Irina

Autoriteti Europian i Sigurisë Ushqimore, (EFSA) njofton se, nuk ka asnjë provë që koronavirusi i ri mund të transmetohet nga ushqimi.

Në një njoftim të publikuar sot nga Autoriteti Kombëtar i Ushqimit, që është anëtare e EFSA-s, citohet raporti i Autoritetit Europian për Sigurinë e Ushqimit (EFSA) që përsërit këtë informacion përmes fjalëve të drejtoreshës së saj shkencore Marta Hugas, e cila shprehet se “përvojat me shpërthime të mëparshme të epidemive që i atribuohen koronaviruseve, siç janë ato të SARS dhe MERS, tregojnë se transmetimi përmes konsumit të ushqimit nuk vërtetohet. Aktualisht nuk ka asnjë provë që koronavirusi është i ndryshëm nga viruset e tjerë për sa i përket transmetimit përmes konsumit të ushqimit”.

Edhe sipas ECDC, Qendrës Europiane për Kontrollin dhe Parandalimin e Sëmundjeve, është e pamundur që ushqimi të jetë një burim i transmetimit të virusit. Në fakt, edhe nëse në origjinën e epidemisë në Kinë ka pasur një kalim të koronavirusit të ri nga kafshët tek njerëzit, tani patogjeni po përhapet nga një person në tjetrin, kryesisht përmes teshtitjes dhe kollitjes.

Po kështu edhe Instituti Federal Gjerman për Vlerësimin e Riskut (BfR) ka të njëjtin mendim, “aktualisht nuk ka raste të provuara të infektimit nga ky lloj i ri i koronavirusit përmes rrugëve të tjera të infeksionit, siç është konsumimi i ushqimit të kontaminuar”.

OBSH gjithashtu, pretendon se aktualisht nuk ka prova të transmetimit të koronavirusit përmes ushqimit. Sidoqoftë, pasi njohuritë tona për virusin e ri janë akoma të kufizuara, OBSH ka publikuar një numër rekomandimesh paraprake për përgatitjen dhe konsumimin e ushqimit, siç është: mbajtja e distancës të paktën 1 metër nga njëri-tjetri gjatë blerjes së produkteve ushqimore, larja e duarve gjithmonë para gatimit dhe pasi prek ushqimin e papërpunuar, shmangien e konsumit të produkteve ushqimore me origjinë shtazore të papjekur ose pak të pjekur, larjen e frutave dhe perimeve, respektimin e rregullave normale të higjienës për të shmangur kontaminimin e kryqëzuar.

AKU si pjesë e Task Forcës, për zbatimin me rigorozitet në marrjen e masave për të luftuar COVID-19 ka vënë në zbatim Listën e Verifikimi për OBU-të përmes masave të marra kundër përhapjes së COVID-19.

Disa nga masat janë:

Përdorimi i masave mbrojtëse dhe dorezave, ruajtja e largësisë gjatë shërbimit ndaj konsumatorëve si dhe respektimi në mënyrë rigoroze i futjes së konsumatorëve në subjekt jo më shumë se një individ.

Hartimi dhe afishimi i masave mbrojtëse i një plani masash që duhet të ndiqen nga stafet brenda ambienteve të punës.

Prania e dezinfektantëve në ambientet ku shërbehet produkti ushqimor.

Mirëmbajtja, pastrimi dhe dezinfektimi, kontaminimi nga ajri dhe kushtet e përshtatshme të punës.

Eleminimi i prerjes së bukës dhe largimi nga ambientet e shërbimit të makinës prerëse të bukës për subjektet që tregtojnë bukë dhe prodhime brumi.

Tregtimi i produkteve të sigurta brenda afatit të përdorimit për konsumatorin.

Etiketimi i rregullt i produkteve ushqimore.

Respektimi i kushteve së ruajtjes së produkteve ushqimore./atsh

Qendra Kombëtare e Librit dhe Leximit bëri bashkë gra shkrimtare, studiuese, botuese, profesore në një mesazh mirënjohjeje drejtuar bluzave të bardha në këtë situateë të vështirë që po kalon mbarë bota.

“Ju po na tregoni çdo ditë e çdo natë se Shqipëria nuk i ka humbur shpresat, se nuk i ka humbur bijat dhe bijtë e saj”, thuhet në letrën që ato iu kanë drejtuar mjekëve, infermierëve e punonjësve të sistemit tonë shëndetësor.

“Të dashur e të nderuar mjekë, infermierë e punonjës të sistemit tonë shëndetësor, Ju shprehim respekt e mirënjohjeje të thellë! Jemi krenarë për ju, që punoni sot në këtë front të vështirë, në vijë të parë të luftës kundër koronavirusit! Janë ditë të vështira, me shumë të panjohura e në garë me kohën, por ju, me profesionalizëm të jashtëzakonshëm, keni vënë gjithë energjitë dhe shpirtin tuaj të madh për të shpëtuar vendin nga ky rrezik. Me përkushtim të rrallë, duke mjekuar të sëmurët e duke qenë pranë tyre pa pushim, ju po shpëtoni Shqipërinë, në këtë betejë, e cila si asnjëherë më parë, nuk kërkon armë për të mposhtur armikun, por dashuri, përgjegjshmëri, ndjenjë detyre, përkushtim, vetë-sakrifikim për tjetrin dhe komunitetin”, thuhet në mesazh.

Shpesh, përpara se të na binte kjo fatkeqësi, vijon mesazhi drejtuar bluzave të bardha, kushdo prej nesh, i kënaqej jetës sonë të “vogël”, duke ndjerë ndërkohë, se në emër të lirisë së individit, po humbte solidariteti për njëri- tjetrin, po humbte altruizmi, po humbte përfshirja në shqetësimet e komunitetit, por, me gjithë këtë që po ndodh prej ditësh, ju po na provoni të kundërtën.

“Ju na dëshmuat se jo të gjitha ato që kemi thënë janë të vërteta. Jeni profesionistë të shkëlqyer e po kaq solidarë e altruistë. Një tjetër krenari që ndjejmë këto ditë të vështira, është pikërisht ky profesionizëm i lartë mes jush, që e vini në shërbim të shoqërisë, si e kini vënë gjithnjë, në heshtje, me devotshmëri, pa bujë. Gjatë kësaj periudhe të pazakontë, përveç tjerash, ju keni qenë në çdo familje shqiptare, ju jeni modeli i njeriut dhe qytetarit për fëmijët tanë përtej çdo leksioni e ore mësimore; ju krijuat modele sjelljesh pozitive, që lidhen me vlerat humane, siç është forcimi i solidaritetit, po edhe respekti për mendimin shkencor e për punën profesionale; dhe ne si shoqëri kemi shumë nevojë edhe për këto. Ju po na tregoni çdo ditë e çdo natë se Shqipëria nuk i ka humbur shpresat, se nuk i ka humbur bijat dhe bijtë e saj.Në shenjë mirënjohjeje e përunjësie!”, thuhet më tej.

Ato shprehen se janë krenare për ta, që punojnë sot në këtë front të vështirë, në vijë të parë të luftës kundër koronavirusit!
-Mynever Shuteriqi
-Fatmira Aliaj
-Floresha Dado
-Helena Kadare
-Flutura Acka
-Diana Çuli
-Lili Sula
-Vera Bekteshi
-Pranvera Bogdani
-Arlinda Dudaj
-Mimoza Ahmeti
-Natasha Lako
-Monika Stafa
-Diana Kastrati
-Mira Meksi
-Meri Lalaj
-Alda Bardhyli
-Mimoza Kore
-Rita Petro/atsh

Mjeku Pëllumb Pipero u ka bërë thirrje qytetarëve të qëndrojnë në banesa, ndërsa ka thënë se një mesazh që i atribuohet nuk është i tij dhe është i dënueshëm, pasi po luhet me jetën e njerëzve.

Pipero ndërsa ka shpjeguar se ai sms i publikuar nuk është i tij, ka theksuar se një mesazh i tillë është i dëmshëm për situatën që po kalon jo vetëm vendi ynë, por e gjithë bota.

“Sapo lexova një mesazh të tillë i cili jo vetëm nuk është dhe nuk mund të jetë i imi, dhe si i tillë është i dënueshëm, por mbi të gjitha është shumë i dëmshëm për situatën që kalon jo vetëm vendi ynë por gjithë bota nën peshën e një pandemie shumë serioze që deri tani ka shënuar mijëra viktima, dhe për të cilën ende nuk kemi një armë në dorë për ta luftuar, as medikamente të certifikuara dhe as vaksinë. E vetmja armë që kemi është në duart tuaja, të qëndroni në shtëpi, të bëni durim dhe të respektoni këshillat tona. Mesazhe si ky që po lexoni janë shumë të dëmshme, madje dhe të dënueshme! Këshilloj këdo që guxon e shkruan në emrin tim sot, ose të kolegëve të mi nesër, të mos luajë kësisoj. Sot ne kemi përballë koronavirusin dhe duhet të mjekojmë të sëmurët e të gjurmojmë e identifikojmë rastet e kontaktit, nesër ligji do gjurmojë e vërë para përgjegjësisë të gjithë ata që guxojnë të luajnë me jetën e qytetarëve! Faleminderit! PS. Emrin e marrësit të mesazhit e kam fshirë”, -sqaroi Pipero.

Në mesazh thuhet se “duke filluar që sonte ju dhe familja juaj do të duhet të vetëkarantinoheni sepse një i afërm i juaj ka dalë pozitiv në testet e COVID-19. Në ditët në vazhdim do ju merren edhe ju tamponat. Me respekt Pëllumb Pipero”. /atsh

Portali qeveritar e-Albania në vetëm 7 ditë u shtua me 8614 përdorues të rinj të regjistruar në portal, ndërkohë që si domosdoshmëri jetike për t’iu përgjigjur në kohë çdo qytetari dhe biznesi që kërkon të lidhet me shtetin dhe në kushtet e gjendjes së jashtëzakonshme, e-Albania ka pranuar 10 299 aplikime për pasaporta dhe karta identiteti.

Nga data 12 mars qeveria vendosi karantinim në kushte shtëpie të çdo qytetari, si një nga masat për të parandaluar përhapjen e koronavirusit.

Sportelet u paralizuan, por jo shërbimet online të administratës publike.

Portali e-Albania ka pranuar 2989 aplikime për vërtetim pensioni dhe 2106 aplikime për vërtetim për pagimin e kontributeve për individin.

Përmes e-Albania janë bërë po ashtu dhe 111 aplikime për riskedulim të takimit të planifikuar për konsulta mjekësore.

Në portalin e-Albania ka 35 976 përdorues të portalit në total dhe 184 042 përdorime të shërbimeve online./atsh

https://www.facebook.com/ealbania/videos/499186317426756/?t=0