Irina

“Mirënjohje ndaj kujtdo që sot është në detyrë”, Balla: Do të dalim dhe më të fortë nga kjo luftë

Aktualitet, Opinione, Politike / /

“Mirënjohje ndaj mjekëve, infermiereve, por edhe punonjësve të policisë, Forcave të Armatosura, çdo punonjësi që sot është në detyrë, në çdo detyrë të pazëvendësueshme, në çdo njësi prodhuese apo shërbimi”.

Ky ishte mesazhi me të cilin e nisi sot ditën kryetari i grupit parlamentar të Partisë Socialiste, Taulant Balla, ndërsa ndau një foto të ekipit të bluzave të bardha të angazhuar në vijën e parë të frontit të luftës kundër COVID-19.

“Teksa fillojmë një ditë të re të luftës, t’i shprehim mirënjohje mjekëve, infermiereve, por edhe punonjësve të policisë, Forcave të Armatosura, çdo punonjësi që sot është në detyrë, në çdo detyrë të pazëvendësueshme, në çdo njësi prodhuese apo shërbimi. Me ndihmën e Zotit ne do të dalim më të mirë dhe më të fortë nga kjo luftë”, tha Balla. /atsh

“Mirënjohje ndaj kujtdo që sot është në detyrë”, Balla: Do të dalim dhe më të fortë nga kjo luftë Read More »

“Heronj shqiptarë”/ Forca mbinjerëzore e mjekes Jonida Diko në përballje me COVID-19

Shendetesi / /

“Forca mbinjerëzore e mjekes Jonida Diko e cila është dhe drejtoreshë e Qendrës Shëndetësore nr.10 që mbulon 80 mijë banorë të njësisë Nr.4 në Tiranë, është shembull”.

Kështu u shpreh deputeti i Partisë Socialiste, Ervin Bushati ndërsa solli një tjetër shembull përkushtimi dhe profesionalizimi nga bluzat e bardha.

Në vijën e parë të frontit të luftës, mjekja Diko ndihmon pacientët me përkushtim. Jonida përkujdeset për pacientët kronikë, që ata të marrin të gjithë asistencën e duhur me ilaçe. Gjithashtu ndihmon edhe me konsultat online 24 orë.

Dr.Diko është pranë edhe pacientëve të diagnostikuar me COVID-19./atsh

“Heronj shqiptarë”/ Forca mbinjerëzore e mjekes Jonida Diko në përballje me COVID-19 Read More »

Ministria e Shëndetësisë: 8 raste të reja, shkon në 475 numri i të infektuarve

Lajmi i fundit, Shendetesi / /

Gjatë 24 orëve të fundit janë kryer 236 testime, nga ku kanë rezultuar 8 raste të reja me COVID-19. Në total, sipas Ministrisë së Shëndetësisë janë 475 të prekur nga koronavirusi i ri në Shqipëri.

Eugena Tomini, Shefe e Survejancës dhe Shërbimit të Inteligjencës Epidemike në ISHP gjatë një deklarate për mediat ka theksuar se “në 24 orët që lamë pas, ju bëjmë me dije se ka vijuar puna në terren për identifikimin e rasteve të reja dhe gjurmimin e kontakteve të rasteve, të konfirmuara pozitive”.

“Dje janë testuar 236 persona të dyshuar nga të cilët 45 janë personel shëndetësor, kryesisht në spitalin e Shkodrës. Nga rezultatet e testimeve janë konfirmuar 8 raste pozitive me COVID-19, prej të cilëve 6 raste në Tiranë, 1 personel shëndetësor në Shkodër dhe 1 personel shëndetësor në Kukës. Deri në këto momente janë testuar 4 306 raste të dyshuara dhe prej tyre janë të konfirmuar pozitivë me COVID-19, 475 raste”.- thekson Tomini.

“Siç shihet nga grafiku, prirja e pozitivitetit të mostrave të testuara tregon një qëndrueshmëri të rasteve të konfirmuara, kryesisht gjatë dy javëve të fundit. 24 qytetarë nuk e kanë fituar betejën me COVID-19, megjithë përpjekjet e jashtëzakonshme të personelit shëndetësor”, tha Tomini. /atsh

Ministria e Shëndetësisë: 8 raste të reja, shkon në 475 numri i të infektuarve Read More »

Meta përshëndet qëndrimin e Këshillit të Europës: Virusi nuk duhet lejuar të shkatërrojë vlerat tona themelore

Aktualitet, Politike / /

Presidenti i Republikës, Ilir Meta përshëndeti sot qëndrimin e Këshillit të Europës, mbi domosdoshmërinë e mbrojtjes së demokracisë, pluralizmit, shtetit të së drejtës dhe të drejtave të njeriut në kuadrin e krizës sanitare të COVID-19.

“Siç me të drejtë thekson Këshilli i Europës: “ky virus po shkatërron shumë jetë dhe shumë gjera të tjera të shtrenjta për ne, por ne nuk duhet ta lejojmë të shkatërrojë vlerat tona themelore dhe shoqëritë tona të lira”, thekson Meta.

“Veprimet dhe masat e qeverive, për kufizimin e së drejtës së jetës private, lirisë së ndërgjegjes, lirisë së shprehjes dhe lirisë së organizimit, tërheq vëmendjen Këshilli i Europës, duhet të vendosen vetëm me ligj, në proporcion me rreziqet dhe për aq kohë sa është e nevojshme për mbrojtjen e shëndetit”, shton Meta.

Meta nënvizon se, “është me rëndësi që çdo masë kufizuese dhe ligj i ri, të jetë në përputhje vetëm me Kushtetutën dhe me interesin e përgjithshëm publik dhe kombëtar”.

“Mbështes qëndrimin për shmangien sado që të jetë e mundur të vendosjes së dënimeve të ashpra penale për moszbatimin e masave kufizuese, pasi siç thekson Këshilli i Europës, ato krijojnë shqetësime serioze për respektimin e të drejtave të njeriut”, shton Meta.

Duke i ftuar të gjithë qytetarët të respektojnë me përpikëri të gjitha udhëzimet dhe kufizimet e bëra publike për shkak të pandemisë globale, Meta thekson, “domosdoshmërinë e respektimit të parimeve të demokracisë e shtetit ligjor, Kushtetutës dhe hierarkisë të ligjeve në fuqi dhe konventave ndërkombëtare”.

Sepse, shton Meta, “siç nënvizon edhe Këshilli i Europës: “Sfida, me të cilën përballen sot shoqëritë tona, është një sfidë e paprecedentë. Edhe pas fazës urgjente të kësaj krize, shoqëritë tona do të duhet të gjejnë mënyrat për të vënë në vend dëmet sociale dhe ekonomike dhe për të rritur më tej besimin tek institucionet tona demokratike. Duhet të nisë një reflektim i gjerë për mbrojtjen e individëve dhe grupeve më të prekshme në shoqëritë tona dhe për mënyrat e ruajtjes së të drejtave të tyre në një model më të qëndrueshëm dhe solidar qeverisjeje”./atsh

Meta përshëndet qëndrimin e Këshillit të Europës: Virusi nuk duhet lejuar të shkatërrojë vlerat tona themelore Read More »

Shërohen 4 mjekë dhe infermierë nga COVID-19/ Brataj e Koraqi mposhtin sëmundjen

Lajmi i fundit, Shendetesi / /

Ministrja e Shëndetësisë dhe Mbrojtjes Sociale, Ogerta Manastirliu ka dhënë lajmin e mirë të shërimit të 4 mjekëve të prekur nga COVID-19, mes tyre dr. Skënder Brataj dhe dr. Andi Koraqi.

Ministrja e Shëndetësisë dhe Mbrojtjes Sociale Ogerta Manastirliu ndau lajmin e mirë se dr. Skënder Brataj dhe dr. Andi Koraqi janë shëruar dhe po ashtu edhe dy infermierë e kanë mundur sëmundjen e rrezikshme. Në total deri tani janë shëruar 36 personel shëndetësor.

“Lajme të mira për stafet mjekësore Më gëzon pa masë lajmi se dr. Skënder Brataj dhe dr. Andi Koraqi e kanë mundur sëmundjen e rrezikshme dhe sot janë të shëruar nga COVID19. Katër mjekë dhe infermierë janë shëruar në 24 orët e fundit Deri tani 36 personel mjekësor janë shëruar nga COVID-19. 248 pacientë dhe staf mjekësor e kanë fituar betejën me COVID-19. Forca!”,- përfundon Manastirliu. /atsh

Shërohen 4 mjekë dhe infermierë nga COVID-19/ Brataj e Koraqi mposhtin sëmundjen Read More »

Paketat e mbështetjes financiare/ Në total ndihmohen drejtpërdrejt më shumë se gjysma e të punësuarve në sektorin privat

Aktualitet, Lajmi i fundit / /

Kryeministri Edi Rama deklaroi sot se “pas publikimit të paketës së zgjeruar të mbështetjes për 176 mijë familje, bashkë me familjet që u përfshinë në paketën e parë, ne jemi në një shifër që prek dhe ndihmon drejtpërdrejt më shumë sesa gjysmën e të punësuarve në sektorin privat në Republikën e Shqipërisë”.

Kryeministri Rama sqaroi sot qytetarët mbi pyetjet e ndryshme që kanë lidhur me paketën e zgjeruar të mbështetjes financiare.

Rama tha se “ne duam që kjo pagë prej 400 mijë lekësh të vijë drejtpërdrejt tek qytetari, jo të kalojë nëpërmjet pronarit apo kompanisë”.

Duke folur mbi përzgjedhjen e punonjësve, Rama tha se është bazuar në listëpagesat e paraqitura nga kompanitë.

“Të gjithë ata që figurojnë të larguar, të papaguar javë pas jave në këto lista janë të identifikuar dhe do të duhet vetëm që në momentin që do të hapet faqja përkatëse në adresën online të Drejtorisë së Përgjithshme të Tatimeve, thjesht të konfirmojnë. Ne e disponojmë emrin e qytetarit i cili duhet vetëm të konfirmojë”, tha Rama.

Ai theksoi se “është një konfirmim shumë i thjeshtë, pa asnjë procedurë verifikimi siç ndodh me paketën e parë ku është e detyrueshme të bëhet një verifikim edhe në terren nga inspektorët”. “Për paketën e parë është një procedurë pak më e gjatë. Sot që flasim janë paguar 31 mijë persona, mbeten ende edhe 40 mijë të tjerë pa u paguar”, tha Rama.

Kryeministri siguroi se “askush nuk do të mbetet pa marrë pagën, por verifikimi kërkon kohën e vet sa i përket kontabilitetit shtetëror”.

Ndërsa për personat e përfshirë në paketën e zgjeruar është thjesht dhe vetëm një klik, një konfirmim që “po, jam unë dhe kaq”.

“Të gjithë ata që janë si në kategorinë e parë dhe të dytë, do t’i marrin paratë në llogarinë e tyre të drejtpërdrejtë, jo duke kaluar nga pronari. Ne duam që paratë siç janë të vijnë drejtpërdrejt në arkën e familjes tuaj”, tha Rama. /atsh

Paketat e mbështetjes financiare/ Në total ndihmohen drejtpërdrejt më shumë se gjysma e të punësuarve në sektorin privat Read More »

Shpërblim financiar për punonjësit që denoncojnë punën në të zezë

Aktualitet / /

Kryeministri Edi Rama deklaroi sot se “brenda 24 orëve ne do të kemi edhe një ofertë të re për të gjithë ata që kanë punuar në të zezë dhe sot gjenden pa mbështetje, sepse nuk figurojnë askund”.

Rama tha se “ne do t’ju japim një shpërblim financiar dhe do të marrim përsipër të ndjekim punën e tyre duke kërkuar nga pronarët e kompanive të jenë në mbështetje të kësaj nisme përndryshe duhet të përballen me ligjin”.

Por, sipas tij, vetë punonjësit duhet të kenë kurajon të denoncojnë.

“Kjo është koha për të ndihmuar sa më shumë. Ne do t’i kërkojmë pronarëve të ndihmojnë ata që u kanë borxh. Por vetë punonjësit duhet ta denoncojnë punën në të zezë. Kuptojeni vetë, asnjë shtet nuk e bën dot se është e pabëshme të ndash atë që vjen dhe thotë të vërtetën dhe atë që vjen e gënjen. Dhe na del sikur të gjithë janë rropatur në të zezë ndërkohë që kanë jetuar me paratë e prindërve, duke dhënë mend në Facebook”, tha Rama.

Rama tha se “punën në të zezë ne e kemi luftuar me të gjitha forcat dhe kemi nxjerrë nga ajo skllavëri një numër të madh që janë regjistruar, por asnjë vend i planetit, askush nuk ka në asnjë paketë për ata që punojnë në të zezë”.

“Kjo për një arsye shumë të thjesht. Si identifikohet kush punon vërtetë në të zezë? Është e pamundur ndaj informaliteti është një plagë që duhet luftuar përditë dhe ata që punojnë në të zezë duhet të kenë kurajon të denoncojnë”, tha Rama.

Ai theksoi se “ne po bëjmë gati edhe një shpërblim financiar për ata që do të thonë: ‘unë kam punuar në të zezë në filan kompani se nuk më ka regjistruar pronari’”.

“Por si ta zgjidhim ne, kur ti edhe pse je në hall të madh nuk ke kurajon të luftosh për veten tënde? Pronarët kanë sanksione shumë të forta nëse mbajnë dikë në të zezë. Nëse nuk ka nga brenda një zë, atëherë kjo nuk zgjidhet, edhe pse në shumë raste ne kemi arritur të bëjmë spostime nga e zeza, falë përpjekjeve të mëdha që kemi bërë dhe presionit të madh që kemi ushtruar ndaj kompanive”, tha Rama./atsh

Shpërblim financiar për punonjësit që denoncojnë punën në të zezë Read More »

Ndryshimet në Kodin Penal/ Ndëshkimet do të jenë ekzemplare vetëm për periudhën e pandemisë

Aktualitet, Lajmi i fundit / /

Ashpërsimi i Kodit Penal kundrejt mosrespektimit të masave të sigurisë në periudhën e pandemisë do të kenë afat vetëm për periudhën e pandemisë.

Kryeministri Edi Rama, gjatë një komunikimit me qytetarët tha se masat ndëshkimore do të jenë ekzemplare, pasi nuk do lejohet që rezultati i kësaj lufte të cenohet nga disa të papërgjegjshëm.

“Ne do të miratojmë futjen në Kodin Penal të masave që lidhen me situatë epidemie, që nuk i kemi pasur fare në Kodin Penal, ku kemi patur karantinimin e kafshëve, por jo të njerëzve. Këto janë kushte lufte, masat janë për këtë periudhë dhe nuk janë për t’u shtrirë përtej periudhës së epidemisë dhe ndëshkimet do të jenë ekzemplare, shembullore për të gjithë ata që do na kërcënojnë rezultatin që kemi arritur dhe fitoren e kësaj lufte”, – tha Rama.

“Kush thotë që gjobat janë për popullin, ai është një individ, nuk është populli, pasi populli nuk i shkel rregullat, populli po t’i kishte shkelur rregullat epidemia do kishte shkaktuar shumë më shumë të sëmurë e mijëra të vdekur. Por jo, gjobat janë për të pabindurit, të papërgjegjshmit, për fajtorët. Nuk janë për të mbushur buxhetin, nuk janë fare për këtë. Nuk mbushet buxheti për ato fare pak gjoba, se janë pak në raport me popullin, por gjobat janë për të dhënë mesazhin se kjo luftë, por dhe jo vetëm kur ka luftë, ka rregulla, jo kush është më i forti”, – tha Rama. /atsh

Ndryshimet në Kodin Penal/ Ndëshkimet do të jenë ekzemplare vetëm për periudhën e pandemisë Read More »