Aktualitet

Një tjetër ndërtesë moderne multifunksionale po i shtohet kryeqytetit dhe nuk bëhet fjalë për një kullë.

“Blloku Cube”, Kubi Blloku apo Kubi i Artë është një ndërtesë shtatë katëshe e dizajnuar nga arkitekti i njohur Stefano Boeri, hartuesi i masterplanit “Tirana 2030”, plani i zhvillimit të Tiranës.

Ndërtesa është siç e thotë edhe emri i saj, në formën e një kubi gjigant me një thyerje të lehtë në pjesën ku do të jetë hyrja. Ndërsa fasada e saj do jetë e veshur me panele trekëndore alumini të cilat do të vendosen në mënyrë të tillë që do reflektojnë dritën nga kënde të ndryshme, raporton Newsbomb.al.

Stefano Boeri është gjithashtu arkitekti i tre shkollave të reja që do të ndërtohen në Tiranë dhe do të funksionojnë si qendra komunitare 24 orë.

Partnerët tanë strategjikë, SHBA dhe BE, duket se nuk do të tërhiqen deri në pastrimin e sistemit të drejtësisë nga njerëzit e korruptuar. Asnjë prokuror dhe gjyqtar nuk do t’i gëzojë dot paratë e korrupsionit, të përfituara përmes abuzimeve dhe mënyrave të paligjshme. Goditja e parë e fortë ngë SHBA ishte për ish-kryeprokurorin Adriatik Llalla, të cilin pasi i ndaloi të shkelte në tokën amerikane, e përjashtoi edhe 15 vite nga sistemi i drejtësisë shqiptare.

Pas Llallës, e dyta në ‘listën e zezë’ të SHBA është gjyqtarja e Gjykatës së Lartë, Mirela Fana. KPA vendosi sot ta përjashtojë gjyqtaren për 15 vite nga sistemi i drejtësisë, duke pushuar procesin e Vettingut për të. Por, ashtu si Llalla, edhe Fana nuk besohet të shpëtojë me kaq.

Pas dorëheqjes dhe pas përjashtimit nga sistemi i drejtësisë, SHBA dhe BE kërkuan me ngulm që ndaj Llallës të bëhej hetim për pasurinë, e cila dyshohet të jetë vënë përmes pastrimit të parave dhe abuzimit me pushtetin. Të njëjtin fat e pret edhe gjyqtaren Mirela Fana, e cila do të vijojë përballjen e fortë me ndërkombëtarët, të cilët duken tepër të vendosur për të shporrur të korruptuarit dhe kriminelët.

Nëse shohim deklaratën e saj të pasurisë bie në sy numri i madh i pronave dhe llogaritë që fmailja e saj posedon. Së bashku me bashkëshortin Neshat Fana, ish-anëtar i KLD dhe drejtues i shkollës së magjistraturës, i njohur për lidhjet e tij me të djathtën, posedojnë disa pasuri të patundshme dhe vlera të mëdha monetare. Ndëkorhë, gjyqtarja Mirela Fana vetëm pak ditë më parë u zgjodh me short anëtare e Këshillit të Emërimeve në Drejtësi.

Deklarata e pasurisë, Mirela Fana

Apartament me sipërfaqe 143 m2 në Tiranë. Apartament me sipërfaqe 127 m2 blerë 170 000 euro.Neshat Fana ka blerë një livadh në Himarë me 2000m2 me çmim 600 000 lekë. Bashkëshorti z. Neshat Fana detyrime ndaj Tirana Leasing për blerje makinash.

Kredi bankare në një bankë të nivelit të dytë, mbyllur për shkak të shitjes së kredisë në këmbim të vilës në ndërtim, detyrimi financiar i shlyer 335 500 euro, pjesë e regjimit martesor.

Të ardhura nga depozitave bankare 78 568 lekë. Të ardhura nga qiraja 941 800 lekë. Të ardhura nga pagesa e qirasë studio ligjore 297 500 lekë. Të ardhura nga paga 1 576 316 lekë. Të ardhura mësimdhënie në universitetin Luarasi 139 046 Lekë. Të ardhura nga mësimdhënia në Shkollën e Magjistraturës 11 900 lekë.

Bashkëshorti z. Neshat Fana të ardhura nga puna zyra e avokatisë 7 893 500 lekë. Bashkëshorti tërheqje nga një shoqëri tregtare 10 115 000 lekë. Vajza zonja Krisilda Fana të ardhura nga punësimi pranë Presidencës 807 560 lekë. Vajza zonja Krisilda Fana të ardhura nga puna si pedagoge, 40 000 lekë. Djali Frenki Fana të ardhura nga puna në PHOENIX-PETROLIUM sha 501 380 lekë.

Gjendje në llogari bankare të bashkëshortit si person fizik 1 731 euro. Gjendje në llogari bankare të bashkëshortit si person fizik 864 938 lekë. Bashkëshorti gjendje në llogari bankare 938 831 lekë. Bashkëshorti gjendje në llogari bankare si individ 831 euro. Vajza gjendje në llogari bankare 30 134 lekë.Vajza gjendje depozitë bankare 400 000 lekë. Vajza llogari kursimi 21 513 lekë. Djali gjendje llogari rrjedhëse 82 774 lekë.

Ka mbërritur në Tiranë zyrtari më i ri i Brukselit si ambasador, italiani Luigi Soreca.

Këto ditë pritet që diplomati me një backround policor të dorëzojë letrat kredenciale dhe të nisë punën me objektivin bazë që është ngarkuar: mbylljen e vettingut dhe nisjen e hetimeve për zyrtarët dhe politikanët e lartë.

Siç mësohet njeriu i Brukselit, bashkë me një staf të ngushtë të tij do të japë edhe shtysën për hetimet proaktive në gjetjen e llogarive e aseteve të krimit të organizuar që ka lidhje me zyrtarë të lartë shqiptarë.

Ditë më parë, Prokuroria e Krimeve të Rënda në bashkëpunim me Policinë Europiane ka arritur të bllokojë pasuritë e gjetura të grupit të kokainës që u kap në Madrid pak muaj më parë me 1 ton kokainë.

Ky operacion po mbahet në diskrecion të plotë, por siç mësohet, operacioni është vetëm maja e ajsbergut të një zbulimi të madh që pritet të trondisë gjithçka.

I gjithë prokupimi i policive europiane por edhe vetë Brukselit është që të mos ofrojë informacione që mund të shkaktojnë prishjen e provave, siç ka ndodhur kur Prokurorinë e drejtonte Adriatik Llalla.

Prej tani e tutje “sekretet” do të jenë në dorë të ambasadorit Luigi Soreca, i cili do të japë me pikatore vetëm të dhënat që do të duhen për një hetim konkret.

Soreca është një diplomat italian me përvojë që ka punuar në Komisionin Europian që në kohën e Romano Prodit.

Gjatë kohës kur numri dy i KE-së ishte Franco Frattini, Soreca ka qenë një nga ndihmësit e tij dhe ka drejtuar negociatat për liberalizimin e vizave me Shqipërinë dhe vendet e tjera të Ballkanit.

Në kohën që ministër i Jashtëm ka qenë Lulzim Basha, Luigi Soreca ka pasur mjaft kontakte me të dhe shikohet edhe një mundësi më e mirë diskutimi, pas gjendjes pa folur që kreu i PD-së kishte me kroaten Romana Vlautin.

Burime diplomatike i thanë “Pamfleti”-t se edhe pse ka komunikime më të mira me opozitën, BE nuk do të tërhiqet aspak nga plani i tij për të reformuar drejtësinë dhe pastruar politikën shqiptare, madje me Soreca-n gjërat mund të shkojnë edhe më përpara nga ana praktike.

Si një zyrtar i ministrisë së Brendshme italiane në kulmin e situatës së transferimit të parave të krimit të organizuar në ekonominë tonë, ai e njeh mirë mafian shqiptare dhe lidhjet e saj.

Pritet që ambasadori i ri sapo të vijë të japë mesazhin për të pasur si prioritet trafiqet dhe luftën ndaj korrupsionit./Pamfleti

Ligji pr shembjen e Teatrit Kombëtar, ashtu sikurse ishte konceptuar, si një vjedhje e pastër Rama- Veliaj- Fusha, me sa duket do të përfundoj në koshin e plehrave. Shkeljet e tij flagrante në formën e një ligji cpecial, që i falte një private të vetëm tokën publike në mes të Tiranës është i pa pranueshëm për Brukselin. Këtë ka vënë në dukje edhe letra që mban firmën e Shefes së Njësisë për Shqipërinë dhe Bosnje-Hercegovinën në Drejtorinë e Përgjithshme për Politikat Evropiane të Fqinjësisë dhe Negociatat e Zgjerimit, Michela Matuella, dhe i drejtohet Sekretarit të Përgjithshëm të Këshillit të Ministrave, Engjëll Agaçi. Megjithëse atu theksohet se në ligjin në fjalë “nuk ka asnjë shkelje të Marrëveshjes së Stabilizim-Asociimit” siç pati pretenduar opozita, aty theksohet e zeza mbi të bardhë se draftii i votuar nga shumica socialiste, ishte një projekt pa garë dhe hartuar për përfitimin e një personi të vetëm: Shkëlqim Demir Fusha.

Duke pasur parasysh këtë shkelje zyrtart e qeverisë Shqiptare janë zotuar para Brukselit se do t’a hedhin poshtë këtë lojë pa garë dhe kjo ka bërë që në deklaratën e znj. Matuella të gjehet një gjuhë diplomatike për të shpallur rrëzimin e ligjit: “Komisioni Europian mirëpret vullnetin e autoriteteve Shqiptare për ta amenduar Ligjin Special, me qëllim hapjen e garës për projektin e Teatrit Kombëtar, në mënyrë që çdo kompani private të mund të aplikojë një propozim për projektin”.

Pra, sipas këtij dokumenti, nuk do të ketë më një marrëveshje Rama – Fusha, ku i pari fal tokën publike për ngritjen e 6 kullave dhe si rrejdhim i kësaj, i dyti ndërton një godinë teatri “30 milionë euro” të projektuar nga arkitekti i përzgjedhur më parë, Bjarke Ingels.

Këtë gjë e kishte, paralajmëruar në një afrë mënyre edhe Gramoz Ruçi i cili kur shtyu datën e shqyrtimit të dekretit të Metës në kuvend tha se par;lamenti po priste edhe një prgjigje nga BE. Në një farë mënyre atë e paratha edhe Erion Veliajt që dy ditë më parë foli për një process të hapur dhe transparent.

Kur presidenti Ilir Meta në fund të korrikut e ktheu mbarapa këtë ligj, një nga 9 pikat e atsyetimit të tij ishte edhe se Mmarrëveshja okulte Edi Rama – Shkëlqim Demir Fusha për të ndërtuar kulla në mes të kryeqytetit shkel barazinë para ligjit dhe lirinë ekonomike.

Pikërisht këtë ka sanksionuar edhe letra e ardhur sot nga Brukseli.

Por kjo fitore e të gjithë atyr që denoncuan një mega pazar korruptiv, nuk do të thotë aspak se godina e vjetër e Teatrit Kombëtar është shpëtuar.

Kryeministri i ka dhënë klientit që i ka rregulluar zyrat e veta afor 80 milionë tendera publikë, ose fare pa garë ose me gara të shpalluar po ku nuk ka marrë pjesë asnjë konkurent. Kështu që kjo praktikë (shih tabelën poshtë) mund të përsëritet. Pra që edhe të ruhet fasada që kërkon BE edhe Fusha ta përfitojë atë që qe vendosur në pazarin fillestar.

Deputeti demokrat Bardh Spahia ka publikuar disa foto që tregojnë qytetarët në dyert e ambasadës gjermane. Spahia shkruan se shqiptarët duan të lënë Shqipërinë, duke iu referuar mesazhit të një qytetari që po pret gjithashtu tek ambasada gjermane. Qytetari i bën thirrje kryeministrit Edi Rama të kalojë nga ajo rrugë.

STATUSI I BARDHIT
Shqiptarët mësyjnë dyert e ambasadave me synimin e vetëm: të lënë Shqipërinë. Tek ambasada Gjermane rikthehen radhët e gjata, këto pamje menduam se i kishim lënë pas. Mesazhi i mëposhtëm nga një qytetar:
“Z.Bardhi tregoji pak kësaj qeverisë se çfarë bëhet tek ambasada gjermane.
Thuaji Ramës hajde pak nga kjo rrugë e shiko realitetin e vërtetë të popullit.

Disa trakte të çuditshme janë shpërndarë në Tiranë në të cilat shkruhet se në këtë vend njeriu matrikullohet në gisht dhe kafsha votohet.

Traktet janë ngjitur nëpër trotuaret e kryeqytetit dhe siç duket kërkojnë vëmendjen e qytetarëve për të reaguar mbi problemet që ndodhin në vend nga politikat e padrejta.

“Ligji i zgjedhur. Shqipëria është vendi i vetëm në botë ku për 20 vite njeriu matrikullohet në gishti dhe kafsha (përbindëshi) votohet, çbidiokraci!?!?!?

Shënim: Intelektualë, profesorë, akadaemikë, artistë, po të ishit të zgjuar s’do ishit matrikulluar!

https://youtu.be/a_xLjmnI9i4

Pesë miliardë njerëz, dy të tretat e popullsisë së botës, nuk kanë qasje në kujdesin kirurgjik, anestezi dhe obstetrik (SAO) të sigurt, në kohë dhe të përballueshëm, nga të dhënat e vëna në dispozicion të Bankës Botërore.

Nga barrierat e shumta për të pasur qasje në shërbime kirurgjike, nga mungesa e fuqisë punëtore të trajnuar mirë dhe deri te sfida më e madhe, ajo financiare, janë të gjitha variabla që ndikojnë në aksesin e një pacienti ndaj shërbimit SAO, që në shumë raste kudo në botë, thekson BB, rezulton edhe fatale.

Për pacientët, kirurgjia mund të jetë shumë e shtrenjtë. Jo vetëm që barra financiare e kërkimit të kujdesit kirurgjik të jetë një pengesë e vështirë për ata që kanë nevojë për kirurgji, por gjithashtu mund të ketë ndikim shkatërrues ndaj atyre që janë në gjendje ta marrin atë.

Mbi dy miliardë njerëz nuk mund të përballojnë kirurgjinë, nëse ata kanë nevojë sot dhe nga ata që marrin kirurgji çdo vit, rreth 33 milionë prej tyre do të pësojnë vështirësi financiare nga shpenzimet e tyre të drejtpërdrejta, ndërsa 81 milionë vuajnë ndaj kostove ndihmëse të kujdesit si transport dhe ushqim, thekson BB në një raport të fundit.

Për Shqipërinë, shifrat sugjerojnë se kemi të bëjmë me 0.8% të popullsisë që nuk kanë qasje në shërbime kirurgjike për arsye financiare, gjë që mund të rezultojë në pasoja fatale për popullatën. Në Ballkan, panorama duket e ngjashme. Në Serbi, 0.5% e popullsisë nuk arrijnë të përballojnë një kujdes kirurgjik për shkak të kostove të larta. Po ashtu, 0.8% e popullsisë në Malin e Zi, nuk arrin që të përballojë këtë kujdes shëndetësor. Shifra më e lartë regjistrohet në Maqedoni, ku BB përllogarit rreth 7.9% të popullsisë në vështirësi financiare për të përballuar një ndërhyrje kirurgjike.

Në Greqi 0.4% e popullatës përballen me vështirësi ekonomike për të pasur qasje në kujdesin kirurgjik.
Në vitin 2015, Komisioni i Revistës Shkencore Lancet për Kirurgjinë Globale propozoi gjashtë tregues për të matur kujdesin e SAO, dy nga të cilat përqendrohen në vlerësimin e rrezikut të katastrofës financiare për shkak të operacionit. Përkatësisht, këto dy tregues maten me gjasat e përjetimit të varfërimit (duke përdorur një prag prej 1.25 dollarë PPP / ditë) kur nevojitet kujdes kirurgjik dhe probabiliteti i përjetimit të shpenzimeve katastrofike (10% e të ardhurave totale) kur nevojitet kujdes kirurgjik.

Në përgjithësi, rreziku botëror i ‘katastrofës’ financiare për shkak të operacionit është në rënie. Megjithëse kjo prirje rënëse është inkurajuese, ajo është e ngadaltë, thekson BB. Nga viti 2008 deri në vitin 2017, përqindja e njerëzve në rrezik globalisht si për shpenzimet katastrofike ashtu edhe për varfërinë për shkak të kujdesit kirurgjik është prirë të jetë në rënie. Rreziku botëror për shpenzimet katastrofike për shkak të kujdesit të SAO ka rënë nga 34% në 28%, ndërkohë që për shpenzimet shtesë, ka rënë nga 27% në 24%.

Në vitin 2017, 2% e njerëzve në vendet me të ardhura të larta përballeshin me rrezikun e shpenzimeve katastrofike për shkak të operacionit – më pak se gjysma e rrezikut të tyre në vitin 2003. Për krahasim, rreziku në vendet me të ardhura të ulëta dhe të mesme ra shumë më ngadalë: nga 43% në vitin 2008 në 33% në vitin 2017. Dallimi i madh absolut në mes të rrezikut të katastrofës financiare në këto dy grupe në 2017-32%, sipas BB, thekson pabarazitë e konsiderueshme në barrën financiare të qasjes në kujdesin kirurgjik në mbarë botën.

Njerëzit në vendet me të ardhura të larta përballen me rrezik minimal të katastrofës financiare kur kanë nevojë për kujdesin kirurgjik, ndërsa 3 në çdo 10 individë nga vendet me të ardhura të ulëta dhe të mesme duhet të luftojnë me këtë rrezik./Monitor