Orikuminews

Nexhmie Hoxha

30 gjera qe nuk i dini per Nexhmie Hoxhen !

Kuriozitete / /

Nexhmije Hoxha, e veja e ish- liderit komunist, Enver Hoxha, është ndarë nga jeta një vit më parë. Ajo ishte ndër figurat më eminente të kohës së komunizmit në Shqipëri.

Dokumentarë e gazeta të ndryshme kanë folur e shkruar rreth veprimtarisë së saj duke e etiketuar edhe me emrin “Marimënga e zezë e Shqipërisë”.

Joel Soler, autori francez i “Despot Housewives”, dokumentar i cili përfshin gratë e komunistëve në kohën moderne, pas një interviste të gjatë me Nexhmije Hoxhën, është shprehur – “Nexhmije Hoxha është një zonjë e rëndë me një frëngjishte të shkëlqyeshme”.

Albanian Post rradhit 30 fakte që ju duhet t’i dini rreth këtij personazhi që kishte ndikim të jashtëzakonshëm në periudhën komuniste të Shqipërisë.

1. Nexhmije Hoxha erdhi në jetë me 8 shkurt të vitit 1921.

2. Ajo u lind në qytetin e Manastirit të Maqedonisë së Veriut.

3. Mbiemri i saj i vajzërise ishte – Xhuglini.

4. Naxhije dhe Tefik – ishin emrat e prindërve të saj.

5. Familja e saj kishte origjinë nga Dibra.

6. Më 1928, Nexhmije Hoxha bashkë me familje shpërngulën në Tiranë.

7. Ndoqi me gjysmë burse dhe përfundoi Institutin Femëror Pedagogjik “Nana Mbretneshë”, në Tiranë.

8. Më 10 nëntor të vitit 1941 figuron e regjistruar në Federatën Fashiste të Tiranës.
9. Me dekretin ministror të datës 20 dhjetor të vitit 1941, Nexhmije Hoxha – Xhuglini u emërua mësuese filloreje në Tiranë.

10. Pas çlirimit të vendit vazhdoi me korrespodencë studimet e larta në Fakultetin Histori-Filologji, dega Gjuhë-Letërsi.
11. Ka marrë pjesë në mbledhjen themeluese të Rinisë Komuniste të Shqipërisë, 22-23 nëntor të vitit 1941.

12. Gjatë luftës mori pjesë si delegate në të gjitha konferencat kombëtare si atë të Pezës, Labinotit dhe Përmetit.

13. Pas çlirimit të vendit, ajo kishte kryer funksione të larta partie dhe shoqërore.

14. Në Kongresin e Parë të PKSH-së u zgjodh anëtare e Komitetit Qendror.

15. Për një kohë kishte qenë edhe presidente e Bashkimit të Grave Antifashiste të Shqipërisë.

16. Ishte përfaqësuese e popullit në Kuvendin Popullor në të gjitha legjislaturat e tij.

17. Ka qenë drejtoreshë e Drejtorisë së Propagandës, Arsimit dhe Kulturës në Komitetin Qendror të Partisë së Punës të Shqipërisë.

18. Me Enver Hoxhën u martua me 1 janar të vitit 1945.

19. Diferenca e moshës mes tyre ishte 13 vite.

20. Nexhmije Hoxha në martesën me Enverin, lindi tre fëmijë, 2 djem dhe një vajzë.
21. Nga viti 1966 e në vazhdim kreu detyrën e drejtoreshës së Institutit të Studimeve Marksiste-Leniniste pranë Komitetit Qendror të PPSH-së.

22. Ka kryer edhe veprimtari studimore dhe publicistike.

23. Në vitin 1988 u zgjodh kryetare e Frontit Demokratik të Shqipërisë.

24. Është vlerësuar me 13 dekorata, si dhe Urdhrin “Hero i Punës Socialiste”.

25. Ka botuar disa libra – Jeta ime me Enverin (1998), Lufta jonë çlirimtare (2011), Kosova e lirë (2015) dhe Përjetime dhe meditime në jetën time politike – 2020.

26. Në janar të vitit 1992 u arrestua me akuzën e abuzimit të fondeve dhe u dënua me 9 vjet burg, të cilat u bënë 11 kur ajo apeloi në gradën e dytë të gjykimit.

27. Nga 11 vite dënim me burg, ajo mbajti vetëm 5 nga to.

28. Në vitin 1998, Nexhmije Hoxha shkoi në Maqedonine e Veriut për herë të parë pas 70 vitesh.

29. Nexhmije Hoxha ishte ateiste.

30. Vitet e fundit të jetës i kaloi duke jetuar e vetme në shtëpinë e saj në zonën e Laprakës, në Tiranë. Ku edhe vdiq në moshën 99 vjeçare, më 26 shkurt të vitit 2020.

30 gjera qe nuk i dini per Nexhmie Hoxhen ! Read More »

Makinat e vjedhura

Zbulohet skema! Ja si futen dhe shiten ne Shqiperi makinat e vjedhura jashte!

Aktualitet / /

Trafikimi i makinave luksoze që vidhen në perëndim dhe sillen në vendin tonë me synim shitjen e tyre është kthyer në trend në vitet e fundit. Zakonisht shqiptarët vjedhin makinat luksoze që kushtojnë më shumë. Fillimisht ato pikasen dhe më pas nis plani për vjedhjen e tyre. Për ata shqiptarë që e kanë kthyer në zakon këtë mënyrë veprimi në perëndim, nuk është shumë e vështirë. Ka mënyra të shumta për të vjedhur në makinë, por më e shpeshta është përmes çelësave inteligjent.

Pasi e shtinë në dorë, plani i radhës është sjellja e saj në Shqipëri dhe shitja. I tillë ishte rasti i 15 nëntorit, që u godit nga Seksioni për Hetimin e Trafiqeve të Paligjshme në Policinë e Tiranës. Një 36-vjeçar u arrestua pasi për 9 mijë euro bleu një makinë “BMË” seria 5 që ishte vjedhur nga 2 persona të tjerë në Britani të Madhe, njëri prej të cilëve shqiptar dhe tjetri nga Rumania. Si ky rast, burime pranë policisë i thanë Report Tv se nga janari deri më tani janë në total rreth 25 makina që janë kapur vetëm në kryeqytet, të vjedhura jashtë dhe me synim shitjen brenda vendit. Makinat kanë rezultuar të vjedhura jo vetëm në Britani të Madhe, pore dhe Gjermani, Itali e shtete të tjera.
Por, çfarë skeme përdorin trafikantët e makinave luksoze?

Pasi janë vjedhur në perëndim, makinat i sjellin në rrugë tokësore deri në pikat kufitare që lidhin Shqipërinë me Kosovën dhe Malin e Zi, Morinë, Muriqan dhe Han të Hotit. Për të kaluar doganën, trafikantët dorëzojnë një dokument sikur mjeti është marrë me qira, por që në fakt ka rezultuar të jetë fals. Pasi marrin dritën jeshile për të kaluar në tokën shqiptare, nuk përdorin me të njëjtin dokument qiraje, por përdoret një akt shit-blerje, po ashtu i falsifikuar, dhe dokumenti i zhdoganimit, për të targuar makinën.

Në rastet që kanë mundur të “gënjejnë” autoritetet ka rezultuar se menjëherë më pas makina është shitur tek persona të tretë, me qëllim humbjen e gjurmëve të origjinës se ku është vjedhur. Burimet thonë se ka pasur raste të personave që i kanë blerë këto makina dhe nuk kanë pasur asnjë dijeni se më herët ka qenë e vjedhur, por që policia është dashur t’ia sekuestrojë, pavarësisht dëmit ekonomik që i është shkaktuar.

Zbulohet skema! Ja si futen dhe shiten ne Shqiperi makinat e vjedhura jashte! Read More »

kombetarja e shqiperise

Habit trajneri i Moldavise: Ja cfare me ngeli ‘PENG’ nga ndeshja me Shqiperine.

Sport / /

Moldavia është vetëm një fitore larg arritjes në Euro 2024. Mjafton një sukses ndaj Çekisë në aktin e fundit kualifikues, për të prerë biletën për në Gjermani.Trajneri i moldavëve, Serghei Clescencos pati vetëm fjalë të mira për skuadrën e tij, edhe pse barazoi 1-1 mbrëmë ndaj Shqipërisë.

“Nuk fituam, por luajtëm me një energji të jashtëzakonshme dhe dhamë më të mirën tonë në fushë. Kjo do të thotë se fitorja do të vijë në ndeshjen e radhës. Sigurisht që u bë më e vështirë pas penalltisë së Shqipërisë, por në pjesën e dytë luajtëm shumë më mirë se në të parën. Djemtë dhanë gjithçka kishin, u jam shumë mirënjohës. Skuadra ishte e vendosur për fitore, një gjë e tillë u dallua në pjesën e dytë. Për fat të keq, në të parën na munguan vertikalizimet, nuk ishim shumë aktivë në sulm. Por, në fraksionin e dytë djemtë u çliruan, nisën të sulmonin dhe arritëm të shënonim. Gjithsesi, ne e kemi në duart tona çështjen e kualifikimit.

Shqipëria? Ata nuk krijuan aq sa ne në pjesën e dytë. E pranoj, Shqipëria na vuri në vështirësi me disa kundërsulme të shpejta, por rastet më të pastra i kishim ne. Nëse do të kishim patur pak më shumë fat, do të kishim shënuar edhe golin e dytë. Ne nuk pritnim të ‘shtypnim’ ekipin kundërshtar. Pjesa e parë nuk ishte pozitive, por ne gjithmonë luajmë më mirë në pjesët e dyta” – Tha ai.

Habit trajneri i Moldavise: Ja cfare me ngeli ‘PENG’ nga ndeshja me Shqiperine. Read More »

Grabitje me arme ne Dukat! Arrestohet nje prej autoreve

Aktualitet / /

Policia e Vlorës ka arrestuar një 32-vjeçar, i cili ditën e djeshme nën kërcënimin e armës dhe i maskuar vodhi një shumë parash në një firmë ndërtimi në fshatin Dukat i Ri. I arrestuari rezulton person me precedent të theksuar penal, ndërsa në cilësinë e provës materiale u sekuestrua një automjet dhe një aparat celular. Sakaq, është shpallur në kërkim një person tjetër, i cili dyshohet të jetë bashkëpunëtor i autorit.
Policia informon se ‘shërbimet e Policisë, menjëherë pas marrjes së njoftimit për një rast vjedhjeje me armë, në zyrën e një firme ndërtimi, në fshatin Dukat i Ri, kanë organizuar punën në kuadër të operacionit policor të koduar “Outsider”, me qëllim kapjen dhe arrestimin e autorëve të këtij rasti.

Si rezultat i veprimeve të shpejta proceduralo-hetimore, me mbështetjen e inteligjencës informative, është zbardhur ky rast vjedhjeje, si dhe në bashkëpunim me Komisariatin e Policisë Fier, u kap dhe u vu në pranga shtetasi S. C., 32 vjeç, banues në Fier. 32-vjeçari, me precedent të mëparshëm penal në fushën e vjedhjes.

Nga hetimet ka rezultuar se shtetasi S. C., në bashkëpunim me një shtetas tjetër, në orët e para të mëngjesit të djeshëm, të maskuar dhe duke kërcënuar me një arme zjarri kallashnikov, kanë marrë një shumë parash, në zyrën e një firme private ndërtimi, në fshatin Dukat i Ri dhe më pas janë larguar me automjet.
Vijon puna intensive për identifikimin dhe kapjen e bashkëpuntorit të shtetasit S. C. Në cilësinë e provës materiale janë sekuestruar automjeti që dyshohet se është përdorur gjatë kryerjes së këtij krimi, si dhe një celular. Materialet procedurale i kaluan Prokurorisë pranë Gjykatës së Shkallës së Parë Vlorë, për veprime të mëtejshme’.

Grabitje me arme ne Dukat! Arrestohet nje prej autoreve Read More »

A e mbeshtet krahina Qetsorin ne rrugetimin e tij te dyte ne Big Brother ?

Aktualitet, Te fundit nga zona / /

Qetsor Ferrunaj u be per here te dyte pjese e reality show me te madh Big Brother VIP Albania. Pavaresisht faktit se nje pjese publikut nuk e mbeshteti hyrjen e tij te dyte ne Big Brother, ne shume pak dite Qetsori ja arriti qe me lojen e tij te behet faktor brenda shtepise. Kjo u vertetua ne Primin e fundit ku ai ishte ne qender te vemendjes dhe mori nje pjese te konsiderueshme te kohes televizive.

Qetsori eshte nje lojtar qe e njeh shume mire kete loje dhe ai eshte duke luajtur bukur per te kapur finalen por edhe pse jo per te fituar. Ajo qe vihet re eshte se ai verte po luan forte por nga ana tjeter tregohet shume i kujdesshem qe loja e tij te jete brenda normave, rregullave dhe etikes se komunikimit.

Por a e mbeshte publiku i zones rrugetimin e Qetsorit per here te dyte ? Fillimisht nje pjese ishin skeptike dhe nuk e perkrahen hyrjen e tij per here te dyte me mendimin se kohet kane ndryshuar dhe ndoshta ai nuk ka cfare te jape nga vetja kete here. Por ne fakt ai ka filluar te rrembeje zermat e publikut dhe mbeshtetja per te po rritet dita dites.

URIME DHE SUKSESE QETSORIT

A e mbeshtet krahina Qetsorin ne rrugetimin e tij te dyte ne Big Brother ? Read More »