Aktualitet

Zjarret e ditëve të fundit në Shqipëri janë kthyer në një shqetësim për qytetarët, ku disa prej tyre dhe pse janë neutralizuar në kohë, kanë rrezikuar dhe jetën e banorëve.Lidhur me këtë situatë, policia njofton se do të marrë masa ndëshkuese për ata që qëllimisht iniciojnë situata të tilla që vënë në rrezik sigurinë dhe jetën e njerëzve.Nga ana tjetër, deri më tani, si rezultat i zbatimit të masave shtesë, javën e fundit janë evidentuar dhe proceduar penalisht 24 autorë të zjarrvënies së qëllimshme apo nga pakujdesia, në Tiranë, Durrës, Fier, Vlorë , Berat , Elbasan , Lezhë, Shkodër e Korçë.
Njoftimi i policis

Plan Masash shtesë për parandalimin e zjarreve në pyje-kullota, evidentimin e autorëve kapjen dhe vënien para përgjegjësisë së tyre.Nisur nga rastet e shtuara dy javët e fundit të zjarrvënies me qëllim apo nga pakujdesia, Policia e Shtetit prej datës 21 Shtator, në vijim të zbatimit të Planit të masave të hartuar në Janar për parandalimin e zjarreve në Pyje Kullota, evidentimin dhe vënin para përgjegjësisë të autorëve, ka hartuar një tjetër Plan masash shtesë , në zbatim edhe të porosive të lëna nga Ministri i Brendshëm për këtë qëllim gjatë takimit të zhvilluar me strukturat drejtuese të Policisë së Shtetit në qendër e në bazë javën e kaluar.Të gjithë Specialistët e Zonave kanë marrë detyrë dhe janë shpërndarë në të gjitha zonat që ata mbulojnë, ku kanë rimarrë dhe po vijojnë kontaktet me të gjithë barinjtë që kanë kullota në shfrytëzim, apo me banorët të cilët nga pakujdesia shkaktojnë zjarr ku shpesh këto zjarre kanë dalë jashtë kontrollit duke shkatuar pasoja në pronën private.Po koordinohen veprimet me shtabin e emergjencave në Prefekturë, përfaqësuesit e njësive administrative dhe drejtoritë/inspektoriatet rajonale të Mjedisit/pyjeve për të bërë të mundur parandalimin e zjarreve si dhe për të evidentuar dhe vënë para përgjegjësisë ligjore autorët e zjarrvënieve të qëllimshme apo nga pakujdesia.

Zëvendës/Drejtorët e Policive Vendore po zhvillojnë takime me banorë të zonave buqësore dhe blektorale , me qëllim ndërgjegjësimin e tyre për të parandaluar zjarrvënien e qëllimshme për të hapur kullota apo edhe zjarrvënien nga pakujdesia.Gjithashtu janë angazhuar për parandalimin e zjarrvënies, si dhe për evidentimin e autorëve edhe agjentët e Policisë Kriminale.Si rezultat i zbatimit të masave shtesë, javën e fundit janë evidentuar dhe proceduar penalisht 24 autorë të zjarrvënies së qëllimshme apo nga pakujdesia, në Tiranë, Durrës, Fier, Vlorë , Berat , Elbasan , Lezhë, Shkodër e Korçë.Janë arrestuar në flagrancë 3 autorë, janë ndalur dy si dhe janë shpallur në kërkim dy të tjerë. Theksojmë faktin se nga Strukturat e Policisë së Shtetit, për periudhën Janar -20 Shtator janë proceduar në shkallë vendi 82 autorë, prej të cilëve 11 autorë janë arrestur, 7 autorë janë ndaluar, 25 autorë në gjendje të lirë dhe 39 autorë shpallur në kërkim.Policia e Shtetit kërkon mirëkuptimin dhe bashkëpunimin e banorëve për të parandaluar zjarrvënien dhe fton ata të denoncojnë në kohë në numrin 112 çdo rast sado të vogël të shkaktimit të zjarrit në toka buqësore, kullota apo pyje”, thuhet në njoftimin e policisë.

Ndërsa ngjarja e bërë publike ka ngërthyer politikën në debate të forta, por edhe opinionin publik lidhur me trajtimin që i është bërë një vajze, ata që janë rritur me dy të rinjtë, banorët e fshatrave Zezë dhe Nikël, kanë zgjedhur të heshtin. Të gjithë e dinë historinë tyre. Gjyshi i Xhisielës thotë se s’ka dëgjuar asnjëherë që e mbesa të kishte probleme. Ndërkohë sot vajza dhe nëna e saj janë thirrur për t’u pyetur nga prokurorët e Krujës.

Lumi Zezë ndan fshatin Zezë nga fshati Nikel prej nga vijnë dy të rinjtë Xhisiela dhe Rexhepi. Historia e lidhjes mes studentes dhe djalit të deputetit socialist ka mbërthyer debatin politik. Në shtëpinë ku ka banuar Xhisiela në fshatin Zezë tani jetojnë gjyshërit nga ana e babait që ia vranë në 1997-ën. Në Nikël është shtëpia e deputetit të Krujës, Rahman Rraja, djali i të cilit akuzohet për përdhunim dhe dhunë fizike e psikologjike ndaj ish-të dashurës. Të gjithë e kanë dëgjuar historinë dhe akuzat për dhunë, por banorët e zonës nuk duan të përzihen.

Të tjerë lavdërojnë deputetin dhe djalin e tij. “E kemi pasur kryetar komune për tre mandate. shumë i mirë Sa ka punuar ai, s’ka punuar kush këtu”, shpreh disa prej banorëve. Vajzën nuk e njohin, por e kanë një koment: “Pjesë faji mund të kenë të dy. Edhe ajo, s’mund të themi që s’është pa gjë. Ai çuni shumë i mirë me njerëzit. Edhe vajza… familje shumë e mirë. Gocat nuk na i ngacmuar kush”, shprehen ata. Në rrugën nacionale për Fushë-Krujë jeton nëna e Xhisielës bashkë me të bijat. Ajo punon prej 5 vjetësh në supermarketin e vëllezërve të saj. Takojmë një nga familjarët që na tregon rreth vajzës.

“Nuk dimë asgjë, çfarë kemi marrë vesh nga televizori. Ajo ka mbaruar për shkenca politike. Besoj se ajo edhe me të ëmën nuk është aq e hapur. Ka disa ditë që se kam parë fare vajzën”, shprehet Lutfije Muça, e afërme e Xhisielës. Gjyshi i Xhisielës nga ana e nënës duket se nuk ka dijeni për ngjarjen e bujshme. “Nuk dimë asgjë, as vajza ime nuk ka ditur gjë”, thotë Ramazan Muça, gjyshi i Xhisielës.

Në një kohë kur furtuna “Ksenofon” ka goditur Greqinë, të gjithë mund të pyesin nëse është e rrezikuar edhe Shqipëria. Sipas “News24”, meteorologia Tanja Porja tha se vendi ynë nuk rrezikohet nga kjo stuhi e fuqishme.

Ajo theksoi se i vetmi ndikim që sjell furtuna në vendin tonë janë erërat e forta. Po ashtu, Porja tha se vendi ynë do të përfshihet nga reshje shiu ditën e martë, kryesisht zona jugore dhe ajo qendrore.

“Në fakt, nëse flasim për situatën në fqinjin tonë jugor, Shqipëria mbetet në periferi të kësaj stuhie tropikale, që është krijuar prej 3-4 ditësh në kufijtë verilindor të Maltës. Ka pasur fuqizim të erërave, ndaj kjo ka qenë dhe arsyeja që kemi pasur një erë të fuqishme në verilindje. Ajo po zhvendoset drejt brigjeve greke. Brigjet greke kanë pasur zhvendosje të erërave.

Maksimumi i kësaj stuhie do të jetë gjatë ditës së shtunë. Do të zhvendoset drejt Qipros dhe do të futet në territorin turk, ku do të ulë intensitetin. Përsa i përket territorit shqiptar, mbetemi në periferi. Vetëm në zonat jugore priten reshje të pakta shiu dhe pjesërisht në qendër. Veriu nuk do të ketë shira, vetëm pak gjatë natës. Mbetemi të paprekur nga kjo stuhi e Mesdheut lindor. Ndikimi janë vetëm erërat. Presim shira në territorin shqiptar gjatë ditës së martë. Këto janë pasojë të një cikloni që zhvillohet në gjirin e Genovas që pritet të zhvillohet ditën e hënë”, – u shpreh Porja.

Një mesoburrë rreth të dyzetave ka alarmuar sot ish-ministrin e Shëndetësisë, Ilir Beqaj dhe policinë e Shtetit pasi në mënyrë të papritur ka nisur të fyejë ish-ministrin dhe të qëllojë automjetin e tij. Gazetarët e “Gazetës Shqiptare” kanë rastisur në vendngjarje dhe e raportuan menjëherë incidentin që ka ndodhur rreth orës 17:00 të pasdites.

Ilir Beqaj shoqërohej nga persona të tjerë, të cilët ishin pranë dy makinave të tyre, një Volkswagen Touareg dhe një Mercedes me targa diplomatike, kur një i panjohur ka nisur të bërtasë “kriminel, hajdut” dhe fjalë të tjera fyese.

Ky person ka rrëmbyer një vazo ndanë rrugës dhe ka qëlluar në fillim “Mercedesin” me targa diplomatike, ka vazhduar ta godasë makinën me shkelma dhe më pas ka rrëmbyer një copë të madhe betoni dhe e ka plasur në xhamin e përparmë të makinës së Ilir Beqajt.

Ish-ministri dhe personat që e shoqëronin kanë ruajtur gjakftohtësinë, kanë nxituar të hipin në makina dhe kanë lëvizur 50 metra më tej.

Autori i incidentit u largua me qetësi.

10 minuta më pas në vendngjarje ka ardhur policia e Shtetit.

Touaregu me ngjyrë gri është i njëjti që është qëlluar me vezë nga aktivistët e “Aleancës Kuqezi” në vitin 2016./gazetashqiptare/

Anila Trimi, Drejtoreshë e SHÇBA, ka hedhur poshtë deklarimet e deri më tanishme se Emiljano Nuhu nuk është kërcënuar me armë zjarri në stacionin policor të Fushë-Krujës, ashti siç ka pretenduar ish-oficeri i Policisë. Ajo shprehet mbi bazën e dokumenteve, intervistat me drejtuesit e stacionit të policisë dhe pamjet e kamerave të sigurisë.

“Nga intervistat e drejtuesit dhe punonjësve të Policisë së Stacionit Fushë Krujë rezulton se më datë 21 Korrik 2018, pra data e pretenduar, nga ish punonjësi Nuhu nuk ka qenë fare prezent në ambientet e Stacionit të Policisë Fushë Krujë. Nga Urdhri i Brendshëm për planëzimin e shërbimit, rezulton se, më datë 21 Korrik 2018, Emiljano Nuhu nuk ka qenë OPGJ i gatshëm, por një tjetër punonjës i Policisë së Shtetit. Nga intervistat dhe dokumentet si dhe shqyrtimi i pamjeve filmike në dispozicion, nuk rezulton që personat e përmendur në intervistë, si kërcënues të tij, të kenë qenë prezent në ambientet e Stacionit të Policisë së Shtetit në fushe Krujë, as në këtë datë dhe as në ndonjë datë tjetër të mëvonshme”, prezantoi Trimi mes të tjerash, rezultatet e hetimeve të deritanishme.

Ndërkaq, Emiljano Nuhu ka deklaruar se i është vënë pistoleta në kokë nga vëllai i deputetit të PS-së Rrahman Rraja në zyrën e tij pasi kishte shoqëruar djalin e deputetit. Nuhu ka pretenduar se prezent në zyrë kanë qenë zyrë të PS-së, si deputeti Taulant Balla, deputeti tjetër Rrahman Rraja, si dhe kryebashkiaku i Krujës, Artur Bushi. Trimi, gjatë deklaratës, tha se: “Nga ekzaminimi i pamjeve filmike dhe komunikimeve elektronike, rezulton se Emiljano Nuhu takohet, ndër të tjerë, me personin nën hetim, në ambientet e një lokali privat, në Tiranë më datë 30/07/2018. Nga pamjet dhe komunikimi elektronik krijohet bindja e një takimi mes personash të njohur, mgjate kjo eshte nje rrethane qe do te verifikohet nga organet qe udheheqin hetimin ne kete rast”.

Nuhu ka kryer disa shkelje në detyrë me veprimet e tij, shtoi drejtuesja e SHÇBA. “Nga shqyrtimi i rrethanave të deritanishme, ekziston dyshimi i arsyeshëm se ish punonjësi i Policisë Emiljano Nuhu, me veprime dhe mosveprime, ka kryer disa shkelje si: Shpërdorim detyre, Kalim i paligjshëm i kufirit, Nxjerrje e sekretit hetimore, Shkelja e procedurave të punës në hetimin e çështjeve, Shkelja e rregullave mbi armatimin personal të punonjësit të Policisë së Shtetit”.

Për ngjarjen e ndodhur në Fushë-Krujës deri tani ende nuk ka dalë e vërteta, pasi ka dy palë që kanë pretendime të kundërta. Por Anjeza Kallaku është psikologia që u telefonua në orën 10 të natës nga një oficer policie i Fushë-Krujës, që ajo të asistonte në tërheqjen e një padie dhune nga 25-vjeçarja me inicialet Xh.M.

“Gentian Çitozi më ka marrë në orën dhjetë e çerek të natës. Më tha që kishte një rast dhune dhe më pyeti a mund të vija për një shtetase. I thashë që isha me pushime verore, por m’u lut që të vija sepse nuk kishin mundësi që të gjenin një psikologe tjetër. Jam shoqëruar në rajon me babain tim. Në komisariat ishte Gentian Çitozi dhe një zotëri që po përfundonte dëshminë e tij. Nuk e njihja se kush ishte, më pas mora vesh që ishte ish i dashuri i vajzës. Vajza erdhi më pas”, tregon psikologia.

Psikologia thotë se nuk ka informacion se përse vajza u tërhoq nga denoncimi, të cilin e kishte dorëzuar në të njëjtën ditë, por paradite. Vajza kishte deklaruar se ishte pajtuar. “Mua m’u bë prezent si çështje kalimtare. Thjesht që vajza ka kallzuar dhe tani po e tërheq padinë. Vajza më tha që ishte penduar. Nuk konstatova shenja frike, madje më dukej në kushte normale. E këshillova që të kishte kujdes. Nuk kishte shenja dhune, por nuk mund të them më shumë”, thekson psikologia./korrieri

Gazetari Flamur Vezaj ka bërë një deklaratë të fortë kundër Avokates së Popullit, Erinda Ballanca, teksa shprehet se ka ndihmuar djalin e deputetit socialist, Rrahman Rrahja, për të dhunuar vajzën Xhisiela Maloku.

Përmes një postimi në ‘Facebook’, gazetari shkruan se Policia e Shtetit ka shpallur në kërkim avokaten Ballanca, teksa shton se policia ka zbardhur mesazhet që avokatja mëson djalin e deputetit se si të ushtrojë dhunë, që mos të lërë prova dhe si të kërcënojë vajzën e dëmtuar.

Përmes sarkazmës, gazetari thekson se policia sqaron se po punohet ngushtësisht me grupin e ekspertëve të “Niklës” dhe ‘Bandës së Durrësit” për të mësuar vendndodhjen e Avokates së Popullit dhe arrestimin e saj.

“Policia shpall ne kerkim Avokaten e Popullit! Policia e shtetit, pas nje hetimi me metoda speciale dhe fal bashkepunimit me grupin e eksperteve te “Nikles” zbardh ngjarjen e dhunes se ushtruar ndaj shtetases Xh.M. Sipas Policise, pas mbledhjes se provave, deshmive, fakteve dhe kunder fakteve, ka arritur ne konkluzion se djali i deputetit te Rilindjes R.Rraja eshte ndihmuar nga Avokatja e Popullit milioneria Erinda Balanca ne kryerjen e krimit monstruoze! Mesohet se Policia ka zbardhur mesazhet, qe Avokatja Ballanca, meson pinjollin Rraja se si te ushtroj dhune qe mos te le prova dhe si te kercenoi vajzen e demtuar dhe oficeret qe po merreshin me ceshtjen!

Ne keto kushte, policia sqaron se po punohet ngushtesisht me homologet e “bandes se Durresit” per te identifikuar vendndodhjen e Avokates se Popullit dhe arrestimin e saj! Nderkohe nje informator i policise, pa pagese, prane institucionit te Avokatit te Popullit i ka thene uniformave blu se shefja Ballanca eshte e zene duke numeruar eurot e marr ne formen e demshperblimit per prishjen e pallatit ne Vlore dhe shumen tjeter te parave te perfituar nga konsultimi ligjor i pinjollit te familjes Rraja!

Te ndodhur ne keto kushte, policia thote se pas publikimit te ekspertizes mjeko-ligjore te vajzes se demtuar Xh.M. nga djali i deputetit Rilindas R.Rraja eshte arritur ne konkluzion se demtimet jane te njejta me ato se cfare udhezimesh ka dhene me telefon Avokatja Ballanca….etjjjjjj. #Ne_pritje_te_reagimit_te_Avokates_se_Popullit#”, shkruan Vezaj./korrieri

Po afrohet “Medicane” një nga stuhitë më të mëdha që ka goditur ndonjëherë brigjet e Mesdheut.
Sipas ekspertëve italianë kjo stuhi i përket kategorisë 1 ose 2, e cila do arrijë erëra që tejkalojnë shpejtësinë 160 km/ h. Uragani pritet të arrijë formën e tij të plotë, ditën e sotme, 28 shtator, ku pitet të godasë brigjet Siciliane, zonat më të rrezikuara janë e Siracusa dhe Catania.

Shkak i krijimit të kësaj stuhie është veçanërisht ngrohja më shumë se duhet me vlerën 8 ° C mbi mesataren normale e ujit të deteve Jon, Egje dhe deri në detin e Libisë.

Rrymat e ajrit që vijnë nga verilindja do të përplasen me avujt e ngrohtë të ujit dhe kjo do të bëjë që të formohet një ciklon i cili pritet të fuqizohet duke vënë në rrezik brigjet italiane.

Mediat italiane përshkruajnë trajektoren në të cilën ndodhet “Medicane”, aktualisht është i dukshëm nga imazhet satelitore dhe është duke marrë energji në Detin e Libisë dhe pritet që të nisë rrugën drejt Italisë së Jugut dhe Greqisë në orët e ardhshme.

Ndër pasojat kryesore që pritet të shfaqen nga stuhia janë shirat e rrëmbyer, stuhitë e forta dhe rreziku i përmbytjeve. Në bregdet erërat do të arrijnë shpejtësinë deri në 90 km/h me vale që do të arrijnë 5 metra lartësi.

Të shtunën dhe të dielën cikloni pritet të largohet nga brigjet italiane dhe në datën 30 shtator do të zhvendoset drejt brigjeve greke dhe ishullit të Kretës, ku duke vazhduar në det të ngrohte pritet të fuqizohet edhe më tepër duke arritur valë me lartësi deri në 12 metra.

Sipas The Washington Post kjo pritet të ndikojë edhe në Shqipëri pasi gjatë fundjavës vendi ynë do të shoqërohet nga reshje të shumta duke rrezikuar edhe përmbytje kryesisht në jug të vendit ku edhe stuhia do të jetë më e dukshme./report