Aktualitet

Prej ditësh ka nisur regjistrimi i fëmijëve në kopsht dhe çerdhe, por ashtu si në çdo derë tjetër ku troket në Shqipëri, edhe aty paska allishverishte.

Këtë dhe shumë peripeci të tjera rreth mungesës së hapësirës për fëmijët i ka rrëfyer gazetarja Gentiana Rreshka, e cila ka çuar Davidin, djalin e saj për regjistrim në kopsht.

Gazetarja shkruan:

“M’u zu fryma sot David, teksa me dokumentat e tua ne dore prisja të të rregjistroja në kopësht. M’u zu fryma bir kur një gjysh para meje po ankohej e po shfaqte me zë e me gjeste merzinë që kishte se nuk i kishin regjistruar nipin sepse disa të tjerë i kishte nis deputeti e vendet ishin zenë.

Davidi mamit m’u duk se dikush më kapi për fyti kur të mendova në një klase me 45 fëmijë të tjerë e sikur të ta ndjente zemra, ke një javë që qan se s’do të shkosh. U ndjeva e pafuqishme edhe e pashpresë, ku të kam lindur e ku po të rris, në një vend ku duhet mik për t’u regjistruar në kopësht.

Qava dhe se desha veten sot David, sa në hak po të hyj, se ti mam s’ke as një centimetër vend ku të luash aty te lagjia, edhe fusha afër shtëpisë është nën lupën e ujqërve qe duan të ngrenë pallate.

Se ky vend David si me magji të zezë shndërron e shkatërron çdo gjë të mirë, prishen fusha për llac e tulla, priten pemë e gërryhen lumenj.

Kush ka faj bir do më pyesësh ti, mami ka faj dhe shumë mama e baba të tjerë që i lejojnë. Po fëmijët e “atyre”, si rrinë në çerdhe, si i kane kushtet ato mam, me siguri jo 50 fëmije në klasë, as edukatore të lodhura, të paguara pak, jo mam jo , ato rrijnë rehat.

Mu nxi mëngjesi sot e ndjeva thikën në palcë kur pashë e ndjeva se ti po cenohesh, të drejtat e tua s’t’i përfill njeri.

Fale mamin zemër fale!

Teksa po ikja më vinte të mallkoja, të mallkoja me gjithë shpirt, po më kanë mësuar të kthej mallkimin në lutje dhe u luta: Zoti im bëje mirë këtë vend!”

Gjykata e Lartë ka bërë publikë emrat e kandidatëve për KLGJ, ku sipas një njoftimi për mediat bëhet me dije se rezulton se kanë paraqitur interes për të kandiduar, gjyqtarët e mëposhtëm, Brikena Ukperaj, Gjykata e Apelit Vlorë, si dhe  Luan Dervishi, Gjykata e Apelit Shkodër.

Brikena Ukperaj ka përfunduar fakultetin e Drejtësisë në vitin 2004 dhe Shkollën e Magjistraturës në vitin 2006. Prej vitit 2016 është gjyqtare në Gjykatën e Apelit Vlorë.

Luan Dervishi ka përfunduar fakultetin e Drejtësisë në vitin 1985. Prej vitit 2007 është gjyqtar në Gjykatën e Apelit Shkodër.

Gjykata e Lartë do të vijojë menjëherë me procedurën për verifikimin e plotësimit të kushteve nga kandidatët, sipas përcaktimeve të nenit 7, pikat 2 dhe 4, të këtij ligji dhe më pas kjo gjykatë do të shpallë zyrtarisht kandidaturat në faqen zyrtare të saj.

Kujtojmë se Brikena Ukperaj e ka kaluar me sukses sitën e vetingut, ndërsa Luan Dervishi pritet të dalë para vetingut gjatë këtyre ditëve.

Ambasada amerikane dhe vetë ambasadori Donald Lu u angazhua drejtpërdrejtë për zgjidhjen e ngërçit.

“Shqipëria është në prag të krijimit të një sistemi drejtësie që vërtet i shërben interesave të qytetarëve të saj. Iu bëjmë thirrje gjykatësve të ndershëm, patriotë dhe me integritet nga gjykatat e apelit që të bëjnë përpara dhe t’i shërbejnë vendit të tyre në Këshillin e Lartë Gjyqësor. Bëhuni pjesë e të ardhmes së Shqipërisë! Aplikoni”, thuhej në thirrjen e përfaqësisë së Uashingtonit në Tiranë.

Dy aplikantët kësaj radhe kanë rrëzuar edhe shpresat e politikanëve të korruptuar, që nuk e duan ngritjen e institucioneve të reja të drejtësisë.

Menjëherë pas kalimit në Vetting të kanddatit Dervishi do të nisë procesi për ngritjen e Këshillit të Lartë Gjyqësor.

Ngjarjet e fundit kriminale në Shkodër dhe veprimtaria antiligjore e disa prej grupeve kriminale që veprojnë në qytetet Shkodër, Tiranë, Durrës dhe Elbasan, janë vetëm maja e ajsbergut, që duket dhe që po përpiqet të hetojë ministri i Brendshëm Fatmir Xhafaj.

Në fakt ky ministër e ka treguar veten por edhe familjen e tij se është i lidhur kokë e këmbë me krimin dhe ska tagra moralë por as vullnet të plotë për të hetuar veprimtarinë kriminale, sidomos në zonën e Vlorës, prej nga e ka origjinën, por edhe në Fier.

Ajo që po ndodh në Shkodër është vetëm ajo që po duket në sipërfaqe, por bomba e rradhës dhe më e rënda pritet të plasë në qarkun e Vlorës dhe Fierit, aty ku krimi është shumë, shumë herë më i sofistikuar, se sa në qarqet e tjera të vendit.

E themi këtë pasi “Pamfleti” ka mësuar se një person anëtar i një prej grupeve kriminale më të fuqishme në Vlorë, është penduar duke u paraqitur në policinë e Fierit për të treguar të gjithë veprimtarinë kriminale të grupit që operonte në trafikun e drogës, vrasjeve, rrëmbimet dhe zhdukjet e personit pa lënë asnjë gjurmë, e deri tek lidhjet e krerëve të bandës me zyrtarë të administratës dhe policisë së Vlorës.

Personi i penduar është nga Vlora dhe është paraqitur pak kokë më parë në Drejtorinë e Policisë së Fierit dhe jo në Vlorë, pasi sipas tij nuk ka asnjë besim në hetimet që do të kryejë policia e Vlorës, lidhur me rrëfimin e tij.

Mësohet se ai ja ka besuar dëshminë e tij prej shumë faqesh policisë dhe prokurorisë së Fierit, të cilat tashmë janë duke kryer verifikimet e nevojshme dhe analizuar situatën, megjithëse dëshmitari është marrë me rrezerva dhe jo seriozisht nga policia.

Ky rast është i njëjtë me rastin e pendimin të Ndriçim Gjokonës, anëtarit të bandës së tritolit të Julian Sinanajt në Vlorë, i cili edhe pse u paraqit në polici, dhe u dëgjua në 2015 nga Drejtori i Hetimit të Krimeve të Rënda dhe Krimit të Organizuar Sokol Bizhga, ky i fundit nuk e mori seriozisht duke e përcjellë jashtë nga zyra dhe lënë të vetëm në rrugë, Gjokonën, nga i cili u çmontua më pas banda e tritolit dhe krimet e saj.

Gjokona u konsiderua dëshmitar serioz vetëm atëherë kur kërcënoi se dëshminë e tij do e jepte tek televizioni News 24.

E njëjta situatë po ndodh si me Gjokonën dhe me dëshmitarin e penduar që është dëgjuar gjatë në policinë e Fierit, ku strukturat e hetimit të komanduara nga shefi i tyre Fatmir Xhafaj, po kryejnë manovra të rrezikshme për të nxjerë këtë dëshmitar të vyer, si një person të çmendur dhe që vuan nga aluçilacjone.

Ekzistencën e këtij personi të penduar e pranojnë dhe strukturat e Policisë së Fierit dhe prokurorisë së këtij qyteti, ku kjo e fundit me sa duket po vlerëson dëshminë e këtij dëshmitari dhe materialin t’ia dërgojnë prokurorisë së Krimeve të Rënda për hetime të mëtejshme.

Por ajo që është më shqetësuesja, është fakti se nga ana e policisë nuk është vënë uji në zjarr, duke e konsideruar rrëfimin e këtij dëshmitari si të pavërtetë dhe një trillim.

“Pamfleti” mëson se dëshmitari ka treguar krime me emra konkretë dhe vende të qarta, por policia e Xhafaj është treguar skeptike.

Kujtojmë që në Vlorë gjatë kësaj kohe janë zhdukur tre persona pa lënë gjurmë, dhe se policia por edhe familjarët e të zhdukurve nuk kanë dhënë asnjë deklaratë për median, pasi kanë frikë pikërisht nga hakmarrja e këtyre grupeve kriminale.

Qarku i Vlorës është kthyer si një tengjere me presion, ku aktualisht vetëm po zien dhe që pritet vetëm të plasi nga çasti në çast.

Krime të kryera deri tani nuk janë raportuar as në media por edhe nga familjarët, me shpresën se një ditë do i zgjidhin problemet privatisht.

Nga ana tjetër policia e Fatmir Xhafajt qëndron indiferente edhe ndaj rasteve kur mes rradhëve të bandave shkëputen dhe vetëofrohen për bashkëpunim persona që dinë shumë dhe kanë kryer krime në emër të këtyre bandave./Pamfleti

Sali Berisha mbetet një prej politikanëve më aktivë në vend edhe pse ai është sot 73 vjeç. Ish-Presidenti dhe Ish-Kryeministri gjatë vizitës në Elbasan ku opozita pati një takim është parë me energji të pakta.

Pas prezantimit të platformës me 4 pika të kryetarit të PD-së, Lulzim Basha që kushtëzon hyrjen e PD-së në Kuvend, Berisha ka dalë nga ambientet ku u zhvillua takimi dhe s’ka preferuar të japë koment për mediat.

“Sot s’kam deklaratë pasi më duhet të shkoj”,-është shprehur Berisha dhe është larguar. Në momentin kur Berisha ka tentuar të hyjë në makinë, vihet re se pëson një humbje ekuilibri. Në pamjet e siguruara nga Report Tv mund të shikohet qartë sesi truprojet e ish-kryeministrit i shkojnë në ndihmë. Siç duket shenjat e plakjes kanë filluar për Berishën, pas kaq vitesh karrierë politike.