Ish-ministri i Drejtësi Ylli Manjani ka komentuar sulmin e fundit të mazhorancës ndaj Presidentit Ilir Meta, i cili i ktheu mbrapsh kreut të qeverisë, ligjin për shembjen e teatrit Kombëtar.
“Çfarë llogjike! – shkruan Manjani. – Nëse do ta dekretonte ligjin, Presidenti nuk do të ishte palë. Tani që e ktheu, quhet palë!
Rilindasit nuk quhen as palë tashmë. Hajde, hajde! Logjikë tepsie! Do të bëjnë mirë t’i thërrasin fiqirit, rradakes, e të lexojnë Kushtetutën, jo Kushte Kullën!”përfundon Manjani me ironi.
Reagimi i Manjanit erdhi një ditë pasi PS-ja deklaroi nëpërmjet Taulant Ballës, kreu të Grupit parlamentar, lidhur me mosdekretimin e ligjit të Teatrit se “fatkeqësisht sot thirrjeve te Lulit e Mones iu pergjigj Presidenti i Republikes, i cili, deri me sot, ka patur nje sjellje te admirueshme, duke mos u bere pale as e politikave te familjes se tij, as e lojrave te partise se tij. Presidenti zgjodhi te mbaje gjalle farsen e opozites me Teatrin. Te po te njejteve individe qe protestonin kunder parkut te lodrave, kunder bulevardit te ri, kunder Rilindjes Urbane ne cdo qytet te Shqiperise.
Ministria e Infrastruktures dhe Enegjise ka hapur diten e Marte garen per koncesionin ne formen e partneritetit publik privat, pjese e projektit 1 miliarde per segmentin rrugore Porti i Jahteve – Orikum – Llogora.
Pagesa e qeverise do behet me keste deri ne eprfundim te kontrates.
Kjo rruge ka nje gjatesi prej 14.7 kilometra dhe nis nga Porti i Jahteve, kalon bypas Orikumin dhe perfundon ne Dukat ne Uren e Shen Elizes. Shpejtesia e rruges do rritet nga 40 km/ore qe eshte aktualisht deri ne 60-100 km/ore. Rruga do jete me dy korsi.
Kjo rruge pritet te lehtesoje shume trafikun ne zonen bregdetare e cila eshte problem sidomos ne sezonin turistik.
Ne te ardhmnen kjo rruge do beje dhe lidhjen me Himaren nepermjet nje tuneli qe do ndertohet.
Lista e Erion Veliaj me firmëtarët “artistë” që i kërkojnë Presidentit Meta për të firmosur ligjin që i jep firmës “Fusha SHPK” rezulton të jetë e falsifikuar. I indinjuar, dhe në një reagim që vjen nga Sofje e Bullgarisë ku ndodhet prej një muaji, shkrimtari Stefan Çapaliku zbulon skandalin e falsifikimit që për Erion Veliajn është bërë e përditshme.
“I lumtur sa s’ka, qe mbas nje muaj qëndrimi ne Sofie, ne rezidencën e shkrimtareve dhe përkthyesve “Next Page”, arrita te shkruaj vëllimin e trete te romanit tim “Secili çmendet simbas mënyrës se vet”, mësoj se si ne atdhe çmendet dikush tjetër, qe shkruan për mua se qenkam bere pro shembjes se teatrit” shprehet shkrimtari në një postim në profilin e tij në facebook.
Pak kohë më parë , Erion Veliajt iu zbulua falsifikimi me listën e mbështetësve të shembjes së Teatrit. Ishte aktorja Pavlina Mani që mohoi se bashkëshorti i saj Pirro Mani të kishte firmosur një listë ët Veliajt. Pavlina tha asokohe se Pirro ndodhej në Shtetet e Bashkuara të Amerikës dhe i shtruar në spital për shkak të një sëmundje.
Bashkia Selenicë në vazhdim të përmirësimit të saj në shërbim të qytetarëve ka nisur zbatimin e projektit për rehabilitimin e fushës së sportit në qytetin e Selenicës.
Ky projekt përfshin ndërtimin e një godine, rrethimin dhe rikonstruksionin total të fushës.Një premtim i mbajtur nga Kryetari i Bashkisë Z.Përparim Shametaj dhe financuar nga buxheti i Bashkisë.Ky investim do të rrisi ndjeshëm aktivitetet sportive të zonës sonë.
Sot u ktheva nga Ohri drejt Orikumit. Në mëngjes sapo i thashë mirëutakofshim recepsionistit të hotelit më ze rrugën një makinë e Shqipërisë. Bëhu pak më anash,i thashë ,sa të kaloj. Më pa sikur isha vrasësi i babait të tij.
-Mos bëj fjalë,të lutem,-më tha gruaja. Po zjeja,por heshta. Prita e pas plot 6 minutash erdhi zonja e tij,vendosi valixhen prapa,mbylli bagazhin e ata u nisën. Ne pas tyre.
Në Qafë Thanë radhë e madhe makinash. U futëm dhe ne në atë varg. Kur anash si predhë kalon një benz i madh e na del i pari. Nuk durova,hapa derën e i bërtita policit. Por ai as më ktheu kokën. Një burrë ngjitur me makinën time më këshilloi:
-Mos u merr me mafiozët!
Hyra në makinë.Poshtë kufirit,ka plot lavazhe. Një çun i ri mbante një zorrë uji në dorë e lagte gjithë makinat që kalonin. E kishte si ftesë për t’u larë. I rashë borijes,i bërtita ta largonte ujin,por tamam në fund të fjalisë ma hodhi m’u para xhamit të parë. Ndalova e desha të zbrisja,kur m’ua frua një çun,shoku i vet e më tha:
-Lere se ka pirë ca dopjo raki. Heshta,ika përpara. Në rrugën e metalurgjikut në Elbasan më parakalon një fuoristradë tamam atje ku tabela e ndalon,por për fat të keq atij para i del një maune e s’kish ku të shkonte,ngjitet me mua. U shmanga,gati dola nga rruga. U nxeha,por nuk i fola se iku si predhë e më la glasën.
Ndëkohë në radio dëgjoj se do rritet çmimi i ujit në Tiranë.
Çfarë populli jemi kështu? Ujë s’kemi e çmimin e rritin. Veliaj as që merr mundimin të bëjë transparencë të problemit.Jemi pasivë sa më s’ka ,- foli gruaja.
Aty nuk durova më,fola,por i nxehur.
-Pasivin gjithkush ta kërkojë te vetja,- ia nisa.- Katër Erionë na e nxinë jetën sot. Sa u nisëm një Erion na zuri rrugën. Hesht,më the. Në kufi hyri një Erion pa radhë. Lere se është i mafies,më tha dikush. Një Erion na lagu me zorë. Heshtëm se ishte i dehur. Tani Erioni i fuoristradës për pak na çoi në Sharrë e nuk ndaloi as të na shihte se mos kishim nevojë për mjek. Kështu jemi si popull.
I vemë drynin gojës e Erionët bëhen bashkë,prodhojnë monstrën Veliaj që rriti taksat,shtrenjtoi biletën e urbanit ,shtoi për pensionistët një pagesë që e quan shkollore,po rrjep troje e po jep koncesione. Quan qenër të gjithë ata që duan informacion për aferat e tij.Askush nuk u ngrit,askush nuk foli se sharra nuk na ka mberritur ende në kockë. Por po e hëngrëm këtë herë atëhere bast që ai do na shesë dhe ajrin që thithim. E do na e quajë oksigjen pylli,jo helm Tirane.
Doja të vazhdoja,por e pashë që po grija kot. Ajo kishte vënë kufjet e dëgjonte Rita Orën. Bjeri legenit byrazer,i dhashë zemër vetes. Ndaj i rashë borijes kot..
ROSKOVEC- Katër nipër janë bërë bashkë dhe kanë dhunuar xhaxhain e tyre 55-vjeçar, me inicialet Xh.M. Ngjarja ka ndodhur ditën e djeshme në Roskovec të Fierit. Fillimisht ka nisur një sherr mes tyre, që më pas ka degjeneruar në përdorimin e dhunës.
“Më datë 24.07.2018, u referuan materialet në Prokurorinë Pranë Gjykatës së Shkallës së Parë Fier, për shtetasit A.M., E.M., V.M., dhe L.M., vjeç 42, 26, 22 e 21, banues në fshatin Vlosh, Roskovec, pasi dyshohet se kanë ushtruar dhune fizike ndaj xhaxhait të tyre, shtetasit Xh.M., vjeç 55. Neni 130/a/1 i Kodit Penal”, thuhet në njoftimin e policisë.
Ende nuk dihen motivet që kanë çuar në këtë sherr, që pasoi me dhunën e katër të rinjve ndaj xhaxhait të tyre.
Sakaq, policia po punon për zbardhjen e plotë të rrethanave të ngjarjes.
Flitet herë pas here për orientimin e tij seksual, preferencat gjinore e madje ka pasur edhe nga ata që e kanë quajtur Zogun e Tironës “gay”.
Mirëpo, teksa të tjerët flasin, ai vijon të ushtrojë profesionin si gazetar e në të njëjtën kohë ka një jetë private tepër interesante.
Sëfundmi Hermesi na ka prezantuar me të dashurën e tij të fundit, një vajzë bukuroshe me të cilën ka kaluar disa ditë pushime.
Fotot e saj në rrjetet sociale e tregojnë mjaft sexy dhe jo nga ato vajza që ndoshta mund të lidhen me meshkuj gay, ndaj bukuroshja edhe një herë na ka hedhur poshtë të gjitha dyshimet mbi orientimin seksual të Zogut.
Sot është prova e zjarrtë për procesin e vetingut sepse do të jepet vendimi për gjyqtarin personal të Ramës, Ardian Dvoranin, i cili është kapur nga këto institucione të vlerësimit të pasurisë se ka fshehur 99 milionë lekë. Dvorani, një ish hetues i krimeve të diktaturës në kohën e vrasjeve në kufi në Shkodër është piketuar nga Rama për tu komanuar në Gjykatën Kushtetuese dhe sot do të provohet se vetingu varet direkt nga Rama. Kush do ai e kalon vetingun dhe kush nuk do ai nuk e kalon këtë proces.
Komisioni i Pavarur i Kualifikimit provoi sërish sot se po zbaton standarde të dyfishta për gjyqtarët dhe prokurorët që i shërbëjnë Edi Ramës. Ardian Dvorani, gjykatësi i lartë, që njihet publikisht si “çanta e shpinës e Fatmir Xhafës”, është simboli i shërbëtorit politik të Edi Ramës në sistemin e drejtësisë.
Ai u mor në mbrojtje nga Komisioni i Pavarur i Kualifikimit, pavarësisht se anëtari I Gjykatës së Lartë, sipas Inspektoriatit të Pasurive, nuk justifikonte 99 milionë lekë.
Në një rast të paprecedentë, KPK përmbysi raportin e Inspektoriatit me justifikimin se Dvorani ka harruar të dorëzojë një fletë nga deklarimi i pasurisë.
Sjellja me dy standarde e organeve të vetingut ka vënë në dyshim serioz besueshmërinë ndaj procesit, i cili po provon se nuk udhëhiqet nga ligji dhe se është një proces i korruptuar politikisht.
Komisioni i Pavarur i Kualifikimit nuk ka gjetur tek Ardian Dvorani asnjë problem me integritetin e tij profesional. Por, nëse do të ishte vërtet i pavarur, vettingu duhet ta shkarkonte që sot Ardian Dvoranin, sepse është i vetmi gjyqtar i Republikës së Shqipërisë që nuk zbaton vendimin e Gjykatës Kushtetuese.
Mandati i Ardian Dvoranit si anëtar i Gjykatës së Lartë ka përfunduar 4 vjet më parë dhe Gjykata Kushtetuese me një vendim të posaçëm urdhëroi mbarimin e mandatit të tij.
Një vendim ky që sot e kësaj dite nuk është zbatuar nga anëtari i Gjykatës së Lartë Ardian Dvorani, të cilin Edi Rama po e përgatit ta emërojë anëtar të Gjykatës Kushtetuese, njësoj si Fehmi Abdiun në 98-ën.
Po përse gjithë kjo sakrifikë për Ardian Dvoranin, aq sa të bëhet kurban haptazi besueshmëria, edhe pa këtë fakt e dyshimtë, e organeve të vettingut?!
Ardian Dvorani, është prokuror i diktaturës së Partisë së Punës, sot Partia Socialiste, ose ndryshe Rilindja, ç’ka tregon më së miri integritetin e tij profesional.
Dvorani ka qenë Prokuror në Shkodër në periudhën më të egër e gjakatare të vrasjeve në kufi.
Ne cv e tij, mund të dallohet qartë “karriera profesionale”, që njeh vetëm ngritje nga viti 1998, kur nis të punojë për qeverinë e Partisë Socialiste, deri në vitin 2005, kur Partia Socialiste e votoi si anëtar të Gjykatës së Lartë.
Ardian Dvorani është në fakt “komisari politik” i “Partisë” në Gjykatën e Lartë.
Është ideatori dhe argumentuesi i çdo vendimi të marrë kundër opozitës gjatë sundimit të “Partisë”, duke nisur nga konsiderimi si “shpifje” I faktit që Saimir Tahiri e Edi Rama së bashku me Habilajt dhe Balilajt drejtojnë trafikun e drogës, e deri tek moskonsiderimi “vepër penale” të goditjes së opozitës në parlament për shkak të denoncimit të Saimir Tahirit dhe kriminelëve ligjvënës.
Ardian Dvorani do ta kalojë “Edvingun”, megjithëse nuk justifikon pasurinë, megjithëse është autori dhe ideatori I vendimeve më skandaloze të 28 viteve të fundit, sepse narkoqeveria ka nevojë për elementë si ai, dhe kjo është dëshmia më e qartë dhe elokuente që procesin që do të duhej të ishte “Vetting”, Edi Rama e ka shndërruar në “Edving”.
