Aktualitet

Fluks udhetaresh në portin e Vlorës, ndersa është shenuar ketë të martë numri me i larte i udhetarëve të larguar mes portit të Vlorës. Rreth 1700 persona, janë rregjistruar për tu larguar nga porti i Vlorës, kryesisht emigrante, të cilet kanë perfunduar pushimet e tyre gjatë kësaj periudhë në Shqipëri. Në funksion dy tragete të linjes Vlorë-Brindizi, ndersa në sherbim të pasagjerëve, duke parë dhe fluksin janë vendosur tetë sportele, për të evituar radhët e gjata.

Kushte disi me të permiresuara gjatë këtij viti në portin e Vlorës, por problem mbetet rritjan e çmimit te biletave. Pushuesit, ose emigrantet, të cilet kanë nisur të largohen nga Vlora kanë theksuar se kushtet janë permiresuar disi krahasuar me një vit me parë, por problem sipas tyre është cmimi i biletes, që ka pesuar rritje. Nga 70 deri në 80 euro duhet të paguaje një person me tragetet e linjës Vlorë-Brindizi, një rritje rreth 10 deri 20 euro me shumë.

Refereuar statikstikave te percjella nga porti i Vlorës, në periudhen 1-19 gusht janë rregjistruar 20 mijë persona në hyrje dhe dalje nga pika e kalimit të kufirit, nga të cilet 9 mijë kanë qenë te huaj, rreth 2300 shtetas te huaj me shumë se e njejta periudhë e një viti me parë.

Teksa duket se fokusi i qeverise eshte vendosur kete vit tek punimet ne rruge dhe ndikimi ne turizem, kryeministri Edi Rama ka nxjerre sot nje video qe tregon per punimet qe nisin ne vjeshte ne Bypass e Fierit.

Ja cfare shkruan Rama:

MIRËMËNGJES 😃

dhe me këtë projekt të Programit Kombëtar të Mirëmbajtjes së Rrugëve Kombëtare, që pas dekadash ka kthyer në standarde normale unazën lindore të Fierit, ju uroj një ditë të mbarë🌹

Punimet që nisin në vjeshtë për Bypass-in e Fierit do të bejnë të mundur çlirimin e plotë të trafikut të automjeteve drejt jugut në sezonin e ardhshëm veror 😊

Sikur të ngjallej Baba Abas Aliu, do shikonte çfarë qameti i ka bërë malit “Baba” Likja, ndërsa Baba Mondi e pranon të “paudhin” në ceremoni.

Nis peligrinazhi në Malin e Tomorit, në vendin e shenjtë “Kulmak” që ka simbol të mirësirë e paqes Abas Aliun dhe si simbol të shkatërirmtit e babëzisë, Ilirin, Saliun dhe Edin, të cilët me licencat e bizneseve të tyre të guroreve, bënë “kurban”, vendin e shenjtë të festimit të “Kurban Bajramit”.

“Livadhi dhe streha” e bektashinjëve në Malin e Tomorit është rrafshuar prej minave e fadromave të batakçiut Ilir Meta, i cili prej 20 vitesh i ka hyrë nga maja në themel, zhdukjes së malit, duke i detyruar mijëra besimtarët e ardhur nga gjithë bota, të festojnë e nderojnë veprën dhe Gjurmën e Shenjtë të Baba Abas Aliut, mbi gërmadhat e guroreve të ”Baba”Likes.

Edhe këtë gusht, besimtarët ngjiten në vendin e shenjtë, mbasi i mbledh “zëri” i bekuar i Abas Aliut, ndërkohë që këtë vend bekimi, shprese e paqeje, ua ka shkatëruar biznesi i të “paudhit”, mostrës “pa din e pa iman”, Ilir Meta (Kryemadhi).

Është një masakër masive e gjigande, që u është bërë sipërfaqeve të Malit të Tomorit dhe kodrave mbi fshatra, aq sa nëse, do të ringjallej Abas Aliu, do të kishte vënë kujën, do mallkonte batakçiun që maskohet pas simbolit të bektashiut e do merrte arratinë!/Pamfleti

Bashkia e Tiranës, ashtu siç e ka bërë traditë tashmë prej tre vitesh në ditën e shenjtë të Kurban Bajramit, shtroi sot një drekë festive në të gjitha qendrat e saj sociale për disa dhjetëra familje në nevojë, të moshuar dhe persona me aftësi të kufizuar.

Kryetari i bashkisë së Tiranës, Erion Veliaj, i shoqëruar edhe nga Myftiu i Tiranës, Ylli Gurra, zgjodhi që ta uronte këtë festë, duke shërbyer drekën në mensën e re sociale të hapur në Njësinë nr. 4, pranë shkollës “Ardian Klosi”.

Kryebashkiaku Veliaj pasi uroi të pranishmit për festën, falënderoi të gjithë ata që këtë ditë feste për gjithë besimtarët myslimanë kanë vendosur që ta kalojnë me ata që janë në nevojë.

“Nuk mund të ketë vetëm bashkia monopol bamirësinë. Duhet ta ketë çdo institucion tjetër dhe më vjen mirë që xhamitë e Tiranës na janë bërë krah dhe siç kemi një mensë sociale këtu, kemi një tjetër në Laprakë, një në Kombinat, një në Shkozë, një tek Ura e Tabakëve, një tek Xhamia e Xhurës dhe më vjen mirë që kjo punë po ndahet me gjithë këta vëllezër e motra, sipas kontributit.”, – tha Veliaj.

Ndaj, ai nënvizoi se në ditë të tilla çdokush që ka mundësi duhet të tregojë solidaritet me më të dobëtit.

“Me dhënë mend është kollaj, me bë hartime kundër varfërisë është kollaj. Hajde shërbeni një vakt, bëj një bamirësi në lagjen tënde, në pallatin tënd, në shkallën tënde, te rrugica jote, se siç e di ti kush është fqinji që ka nevojë nuk mund ta dijë kurrë as shteti, as imami, as kryetari i bashkisë e askush tjetër. Ne vetëm dje kemi shpërndarë 2 mijë paketa mish në shumë nevojtarë, sidomos ata që janë në zonat e thella periferike aty ku ndoshta vuajtja ndihet edhe më shumë sesa këtu afër qendrës së Tiranës dhe për këtë u jam shumë mirënjohës. Secili sipas mundësive, secili sipas asaj që Zoti ka dhënë dhe secili sipas ndjenjës së vet të qytetarisë”, – u shpreh kryetari i bashkisë.

Kryebashkiaku shtoi se që të jesh një qytetar i mirë duhet të kujdesesh edhe për të tjerët edhe për atë që nuk është vetëm e jotja.

“Ne në Tiranë nuk na bën kryeqytetarë fakti si dukemi ose gjuha që flasim, na bën kryeqytetarë sjellja. Kur sillemi në si kryeqytetarë do të thotë që shohim përtej bahçes tonë, shohim edhe për nevojat e tjetrit, shohim edhe për dikë që është në ditën e vet të vuajtjes, edhe për dikë që është në ditën e vet të nevojës.”, – deklaroi Veliaj.

Ndërsa Myftiu i Tiranës, Ylli Gurra falënderoi bashkinë e Tiranës për atë që bën për shtresat në nevojë. “Ndihem shumë i nderuar sot që ndajmë një dreke të veçantë të Bajramit por më shumë se ajo një qenie të mrekullueshme kur kryetari Veliaj nuk ka kursyer asgjë për të qenë në shërbimin tuaj.”, tha Ylli Gurra.

Më herët kryetari i bashkisë së Tiranës, Erion Veliaj, vizitoi selinë e Komunitetit Mysliman, ku i përcolli urimet e përzemërta kreut të Komunitetit Mysliman Shqiptar, Skënder Bruçaj dhe nëpërmjet medies gjithë besimtarëve myslimanë./atsh

Deputetet e Lëvizjes Socialiste për Integrim i janë bashkuar të rinjve në kampin e LRI-së që ngrihet çdo vit në Jalë.

Vallen me të rinjtë e kanë marrë deputetet Klajda Gjosha, Floida Kërpaçi si dhe Kejdi Mehmetaj por dhe Endrit Braimllari.

Dje në një mesazh përshëndetës Kryetarja e LSI Monika Kryemadhi thumboi kryeministrin Rama dhe socialistët të cilët edhe pse huazuan traditen me FRESSH nuk munden te “kopjojne dot aksionin dhe motivimin.

Postimi i Kryemadhit ne facebook

Ka nisur sot kampingu politik i të rinjve të LSI-së, një traditë e bukur e huazuar dhe nga forumet e tjera të ngjashme, të cilat megjithatë nuk kanë mundur të “kopjojnë” dot aksionin dhe motivimin tonë, ku debatet dhe diskutimet nuk rreshtin as në orët e nxehta të ditës dhe as në ato të mbrëmjes. Këto janë ditët kur të rinjtë mësojnë vlerat e politikës, por jo vetëm. Janë ditët kur ata “stërviten” për të qenë mbi të gjitha njerëz të mirë dhe qytetarë të ndershëm. Janë ditët dhe netët, kur edhe ne që jemi aty për t’i ndihmuar, dëgjojmë dhe mësojmë shumë për rininë, kërkesat dhe dëshirat e saj. Për ti dhënë këtij vendi një mundësi më të mirë, një shans më shumë dhe këtë padyshim do e bëjnë të rinjtë.

Me urimin për të kaluar ditë sa më energjike dhe të vlefshme i uroj LRI-së suksese në trajnimin e të rinjve, që do të jenë forca dhe motivimi ynë për betejat që na presin./oranews