Aktualitet

Mirëpo, rrjetet sociale kanë arritur deri aty sa po na kontrollojnë edhe vetë ne si njerëz, duke luajtur dhe me ndjenjat tona.

Një i ri është protagonist i një bisede të pazakontë, me një vajzë, që nga se mund të kuptohet mund të jetë e dashura e tij.

Ai ka dërguar bisedën në redaksinë e JOQ, ku tregohet se si nga mesazhi për një ftesë nesër tek liqeni, gjithçka ka përfunduar në sharje.

Teksa dërgon bisedën, i riu shkruan:

Përshëndetje. Është e frikshme se si vajzat e sotme t’i thonë gjërat në moment, duke treguar se janë mjaft materialiste. Ç’të keqe ka të dalësh nga liqeni? Ajër i freskët, pemë dhe mbi të gjitha një vend romantik. Po e dërgoj bisedën me këtë vajzën vetëm sepse dua t’u bëj thirrje të gjitha vajzave, KUJDES sepse është shumë e lehtë të shkatërrosh atë që ke ndërtuar për shumë kohë. Sa për fjalorin tim, mos më gjykoni sepse në atë moment nuk di as vetë ç’mund t’i shkruaja. Mesazhi im në fakt shkoi pasi u qetësuam për një diçka tjetër”

Gjithsesi, ju vetë mund ta shikoni bisedën më poshtë dhe mund ta gjykoni.

Çfarë mendoni?

Kush e ngatërron Shqipërinë me Kolumbinë, bën një gabim trashanik ose nuk di shumë gjë për historinë apo gjeopolitikën e trafikut të narkotikëve.

Ndërsa në Kolumbi, narkotrafikantët u bënë aq të fuqishëm sa arritën të korruptojnë me miliardat e tyre strukturën vertikale të shtetit, gjë që është mjaft manovër e mundshme dhe jo shumë e vështirë, në Shqipëri ndodhi e kundërta.

Që në fillim të nisjes së trafikut të heroinës në Shqipëri, droga u administrua nga njerëzit e afërt me pushtetin, madje edhe me majat më të larta të saj.

Pas humbjes së referendumit të Kushtetutës së nëntorit 1994, kur Sali Berisha e pa që kishte shumicën e njerëzve normal kundër tij, vendosi të ndryshojë totalisht skemën e lojës, i dha një akses më të madh njerëzve të fortë, trafikantëve, kontrabandistëve, njerëzve që do të arrinin të ndryshonin strukturën normale të jetesës në vend, duke e ndarë shoqërinë dhe zhvendosur atë.

U zerua pjesa normale e njerëzve që punonin ndershmërisht, duke u zëvendësuar me lumpenin i cili mori pozita shumë të rëndësishme në shoqëri.

Si në drejtimin e PD-së në rrethe ashtu edhe në drejtori e struktura vendore, u emëruan njerëz që ishin afër karteleve të sapolindura të drogës.

Ajo ndodhi kudo: në Tiranë, Shkodër, Shijak, Durrës, Berat, Dibër, Korçë, Gjirokastër, Sarandë, Permet e gjetke.

Këta njerëz u bënë aq të pushtetshëm sa ndikonin fuqishëm në veprimet e Sali Berishës, por edhe të qeveritarëve të tij.

Brenda një kohe të shkurtër në shtet u krijuan dy struktura; njëra e Berishës e tjetra e Aleksandër Meksit, që në fakt nuk ishte gjë tjetët veçse përplasja e dy klaneve të mëdha të drogës që ishin në armiqësi me njëri-tjetrin.

Dhe kjo luftë do të shoqërojë fuqishëm zhvillimet në Shqipëri, duke rrënuar e shkatërruar gjithçka; moralin njerëzor dhe strukturën pasurore në vend.

Sasia e madhe e parave në vend lindi nevojën për të pastruar paratë e drogës.

Dikush, një supertrafikant heroine nga Egjipti, i cili ishte njeri shumë i afërt me shërbimin sekret të këtij vendi me lidhje të forta me shërbimin ushtarak serb, pasi blinte armë dhe merrte drogë nga Arkani, solli në Tiranë idenë e piramidave.

Të cilat nuk ishin aspak firma rentiere, por thjesht skema larje parash, me një koficent normalisht të kuptueshëm humbjeje, për ti futur paratë në banka.

Lindi në fillim Aleksandër Grunjasi, më pas disa firma të vogla për tu ngritur gjigandët Gjallica, Vefa, Kamberi, por edhe “humanitarët “Populli” e “Xhaferi”.

Një material i shërbimit sekret Italian që iu dha Fatos Nanos që në vitin 1997, por që ky i fundit e hodhi në koshin e plehrave fliste për një lidhje të dy partive politike PD e PS me firmat rentiere.

Të cilat nuk ishin gjë veçse lavatriçet e mëdha të pastrimit të parave të heroinës.

Nuk e harruam Suden, lavatriçen që kishte lidhje të forta me shërbimin sekret dhe me segmente të qeverisë.

Maksude Kadëna edhe në burg jetonte si konteshë, por asnjë nuk e intervistonte, pasi ishte e ndaluar.

Paratë e heroinës që vinte lumë nga turqia laheshin papushim, futeshin në banka e bëheshin transaksione bankare.

Ndërkohë nisën të blisheshin edhe prona të patundshme pafund, duke krijuar kështu asetet kryesore të mafias në vend.

Duke falsifikuar kadastrat që më pas u dogjën në vitin 1997…

Të gjitha këto u zbuluan nga shërbimet sekrete perëndimore, si dhe nga DEA amerikane, e cila në vitin 1995, zbuloi dhe hetoi të parën ngarkesë të madhe kokaine që vinte në Shqipëri nga Nju Jorku për t’u shpërndarë në Europë.

Me një linjë ajrore që mbante një emër patriotik trafiku bëhej në Rinas në pikë të diellit dhe nga policia e kufurit.

DEA dokumentoi gjithçka. Më vonë kjo linjë ajrore u mbyll por jo kokaina, e cila vazhdoi dhe u kthye në një domen të madh për trafikantët shqiptarë, që nuk ishin gjë tjetër veçse kolonelët e politikës që furnizonin gjeneralët e mëdha.

Po ku shkuan paratë e piramidave ku shqiptarët lanë miliarda kursime? Kush i mori dhe si lëvizën ata.

Si u bënë të pasur: Vehbi Alimuça, një spiun i shërbimit sekret, Fitim Gërxhalliu dhe Shemsie Kadria, të dy agjentë të shërbimit sekret, po ashtu edhe xhaferrët dhe Bashkim Driza.

Gjithçka lidhet me Bashkim Gazideden dhe SHIK-un e tij, i cili edhe krijoi me anë të doganës së Bllatës grupin më të frikshëm kriminal në vend, i cili edhe sot e kësaj dite kontrollon Dibrën.

Por ajo më kryesorja, prishi linjën tradicionale që vinte nga Turqia, duke vrarë “turkun” njeriun që solli heroinën në Shqipëri.

Petrit Ameja, kushëriri i Gazidedes premtoi me anë të Arkanit, zgjatimin e rrugës serbe që sillte heroinën e Afganistanit, e cila ishte më e mira dhe kushtonte më shumë.

Ja pikërisht këtu nisi lufta e madhe që ishte realisht edhe shkaku real i shpërthimit jo vetëm të 1997-s por të një beteje pafund për influencën e tregut të narkotikëve në Shqipëri.

Ky vend, u kthye si Afganistani, jo një shtet normal ku kalonin edhe trafiqet, por një shtet që mbahet nga trafiqet dhe ku gjithçka tjetër ishte dytësore…

Në numrin e ardhshëm do të flasim pikërisht për nisjen e kësaj lufte./Pamfleti

Zyrtarë të lartë të shtetit janë vënë nën hetimet e Prokurorisë së Tiranës si të dyshuar shpërdorim detyre kur kanë nxjerrë fitues në tendera një ish të dënuar droge, siç është Edmond Bego. Hetimet kanë nisur kryesisht menjëherë pasi Partia Demokratike denoncoi abuzimin me legjislacionin e prokurimit publik. Demokratët që e kthyen Begon si një kazus denoncues vunë në lëvizje akuzën me pretendimin e tyre se Edmond Begos i është dhënë tenderi i OST-së me vlerë 100 milionë lekë.

Organet shtetërore duhet të përjashtojnë çdo ofertues që ka qenë i dënuar me vendim gjyqësor të formës së prerë për çështje droge. Sipas këtij ligji, është detyra e Autoritetit Shtetëror Kontraktor që të marrë të dhëna nëse subjekti ofertues ka qenë i dënuar apo jo. Ky ligj është në fuqi që në vitin 2006.

Përveç kësaj shkeljeje, për të cilën prokurorët e kryeqytetit po mbledhin dokumentacion, nga ana tjetër edhe Prokuroria për Krimet e Rënda është vënë në lëvizje. Aty po rihetohen pasuritë e 48-vjeçarit, për të parë edhe një herë nëse ish-trafikanti që hapi vitet e fundit disa kompani, çfarë asetesh ka dhe a e justifikon krijimin e tyre.
Pas arrestimit në Greqi, Edmond Bego, një ish i dënuar nga drejtësia italiane me 21 vjet burgim, gjatë verës u kthye në qendër të vëmendjes.

Autoritetet greke e liruan pasi nuk rezultonte i kërkuar, përderisa në atdhe i ishte konvertuar dënimi nga 21 në 4 vite burgim. Pas këtij telashi të mbyllur, megjithatë, Begos iu hap në Shqipëri një kapitull tjetër në të cilin duhet t’i vërtetojë prokurorisë se nga i burojnë pasuritë, një sfidë të cilën nuk është çudi ta fitojë si edhe herën e parë./korrieri

Llogara, Vlorë Policia u erdhi në ndihmë 4 turistëve italianë, ku dy prej tyre kishin humbur kontaktet në një zonë të vështirë malore në qafën e Llogarasë, ndërsa dy të tjerë kishin humbur rrugën 40 forca policore të DVP Vlorë dhe të Delta Forcë pas 3 orë kërkimesh bënë të mundur gjetjen dhe nxjerrjen nga rreziku të katër turistëve italianë.

Sot rreth orës 14:15, disa shtetas italianë kanë kërkuar ndihmën e Policisë pasi dy prej tyre kishin mbetur të bllokuar në një zonë të vështirë malore në Qafën e Llogarasë si dhe dy shokët e tjerë kishin humbur kontaktet po në atë zonë.

Menjëherë me marrjen e njoftimit, u organizuan shërbimet e Komisariatit dhe të Drejtorisë Vendore të Policisë Vlorë dhe në bashkëpunim me shërbimet e Repartit “Delta Forcë”, filluan krehjen e zonës ku pas tre orë kërkimesh u bë e mundur gjetja e tre prej tyre si dhe pas gjysëm ore më vonë Policia gjeti edhe turistin e katërt.

Turistët janë shoqëruar nga Policia me gjithë automjetin e tyre në hotelin ku janë akomoduar në Llogara. Turistët italianë kanë falënderuar Policisë e Shtetit që ju erdhi në ndihmë. (4 shtetasit italinë kishin parkuar automjetin e tyre në anë të rrugës dhe ishin futur në pyllin e Llogarasë, duke u shpërndarë në drejtime të ndryshme për turizëm malor, por gjatë eksplorimit të zonës kishin humbur orientimin dhe rrugën e kthimit, ku dy prej tyre ishin bllokuar në një zonë të vështirë dhe për këtë shkak kërkuan ndihmën e Policisë së Shtetit)

Edhe pse është në kërkim prej muajsh pasi akuzohet si i përfshirë në ccështjen e trafikimit të drogës nga grupi Habilaj, ish-drejtori i policisë, Jaeld Çelakërkon nga arratia të pushohet hetimet ndaj tij. Ish-shefi i Policisë Vlorë, ka ankimuar vendimin e Gjykatës së Krimeve të Rënda për zgjatjen e hetimeve me tre muaj të tjerë.

Ankimimi është bërë nga avokati i tij dhe pritet që seanca për shqyrtimin e kërkesës të mbahet më 21 shtator. “Panorama” mëson se Gjykata e ka pranuar kërkesën e Prokurorisë për zgjatjen e afateve të hetimit edhe me tre muaj rreth 10 ditë më parë për dy ish-komisarët e Policisë së Vlorës, Jaeld Çela dhe Gjergj Kohila, të dyshuar për lidhje me bandën e Habilajve në trafikun e drogës. Të dy ish-komisarët janë ende në arrati. Prokuroria e Krimeve të Rënda e ka shtyrë afatin deri më 20 nëntor 2018 për shkak të kohës që nevojitet për analizimin e tabulateve telefonike, por edhe për pyetjen e personave që mund të kenë dijeni për veprat penale.

Urdhërarrestet për Jaeld Çelën dhe dy ish-zyrtarët e tjerë të Policisë së Vlorës, Gjergji Kohila dhe Sokol Bode u lëshuan në nëntor të vitit 2017. Prokuroria përmend në dosje se për kryerjen e veprimtarisë kriminale, dy vëllezërit, Moisi dhe Florian Habilaj, gjetën mbështetjen e ish-shefit të Stacionit të Policisë Kufitare të Dhërmiut, Sokol Bode, i cili mbajti këtë detyrë nga dhjetori i 2013-s deri në maj të 2016- s.

Dyshohet se ish-zyrtari Bode i siguroi grupit zhvillimin e lirshëm të aktivitetit, përmes shmangies së kontrolleve policore, thuhet më tej. Në këtë aktivitet kriminal, shefi i Policisë Bode, krahas implikimit me trafikantët e grupit, ka bashkëpunuar edhe me dy ish-zyrtarë të tjerë të Policisë, drejtorin Jaeld Çela dhe shefin kundër Drogës dhe Trafiqeve, Gjergji Kohila. Ish-drejtori i Policisë ka mbajtur në përdorim 3 numra telefoni, në të cilat rezulton se ka komunikuar me Florian Habilajn dhe Gentian Cekën, që është shoferi i ishministrit të Brendshëm.