telegrafin, se një reagim i tillë i tij ka ardhur pasi që mendon se gazetari serb nuk do të duhej ta shfrytëzonte shoqatën e tij për të bërë gjëra të tilla.

“Kam reaguar për shumë arsye, dhe e para është se Kosova tani është shtet i pavarur, se jemi fqinjë dhe dikur kemi pasur lidhje të ndryshme, përfshirë edhe ato familjare dhe ato shoqërore”.

Siç ka bërë të ditur ai, miqtë alpinistë nga Peja, Deçani, Juniku dhe pjesët tjera të Kosovës, para së gjithash për shkak të miqësisë, sidomos me ata nga Plava, lejuan që çdo alpinist malor nga Serbia dhe vende të tjera të shkonin në Gjeravicë dhe majat e tjera, pa asnjë problem.

“Këto marrëdhënie miqësore gjithmonë i kemi pasur dhe ne duhet t’i mbajmë ato. Gjithsesi nuk do të lejojmë dhe nuk duhet të lejojmë që individët ose grupet të caktuara ta thyejnë këtë mes nesh”, ka thënë Dreshkoviç./njekomb

Në mbrëmjen e sotme, u shfaq edhe në kryeqytetin shqiptar, eklipsi hënor “Hëna e përgjakur”, fenomeni natyror më i gjatë i këtij shekulli.

Toka vendoset në vijë të drejtë me Diellin dhe Hënën, duke prodhuar kështu një nga fenomenet hapësinore më spektakolare. Gjatë këtij eklipsi, Hëna, sateliti i vetëm natyror që ka Toka, do të ndryshojë ngjyrë nga e argjendtë në një të kuqe kërcënuese, për shkak të bllokimit të dritës së Diellit nga hija e tokës.

Eklipsi ka nisur rreth orës 20:00 të mbrëmjes dhe do zgjasë deri rreth orës 00:00. Spektakli qiellor do të shihet nga të gjithë, përveç atyre që banojnë në Amerikën e Veriut. Me fat janë ata që jetojnë në Europën Lindore, Afrikën Qendrore dhe Lindore dhe Azinë Juglindore pasi do të kenë pamjet më të mira të gjithë procesit. Agjencia Telegrafike Shqiptare sjell një album fotosh, të “Hënës së përgjakur” të shfaqur edhe në Tiranë./atsh

Në radhët e opozitës vijojnë presionet, në përpjekje për të mbajtur njëri tjetrin nën tutelë dhe për më tepër për të dominuar këtë spektër.
Vëllëzërit e “gishtit” e jo të “gjakut”, Berisha e Meta, por dhe Basha e Monika, ndonëse në deklarimet publike mbështesin njëri tjetrin, ndonëse janë bashkë, më shumë ngjajnë me persona që janë duke u mbytur dhe që mbahen rrejshëm nga njëri tjetri për të shpëtuar.

Këtë situatë e sheh nga maja e pushtetit kryeministri Edi Rama, i cili u hedh nga një fije bari për shpëtim herë Berishës, herë Metës, herë Bashës e herë Monikës, por që asnjëherë nuk tenton t’i “nxjerrë” asnjërin në sipërfaqe.

Pavarësisht se dhe vetë kryeministri Rama është deri në ‘fyt’ në ujin e rrëmbyeshëm të Reformës në Drejtësi, që herët a vonë do ta marrë me vete, ai nuk ka ngurruar që të ndezë sherrin mes Berishës dhe Metës, drejtuesit reale të PD dhe LSI.

Shkak për këtë ka qënë nisma e PS, që në mungesë të miratimit të institucioneve të Vettingut KLP dhe KLP në këto momente, kërkon të miratojë një ligj ku të plotësohen vendet vakante në sistemin e drejtësisë, praktikisht në gjyqësor dhe prokurori, jashtë institucioneve të Vettingut.

Rama në mënyrë shumë tinëzare kërkon që gjyqtarët t’i emërojë Këshillii i Lartë i Drejtësisë, në krye të të cilit është Ilir Meta. Ndërsa prokurorët ti emërojë Kryeprokurorja e përkohëshme Arta Marku.

Me gjithë vicklat e hedhura nga Monika Kryemadhi që kërkon që prokurorët të mos emërohen nga Arta Marku, në fund të herës Meta dhe Monika janë plotësisht dakord që KLD të emërojë gjyqtarët dhe Arta Marku të emërojë Prokurorët.

Meta është praktik dhe fundja, dosja hetimore për gjykim shkon në gjykatë, dhe aty gjyqtarët e emëruar nga Meta do të bëjnë ndonjë lëshim dhe do “kursejnë” atë që i emëroi në këto poste, pra atë vetë Presidentin-kryetar të KLD.

Por kjo ka sjellë probleme me Berishën, i cili jo vetëm që e ndjen veten dhe atë që ka vënë në krye të PD Lulzim Bashën, të mënjanuar nga Rama e të tradhëtuar nga Meta, por e ndjen veten dhe të kërcënuar nga mungesa e mbrojtjes së drejtësisë, duke rrezikuar burgun.

Ndaj ka filluar kërcënimet ndaj Metës, herë duke i përmendur ndonjë aksident automobilistik me pasoja nga eskorta e tij, e herë duke kërcënuar për nxjerrje problemesh të tjera.

Kërcënime këto që vijnë vetëm e vetëm që Meta të mos japë votën për magjistraturën, pasi në perceptimin e Berishës ka rrezik për fuqizimin e Ramës, por dhe mbetjen vetëm të tij dhe të PD përballë një aleance të majtë.

Fundja PS e LSI janë vëllezër “gjaku” politik dhe e gjejnë gjuhën e përjashkët më shpejt, sikurse e kanë gjetur gjithnjë.

Për këtë arësye dje Sali Berisha ka lëshuar alarmin, ndërkohë që i ka lëshuar sinjale Ilir Metës për tentativën e Edi Ramës për të shkatërruar drejtësinë dhe përçarë opozitën.

“Ligji i magjistratures ishte ligji i mafies se ardhshme te drejtesise! Te dashur miq, mazhoranca e droges, blerjes se votes dhe krimit te narkoshtetit deshtoi ne menyre spektakolare ne miratimin e ligjit per shkollen e magjistratures.

Ajo perdori joshje e presione, oferta te pista, shuma marramendese te parave te droges dhe krimit per te siguruar 84 votat per kalimin e ligjit te saj, por deshtoi! Kjo ishte nje fitore e vertet per qytetaret shqiptare, se pari sepse:

– Ky ligj ishte ligji i mafies se ardhshme te drejtesise. Te rekrutimi, sipas ketij ligji do behej bazuar ne kriteret e mafies nga celula e kuqe e narkoshtetit ne shkollen e magjistratutes. Lista ishte bere gati me pinjolle te narkofunksionareve, narkogjykatesve, narkoprokurorve dhe krimineleve te tjere te partise siçiliste.

Ligji, siç faktojne dokumenta te pakundershtueshme dhe origjinale te publikuara ne media, shnderronte shkollen e magjistratures tashme shkolle partie ne nje aneks te fondacionit Qemal Stafa, i cili ne faqen e tij zyrtare ka hapur konkurse per rekrutimin e sherbetoreve besnik te partise per sistemin e drejtesise.

Per dijeni te lexuesve, mazhoranca e droges, krimit dhe blerjes se votes, ne nje perpjekje te ulet te denje per moralin e vet, perdori kete ligj si leve per te perçare opoziten, por mori deshtimin.

Ajo, pasi deshtoi me ofertat e pista dhe presioneve banditeske ndaj deputeteve te veçante, ofroi kuota partiake partive opozitare per gjykates dhe prokurore te ardhshem te “pavarur” duke deshmuar edhe nje here se reforma Ourelliane e drejtesise eshte e bazuar kryekeput ne korrupsionin dhe pazaret mafioze te mazhorances se krimit. Sb”, reagoi Berisha.

Pikërisht teksa ka frikë se mos Meta dhe Monika japin ato 5 vota për të bërë 84 votat e miratimit të ligjit të magjistraturës, Berisha shpik dhe termin e kuotave partiake për partitë opozitare në sistemin gjyqësor.

Por indirekt akuzon dhe Metën si një njeri të pazarit, se është i joshur nga këto oferta të Ramës. Kryeministri Rama e ka futur tashmë “krimbin” e përçarjes përmes joshjes tek opozita, duke shfrytëzuar të gjitha mundësitë që të mbyllë verën me votimin e Magjistraturës.

Pasi dhe vetë BE po dje ka kërkuar me insistim miratimin e ligjit, me seancë të jashtëzakonshme të Kuvendit, ose në mënyrë prioritare që në seancën e parë të Kuvendit në shtator./Pamfleti

Gjiri i Lalzit ka vite që ka zgjuar ëndrrat e politikanëve dhe pas tyre edhe të ministrave e deputetëve, për të ngritur atje çifligun e tyre, larg rrëmujës, streseve dhe shqetësimeve të turmës. Gjiri i Lalzit prej vitit 2001 është kthyer në pothuajse “zonë ushtarake”, ku jo vetëm qytetarët e thjeshtë nuk mund të lëvizin lirisht dhe ku të duan, por edhe pronarët që kanë mbi 300 vjet që banojnë në ato troje, nuk e gëzojnë më këtë të drejtë.

Gjiri Lalzit, natyrshëm dhe pa bujë, u kthye në këto vite, zona ku ngritën strehën e tyre politikanët e “pastrehë”, ata që ishin nga 4 apo 8 vjet ministra, që janë akoma kryetarë partish, ata që ishin për 4 mandate deputetë, ata që për 24 vjet gjenden ndoshta krejt rastësisht në politikë dhe shumë familjarë e miq të tyre. Të qenit pronar i një vile apo apartamenti pushimi në bregdet duket se është bërë një normë për ministrat dhe politikanët shqiptarë.
Vilë Në Gjirin E Lalëzit, “Trendi” I Krijuar Nga Argita Berisha Dhe Ilir Meta
Gjiri i Lalëzit është vend i pushimit edhe për vajzën e kryeministrit Berisha, Argita Berisha dhe familjen e saj. Në vitin 2006, ajo ka deklaruar se ka në pronësi një vilë me sipërfaqe 166 m2 në këtë zonë, e cila i ka kushtuar 56 mijë euro. Argita Berisha ka profesionin e juristes dhe në deklaratën e saj të përvitshme të pasurisë deklaron të ardhura të konsiderueshme./pamfleti