Aktualitet

Papa Francesku do të mbajë sot një udiencë me rastin e vitit mbarëkombëtar të Gjergj Kastrioti Skënderbeut, ceremoni e cila do të mbahet në Vatikan.

Kryetari i Kuvendit, Gramoz Ruçi, ndodhet në Vatikan, ne krye të delegacionit të përfaqësuesve shqiptarë, që do të marrë pjesë në udiencën që jep Papa Francesku, me rastin e vitit mbarëkombëtar të Gjergj Kastriot Skënderbeut.

Në udiencë, e cila organizohet sot pasdite në orën 17:00 do të marrin pjesë personalitete të larta shtetërore nga Shqipëria, përfaqësues të komuniteteve fetare, personalitete të artit, kulturës e medias si edhe përfaqësues të arbëreshëve dhe komuniteteve të diasporës shqiptare nga SHBA dhe vende të tjera. /atsh

Shqiptarët kanë nisur të vendosin në ballkonet e pallateve të tyre flamuj shqiptarë. Ka qenë kjo një thirrje e kryebashkiakut Erion Veliaj, për të treguar se sa krenarë jemi që jemi pjesë e këtij kombi.

Por, Bledar Spahiu e ka ndërmarrë këtë nisëm që në vitin 2012, në 100-vjetorin e themelimit të Shqipërisë së Pavarur. Flamuri qëndron përballë biznesit së tij gjatë nëntorit, në një nga rrugët e Tiranës.

“Ka 8 vjet që çdo vit nga data 17 nëntor deri më 30, e vendos gjithmonë flamurin përpara. Nuk është i rëndësishëm, por është i domosdoshëm ta ndiejmë; është gjëja më e bukur në botë”, thotë Bledari.

Edhe në shtëpinë e mësueses së historisë, Lilit, valëvitet një flamur. Për të, është gjëja minimale që shqiptarët duhet të bëjnë, të tregojnë simbolin e tyre kombëtar. Ndaj dhe nuk dëshiron të shprehet para kamerave.

Por ende, jo të gjithë banesat e shqiptarëve janë veshur me flamuj në muajin e festive kombëtare. Vetëm imagjinoni se si do të ngjajë Shqipëria në ditën e Flamurit, nëse secili prej nesh vendos nga një flamur në dritaret apo ballkonet e banesave të tyre…/Top Channel

Agrobiznesi Shqiptar përshëndet iniciativën që po ndërmerr qeveria për të përjashtuar, me zero TVSH për inputet bujqësore.

Kjo iniciativë ulë kostot për fermerët dhe shmang kontrabandën, shprehet Këshilli Agrobiznesit Shqiptar, (KASH).

“Fermerët nuk do të blejnë më inpute bujqësore me TVSH, çka do të thotë se do të paguajnë më pak për produktet bazë që përdorin në mbjelljen e tokës së tyre”, citohet KASH-i.

Kjo lehtësi është bërë pjesë e paketës fiskale dhe do të kalojë për votim në Komisionet Parlamentare e më tej në seancë plenare.

Kjo nisëm pason lehtësimin e politikës fiskale në sektorin rural dhe vjen në sinkron me përjashtim nga tatimi të Shoqërive të Bashkëpunimit Bujqësor dhe lehtësimit të aplikimit me 0 dokumente për skemat kombëtare të mbështetjes financiare dhe lançimin e fondeve të programit IPARD II me vlerë 94 milionë euro për sektorin rural shqiptar, të cilat konsiderohen për herë të parë si mbështetja më e madhe që i adresohet bujqësisë”, citon deklarata e KASH-it. /atsh

Një delegacion i Policisë Shqiptare i kryesuar nga Drejtori i Përgjithshëm i Policisë së Shtetit, Ardi Veliu dhe Drejtori i Bashkëpunimit dhe Koordinimit Ndërkombëtar Drejtues, Andi Likaj, janë bërë pjesë e punimeve të Asamblesë së Përgjithshme të Interpolit, në Dubai

Në fillimin e Asamblesë së Përgjithshme të Interpolit, delegacioni i Policisë shqiptare zhvilloi një sërë takimesh, fillimisht me Delegacionin e Ministrisë së Brendshme të Emirateve të Bashkuara Arabe që përfaqësohej nga Ahmed Nasser Al-Raisi, më pas një takim të veçantë me zv/presidentin e Interpolit, Kim Jong Yang dhe më pas me Shefin e Delegacionit të USA me drejtorin Wayne H. Salzgaber, me zv/drejtorin e Përgjithshëm të Policisë Italiane si dhe me Delegacionin e Argjentinës

Në të gjitha takimet, nga përfaqësuesit e delegacioneve, është vlerësuar puna dhe rezultatet e arritura së fundmi nga Policia e Shtetit. Operacionet e fundit në Shqipëri, si dhe operacionet e përbashkëta me Interpol, Europol, Cepol, Dea, me policinë Gjermane, Spanjolle, Italiane, Franceze, Britanike etj, tregojnë se Policia e Shtetit është partnere e barabartë me policitë homologe.

Veliu, gjatë takimeve, ka theksuar se bashkëpunimi me partnerët është një nga prioritetet kryesore të Policisë së Shtetit. Tashmë, Policia e Shtetit ka arritur besueshmëri dhe bashkëpunim mjaft të konsoliduar me partnerët, kjo certifikuar edhe nga organizmat ndërkombëtare policore, ku Policia e Shtetit u vlerësua me dy çmime të para për dy operacione të rëndësishme ndërkombëtare.

Asambleja e Përgjithshme të Interpolit është eventi më i madh botëror në lidhje me bashkëpunimin policor Ndërkombëtar, në këtë asamble e cila është e 87-ta dhe mbahet në Dubai të Emirateve të Bashkuara Arabe, marrin pjesë 173 shtete, të cilët përfaqësohen nga 85 Drejtorë të Përgjithshëm të Policisë dhe 40 Ministra./e.caushi/

Një delegacion i Policisë Shqiptare i kryesuar nga Drejtori i Përgjithshëm i Policisë së Shtetit, Ardi Veliu dhe Drejtori i Bashkëpunimit dhe Koordinimit Ndërkombëtar Drejtues, Andi Likaj, janë bërë pjesë e punimeve të Asamblesë së Përgjithshme të Interpolit, në Dubai

Në fillimin e Asamblesë së Përgjithshme të Interpolit, delegacioni i Policisë shqiptare zhvilloi një sërë takimesh, fillimisht me Delegacionin e Ministrisë së Brendshme të Emirateve të Bashkuara Arabe që përfaqësohej nga Ahmed Nasser Al-Raisi, më pas një takim të veçantë me zv/presidentin e Interpolit, Kim Jong Yang dhe më pas me Shefin e Delegacionit të USA me drejtorin Wayne H. Salzgaber, me zv/drejtorin e Përgjithshëm të Policisë Italiane si dhe me Delegacionin e Argjentinës

Në të gjitha takimet, nga përfaqësuesit e delegacioneve, është vlerësuar puna dhe rezultatet e arritura së fundmi nga Policia e Shtetit. Operacionet e fundit në Shqipëri, si dhe operacionet e përbashkëta me Interpol, Europol, Cepol, Dea, me policinë Gjermane, Spanjolle, Italiane, Franceze, Britanike etj, tregojnë se Policia e Shtetit është partnere e barabartë me policitë homologe.

Veliu, gjatë takimeve, ka theksuar se bashkëpunimi me partnerët është një nga prioritetet kryesore të Policisë së Shtetit. Tashmë, Policia e Shtetit ka arritur besueshmëri dhe bashkëpunim mjaft të konsoliduar me partnerët, kjo certifikuar edhe nga organizmat ndërkombëtare policore, ku Policia e Shtetit u vlerësua me dy çmime të para për dy operacione të rëndësishme ndërkombëtare.

Asambleja e Përgjithshme të Interpolit është eventi më i madh botëror në lidhje me bashkëpunimin policor Ndërkombëtar, në këtë asamble e cila është e 87-ta dhe mbahet në Dubai të Emirateve të Bashkuara Arabe, marrin pjesë 173 shtete, të cilët përfaqësohen nga 85 Drejtorë të Përgjithshëm të Policisë dhe 40 Ministra./atsh

Si pasojë e erës së fortë dhe detit të trazuar, janë pezulluar lundrimet e të gjitha anijeve në portin e Sarandës.

Përveç anijeve të peshkatarëve, ka pezulluar lundrimin e anija e linjës Sarandë-Korfuz, ndërsa janë marrë masa për të siguruar anijet në kalatën e portit.
Era në Sarandë i kalon 50 km në orë, ndërsa dallgët e detit 5-6 ballë, duke krijuar shikueshmëri të kufizuar.

Edhe këtë mëngjes Kryeministri Edi Rama na ka përshëndetur në rrjetin social duke na postuar një video në të cilën ai shfaqet teksa ka shkuar në shtëpinë e një qytetari. Kemi të bëjmë me shtëpinë e Ilir Koçit, të cilit i kishte premtuar se do t’i ndërtonte një banesë të re.

Sot Rama pas një muaji, ka shkuar sërish, për të treguar së shtëpia po ndërtohet, por dhe ilir është futur në një punë. “MIRËMËNGJES dhe me familjen e Ilirit, ku po kthehet shpresa tek e nesërmja dhe shtëpija e tij e re ka filluar të ngrihet, ju uroj një të dielë të qetë”, shkruan Rama në Facebook.