Aktualitet

Revista angleze e specializuar në marrëdhëniet ndërkombëtare, “Monocle”, i ka kushtuar një artikull planit të NATO-s për të ndërtuar bazë ajrore në Kuçove. Revista zbulon se NATO nuk do të investojë për Shqipërinë por për një depozitë karburanti.

“Të shtunë kryeministri i Shqipërisë Edi Rama ndau një status në ‘Facebook’, për një investim të Aleancës së Atlantikut të Veriut në Bazën Ajrore të Kuçovës”, kështu e ka nisur shkrimin e saj revista angleze, Monocle e cila i ka kushtuar një artikull kësaj teme dhe mënyrës se si është interpretuar nga kryeministri ky lajm.

Prestigjozja angleze shkruan se pas lajmit që ndau në ‘Facebook’, kryeministri për bazën ajrore në Kuçovë, aleanca u detyrua të jepte një sqarim lidhur me këtë çështje. “Aleanca dha një deklaratë të shkurtër që duket se konfirmon lajmin e Ramës, por me një paralajmërim. Paratë për Kuçovën, 50 milion dollar do të vijnë nga ‘Programi i Investimeve të Sigurisë së Aleancës’, i cili rregullisht u jep ndihmë shteteve anëtare.

Ndërkohë që hamendësimi është se paratë do të shkojnë për avionë luftarakë, trajnim pilotësh dhe armë të teknologjisë së lartë, nuk është kështu, sqarohet në shkrim. Të ardhurat do të shërbejnë për atë që NATO quan ‘rifreskim infrastrukture’, apo më specifikisht për një depozit petroli. Reputacioni i Ramës merr një goditje dhe NATO merr një vendim të furnizojë avionët”, thuhet në shkrimin e revistës.

Sot pasdite (e mërkurë, dt.15) dhe nesër (e enjte, dt.16) priten reshje në të gjitha qarqet. Ato do të jenë të dobëta, përjashtuar Korçën, ku do të jenë mesatare, deri lokalisht intensive.

Në zona shumë të vogla të çdo qarku mund të ketë reshje në formë shtrëngate me kohëzgjatje të shkurtër, më të mundshme në terrenet malore (dhe ato pranë tyre) gjatë pasdites së sotme.

TEMPERATURAT
Nesër (e enjte, dt.16) temperaturat minimale dhe maksimale të ajrit pritet të arrijnë:
në bregdet: 22 / 32 °C
në vendet e ulëta: 20 / 33 °C
në vendet malore: 14 / 25 °C

ERA
Sot pasdite (e mërkurë, dt.15) dhe nesër (e enjte, dt.16) era do të vazhdojë të fryjë e lehtë deri mesatare në orët e pasdites.

Deri pak vite më parë, ne mund të shkonim në port të njëjtën mbrëmje, pa rezervim. Tani, vendet në tragetet nga Brindisi në Vlorë nuk janë as nëse i paguan me peshën e arit: ato janë shitur prej një kohe të gjatë dhe ata që duan të nisen mund të gjejnë vetëm disa vende në këmbë në tragetin Bari-Durrës.

Në një reportazh të transmetuar nga televizioni i Leçes, telenews, realizuar nga gazetarja Tiziana Colluto, theksohet se “Shqipëria ia kalon Salentos dhe mund konkurrencën e afërt, duke konfirmuar parashikimet që ishin në ajër: është destinacioni i vërtetë për verën e vitit 2018. Ajo ka thithur edhe fluksin me destinacion Puglia-n, veçanërisht ato të të rinjve”.

Sepse, deri para pak vitesh ishte një destinacion i ngrohtë sidomos për entuziastët dhe të dashuruarit anglezë, austriakë dhe japonezë, tani vendi i Shqiponjave është hapur edhe për turizëm masiv me të gjitha pro-të dhe kundër. Receta? Deti i pabesueshëm, peizazhe që të lënë pa frymë, çmime të ulëta dhe shumë argëtim. Vlora dhe Saranda, mbi të gjitha, janë bërë Rimini dhe Gallipoli nga ana tjetër.

Konfirmimi vjen gjithashtu nga kryebashkiaku i Vlorës, Dritan Leli, i cili ditët e fundit ishte mysafir në San Dana, një qytet i vogël i Gagliano del Capo, për të bërë homazhe për shenjtorin origjinal të qytetit të tij, gjatë ngjarjes “Salento – Shqipëri”. Një urë mes dy brigjeve “.

“Ne kemi një qytet krejtësisht të ri, por edhe një natyrë fantastike – thotë ai – dhe një gji fantastik me qendrën e ishullit Sazanin, plazhe të bukura, një tregim për të treguar dhe zbuluar, si dhe ushqime të shkëlqyera dhe të ngjashme me kuzhinën italiane. Shumë italianë që vijnë në Vlorë thonë se edhe makaronat tek ne janë më të mira!”.

Shpenzimet: një natë në destinacionet turistike më të njohura, si Orikumi, Ksamili, Himara, përgjatë bregut të Adriatikut, mund të kushtojë vetëm 25 euro për një natë (për një çift), nëse ju prenotoni përmes një portali online jo dhe shumë kohë më parë. Darka të bollshme dhe dreka të bazuara në peshk të freskët ose mish – qengji dhe derra të egër – kanë çmime më të larta deri në 30 euro. Biletat për anijet arrijnë në rreth 90 euro.

Do ta tejkalojë turizmin salentin? “Nuk jam në konkurrencë me asnjeri, shprehet kryebashkiaku i Vlorës, por vetëm me veten time, për të mirën e qytetarëve të mi. Kam ardhur në San Dana edhe për të zhvilluar lidhjet tona historike. Kur u tregoj shqiptarëve fotografitë që ju bëni nga këtu maleve tona, ata mendojnë se bëhet fjalë për fotomontazh.Dy vendet tona janë kaq afër”.

Të dhënat e publikuara nga Instituti Shqiptar i Statistikave (INSTAT) për katër muajt e parë të këtij viti kanë treguar tashmë se krahasuar me të njëjtën periudhë të vitit të kaluar ka pasur një rritje totale prej 7% me +5.6 % të turistëve italianë, pas të cilëve vijnë polakët (+ 33%) dhe kosovarëve (5.9%). Në vitin 2017 kishte mbi 5 milionë turistë të huaj.

Një industri e pushimeve që gjithashtu bën dëmin e saj, përsërit gabimet tona, me rrjedhat e mëdha të betonit pranë plazheve. Një risi që përparon kudo, një turizëm i ri, por i arratisur, midis klubeve të modës dhe hoteleve të reja kudo. Për Salenton, duke u përballur me ekzaminimin e saj të ndërgjegjes, një tjetër spunto për të menduar./atsh

Rendi dhe qetësia publike tashmë janë një e shkuar e largët për qytetin e Vlorës, pasi prej disa kohësh në këtë vend mbizotëron krimi, terrori, kaosi dhe frika.

Janë të shumtë qytetarët vlonjate të cilët denoncojnë çdo ditë këtë gjendje të rënduar, ku së fundmi një njeri vrau 8 persona pa ju dridhur qerpiku i syrit.

Për këtë situatë të krijuar, vlonjatët kritikojnë dhe akuzojnë drejtuesit e policisë së shtetit dhe Ministrin Xhafaj, të cilët nuk po kryejnë më detyrën e tyre.

Sipas vlonjatëve, kjo situatë në Vlorë është krijuar qëllimisht nga Drejtori i policisë, i cili çdo ditë shantazhon dhe transferon nga detyra policë të shumtë me qëllim shantazhin.

Denoncimi është bërë publik nga ish-kryeministri Sali Berisha:

Shkaqet e situatës së rëndë të rendit dhe sigurisë në Vlorë!

Qytetari dixhital denoncon Fatzi Drogën dhe narkodrejtorin e tij në Vlorë.

Lexoni mesazhin e tij. sb

“Pershendetje doktor!

Jam nje qytetar nga qyteti I Vlores ,dhe dua tju ve ne dijeni per ngjarjet ne kete qytet dhe per situaten ne fushen e Rendit dhe Sigurise Civile.

Doktor situata ne qarkun Vlore Nuk ka qene e tille,policia merrte masat dhe rendi dhe qetesia publike ishte shum e mire Ku dhe qytetaret kishin besim tek policia shtetit.

Kohet e fundit ne kete qytet jan shtuar shum ngjarje te renda kriminale Ku kemi frik te jetojm ketu

Kam pyetur disa miqt e mi qe jan oficera policie qe Pse policia kaq e pA motivuar dhe e pa afte per te vene rendin dhe qetesine publike dhe Ku situata ka dal nga kontrolli

Ata me kan then se kjo situate e tille ka ardhur si pasoj e drejtorit Policise Vlore Gentjan Shehaj i cili ka diskriminuar gjith efektivet e Policise Vlore,duke i ndershkuar me masa disiplinore dhe procedime ne prokurori per vepra penale,shkarkime dhe transferime nga detyra.

Keto i ben me qellim qe oficerat e policise mos te ken kopetenca dhe motivim qe te bejn detyre e tyre me qellim qe drejtori policise te trafikoje pA pengesa lende narkotike me familjen mafioze Xhafaj!

Ngjarja e fundit ishte tragjedi e madhe ,Ku dit per dit ne Vlore keto ngjarje jan si normale

Ne raste te tilla drejtori policise Vlore duhet te jap doreheqjen patjetr per keq menaxhim te Ketij istitucioni kaq rendesishem.

Doktor ju lutemi shum jemi ne rrezik per jeten dhe pronen ne kete qytet

Te perqafojm dhe te pershendesim doktor”./lajme.al

Ka dalë para gjykatës së Fierit, 42-vjeçarja Rudina Kishta, e cila ditën e djeshme dogji  banesën e bashkëjetuesit dhe tentoi të mbyste dy vajzat e saj të mitura.

Ajo para gjykatës, ka zbuluar se dhunohej rregullisht nga bashkëjetuesi i saj. Unë ia kam vënë flakën shtëpisë, sepse bashkëjetuesi im prej 6 muajsh më rrihte mua dhe dy vajzat e mia.Unë e kam vënë flakën shtëpisë sepse Ardian Gjika nga Grecallia me të cilin bashkëjetoja prej 6 muajsh ka ushtruar dhune ndaj meje dhe dy vajzave te mitura 6-vjeçare.

Kam 6 muaj që jetoj në kushte të vështira’, ka thënë në gjykatë 42-vjeçarja Rudina Kishta. Ndërkaq gjykata vendosi masën ‘arrest me burg’ për 42 vjeçaren.

Edi Rama, të martën në darkë, postoi një foto të avionit të kompanisë ajrore ‘AirAlbania’ në Instagram, por duke bllokuar opsionin e komenteve. Me shumë gjasa kryeministri Rama ka vendosur të shijojë pushimet me kohë të plotë, në jug të vendit, pa u ndikuar aspak nga mendimet e qytetarëve; qofshin ato pozitive apo negative.

Ky vendim nga ana e kryeministrit mund të jetë marrë, kryesisht pas komenteve negative që u adresuan në adresë të tij në lidhje me masakrën e Selenicës, ku tetë persona mbetën të vrarë. Siç duket, nga lodhja Rama ka vendosur të krijojë një llojë autizmi mediatik, ndërsa flet dhe dëgjon vetveten, e askënd tjetër.

Punonjësja e OSHEE, u përgjigj: – Nuk e shikon si televizor, por e dëgjon si radio”

“Rilindja” u “hap sytë” të verbërve, u merr taksën e televizorit, të paktën nuk u shikojnë fytyrën

Qeveria “rilindja”, vazhdon të rrjep me taksa edhe të verbërit, duke i detyruar të paguajnë tarifa edhe për shërbime, të cilat paaftësia fizike nuk ua lejon t’i përdorin, megjithëse me Udhëzim Nr. 1, datë 08.01.2003 të Ministrisë së Financave, të verbërit janë të përjashtuar nga pagesa e taksave dhe tarifave qendrore e lokale, të çdo lloji.

Bëhet fjalë, për tarifën mujore “taksë televizori”, të cilën qeveria ua dërgon në faturën e OSHEE edhe të verbërve, pavarësisht se ata nuk shikojnë dot televizor dhe kush nuk paguan, OSHEE e di se si vepron.

Kjo histori po vazhdon prej vitesh, shoqata e të verbërve i ka dërguar 10 ditë më parë qeverisë, një ankesë tjetër, se përse të verbërit duhet të paguajnë taksë mujore televizori, së pari sespe nuk shikojnë dot televizor dhe së dyti, sespe e ndalon ligji.

Mirëpo, “rilindja” magjistare, mendon se me arritjet e saj, “u ka hapur edhe sytë të verbërve” dhe, e vazhdon u dërgon taksën mujore të televizorit, pavarësisht se ata ndeshen me punonjësit e OSHEE, por ja që urdhëri nga ministria “Ahmetaj” është që kjo takes, të paguhet nga çdo person, familje dhe biznes që ka kontratë me OSHEE.

Por të paktën, të verbërit kanë një “privilegj”, mbasi nuk u shikojnë fytyrën qeveritarëve, që dalin përditë në televizor e tallen me shqiptarët, duke u premtuar në çdo muaj, premtimet që u kanë bërë 5, 10, 15 e 25 vite më parë.

Pas ankesës së një invalidi të verbër, “PAMFLETI” komunikoi me Zyrën e Kujdesit ndaj Klientit në OSHEE dhe pyetjes tonë: – Përse i verbëri, duhet të paguajë taksë televizori kur nuk e shikon dot televiziorin, punonjësja e OSHHE, iu përgjigj: – Nuk e shikon si figurë, por e dëgjon si radio, kështu është urdhëri nga qeveria”!/Pamfleti