Orikuminews

Këshilli Kombëtar i Restaurimeve ka miratuar projektin për “ Rikualifikimin e zonës urbane pranë qendrës së qytetit Vlorë” që përfshin hartimin e projektit urban, restaurimin e monumenteve të kulturës në këtë zonë dhe rikonstruksionin e objekteve të tjerë.
Ky projekt do të zbatojë restaurimin në zemër të Vlorës, aty ku qyteti ende ruan identitetin, gjurmë të ndërtimeve të fundit të shekullit të 19‐të dhe fillimit të shekullit të 20‐të . Do ti nënshtrohen restaurimit : Rruga “Justin Godar”, ish-pazari, “lagjja e hebrenjëve”, klubi “Labëria” dhe ish-Sinagoga, xhamia e Tabakëve, më e madhja e qytetit, etj. Vlora dhe kjo qendër historike mëton se diversiteti dhe bashkëjetesa e kulturave dhe e feve është pjesë e së përditshmes dhe e historisë. Ministria e Kulturës, Instituti i Monumenteve vazhdojnë të zbatojnë një nga politikat e rëndësishme në trashëgiminë kulturore, ku diversiteti i vlerave, kulturave dhe feve, bën pjesë në trashëgiminë që duam të ruajmë dhe promovojmë.
Programi i qeverisë shqiptare që udhëhiqet nga Ministria e Kulturës, për rijetëzimin e qendrave historike dhe kthimin e tyre në pole jo veç tërheqëse për turistët por dhe për t’i dhënë hov zhvillimit ekonomik të zones ka filluar të japë japë frytet e veta.
Projekti për “Restaurimin dhe rikualifikimin urban të ansamblit ndёrtimor “Qendra Historike Vlore” kaloi pas një sërë mendimesh, diskutimesh dhe konsultimeve të gjera duke i hapur rrugën kështu restaurimit, konservimit dhe rehabilitimit të vendbanimeve tradicionale dhe zonave të trashëgimisë kulturore.
Brenda kufijve të zonës së projektit ndodhen disa monumente kulture të kategorisë së parë si edhe rruga më e rëndësishme e qytetit për nga vlerat arkitektonike‐historike që mbart: rruga “Justin Godard”.
Rruga Justin Godard ka qënë rruga kryesore e qytetit në periudhën e Rilindjes së Pavarësisë Kombëtare. Cepi perëndimor i saj të nxjerr tek Sheshi i Flamurit, kurse ana lindore në Lagjen Partizani në drejtim të Babicës ku ka shumë foto të hyrjes së luftëtarëve më 1920. Shtëpitë janë me dy kate, me ballkone të vegjël të stilit neoklasik. Degëzimet e rrugëve sekondare të çojnë tek ish-pazari, “lagjja e hebrenjëve”, klubi “Laberia” dhe ish-Sinagoga. Në fund, nga ana lindore ka qënë dhe xhamia e Tabakëve, më e madhja e qytetit. Rruga ka patur disa ndërtesa shoqërore në shekullin e XIX, si një sahat (kullë) dhe Posta e qytetit. Kompleksi e ka marrë emrin nga juristi i njohur francez Justin Godard, i cili ka mbrojtur të drejtat e Shqipërisë në Konferencën e Paqes në Paris, më 1919. Godard ka qenë mik i shqiptarëve dhe ka ndihmuar dhe me fonde ekspeditën e arkeologut Leon Rey në Apolloni.
Ky projekt bëhet i mundur falë bashkëpunimit teknik dhe financiar me Fondacionin Shqiptaro-Amerikan për Zhvillim, sipas të njëjtit model me të cilin është punuar për rijetëzimin e Pazarit të Korçës, të Krujës, Gjirokastrës.

Njoftim nga Njesia Administrative Orikum per gjithe banoret e krahines :

Ju njoftojme se diten e enjte me date 13.04.2017 ora 12:00 Fondi Shqipetar i Zhvillimit do te organizoje ne Njesine Administrative Orikum prezantimin publik te “Fisibilitetit Teknik per Ujesiellsin Dukat, Tragjas, Radhime, Jonufer “ Jeni te lutur te merrni pjese. Faleminderit!

Kompania konsulente ka perfunduar pergatitjen e fisibilitetit teknik per skemen “Dukat, Tragjas, Jonufer, Radhime”, dhe donatori KfW ka dhene miratimin per kete fisibilitet. Fondi Shqiptar i Zhvillimit do te organizoje prezantimin ne publik te Fisibilitetit teknik per kete skeme.

Ky takim ka si qellim presantimin e skemes i cili do te behet nga stafi i Konsulences Posch & Partners. Ne kete takim, do te jete i pranishem edhe Zv. Drejtuesi i kompanise Projektuese Z. Arian Dungu, i cili do te mbaje shenim te gjitha komentet qe mund te dalin nga ky takim per tu reflektuar me vone ne projekt. Nga FSHZH, do te jene te pranishem perfaqesues nga zyra e Njesise se Menaxhimit te Programit te Ujesjellesave Rural III.

Axhenda e propozuar do te jete:

Data e Takimit: 13 Prill 2017 ora 12:00. ·

Vendi Takimit: Njesia administrative Orikum.

Pjesemarrja: Perfaqsues nga Bashkia Vlore dhe Njesia Administrative Orikum, Kompania UK Vlore, Kryepleqte e fshatrave Dukat, Tragjas, Radhime; 2 perfaqsues nga keshilli i fshatit perfitues (Dukat, Tragjas, Jonufer, Radhime) me te cilet do te formohet edhe Grupi i Perfituesve te Ujit.