Komiteti Teknik i Ekspertëve ka vendosur që të shtyjë rihapjen e universiteteve duke njoftuar sot se deri tani nuk ka një vendim të dytë për rikthimin e studentëve në auditorë. Në këto kushte, studentët do të vijojnë mësimin online.
Ermira Racakolli, kryetare e KTE, tha: “Komiteti mendon që mësimi në universitete për shkak të situatës do të vazhdojë online”. Ajo që ne vazhdojmë të themi me forcë, është se beteja me Covidin nuk është spitalore, por betejë territori dhe është betejë e të gjithëve. Vetëm nëse do të zbatoni ato masa që ne me shumë forcë i kemi kërkuar vazhdimisht, vetëm në këtë mënyrë do ta ndalojmë epideminë. Në vendimet që marrim jemi të orientuar nga numrat konkretë dhe nga rekomandimet që bën OBSH dhe që bëjnë kolegët tanë në botë”.
Ndërsa sa i takon një mbylljeje të mundshme të arsimit parauniversitar, zv.ministrja e Shëndetësisë Mira Rakacolli, tha se nuk ka ndonjë ndryshim, duke shtuar se nëse shifrat do të ndryshojnë do të marrim një vendim”.
Pyetje: A jeni duke diskutuar në lidhje me një mbyllje të përkohshme të sistemit parauniversitar?
“Nuk ka ndonjë ndryshim të rëndësishëm në influencën, që hapja e shkollave të ketë pasur në një rëndim të shifrave. Ajo që Komiteti vlerëson është në radhë të parë mirëqenia në përgjithësi e fëmijëve. Në shifrat që ne jemi tani, ka një rritje. Nuk e diskutojmë për momentin sot, por është një gjë që ne e ndjekim. Nëse shifrat do të ndryshojnë dhe do jenë brenda numrave që kërkojnë masë të tillë…”.
Si kryetare e Komitetit Teknik të Ekspertëve, ajo shtoi se qytetarët duhet të kufizojnë ceremonitë familjare, aktivitetet ekonomike dhe artistike: “Janë gjëra të thjeshta, por shpëtimtare. Prandaj të vazhdojmë të mbajmë maskat, të mos shkojmë në lokale, të mos grumbullohemi më shumë se 10 veta, të eliminojmë ceremonitë, të kufizojmë pjesëmarrjen tonë në aktivitete dhe të respektojmë protokollet e sigurisë”. /no.al/
A ndiheni me fat? Numri 21 është i lidhur me fatin, rrezikun, shfrytëzimin e shanseve,dhe hedhjen e zareve. Është mosha minimale në të cilën mund të hyni në një kazino në Amerikë dhe emri i një loje të njohur me letra, Blackjack.
Të gjitha këto duken çuditërisht të përshtatshme për një vit me një nivel pasigurie të pazakontë. “Çmimi i madh” që ofrohet është shansi për të vendosur nën kontroll pandeminë e koronavirusit. Por ndërkohë, rreziqet janë të shumta, mbi shëndetin, rimëkëmbjen ekonomike dhe stabilitetin shoqëror. Ndërsa afrohet viti 2021, ja cilat janë 10 tendencat që duhen pasur në vëmendje vitin e ardhshëm.
1. Lufta mbi vaksinat
Ndërsa vaksinat e para bëhen të disponueshme në sasi të mëdha, fokusi do të zhvendoset nga përpjekja heroike në zhvillimin e tyre, tek përpjekja e madhe që duhet për shpërndarjen e shpejtë të tyre. “Diplomacia e vaksinave”, do të shoqërojë përplasjet brenda dhe midis vendeve, mbi atë se kush duhet t’i marrë ato dhe kur.
2. Një rimëkëmbje ekonomike e luhatshme
Ndërsa ekonomitë dalin nga pandemia, rimëkëmbja do të jetë e vështirë, teksa shpërthimet epidemike lokale vijnë e ikin, ndërsa qeveritë nuk mund të ndihmojnë pafundësisht sipërmarrjet private që të ndihmojnë punëtorët që kanë humbur vendet e tyre të punës. Hendeku midis kompanive të forta dhe atyre të dobëta do të zgjerohet.
3. Dalja nga kaosi i ri botëror
Sa do të jetë në gjendje Joe Biden, presidenti i sapozgjedhur i SHBA-së, që të rregullojë një rend ndërkombëtar të bazuar në rregulla? Traktati i Klimës i Parisit, dhe marrëveshja bërthamore e Iranit, janë pikat nga duhet filluar kjo punë. Por dëmet e këtij rendi që para Donald Trumpit, do ta zgjasin përtej presidencës së tij.
4. Më shumë tensione SHBA-Kinë
Mos prisni që zoti Biden ta anulojë luftën tregtare me Kinën. Përkundrazi, ai do të dëshirojë të rregullojë marrëdhëniet me aleatët, për t’i zhvilluar ato në një mënyrë më efektive. Shumë vende nga Afrika në Azinë Juglindore, po bëjnë çmos për të shmangur rreshtimin me njërën palë kur të rriten tensionet.
5. Kompanitë e vijës së frontit
Një front tjetër për konfliktin SHBA-Kinë janë kompanitë, dhe jo vetëm Huauei dhe TikTok, pasi biznesi po bëhet edhe më shumë një fushëbetejë gjeopolitike. Veç presionit nga lart, bosët e këtyre kompanive po përballen me presion nga poshtë, pasi punonjësit dhe klientët kërkojnë që ata të marrin një qasje ndaj ndryshimeve klimatike dhe drejtësisë sociale, ku politikanët kanë bërë shumë pak.
6. Pas zhvillimit të përshpejtuar të teknologjisë
Në vitin 2020, pandemia përshpejtoi përvetësimin e shumë sjelljeve teknologjike, nga video-konferencat tek blerjet në internet, puna dhe mësimi në distancë. Në vitin 2021, do të bëhet më e qartë shkalla në të cilën këto ndryshime do të mbeten ose do të kthehen pas.
7. Një botë ku do lëvizet më pak
Sektori i turizmit do të tkurret dhe do të ndryshojë formë, duke pasur më shumë theks tek udhëtimet brenda vendit. Linjat ajrore, zinxhirët e rrjeteve hoteliere, dhe prodhuesit e avionëve do të hasin shumë vështirësi, ashtu si universitetet që mbështeten shumë tek studentët e huaj. Edhe shkëmbimi kulturor do të vuajë pasojat e pandemisë.
8. Një mundësi për ndryshimin e klimës
Kjo krizë shihet si një shans i artë për të ndërmarrë veprime energjike kundër ndryshimit të klimës, teksa qeveritë po investojnë gjithnjë e më shumë planet e gjelbra të rimëkëmbjes, për të krijuar vende të reja pune dhe për të ulur emetimet e gazrave të dëmshëm në atmosferë. Sa ambicioze do të jenë premtimet në këtë fushë në konferencën e OKB për klimën, që u shty këtë vit?
9. Viti i një déjà vu-je
Ky është vetëm një shembull se si mund të jetë viti i ardhshëm në shumë aspekte, si një kapitull i dytë i vitit 2020, pasi ngjarjet përfshirë Olimpiadën, Dubai Expo, dhe shumë aktivitete të tjera politike, sportive dhe tregtare do të çelen një vit më vonë sesa ishin planifikuar. Por jo të gjithë ato do të kenë sukses.
10. Një këmbanë alarmi për rreziqe të tjera
Akademikët dhe analistët, shumë prej të cilëve e kanë paralajmëruar prej vitesh rrezikun e një pandemie, do të përpiqen të shfrytëzojnë rastin për t’i bindur politikë-bërësit të marrin më seriozisht rreziqe të tjera të neglizhuara më herët, të tilla si rezistenca ndaj antibiotikëve dhe terrorizmi bërthamor. Urojuni atyre fat.
Bamirësi Elvis Naçi ka bërë publik rastin e Elifit, vogëlushes që vuan nga tumori në kokë. Për kurimin e saj duhen 20 mijë euro.
Familjarët kanë gjetur një spital në Turqi që ka marrë përsipër ta kryejë këtë operacion të vështirë, ndaj ata kërkojnë ndihmën e çdokujt.
Të gjitha të dhënat e llogarive bankare ku mund të depozitohen ndihmat janë në shënimin e publikuar nga Hoxhë Elvis Naçi.
Postimi i plotë
Urgjente, Shperndajeni ju lutem! Elifi eshte motra jone e vogel me tumor ne koke. Duhen 20 mij euro qe Elifi te kurohet.
Familjaret kane gjetur nje spital ne Turqi qe ka marre persiper kete operacion te veshtire.
Është publikuar formulari që do të plotësojnë studentët maturantë për këtë vit. Formulari i aplikimit për në universitet bashkë me datat dhe programet orientuese është firmosur nga Ministrja e Arsimit, Evis Kushi.
Siç shihet në formular aplikimi do të nisë ditën e nesërme dhe do të zgjasë deri në 10 dhjetor. Ndërkohë bëhet e ditur se këtë vit maturantët duhet të zgjedhin që tani lëndën ku do të testohen në qershor, e cila ka rol kyç në garën universitare.
Në larminë e lëndëve që maturanti ka zhvilluar në gjimnaz, do të jenë vetëm tetë për shkollat e mesme të përgjithshme. Mësohet se ata që duan të zgjedhin një shkollë prefesionale kanë mundësi të zgjedhin mes 38 alternativave.
Në Venezuelë, aty ku lumi Catatumbo takohet me liqenin Marakaibo, bien 40 000 vetëtima brenda një nate.
Kjo ndodh çdo natë në 160 netë të vitit, nga 10 orë rresht.
Loja natyrore e dritës krijon në qiell një pamje spektakolare.
Në këtë vend brenda vetëm një ore, rrufeja godet deri në 280 herë.
Kjo stuhi është përmendur qysh në vitin 1597 në poemën “Dragontea”, të poetit Lope de Vega, ku autori shkruan për ushtarët që ishin përpjekur për të marrë nën konroll qytetin Maracaibo në vitin 1595 dhe për rrufetë e fuqishme të cilat vazhdimisht e kishin ndriçuar qiellin, duke bërë që pozicionet e ushtrisë të zbuloheshin nga mbrojtësit e qytetit.
Një skenar i ngjashëm thuhet të ketë ndodhur edhe më 24 korrik 1823, kur gjatë Luftës Civile të Venezuelës rrufetë i kishin ndriçuar dhe zbuluar pozicionet e luftanijeve të ushtrisë spanjolle.
Rrufetë e kësaj stuhie duken nga një distancë prej rreth 400 kilometra dhe janë aq të besueshme sa që ato shpesh shfrytëzohen nga anijet si pikë orientuese, e që në mesin e detarëve njihet si “Fenerkulla Maracaibo”. Veçanërisht interesant është fakti se kjo stuhi pothuajse nuk dëgjohet fare.
Ende nuk dihet se pse pikërisht në këtë vend ndodh pandërprerë ky fenomen natyror. Sipas një teorie thuhet se bashkimi i metanit të jonizuar që lirohet nga lumi Catatumbo me retë e stuhisë të cilat vijnë nga Andet krijojnë kushte ideale për stuhi.
Me gjithsej rreth 1.2 milion rrufe në vit, Relampago del Catatumbo konsiderohet të jetë prodhuesi më i madh i ozonit në botë. Kur rrufetë përshkojnë ajrin, ato prodhojnë oksid nitrik, të cilin dielli e zbërthen dhe e shndërron në ozon.
Megjithatë, ende nuk është e qartë nëse këto molekula ndonjëherë përfundojnë në shtresën mbrojtëse të ozonit lartë mbi planetin tonë të bukur.
/NOA.al
Ditë zie për arsimin shqiptar. Raportohet se tre mësues ndërruan jetë në 24 orët e fundit. Ditën e sotme Ministria e Shëndetësisë raportoi 11 jetë të humbura nga COVID-19, tre nga të cilët mësohet se ishin mësues aktiv, dy nga qarku i Elbasanit dhe një nga ai i Fierit.
Sot në mesditë raportohet se ka humbur jetën një mësuese 62-vjeçare nga Elbasani.
Ajo po kurohej prej 2 javësh në spitalin “Shefqet Ndroqi”.
Sipas autoriteteve, të dy mësuesit e qarkut të Elbasanit vuanin edhe nga sëmundje të tjera.
Një prej viktimave të 24 orëve të fundit me profesion mësues është Fatmir Sula, 62 vjeç, i cili jepte mësim në shkollën 9-vjeçare “Bishqem”.
Më herët sot paradite ndërroi jetë një mësues nga qarku i Peqinit. Lajmi u bë publik nga shkolla nëpërmjet një postimi në Facebook ku ata shprehin hidhërimin e madh për ndarjen nga jeta të mësuesit.
“Drita e shpirtit të tij u largua fizikisht, po kurrë nuk do të largohet nga brezat e nxënësve që ka lënë pas”. Sula, po kurohej prej më shumë se 10 ditësh në spitalin COVID 2”, – shkruhej në postimin e shkollës.
Raportohet se ka shkuar aktualisht në 44 numri i mësuesve aktiv me Covid-19 në qytetin e Elbasanit.
Mësohet se në 48 orët e fundit kanë rezultuar pozitiv me Covid edhe 10 mësues nga shkolla të ndryshme të këtij qarku.
Kujtojmë se brenda 24 orëve të fundit, në orët e vona të mbrëmjes së djeshme , u nda nga jeta edhe mësuesi Gramoz Abedinaj, 60-vjeç, nga qyteti i Fierit.
Lajmin e trishtë për të e dha ministrja e Arsimit, Evis Kushi, si dhe miqtë dhe kolegët e e të ndjerit, Abdenaj.
Një ditë më parë si pasojë e Covid në total ndërruan jetë në vendin tonë 12 pacientë, ndërsa sot një më pak, 11. Që nga fillimi i pandemisë kanë humbur jetën gjithsej 590 persona në vendin tonë./NOA.al
Pas rritjes së pagës minimale, pritet që të rritet edhe ajo maksimale për efekt të pagimit të sigurimeve shoqërore. Burime nga Ministria e Financave pohuan se ende nuk është vendosur, por paga maksimale pritet të rritet me 15%.
Një rritje e tillë do ta çonte pagën maksimale nga 114.7 mijë lekë, që është sot, në rreth 131 mijë lekë. Rritja e pagës maksimale pritet që të shtojë automatikisht pagesën për sigurimet shoqërore, e cila ndahet mes punëdhënësit dhe punëmarrësit.
Me pagën aktuale, prej 114.7 mijë lekë, sigurimet e paguara në total janë rreth 31.9 mijë lekë. Nëse ajo shkon 131 mijë lekë, atëherë sigurimet që do të paguhen nga punëdhënësi dhe punëmarrësi do të jenë 36.5 mijë lekë, ose 4,500 lekë në muaj më shumë, (54 mijë lekë në vit) me një rritje prej rreth 14%.
Sipas të dhënave të INSTAT, 4.6% e të punësuarve kontribuues në vend kanë një pagë mbi 120 mijë lekë, në fund të tremujorit të dytë 2020.
Rritja e pagës maksimale reflekton atë të pagës minimale, që nga 1 janari i vitit të ardhshëm do të shkojë në 30 mijë lekë, nga 26 mijë lekë që ishte më parë. Po sipas INSTAT, 27% e të punësuarve kontribuues në vend paguhen më pagë minimale.
Në total, ka 660 mijë të punësuar me kontribute në vend, nga të cilët rreth 74% janë të sektorin privat jo bujqësor. Nga totali i të punësuarve, rreth 30 mijë persona paguhen mbi 120 mijë lekë. Për këta persona do të paguhet (nga punëdhënësi dhe punëmarrësi) maksimumi 4,500 lekë më shumë çdo muaj (54 mijë lekë ne vit) ose në total 1.2-1.6 miliardë lekë më shumë (rreth 10-13 milionë euro) për vitin 2021.
Ndërsa me pagë minimale paguhen rreth 178 mijë të punësuar në vend, për të cilët pagesa e sigurimeve do të rritet me rreth 1,100 lekë në muaj, (13.3 mijë lekë në vit). Ministria e Financave ka llogaritur në projektbuxhetin 2021 se efekti i rritjes së pagës minimale në buxhet do të jetë rreth 3 miliardë lekë, ose rreth 24 milionë euro.
Si rrjedhojë, nga rritja e pagës minimale dhe maksimale në 2021, punëdhënësit dhe punëmarrësit do të paguajnë në total rreth 37 milionë euro më shumë taksa mbi pagën./Monitor
Dashi: Gjërat do të ecin ngadalë në këtë javë të dytë të nëntorit. Ditën e hënë ose të martë do të merrni një lajm që do t’ju prishë ekuilibrin. Në aspektin sentimental pritet që të keni debate me partnerin, të cilat do t’i sqaroni rreth datës 14 dhe 15. Në aspektin profesional gjithçka do të shkojë mirë, por aty nga fundi i javës do të ndjeni lodhje, prandaj është e këshillueshme që të pushoni.
Demi: Kjo do të jetë një javë e shkëlqyer për ju. Një siklet fizik nuk do t’ju pengojë që të arrini objektivat që i keni vënë vetes në punë. Ruani gjakftohtësinë dhe jini të përqendruar në maksimum. Në dashuri duket se do t’ju ecë gjithçka mirë, sidomos për beqarët, të cilët ditën e premte më datë 13 do të kenë një takim të paplanifikuar me një person interesant.
Binjakët: Pritet që kjo të jetë një javë e qetë. Rreth datës 11 dhe 12 nëntor, do të ndiheni disi melankolikë për shkak të një çështjeje familjare ende të pazgjidhur. Në fundjavë duhet ta gjeni kohën për t’iu përkushtuar partnerit. Shumë shpejt fati do t’ju trokasë në derë, prandaj është më mirë që të jeni të përgatitur. Shmangiuni shpërqendrimeve në punë dhe mundohuni të arrini objektivat që i keni vënë vetes.
Gaforrja: Pritet që gjatë këtyre ditëve të merrni një lajm, që do t’ju acarojë. Yjet ju këshillojnë që të ruani qetësinë. Mundohuni të kuptoni përse është fjala dhe ta zgjidhni problemin me diplomaci. Në dashuri fati do t’ju ndihmojë në ditët e para të javës, më pas gjërat duket sikur mezi do të ecin. Yjet ju këshillojnë që t’i shmangni zënkat me partnerin.
Luani: Gjatë këtyre ditëve do të jeni rrëzëllimës dhe në sytë e të tjerëve do të dukeni shumë tërheqës. Shfrytëzojeni këtë në avantazhin tuaj, si kur bëhet fjalë për punën edhe për dashurinë. Dukej sikur prej disa kohësh fati ju kishte braktisur. Më datë 14 situata do të ndryshojë. Pikërisht në atë ditë mund të merrni një lajm të mirë.
Virgjëresha:Kërkohet një përqendrim më i madh nga ana juaj, kur bëhet fjalë për t’i dhënë zgjidhje një problemi që ju shqetëson prej kohësh. Beqarët do të kenë rastin të krijojnë njohje të reja, sidomos në fundjavë. Yjet ju këshillojnë që të mos i besoni shumë përshtypjes së parë. Duhet kohë për ta njohur tjetrin. Puna do të shkojë mirë, por jo tamam ashtu si shpresoni.
Peshorja: Yjet ju këshillojnë që të sqaroheni me një person të dashur për ju, pasi nuk mund të vazhdoni ta injoroni më njëri-tjetrin. Dalëngadalë po afrojnë festat e fundvitit dhe nuk do të donit t’ju gjenin të mëritur. Në punë gjërat do t’ju ecin mbarë. Ditën e martë, më datë 10 nëntor, do t’ju vënë në provë të vështirë. Përqendrohuni shumë, në mënyrë që t’ia dilni mbanë.
Akrepi: Mos synoni shumë për lart, pasi mund të zhgënjeheni nga rezultatet që do të arrini. Hidhini hapat me ngadalë dhe do të shikoni se gjërat e bukura do të vijnë, edhe pse jo menjëherë. Në dashuri ka ardhur koha që të bëni disa ndryshime. Do të angazhoheni në një lidhje apo jo? Mos e zgjatni më, ka ardhur momenti që të merrni një vendim.
Shigjetari: Kjo do të jetë një javë vendimtare për karrierën tuaj. Për ata që janë në kërkim të një pune të re, do të kenë fat në këtë aspekt. Diku rreth datës 11 dhe 13 nëntor mund të merrni një telefonatë të papritur, që do t’ju hapë perspektiva të reja. Edhe në dashuri duket se gjithçka do të shkojë mirë. Tashmë ka ardhur momenti që të mendoni për të ardhmen.
Bricjapi: Nuk pritet që kjo të jetë një javë fort e mbarë për të lindurit e kësaj shenje. Fati mund të trokasë në derën tuaj në dhjetor, por për momentin mos shpresoni shumë se gjërat do të shkojnë ashtu siç dëshironi. Në punë e prisni prej kohësh një ngritje në detyrë, por për momentin është e vështirë që kjo të ndodhë. Bëni kujdes me një mikun tuaj, i cili do të rikthehet në jetën tuaj, por nuk pritet të sjellë asgjë të mirë.
Ujori: Miq të shenjës së Ujorit, sipas Paolo Foksit, java 9 deri më 15 nëntor nuk do të jetë ndër më pozitivet për ju. Që në krye të saj do të keni probleme financiare. Një shpenzim i papritur do të minojë stabilitetin tuaj ekonomik. Në dashuri gjërat do t’ju ecin mbarë vetëm në fundjavë. Atëherë më në fund do të rilindë pasioni mes jush dhe partnerit.
Peshqit: Kërkohet një përqendrim më i madh nga ana juaj, për sa i përket çështjeve të punës. Duhet të përpiqeni të shkoni mirë me të gjithë, në mënyrë që të arrini objektivat tuaja. Në dashuri gjërat do të ecin mirë në përgjithësi, por diku rreth datave 13 dhe 14 nëntor do të keni një mosmarrëveshje me partnerin, që do të zgjatë për disa ditë.
