Diten e sotme jane gjetur nje pale celesa ne Orikum. Personi te cilit i kane humbur mund te kontaktoje me pasticeri Avniun ne Orikum.
Orikum/ Jane gjetur nje pale çelesa. Ja ku mund ti gjeni! Read More »
Ish banori i Big Brother Vip Albania, Meridian Ramcaj ishte sot i ftuar në “Fitstation” nga Çenkuela Hasa.
I pyetur për rikthimin e mundshëm të Donald Veshaj dhe moderatores Bora Zemani, ish banori i BBV nuk ngurroi të ironizoj dyshen.
“Thonë që në mal bora kur nuk shkrin, mbledh të gjitha pislliqet dhe i ruan. Mos tento të shkelësh te ajo borë se gjithmonë bëhesh pis”, u shpreh Meridiani.
Bora-Donald, Meridian Ramçaj plas “bo.mbën”: Mos tento të shkelësh te ajo “Borë” se… Read More »
Ndërsa vetëm një ditë na ndan nga mbledhja e dy qeverive, asaj të Kosovës dhe qeverisë shqiptare, ministri i Brendshëm Bledi Çuçi është shprehur se të dy vendet do të gjurmojnë shtetasit që i fshihen drejtësisë.
I ndalur tek takimi që do të zhvillohet nesër (të hënën), ministri Çuçi gjithashtu tha se në mbledhje do të paraqitet marrëveshja për shkëmbim informacioni për gjendjen civile.
Në një intervistë për RTKlive në Kosovë, ai tha se kjo marrëveshje krijon databaze të shtetasve të të dy vendeve që mund të kenë ndryshuar gjeneralitetet me apo pa arsye duke përfshirë dyshimet për t’iu fshehur drejtësisë.
Ministri shtoi se policitë e të dy vendeve janë duke vazhduar disa operacione bashkarisht kundër krimit të organizuar dhe narkotrafikut.
INTERVISTA:
Zoti ministër, faleminderit që ndatë kohën Tuaj për këtë bisedë me Radio Televizionin e Kosovës!
Shqipëria dhe Kosova kanë mbledhjen e përbashkët të të dy qeverive. Me çfarë marrëveshjesh shkon ministria e Brendshme, kuptoj këtu edhe Policinë e Shtetit, për këtë mbledhje?
Bledi Çuçi: “Ministria e Brendshme do të shkojë me tre dokumente për të firmosur në mbledhjen e radhës të të dy qeverive. Kemi një marrëveshje dhe dy protokolle zbatimi marrëveshjesh. Dhe, rregullojnë aspekt së pari shkëmbimin e informacionit, të Gjendjes Civile të të dy vendeve dhe dy protokollet në funksion të dy marrëveshjeve që ne kemi nënshkruar në mbledhjen paraardhëse dhe e kompletojmë të gjithë kuadrin rregullator”.
Çfarë natyre ka shkëmbimi i informacionit ndërmjet strukturave civile dhe të policisë?
Bledi Çuçi: “Marrëveshja që do të nënshkruajmë është pikërisht për shkëmbim të informacionit që lidhen me ndryshimet e Gjendjes Civile në të dy shtetete. Dhe, që lidhet ekskluzivisht me ndryshime mbiemrash, martesa, vdekje. Pra, çdo gjë që lidhet me Regjistrin e Gjendjes Civile, të kosovarëve që janë martuar apo kosovareve që janë martuar në Shqipëri ose të shqiptarëve dhe të shqiptareve që janë martuar në Kosovë. Kjo është e domosdoshme sepse në shumë raste duke qenë dy shtete të ndryshme, ende, ka pasur edhe tentativa për t’iu fshehur qoftë edhe drejtësisë, duke u martuar, duke ndryshuar mbiemrin qoftë ndonjë burrë apo grua në Shqipëri apo në Kosovë përkatësisht. Pra, duke marrë mbiemrin e burrit apo të gruas në mënyrë që t’i shmangen disa detyrimeve që kanë me drejtësinë në vendet përkatëse. Në mënyrë perodike nëpërmjet kësaj marrëveshjeje çdo shtetas i Kosovës, qoftë i Shqipërisë dhe i Kosovës njëkohësisht, i cili bën një ndryshim në Gjendjen Civile dhe që jeton në Shqipëri, ne do ta lajmërojmë menjëherë atë në Kosovë dhe anasjelltas. Pra, çdo shtetas shqiptar i cili jeton në Kosovë dhe bën një ndryshim të Gjendjes Civile në Kosovë, do të reflektohet menjëherë edhe në Shqipëri. Pak a shumë një gjë që ne e bëjmë brenda Shërbimit tonë të Gjendjes Civile nga bashkia në bashki, do ta bëjmë për këtë kategori shtetasisht ndërmjet Shqipërisë dhe Kosovës”.
Meqenëse bëhet fjalë për shkëmbim informacionesh, Gjendjen Civile, kalojnë kohë këto procedura të shtetasve që mund të jenë të përfshirë në veprimtari kriminale?
Bledi Çuçi: “Kjo lidhet thjesht me gjurmimin e personave që kërkojnë të fshihen nëpërmjet ndryshimeve të Gjendjes Civile që i bëjnë në shtetet përkatëse. Nëqoftëse një shqiptar shkon në Kosovë dhe martohet me një kosovare fjala bie, dhe merr mbiemrin e asaj kosovares, duhet të reflektohet dhe duhet ta dijë edhe shteti shqiptar. Sepse, ky shqiptar mund të ketë probleme me drejtësinë, probleme me një institucion shqiptar dhe duke ndryshuar mbiemrin tenton t’i fshihet këtyre detyrimeve që mund të ketë me shtetin shqiptar. Për këtë qëllim ne bëjmë që nëqoftëse ndryshon një element, një komponent të Gjendjes Civile në Kosovë, ajo do t’i njoftohet menjëherë Shqipërisë dhe anasjelltas. Pra, nëqoftëse një kosovar në Shqipëri ndryshon një element të Gjendjes Civile, ne njoftojmë menjëherë shtetin e Kosovës”.
Pra, në kuadrin e përgjithshëm të sigurisë kjo do të mund të reflektohet në të gjitha Pikat e Kalimit Kufitar?
Bledi Çuçi: “Padiskut, kjo do të reflektohet kudo dhe jo vetëm në Pikat e Kalimit Kufitar. Kjo është në çdo aspekt ku mund të duhet që të gjurmohet një person i caktuar nëse ka bërë një shkelje ose një krim”.
Cilat janë problematikat më të theksuara që keni hasur pavarësisht marrëveshjeve të ndryshme apo bashkëpunimit?
Bledi Çuçi: “Për sigurinë kufitare ne gjithmonë e më tepër kemi pasur një bashkëpunim të ngushtë me shtetin e Kosovës. Sigurisht vizioni ynë është që të mos kemi kufi, sa më shpejt që të jetë e mundur. Për mua duhet të ishte që dje. Por, meqenëse jemi dy shtete të ndryshëm, duke qenë se secili nga ne ka partneritet me organizma dhe partnerë të tjerë perëndimorë dhe detyrime që lidhen nga këto, duhet të funksionojmë si dy shtete duke lehëtsuar çdo gjë brenda detyrimeve që kemi ne me parnterët dhe duke shkuar siç thashë drejt një heqjeje fare të kufirit. Ndërkohë derisa të bëhet nëse arrihet kjo gjë, ne kemi forcuar kontrollet për çdo qarkullim të jashtëligjshëm në kufijtë midis Shqipërisë dhe Kosovës. Kemi rritur ndjeshëm kontrollin dhe sigurinë, madje ndajmë territore të cakuara për ta bërë edhe më eficente punën e Policisë Kufitare ku një pjesë e mbulon Policia e Kosovës dhe një pjesë Policia e Shqipërisë. Çdo marrëveshje që lidhim në fushën e sigurisë kufitare, për sigurinë e kufirit të përbashkët është në funksion të një rritjeje të sigurisë dhe drejt vendimit përfundimtar për ta hequr fare (kufirin)”.
Në tërësi bashkëpunimi policor me Kosovën, mendoni se e ka kaluar kufirin e të qenit “i mirë”?
Bledi Çuçi: “Padiskutim! Ne kemi patrulla të përbashkëta, gjithmonë e më tepër bëjmë operacione të përbashkëta në polici, qoftë edhe me policitë kriminale. Rasti i fundit ka qenë pikërisht me Policinë Kufitare ku një operacion i përbashkët ndërmjet forcave të Policisë Kufitare Shqiptare dhe forcave të Policisë së Kosovës çoi në arrestimin e mbi 50 forcave të policisë nga të dy anët, që kishin krijuar një rrejt korrupsioni dhe kjo gjë u arriti nëpërmjet bashkëpunimit të të dy policive dhe sidomos Agjencisë së Mbikqyrjes Policore. Operacione të tilla ne kemi pasur edhe në goditjen e grupeve të organizuara kryesisht të trafiqeve të lëndëve narkotike dhe të trafikut të qenieve njerëzore”.
Sa operacione kemi ende të përbashkët në këto veprimtari në zhvillim?
Bledi Çuçi:“Janë një sërë operacionesh sipas fushave të bashkëveprimit për të goditur elementët kriminalë në administrimin e kufirit, krimit të organizuar”.
Në çfarë mënyrash bashkëpunohet me Kosovën për të goditur narkotrafikun, personat që mund të jenë me të shkuar kriminale?
Bledi Çuçi: “Janë operacione të përbashkët dhe kanë protokolle të caktuara se si bëhen. Ne nuk kemi vetëm Kosovën, por kemi partnerët europianë. Madje, disa kanë qenë me më shumë se një partner, Kosovës, Italisë dhe këto rregullohen me protokolle strikte të bashkëpunimit të të dy policive tona”.
Janë më të ndjeshme veprimtaritë në fushën e narkotrafikut në bashkëpunimin mes të dy vendeve?
Bledi Çuçi: “Narkotrafiku apo trafiku i lëndëve narkotike, është një fenomen botërore që nuk luftohet nga një shtet. Madje as nga dy shtete. Ne kemi pasur rezultate shumë pozitive që nga bashkëpunimi me policinë e Spanjës, policinë e Italisë, policinë e Gjermanisë, Kosovën, Shtetet e Bashkuara të Amerikës nëpërmjet agjenciës DEA që merret posaçërisht me trafikun kundër lëndëve narkotike. Pa këtë aktivitet të përbashkët nuk mund të kemi suskes. Burimi i lëndëve narkotike që vjen në Europë më së shumti është jashtë Europës dhe kërkon kombinimin e shumë agjencive për të arritur suksesin”.
Marrëveshjet për lejeqëndrimet dhe lejet e punës që tashmë janë të njehsuara, a e kanë lehtësuar në tërësi punën e Policisë së Shtetit për të parë mundësitë që disa persona që janë në kërkim për shtetsëi të Shqipërisë, të kenë një evidentim, një database të saktë?
-Bledi Çuçi: “Marrëveshjet kanë lehtësuar jetën e qytetarëve shqiptarë dhe kosovarë për të marrë përkatësisht leje qëndrimi në Shqiëpri për një shtetas të Kosovës dhe në Kosovë për një shtetas të Shqipërisë. Sot një shtetas i Kosovës aplikon pa dokumenta, online, për të marrë lejen e qendrimit, pra vetëm plotësosh një formular! Sigurisht duhet të shkojë të bëjë edhe fotografinë sepse leja e qëndrimit jepet me të njejtat parametra sigurie, është e njejtë me kartën e identitetit shqiptar. Pra, jepet menjëherë mjafton të deklarojë një adresë. Fillimisht jepet për një afat 5-vjeçar dhe automatikisht pas 5 vjetësh nëqoftëse do që ta bëjë, jepet pa afat”.
Në kushtet kur Kosova nuk i ka të lehtësuara procedurat e vizave, pra lehtësimin e vizave, liberalizimin, krijojnë këto ndonjë lloj problematike sepse disa shtetas mund të marrin një shtetësi…
Forcat e Posaçme “Shqiponja”, Forcat Operacionale, Policia Kriminale, Patrulla e Përgjithshme dhe Policia Rrugore janë duke zhvilluar kontrolle të befasishme në kryeqytet.
Ky aksion është realizuar me synim kapjen e personave që qarkullojnë me armë zjarri apo me lëndë narkotike, si edhe personave të shpallur në kërkim.
Kontrolle të befasishme në kryeqytet, nga të gjitha strukturat e DVP-së, për rritjen e parametrave të sigurisë.
Forcat e Posaçme “Shqiponja”, Forcat Operacionale, Policia Kriminale, Patrulla e Përgjithshme dhe Policia Rrugore janë duke zhvilluar kontrolle të befasishme në kryeqytet, për kapjen e personave që qarkullojnë me armë zjarri apo me lëndë narkotike, për kapjen e personave të shpallur në kërkim, atyre që qarkullojnë me automjete me xhama të zinj të pacertifikuar apo që drejtojnë mjetet nën efektin e alkoolit, në gjendje të dehur ose nën efektin e drogave.
Kontrollet e befasishme vijojnë në të gjithë qarkun.
Personi që shihni në foto është nëna shqiptare e cila dhunoi për vdekje djalin e saj 2 vjeç, ndërsa binjaku i tij përfundoi në spital me plagë të rënda.
Mediat spanjolle e kanë identifikuar atë si Hatixhe Kamxhiu, e cila jetonte në qytetin Bigastro, Alicante.
Ngjarja ndodhi ditën e diel, ndërsa fillimisht u tha se fëmija ishte rrëzuar nga karrigia, por më pas u zbulua krimi tronditës. 32-vjeçarja, nënë edhe e një vajze, pak pas krimit, kishte postuar në Facebook një foto me shiritin e zisë, ndërsa të shumtë ishin miqtë e të afërmit që e ngushëllonin për humbjen e madhe, por pa ditur se ishte vetë ajo që ia kishte shkaktuar vdekjen të voglit të saj.
Nëna e të vegjëlve, Hatixhe Kamxhiu , ka telefonuar urgjencën në 11 qershor nga Bigastro duke thënë se fëmija i saj ishte rrëzuar nga karrigia.
Pas mbërritjes së ambulancës, binjaku i viktimës u transportua për në spital, ndërsa ishin të qarta shenjat e dhunës në trup. Hatixhe nuk kishte precedentë penalë, por më parë kishte humbur kujdestarinë e të miturve për shkak të varësisë nga droga.
Por çfarë kanë deklaruar fiqnjët?! Të gjithë në Bigastro e kujtojnë si një grua të vetmuar me pak miq .
“Ajo ishte gjithmonë shumë nervoze , duke qortuar fëmijët e saj për gjithçka”, thotë një fqinj, i cili gjithashtu ka fëmijë të vegjël dhe kujton se Hatixhen e shihte në park me binjakët e saj.
Madje, ka dëshmi që tregojnë se vajza e madhe e Hatixhes tregonte se ajo flinte gjithmonë me njërin prej djemve binjakë, pasi ai ishte “i preferuari” i saj.
“Një ditë i thashë të mos i qortojë kështu fëmijët”, shpjegon një nga fqinjët.
“ Më tha që natën që të mos bënin zhurmë, i mbështillte fort mes çarçafëve , duke i goditur në trup që të mos lëviznin ”, shpjegon ai.
Po ashtu mediat spanjolle shkruajnë se nëna e binjakëve kishte pasur disa marrëdhënie sentimentale që kur mbërriti në qytet, por askush nuk e dinte se kush ishte babai i fëmijëve.
Tashme Hatixhe Kamxhiu është në duart e drejtësisë dhe akuzohet për veprën penale të vrasjes së të miturit dhe lëndimin e vëllait të tij binjak.
Mbyti djalin 2-vjeçar, çfarë postoi nëna shqiptare në facebook pas ngjarjes? Read More »
Dashi
Kjo do të jetë një ditë e dobishme. Ndryshimi i vendbanimit do të jetë shumë i favorshëm. Mos u trego i ashpër me të dashurën/dashurën pa arsye. Mos bëni asnjë angazhim nëse nuk jeni të sigurt se do ta respektoni atë.
Demi
Përfytyroni imazhe të ndritshme dhe të bukura në mendjen tuaj. Vizitoni një mik i cili mund të ketë nevojë për ndihmë. Ndërsa përmbushni nevojat e familjes, shpesh harroni t’i jepni kohë vetes për të pushuar.
Binjakët
Punoni shumë për mirëqenien e familjes suaj. Veprimet tuaja duhet të diktohen nga dashuria dhe vizionet pozitive dhe jo nga lakmia. Kambanat e dasmës mund të bien për disa, ndërsa disa persona të tjerë të kësaj shenje mund të gjejnë shumë shpejtë dashurinë që kërkojnë.
Gaforrja
Sot mund të merrni disa vendime të rëndësishme për të forcuar biznesin tuaj, për të cilat dikush i afërt mund t’ju ndihmojë financiarisht. Dashuria do jetë në ajër dhe mundësitë do jenë të shumta. Ju duhet të konsideroni shtyrjen e projekteve dhe shpenzimet e reja.
Luani
Nëse jeni duke përjetuar probleme shëndetësore, shqetësimi i tepërt për shëndetin tuaj vetëm mund ta përkeqësojë situatën. Sot mund të takoni një person, i cili mund t’ju japë disa këshilla të rëndësishme që do të forcojnë pozicionin tuaj financiar. Një grua do të luajë një rol të madh në suksesin tuaj sot.
Virgjëresha
Mund të përballeni me disa pengesa në jetën tuaj. Përpiqu më shumë për të arritur atë që dëshiron. Bëjini këto pengesa hapat tuaja drejt suksesit. Një i afërm do t’ju vijë në ndihmë në një kohë krize.
Peshorja
Do të jeni në gjendje të mirë shëndetësore. Marrëdhëniet bankare duhet të trajtohen me shumë kujdes. Sot nëse jepni këshilla, atëherë jini të hapur edhe për të marrë të tilla. Zgjidhni të vishni sot diçka me të cilën partneri juaj pëlqen t’ju shohë.
Akrepi
Kujdesuni për veten, relaksohuni, përndryshe lodhja mund të shkaktojë ndjenja depresioni. Sot mund të ketë shqetësime për shkak të problemeve me paratë. Sot dikush mund t’ju bëjë komplimentin që keni dashur gjithmonë t’i dëgjoni.
Shigjetari
Sot mund të grindeni me bashkëshortin/bashkëshortin tuaj për çështje që lidhen me paratë. Gjithsesi do rregulloni gjithçka me qëndrimin tuaj të qetë. Sigurohuni që të keni miratimin e të gjithëve përpara se të bëni ndryshime në mjedisin tuaj të shtëpisë.
Bricjapi
Sot, një nga prindërit tuaj mund t’ju mbajë leksione mbi rëndësinë e kursimit të parave. Duhet t’i dëgjoni me shumë kujdes. Historia juaj e dashurisë mund të marrë një kthesë të re sot, në të cilën partneri juaj mund të diskutojë perspektivën e martesës.
Ujori
Edhe pse gjatë ditës do të hasni probleme me paratë, ka të ngjarë të përfundoni me një shumë të vogël parash në mbrëmje. Mundohuni të mos ofendoni të tjerët dhe përshtatuni me nevojat e familjes suaj. Do të ketë një ëmbëlsi në jetën tuaj të dashurisë sot.
Peshqit
Kjo mund të mos jetë një ditë shumë fitimprurëse, ndaj kontrolloni situatën tuaj të parave dhe kufizoni shpenzimet tuaja. Sot do të jeni të fokusuar kryesisht tek fëmijët dhe familja. Lëvizjet romantike nuk do të japin rezultat sot.
HBA- Balerina e njohur amerikane, Cheryl Burke, ka habitur me deklaratën e saj.
Ajo ka pranuar se “kurrë nuk ka përjetuar orgazmë” gjatë marrëdhënieve seksuale që ka pasur me ish-partnerët e saj.
Koreografja e “Dancing With the Stars” e ka cilësuar këtë si “rrëfimin më të madh deri më sot”. Mediat e huaja shkruajnë se fillimisht, Burke e fshehu këtë fakt ndërsa fliste me terapisten, Miss Jaiya, për episodin e podcast-it të saj “Burke in the Game” .
“Unë nuk kam pasur kurrë një orgazëm më parë kur bëhet fjalë për marrëdhëniet seksuale. Kjo nuk reflekton në asnjë partner me të cilin kam qenë. Ajo reflekton vetëm tek unë”, rrëfeu ylli i “Dance Moms”.
Ajo paraqiti kërkesën për divorc nga aktori, Matthew Lawrence, në shkurt, ndërsa gjatë rrëfimit hezitoi të ndante të vërtetën e saj sepse nuk donte të “lëndonte” asnjë nga partnerët e saj të mëparshëm.
“Kjo nuk ka të bëjë fare me personin”, shpjegoi Burke, duke shtuar: “Kjo ka të bëjë gjithçka me mua dhe me turpin tim, me cenueshmërinë time dhe me besimin tim tek vetja”.
Ndërsa fliste për Healy-n, Burke vuri në dukje se ajo “asnjëherë nuk kishte pasur shumë biseda” me Lawrence për turpin që ndjente rreth seksit. Rrëfimi erdhi një javë pasi balerina u tha ndjekësve të saj në “Instagram” se nuk kishte “bërë seks që nga viti 2021”.
Habit balerina: Nuk kam bërë kurrë s*eks. S’kam pasur kurrë orgazëm me asnjë partner! Read More »
Një grua 70-vjeçare humbi jetën, pasi u mbyt nga një elefant në distriktin Mayurbhanj, Orissa, Indi. Pavarësisht nga ajo që mund të mendohet, humbja e jetës nga një elefant është një shkak i zakonshëm atje, por ajo që ndodhi më pas është përtej çdo logjike normale.
Sipas medias ‘The Print’, Maya Murmu, gruaja e ndjerë ndodhej në tokë pranë shtëpisë së saj, fshatit Raipal, ku shkoi për të mbushur ujë në pus. Kjo ishte një rutinë normale për Maya, por gjithçka shkoi keq kur ajo pa një tufë elefantësh që i afroheshin të tërbuar.
Ky grup gjitarësh po kthehej nga pylli i kafshëve të egra, me sa duket. Maya Murmu u përpoq të ikte me vrap, sa mundej, por një nga elefantët e ndoqi atë derisa e goditi me feçkë dhe e shkeli disa herë. Pas asaj që ndodhi, banorët e Raipalit u përpoqën të ndihmonin të plagosurën, e transferuan në një spital në Baripada. Fatkeqësisht, ajo humbi jetën rrugës.
Mjeku që ekzaminoi trupin e Maya përcaktoi shkaqet e humbjes së jetës së saj dhe të afërmit e vëzhguan atë. Deri këtu, çdo gjë normale. Megjithatë, incidenti fatkeq nuk mbaroi këtu. Kur familja e saj po përgatitej të mbante zi për trupin e Maya Murmu, një tufë prej 12 elefantësh u rishfaq dhe njëri prej tyre sulmoi të ndjerën për herë të dytë.
Gjëja më e pabesueshme është se gjitari që i mori jetën gruas 70-vjeçare dukej i njëjti me atë që nuk iu shqit të ndjerës. Fshatarët janë larguar me shpejtësi nga vendi i ngjarjes dhe trupin e gruas e kanë lënë në fshat.
Familjarët dhe miqtë e të ndjerës deshën të largoheshin nga zona, por elefantët u larguan të nesërmen dhe zgjimi u bë, këtë herë, pa asnjë surprizë. “Ne ishim të frikësuar pas pranisë së tufës së elefantëve atje. Asnjëherë më parë nuk kemi parë një tufë kaq të egër elefantësh, – tha një zyrtar i zonës për “Times of India”.
– Kemi marrë masa për të siguruar dëmshpërblim ndaj të afërmve të të ndjerës. Fillimisht do të rimbursojmë 10 mijë rubla për funeralin dhe ritualet përkatëse nga shuma e dëmshpërblimit. Pasi familjarët të aplikojnë për ndihmë, do të vijojmë me procesin kompensues”.
Elefanti vret gruan por shfaqet edhe në funeralin e saj për ta sulmuar sërish Read More »
