Kryeministri Edi Rama uroi sot të gjithë besimtarët katolikë dhe të krishterë për festën e Krishtlindjes.
Rama ka zgjedhur një mënyrë mjaft të veçantë për të uruar Krishtlindjen, duke postuar një fotografi, ku është i rrethuar nga fëmijët.
“Gëzuar Krishlindjen”, – shprehet Kryeministri Rama.
Në mbarë botën besimtarë katolikë dhe ortodoksë festojnë sot Krishtlindjen, lindjen e Jezu Krishtit. /atsh
Kryeministri Edi Rama përcolli mëngjesin e sotëm fjalët e Papa Franceskut në rubrikën “Fjalët e Shenjta” që nisën si apel solidariteti pas tërmetit të 26 nëntorit.
“Zoti nuk u jep kurrë një dhuratë atyre që nuk janë në gjendje ta marrin. Ai na ka dhënë Krishtlindjet, sepse të gjithë ne kemi aftësinë t’i kuptojmë e t’i mirëpresim”, citoi Rama fjalët e Papa Franceskut, në ditën e Krishtlindjeve.
Kryeministri Rama ka përcjellë këto javë apelin e solidaritetit dhe ndihmës njerëzore ndaj të prekurve nga tërmeti i 26 nëntorit, duke cituar fjalë të shenjta nga librat e shenjtë, por edhe nga personalitetet botërore. /atsh
Instituti i Sigurimeve Shoqërore nisi sot shpërndarjen e shpërblimit të pensionistëve për festat e fundvitit 2019, i cili është në masën 3, 000 (tre mijë) lekë për çdo pensionist.
Zyrat Postare të shpërndarjes së pensioneve, duke filluar nga sot, pavarësisht se kjo datë është festë zyrtare, deri më 31.12.2019 do të kryejnë pagesat e pensioneve dhe shpërndarjen e shpërblimit të fundvitit 2019.
Sipas Institutit të Sigurimeve Shoqërore, ky shpërblim nuk humbet dhe nëse nuk tërhiqet brenda vitit 2019.
Pagesat do të kryhen sipas grafikut të mëposhtëm:
në datën 25 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 1-5 dhjetor;
në datën 26 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 6-9 dhjetor;
në datën 27 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 10-13 dhjetor;
në datën 28 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 14-16 dhjetor;
në datën 30 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 17-20 dhjetor;
në datën 31 dhjetor do të tërheqin shpërblimin pensionistët që tërheqin pensionin në këtë datë dhe ata që e kanë tërhequr pensionin në datën 21-24 dhjetor, si dhe raste që nuk janë paguar sipas grafikut në ditët më përpara./atsh
Kryetari i Partisë Demokratike, Lulzim Basha përcolli sot mesazhin e tij të urimit për shqiptarët nga Kisha Ortodokse në Durrës.
Duke uruar festën e Krishtlindjes, Basha bëri thirrje për një bashkim të fuqishëm ‘si një familje’, për të përballuar çdo të keqe.
“Dua të uroj nga zemra të gjithë besimtarët e krishterë. Mendimet dhe lutjet e mia janë me ata më shumë në nevojë, në veçanti me të goditurit nga tërmeti i 26 nëntorit. Qoftë kjo festë, kjo ditë e shenjtë e lindjes së Krishtit edhe një thirrje për një bashkim më të madh, më të fuqishëm si një familje për të përballuar çdo të keqe dhe për të dalë në dritën e begatisë dhe bekimit të Zotit. Gëzuar dhe Zoti e bekoftë Shqipërinë”, tha Basha./atsh
Basha uron Krishtlindjen nga Durrësi: Lutjet e mia janë për të prekurit nga tërmeti Read More »
Kryeministri Edi Rama përcolli mëngjesin e sotëm fjalët e Nënë Terezës në rubrikën “Fjalët e Shenjta” që nisën si apel solidariteti pas tërmetit të 26 nëntorit.
“E djeshmja iku. E nesërmja s’ka ardhur. Kemi vetëm të sotmen. Le t’nisim”, citoi Rama fjalët e Shën Terezës.
Kryeministri Rama ka përcjellë këto javë apelin e solidaritetit dhe ndihmës njerëzore ndaj të prekurve nga tërmeti i 26 nëntorit, duke cituar fjalë të shenjta nga librat e shenjtë, por edhe nga personalitetet botërore. /atsh
Rama përcjell fjalët e shenjta të Nënë Terezës: Kemi vetëm të sotmen, le t’ia nisim Read More »
Në fshatin Novoselë të Vlorës situata pas reshjeve të dendura që e përfshinë në fundjavë është normalizuar.
Prefekti i qarkut të Vlorës, Flamur Mamaj, tha për ATSH-në se “pas fryrjes së lumit Vjosa si pasojë e motit të keq të shoqëruar me reshje të shumta shiu, ditën e sotme niveli ka pësuar rënie”.
Sipas tij, niveli i ujit ka rënë në kuota normale dhe lumi Vjosa është në shtrat.
“Gjatë ditës së sotme po punojmë për hapjen e portave bllokuese, për të ulur më tej nivelin e ujit të Vjosës”, – tha Mamaj.
Moti i keq që përfshiu vendin tonë në fundjavën që lamë pas solli probleme edhe në qytetin e Vlorës, ku konkretisht në Novoselë pati rritje të nivelit të lumit Vjosë, si pasojë e ujërave të shumtë që vinin nga Përmeti dhe Gjirokastra./atsh
Ministrja e Shëndetësisë dhe Mbrojtjes Sociale, Ogerta Manastirliu ka ndarë një lajm të mirë për Anaidin vetëm 15-muajsh, i cili ka kryer me sukses ndërhyrjen për glaukomën në sy, një sëmundje që e kishte që në lindje dhe tashmë është kthyer pranë familjes.
Ministrja ka bërë të ditur se doktoreshë Arjeta Grezda ka realizuar ndërhyrjen delikate në Qendrën Spitalore Universitare “Nënë Tereza” në Tiranë, duke e shpëtuar të voglin nga verbëria.
Ministrja e ndau këtë lajm të mirë në vigjilje Krishtlindjesh. /atsh
Partia Socialiste ka hyrë në procesin e garës për zgjedhjen e kryetarëve në 61 bashkitë e vendit, pas miratimit sot në Kryesi të kandidaturave për këto poste partiake.
Kryeministri Edi Rama informoi pas mbledhjes së kryesisë së Partisë Socialiste se, “në mbledhjen e sotme u bë miratimi i kandidaturave për kryetar partie”.
“Siç e dini, prej disa muajsh jemi në proces organizimi, ripërtëritje dhe përgatitje për zgjedhjet e ardhshme. Pasi kemi zgjedhut kryetarët e organizatave, pasi kemi përfshirë në procesin e përzgjedhjes së kryetarëve edhe gratë, duke vendosur të fillojmë të zbatojmë një normë të re të organizimit ku drejtimi i organizatave i besohet një burri dhe një gruaje, kemi bërë dhe një zgjedhje me parimin ‘1 anëtarë, një votë’ të gjithë anëtarëve të Kongresit, ka ardhur koha që të përmbyllim procesin me kryetarët e partisë”, tha Rama.
Ai tha se “ndërkohë, vazhdojmë procesin e garës dhe zgjedhjen e kryetarëve të partisë në 61 bashkitë e vendit”.
Kryeminstri tha se “kudo procesi po ecën sipas normave të paracaktuara, diku më shpejt, diku më ngadalë, por në përgjithësi mendoj se ky proces na ka dhënë atë që kemi pritur, një energji të re ripërtëritje të dosmosdoshme në një fazë të ndërmjetme”.
Rama tha se “edhe pse zgjedhjet duken larg, ato janë ‘nesër’ praktikisht sepse qershori 2021 është shumë afër”.
I pyetur nëse ka një komunikim me Presidentin për shpalljen e zgjedhjeve të parakohshme në 3 bashkitë e mbetura pa kryetar, Rama tha se “nuk kemi asnjë komunikim”. “Situata post zgjedhore karakterizohet nga një inerci që lidhet me historinë e dekrete-zhdekreteve, ndaj ne kemi për detyrë të garantojmë vazhdimësi normale të qeverisjes, aty ku ne kemi fituar bashkitë. Kemi dy vakanca. Sa i takon Shkodrës nuk ka një vendim. Shkodra është në situatën më të rëndë nga kjo pikëpamje, se ka një kryetare që është dhe nuk është kryetare dhe ka një vakum në këtë aspekt por kjo nuk është në dorën tonë, thjesht ne presim të marrim një zgjidhje”, tha Rama./atsh
