Aktualitet

Xhisiela Maloku dha pardje dy intervista për dy nga televizionet më të ndjekura në vend, Top Channel dhe Tv Klan.

Por teksa po qëndronte në studion e TV Klan, Xhisiela duket se u pendua për intervistën e dhënë për gazetaren Eni Vasili në Top Channel, dhe nuk i kurseu as kritikat “live nga studio e “Opinion”.

“Intervista ime e vërtetë është kjo në Klan, Top Channel më ka nxjerrë deklaratat jashtë kontekstit”, deklaroi Xhisiela.

Gazetarja Vasili reagoi menjëherë duke u shprehur se Xhisiela dha edhe një intervistë tjetër për një gazetar të Top Channel, por Eni Vasili vendosi të mos e transmetojë duke thënë se Xhisiela kishte dhënë intervistë duke lexuar nga një deklaratë që kishte në letër.

Shqetësimin për intervistën e dytë, nga e cila pretendon se ka kaluar në depression, Xhisiela e ka komunikuar edhe përmes një mesazhi, të transmetuar në rubrikën “Fol me psikologen”.

Aty ajo kritikon ashpër si Eni Vasilin dhe Anila Hoxhën, duke thënë se e intervistuan si të ishte në hetuesi. “Jam ndjer si nën presion dhe në gjendje shumë të rëndë emocionale me ndërhyrjet e njëpasnjëshme të gazetares tjetër Anila Hoxha”, shkruan ndër të tjera Xhisiela, duke pranuar se në intervistën e parë për Top Channel ishte ndjerë rehat. Mesazhi i publikuar nga GSH:

Cënimi i fundit i sistemit të sigurisë i zbuluar nga rrjeti social Facebook ka prekur rreth 5 milionë europianë, nga 50 milionë llogari të ekspozuara pas një gabimi në siguri, njoftoi sot komisionerja europiane për drejtësinë, Vera Jourova.

Ky mosfunskionim, që u zbulua të enjten sipas drejtuesit të rrjetit social Mark Zuckerberg i ka lejuar hakerëve të kenë akses në informacionin mbi profilet e përdoruesve (emrat, gjinia, qyteti …).

“Unë do të di më shumë në orët apo ditët në vijim rreth këtij defekti në rrjet, por mund të them se pesë milionë europianë janë prekur nga 50 milionë në total, që është një shifër e pabesueshme’’, u shpreh Jourova, e intervistuar në një takim europian në Luksemburg.

Një 8 vjeçar nga Tirana ka njohuri të përgjithshme mbi mesataren e moshës së tij. Ai është Anxhelo Yzeiraj dhe në moshën 1-vjeçare ai është zhvendosur bashkë me familjen për në Francë, ku ka qëndruar për rreth 4 vite. Në Francë ai ka marrë pjesë në konkursin ndërkombëtar për inteligjencën. Nga 48 pjesëmarrës, ku më i madhi ishte 18 vjeç, Anxhelo fitoi vendin e parë. Psikologë të ndryshëm në Francë të cilët e vizitonin Anxhelon 1 herë në javë thonë se ai kishte inteligjencë mbi normalen për moshën e tij dhe kujtesë shumë të mirë.

8-vjeçari me njohuri nga fusha të ndryshme si: historia, gjeografia, letërsia, matematika e fizika ishte sot i ftuar në emisionin “Rudina” në Tv Klan bashkë me babain e tij Denis Yzeiraj. “Unë nuk dua ta mburr djalin tim, por ai është fëmijë shembullor. Ai ka qenë 4 vjeç e gjysmë kur ka marrë pjesë në një konkurs me 48 pjesëmarrës në Francë dhe ka fituar çmimin e parë. Pas konkursit ai ka ngritur flamurin shqiptar në Francë. Edhe drejtori i shkollës në Francë më vinte në shtëpi dhe më thoshte ke një djalë të përkryer. Ai ka qenë 3 vjeç e gjysmë kur vura re se kishte memorie shumë të fortë. Kur i tregoja përralla në të cilat përfshija shtetet dhe kryeqytetet e botës vura re se i mbante mend të gjitha. Pasi jemi kthyer nga Franca kam nisur t’i mësoj historinë e Shqipërisë dhe çdo gjë që i kisha thënë unë ai m’i tregonte mbrapsht”, tha babai i Anxhelos.

Gjatë emisionit 8-vjeçari iu përgjigj edhe një pyetësori dhe nuk gaboi në asnjërën nga përgjigjet. Ai tha po ashtu se lënda e tij e preferuar në shkollë është Matematika dhe se kur të rritet dëshiron që të bëhet inxhinier dhe gjeograf. “Këtë vit unë kam ndryshuar shkollën dhe mësuesja ende nuk e di sa shumë gjëra di, por do ta mësojë. Unë kur të rritem dua të bëhem inxhinier dhe gjeograf sepse ato ndërtojnë gradaçela. Matematika është lënda ime e preferuar në shkollë”, tha Anxhelo.

Ish-kryeministri Sali Berisha ka publikuar në profilin e tij një video ku tregon gjithë alibitë e Qeverisë dhe Taulant Ballës, në lidhje me rastin e Xhisiela Malokut.

Nëpërmjet videos Berisha tregon cilat janë sipas tij mashtrimet e Ballës, sulmet e Kryeministrit Edi Rama ndaj oficerit që denoncoi rastin Emiljano Nuhu duke e quajtur horr, si dhe përdorjen e 25 vjeçares në emisione për të manipuluar ngjarjen.

SHIKONI VIDEON KETU

Zbardhet audio e gruas nga Gjirokastra e cila coi nw komisariat juristen Eni Çobani. Shtetasja Rudina Islamaj ka denoncuar në polici avokaten Eni Çobani, sepse sipas saj, ajo e ka kërcënuar në sallë të gjyqit. Pas kallëzimit të saj, Çobani dhe Islamaj u shoqëruan në komisariatin e Policisë Gjirokastër. Çobani mohon të ketë qenë në polici dhe thotë që gjithçka shkoi mirë në gjyq.

Dritare.net ka siguruar disa shkëmbime telefonatash, midis komisariatit të policisë dhe Rudina Islamaj, që vërtetojnë se seanca gjyqësore nuk ishte aspak e zakonshme, ashtu siç pretendon Eni Çobani. Shtetasja Islamaj ka folur tre herë në telefon. Njëherë me policinë e shtetit, pastaj me zyrën e komandimit Gjirokastër dhe së fundmi me policinë e shtetit Gjirokastër, për të ta kallëzuar penalisht.

Policia kërkon që ajo të shkojë në komisariat, për kallëzim, ndërkohë Islamaj ka insistuar që ata të shkojnë në gjykatë, për ta shoqëruar Çobanin. Në telefonatën e fundit, ajo lajmërohet nga policia se duhet te paraqitet në komisariat, ku ishte njëkohësisht edhe Çobani Dritare.net është lidhur edhe me Besnik Lilën, ish-shef i komisariatit Gjirokastër, por ai nuk ka pranuar të flasë, duke thënë nuk është i autorizuar.

https://youtu.be/GOW9QNQ7M3Q

Ministria e Brendshme ka reaguar ndaj akuzave të Partisë Demokratike, se janë fshirë filmimet në Komisariatin e Krujës që tregojnë ndërhyrjen e Taulant Ballës në çështjen e djalit të deputetit të PS.

“Me urdhër të Ardi Veliut, Drejtori i Policisë së Qarkut të Durrësit, Alfred Çepe, ka ngritur një grup pune për të gjetur dhe fshirë çdo kamera që mund të provojnë praninë e Taulant Ballës, Rrahman Rrajës dhe Artur Bushit në Policinë e Fushë Krujës në 21 Korrik”, dekalroi Enkelejd Alibeaj.

Në përgjigje të kësaj deklarate Ministria e Brendshme në një njoftim për shtyp shkruan se për çdo kërcënim të pretenduar, Policia e Shtetit ka kryer veprimet proceduriale në mënyrë profesionale dhe ka referuar dosjen për ndjekje të mëtejshme në Prokurori.

Reagim i plotë

Lidhur me deklaratën e deputetit të PD-së, Ministria e Brendshme sqaron se: PD-ja po vijon të sulmojë me fakte të deformuara dhe të hedhë baltë pafund mbi Policinë e Shtetit. Për çdo kërcënim të pretenduar, Policia e Shtetit ka kryer veprimet proceduriale në mënyrë profesionale dhe ka referuar dosjen për ndjekje të mëtejshme në Prokurori.

E ka bërë këtë me denoncuesen Xhisiela Maloku, edhe pse ajo u tërhoq nga kallëzimi, që prej datës 23 korrik 2018, e ka bërë këtë edhe me denoncimin e ish-oficerit që braktisi detyrën, Emiljano Nuhu, që prej 30 korrikut 2018.

Çdo veprim i Policisë së Shtetit dhe i SHÇBA-së, që është investuar që nga momenti i parë i bërjes publike të pretendimeve, janë transparente dhe të referuara në Prokurori. Hetimet po drejtohen nga ky institucion dhe janë deleguar një sërë veprimesh, që ndihmojnë për zbardhjen shpejt të ngjarjes, zbardhjen e plotë të rrethanave, sqarimin e çdo pikëpyetjeje të publikut dhe ajo që është më e rëndësishmja, të përballen personat e implikuar me përgjegjësitë penale.

Në respekt të publikut, SHÇBA-ja sqaron se janë marrë në pyetje jo vetëm punonjësit e Policisë në Krujë, Fushë Krujë, Durrës, Berat e Tiranë, por edhe persona të tjerë që mund të kenë dijeni për faktet. Referuar deklarimeve të zyrtarit të radhës së PD-së, është realisht e provuar dhe me dokumente se pretendimi për kërcënim i ish-oficerit Nuhu është duke u hetuar që nga momenti i parë i denoncimit. Dhe këtë hetim nuk po e drejton Policia, por Prokuroria e Rrethit Gjyqësor Tiranë.

Gjithashtu, i rikujtojmë juristit Alibeaj, se në momentin kur çështja referohet në Prokurori është vetëm ky institucion, Zot i saj, dhe Policia e Shtetit është vetëm në funksion të hetimit. Të gjitha deklaratat dhe akuzat me sfond të qartë politik janë vetëm përpjekje për të intimiduar agjencitë ligj zbatuese dhe vonuar apo penguar zbardhjen e së vërtetës.

Koha kur Ministra, firmosnin urdhra drejtuar Prokurorisë dhe bëheshin Zot të çështjes, për të mbuluar paudhësitë e qeverisjes së kohës, nuk ekziston. I kujtojmë z. Alibeaj, megjithë sikletin që mund të ketë patur, se publiku e ka ende të freskët skandalin ligjor të ish-ministrit të Drejtësisë në Prokurorinë e Tiranës, për një dosje që shqetësonte pushtetin e kohës.

Në mbyllje, Ministria e Brendshme, Policia e Shtetit dhe Shërbimi për Çështjet e Brendshme dhe Ankesat mbeten të hapura, transparente dhe nxisin fort Prokurorinë për të zbardhur shpejt të vërtetat dhe rrethanat për gjithë akuzat e ngritura.