Një ngjarje e rëndë tronditi Fierin mbrëmjen e djeshme, ku për pasojë u qëllua për vdekje Demir Backa në automjetin e tij tip Audi. Në një video të siguruar nga mediat, familjarët e viktimës dëgjohet të kërcënojnë policinë me vrasje duke shpërthyer në ofendime banale e duke i thënë të mos i afrohen pasi s’kanë nevojë për shtetin. “Zhdukuni se iu shqeva, zhdukuni se do ju vrasim, ikni se u q***, nuk kemi nevojë për shtetin ne. Ikni bq… erdhi polic te dera jonë do ju vrasim, kush polic vjen në derë të shtëpisë do ju vrasim. U q… r…”,-dëgjohen të thonë ata./joq
Lëkundje tërmeti janë ndjerë në orët e para të kësaj të djele në Shqipëri. Një tërmet me magnitudë 3.4 ballë, i shkallës Rihter është regjistruar në Himarë, mëngjesin e sotëm.
Deri më tani nuk raportohet për dëme materiale por lëkundjet kanë shkaktuar panik tek qytetarët. Kujtojmë se ky është tërmeti i tretë që prek Shqipërinë vetëm brenda pak ditësh, pasi i fundit është rregjistruar po të djelën e kaluar me një tjetër lëkundje të fortë, 4.5 Rihter në Lezhë, ku pati vetëm disa dëme të vogla material./joq
Ne të gjithë jemi mësuar me titujt e bujshëm të portaleve e mediave shqiptare e gjermane kur është fjala për Mozzik dhe partneren e tij Loredana, raporti me të cilën nuk ka qenë aspak i lehtë kohët e fundit.
Një çift që në sytë e të gjithëve ndahen e pajtohen, pastaj përsëri ndahen e bashkohen, qoftë edhe për hatër të vajzës, tashmë kanë vendosur të shikojnë projektet e tyre të shkëputur nga njëri-tjetri.
Për momentin Loredana është lënë mënjanë. Të paktën për projektet muzikore. Vëmendjen në klipin e fundit të reperit, një prodhim në bashkëpunim me Noizy-n, e ka marrë ish-konkurrentja e “Love Story”, Suela Karaj.
“Bonjour Madame” është kënga që ka bërë bashkë dy reperët e suksesshëm dhe që ka regjistruar menjëherë miliona klikime. Për 24 orë, kënga ka thyer rekord klikimesh duke regjistruar më shumë se 2.2 milionë.
Suela, njëra prej protagonisteve të këngës, është natyrisht pjesë e këtij suksesi të menjëhershëm. E kuruar me çdo detaj, Suela shfaqet sensuale dhe joshëse në sytë e Mozzik. Po Loredana ku? Me siguri, edhe ajo kë në mendje një projekt që do t’i bëjë për vete fansat e saj.
(Balkanweb)
Një aksident është regjistruar në aksin nacional Tepelenë-Gjirokastër, ku për pasojë dy persona janë plagosur. Ngjarja ndodhi në vendin e quajtur “Shkalla e Zezë”. Burime zyrtare nga policia bënë me dije se shtetasi me inicialet R.K., shtetas duke drejtuar automjetin tip Peugeot, ka humbur kontrollin e mjetit dhe ka dal nga rruga duke përfunduar disa metra poshtë rrugës.
Për pasojë është dëmtuar drejtuesi i mjetit, dhe pasagjeri, shtetasi me inicialet S. C., 44 vjeç, banues në Tepelenë, të cilët ndodhen në spital jashtë rrezikut për jetën.
Materialet në ngarkim të shtetasit R. K. i kaluan Prokurorisë për veprime të mëtejshme.
Një 24-vjeçar ka rënë në prangat e policisë së Durrësit, pasi ishte shpallur në kërkim për plagosje. Ngjarja ndodhi më 10 korrik të këtij viti në vendin e quajtur lagja “Mirdita” në qytetin bregdetar.
Burime zyrtare nga policia bënë me dije se pas hekurave përfundoi shtetasi me inicialet L. K., banues në Durrës, pasi Gjykata e Rrethit Gjyqësor Durrës, ka caktuar masën e sigurisë “Arrest me burg”, për veprën penale “Plagosja e rëndë me dashje” dhe “Trafikimi i armëve dhe i municionit”.
I riu pas një konflikti për motive të dobëta, ka plagosur në këmbë, me armë zjarri pistoletë, shtetasin T. P., 44 vjeç, banues lagja Nr.15, Durrës.
Nga 23 tetori, qytetarët kroatë mund të udhëtojnë në Shtetet e Bashkuara pa viza, njoftoi Ambasada amerikane në Zagreb. “Erdhi edhe kjo ditë. Urime Kroaci për anëtarësimin zyrtar në Programin e Heqjes së Vizave”, tha Ambasada e SHBA-së në Kroaci në faqen e saj zyrtare në Facebook. Ky vendim i Sistemi Elektronik për Autorizim të Udhëtimeve (ESTA) vlen për qytetarët kroatë që duan ta vizitojnë SHBA-në për turizëm ose biznes dhe mund të qëndrojnë atje jo më shumë se 90 ditë.
Anëtarësimi i Kroacisë në të ashtuquajturin Program për Heqjen e Vizave (VWP) është një hap i rëndësishëm për forcimin e mëtejmë të bashkëpunimit ekonomik dhe në fushën e sigurisë midis dy shteteve, tha Ambasada amerikane në Zagreb. “Ne jemi jashtëzakonisht të kënaqur që qytetarët kroatë tani e gëzojnë mundësinë e udhëtimit në SHBA pa viza. Ky ka qenë një proces i gjatë, por i rëndësishëm dhe ne mirëpresim përpjekjet e Qeverisë kroate për të përmbushur kriteret e ashpra të programit tonë”, tha Mark Fleming, i ngarkuari me punë në Ambasadën e SHBA-së në Zagreb.
Programi për Heqjen e vizave është një partneritet gjithëpërfshirës i sigurisë midis SHBA-së dhe shteteve pjesëmarrëse, që lejon udhëtimin në SHBA për qëllime turizmi apo biznesi deri në 90 ditë, duke mbrojtur sigurinë kombëtare amerikane. Që një shtet të bëhet pjesë e këtij programi, i njëjti duhet të përmbushë kritere në fushën e kundërterrorizmit, atë të zbatimit të ligjit, të migracionit, sigurisë së dokumenteve dhe menaxhimit të kufijve, thuhet në deklaratë.
Ambasada po ashtu tha se kërkesë për t’u bërë pjesë e këtij programi është që aplikimet e refuzuara për viza duhet të jetë nën 3 për qind. Këtë kriter Kroacia e ka përmbushur së fundmi. Autorizimet për udhëtime që qytetarët marrin nga ESTA zakonisht vlejnë për dy vjet. Udhëtarët me vizat e lëshuara B1/B2 tashmë mund t’i përdorin ato për të udhëtuar në SHBA. Në përgjithësi, janë vetëm tri anëtare të Bashkimit Evropian – Rumania, Bullgaria dhe Qiproja – që SHBA-ja ende nuk ua ka hequr vizat.
(Balkanweb)
Të tjera detaje dalin në dritë në lidhje me krimin e rëndë që tronditi mbrëmë Fierin, ku u vra një 57-vjeçar. Demir Backa u qëllua për vdekje nga një automjet në lëvizje.
Gazetarja Dorjana Bezat raporton për ‘BalkanWeb’ se në makinën e djegur në vendin e quajtur Daullas në Bay-pass e cila ishte e tipit ‘C Class’ me portobagazh policia ka gjetur 2 armë zjarri që dyshohet se janë përdorur për krimin, një kallashnikov dhe një pistoletë, të cilat janë çuar në laborator për ekzaminim. Ndërkohë, në vendin e ngjarjes janë sekuestruar 16 gëzhoja.
Nga hetimet e deritanishme dyshohet se atentati mafioz është kryer për hakmarrje. Policia është përqendruar ne te shkuarën e Demir Backës dhe rezulton se disa muaj me parë ai ka prishur ekuilibrat dhe ka pasur një konflikt me një person me influence në Fier, i cili ishte subjekt i OFL.
Nga kamerat e sigurisë ka rezultuar se në atentat kanë marrë pjesë 2 persona. Kujtojmë se viktima është vëllai i ish-anëtarit të bandës së Fierit, Medi Backës, i cili është vrarë në 1997-ën.
Një aksident i rëndë është regjistruar mbrëmjen e djeshme në Belsh të Elbasanit, ku një automjet ka dalë nga rruga dhe janë plagosur 2 persona. Raportohet se personat në fjalë janë dërguar me urgjencë në spitalin e Belshit, ndërsa gjendja e tyre është serioze.
Ndër të tjera, thuhet se pas dërgimit të tyre në spitalin e Belshit ata janë transportuar me urgjencë drejt spitalit të Elbasanit. Policia ndodhet aktualisht më vendngjarje për të zbardhur shkaqet e aksidentit./joq
