Aktualitet

Ndërsa vijon vlerësimi dhe verifikimi për një listë të gjatë emërore me gjyqtarë dhe prokurorë të cilët do të kalojnë në vetting, sot është dhënë vendimi nga Komisioni i Pavarur i Kualifikimit, për Alma Liçaj, Gjyqtarja ishte e pranishme vetë në seancë pa avokat dhe hetimi ndaj saj është kryer vetëm për kriterin e pasurisë. Alma Liçaj e ka nisur karrierën në sistemin e drejtësisë në vitin 2000.

Përreth një dekade, Liçaj ka punuar si gjyqtare në Gjykatën e Shkallës së Parë të Vlorës, ndërsa në vitin 2009 u komandua si kryetare e Gjykatës së Apelit të Vlorës, detyrë në të cilën u emërua më pas. Tre ditë më parë, gjyqtarja shpalli të pafajshëm Shpëtim Gjikën. Vendimi për gjyqtaren Liçaj vjen tre ditë pasi Gjykata e Apelit e Vlorës shpalli të pafajshëm ish kryetarin e bashkisë së Vlorës, Shpëtim Gjika.

Ai akuzohej nga prokuroria e Vlorës për katër akuza dhe më konkretisht “Shpërdorim detyre”, “Fallsifikim dokumentash”, “Fshehje të provave të krimit” dhe “Ndërtim të paligjshëm”. Prokuroria kërkoi 9 vjet bu.rg./shqiperiaime

Një rrjet mafioz që kontrollonte bastet online në Itali, është goditur këtë të mërkurë nga autoritetet anti-mafia në vendin fqinj. 68 persona janë arrestuar dhe mbi 1 miliard euro, asete janë sekuestruar, në ketë operacion të shtrirë në Pulia, Calabri dhe Sicili, por aktiviteti shtrihej në shumë vende te tjera të Europës, përfshi edhe Shqipërinë.

Por si funksiononte skema? Grupet mafioze, blinin kryesisht në Maltë liçencat për të hapur baste online duke shmangur legjislacionin italian. Me anë të pikave të basteve të ngritura në disa qytete në Itali, ata u ofronin këtë shërbim lojtarëve, por paratë nuk kalonin nëpërmjet sistemit bankar, por banka ishte mafia, e cila përllogaritet të ketë përfituar nga e gjithë kjo skemë, deri në 4.5 miliardë euro.

Nje tjeter fakt që kanë evidentuar autoritetet, është se pagesat bëheshin në dorë dhe jo siç duhet të funksiononte normalisht, nepërmjet bankës apo llogarisë së një klienti të regjistruar.

Raportohet se të gjitha fitimet, kryesisht janë investuar në pasuri të palujatshme.

Një fakt që ka shtuar dyshimet lidhur me personat e përfshire, është jeta e luksit që ata bënin. Janë mbajtur nën vëzhgim rrjetet e tyre sociale, ku ata publikonin fotografi me makina, ora por edhe udhetime luksoze, duke mos arritur të justifikonin të ardhurat.

Por çfarë roli ka pasur Shqipëria në gjithë këtë histori? Sipas autoriteteve italiane, e gjithë skema e mashtrimit, ishte e ndërtuar me anë të një kompanie të regjistruar në Curacao, e cila është tërësisht në pronesi të një kompanie shqiptare “Remonte Betting Solution”, pronë e faqes se internetit “Revolutionbet365.com” që përdorej nga grupet mafioze.

Për pastrimin e parave, ato depozitoheshin në llogarinë e kompanisë në Curacao, me pas tranferoheshin ne Shqipëri, për të shkuar përsëri në Curacao dhe me pas kaloni në Itali, si para të pastra. Pjesë e kësaj skeme ishte dhe një kompani e dhënies së makinave me qera në vendin fqinj, e cila i kalonte të gjitha fitimet në Shqipëri ku ndiqej e njejta rrugë për pastrimin e tyre.

Ndër të tjera, tek pjesa e dosjes për Shqipërinë thuhet: Kontaktet e para regjistrohen me avokatin Mirko Daidone, të cilit Fabruzio Gerolla i drejtohet duke i kërkuar informacione mbi një shoqëri bastesh te drejtuara nga vëllezërit Tare, me 400 dyqane ne të gjithë Shqipërinë, e interesuar për tu përhapur nën emrin ‘BET1128’.

Shoqeria shqiptare, për të cilën është i interesuar Gerolla, është ‘Top Bast’. Rezulton që Top Bast ka një kapital prej 22 mln lekë, e ndarë në 22000 kuota me vlerë normale 1000 lekë secila, në zotërim të Ermal Bajramit. Nga faktet, shoqëria është e vëllezërve Genti dhe Igli Tare, respektivisht konsull i Shqipërisë në Turqi dhe drejtor sportiv i Lazios

Është acaruar gjendja te bashkia e Tiranës.

Qindra banorë të zonës së Astirit janë duke protestuar kundër vendimit të bashkisë së Tiranës për shkatërrimin e shtëpive të tyre, pa kompensim.

Pas nisjes së paqtë të protestës, banorët janë acaruar dhe kanë hedhur vezë e shashka ndaj bashkisë.

Sot Veliaj e ka rrethuar bashkinë me gjithë policët e tij, ndërsa ka nxjerrë në terren edhe spiunët.

Ai ka lënë gjurmë të paharrueshme në Shqipëri dhe do të njihet si njeriu që kontribuoi fort për reformën në drejtësi, Donald Lu ndjeni 4 vite në Tiranë dhe u njoh më shumë si ambasadori Amerikan që fliste shqip. Por Lu u njoh edhe për faktin se për herë të parë përmendi emra të disa prej kriminelëve që kishin lidhje me qeverinë.

Donald Lu u njoh edhe për lidhjet e tij me Sorosin dhe promovimin e politikave të tij. Pas mbarimit të mandatit në Tiranë, Donald Lu u emërua ambasador i SHBA-së në Kirgistan. Por çfarë bën atje ambasadori Lu? Në postimin e parë të tij, Donald Lu shihet bashkë me presidentin e Kirgistanit Sooronbay Jeenbekov duke inauguruar një fabrikë qumështi.

Një histori me gjyqatarë dhe qytetarë nga ato që dëgjoni shpesh vjen në emisionin Top Story, ku një nga gjyqtaret që i është shtuar listës së gjykatësve, që kanë dhënë vendime arbitrare në kurriz të njerëzve të thjeshtë është edhe bashkëshortja e gjykatësit Shkëlzen Selimi, Rilinda Selimi. 69-vjeçari, Vangjel Liço, dikur një ish-ushtarak në Forcat e Armatosura ndaj të cilit, Rilinda Selimi është hakmarrë në mënyrë të paskrupullt. Në vitin 2012, Liço padit në gjykatën e Tiranës, Drejtorinë Rajonale të Sigurimeve Shoqërore ku kërkonte pensionin e invaliditetit, pasi kishte pësuar një hemorragji cerebrale. Ai hap edhe një gjyq të dytë për diferencat e papaguara për statusin e ushtarakut. Çuditërisht të dyja çështjet bien në duart e Rilinda Selimit, dhe këtu nis kalvari nëpër dyert e gjykatave.

“Ajo duhet të më jepte një të drejtë kushtetuese për të dalë në KEMP, një të drejtë për të cilën kam 11 vjet që nuk e kam gëzuar deri më sot”. Sipas qytetarit që denoncoiy, gjyqtarja Rilinda Selimi i zvarriti çështjet gjyqësore, si shenjë hakmarrje. “Unë bëra ankesën tek avokati i Popullit, Rilinda Selimi u hakmor ndaj meje dhe njërën nga çështjet e dha në mënyrë të pjesshme dhe çështjen e pensionit të invaliditetit e zvarriti për 1 vit e ca pa dhënë asnjë lloj vendimi. E shprehu vetë në seancat gjyqësore, se ti je ankuar dhe do të marrësh aq sa dua unë”.

Me krijimin e Gjykatës Administrative, në vitin 2014 Rilinda Selimi transferohet në këtë institucion dhe çështja e Vangjel Liços bie sërish në duart e saj. “Duke ditur një gjë të tillë, unë kam kërkuar përjashtimin e Rilinda Selimit nga shqyrtimi i kësaj çështjeje, duke e ditur që hakmarrja e saj do të vazhdonte ndaj meje”. 69-vjeçarit me aftësi të kufizuara, rrëfen peripecitë në sallat e gjyqit, që për të ka vetëm një fajtor. Ajo është Rilinda Selimi.

“Rilinda Selimi më ka shkaktuar dëm edhe në Gjykatën Administrative të Apelit, nëpërmjet kolegëve të saj sepse të gjithë gjykatësit janë të lidhur me njëri-tjetrin. Dhe vendimi që dha Gentiana Muçaj, ishte një vendim si pasojë i ndikimit të Rilinda Selimit”. Vangjel Liço dërgon një numër ankesash drejt Ministrit të Drejtësisë, të asaj kohe, por asgjë nuk ndryshoi. “Kjo gjykatëse ka qenë e mbrojtur, ka pasur të shoqin në Gjykatën e Lartë. Në Këshillin e Lartë të Drejtësisë e mbronin njerëz që kishin influencë ose kishin komunikim me të shoqin e saj, që është Shkëlzen Selimi”.

Ditën e sotme, Nikos Kotzias, ish-ministër i Jashtëm i Greqisë ka befasuar me deklaratën e tij, lidhur me kufirin shqiptar.

I ftuar në një emision radiofonik, ish-kreu i diplomacisë greke është shprehur se ushtria greke refuzon që të njohë kufijtë Greqi-Shqipëri.
Ai tha:

Ushtria duhet që të bëjë disa veprime për të njohur kufijtë, por nuk i bën. Ka disa forca në Greqi që nuk i njohin protokollet e Firences, të Parisit dhe marrëveshjen e Helsinkit”.

Kotzias i referohet ligjit të luftës me Shqipërinë që Greqia e ka ende në fuqi dhe që duhet të hiqet nga Parlamenti grek apo me dekret presidencial.

Megjithatë, lidhur me ngjarjen e fundit, ai tha se vrasja e Kostandino Kaçifas nuk duhet të lejohet që të ndikojnë në marrëdhëniet dypalëshe.