Irina

Parashikimi i motit

Aktualitet / /

Shërbimi Meteorologjik Ushtarak bën me dije se sot moti parashikohet i kthjellët, me vranësira të pakta kalimtare në relievet malore në lindje të territorit. Ngrica në të gjithë vendin në mëngjes e mbrëmje. Në zonat malore ngricat do të zgjasin gjatë gjithë ditës.

Era do të fryjë me drejtim Veriperëndim–Juglindje me shpejtësi 1-10 m/s dhe forcë deti 1-2 ballë, me lartësi vale 0,4-0,8 metër.

Temperaturat do të pësojnë rënie të ndjeshme në vlerat minimale:

QYTETET Temperaturat në °C Sigla
Shkodër -2/9 Diell
Kukës -5/6 Diell re
Lezhë 0/11 Diell
Dibër -9/5 Diell re
Durrës 0/11 Diell
Tiranë -2/12 Diell
Elbasan -4/12 Diell
Berat -4/13 Diell
Vlorë -1/12 Diell
Korçë -6/3 Diell re
Gjirokastër -5/12 Diell
Sarandë 1/15 Diell/atsh

Parashikimi i motit Read More »

Besimtarët ortodoksë shënojnë Ditën e Ujit të Bekuar

Aktualitet / /

Të gjithë besimtarët ortodoksë në mbarë vendin, sot në 6 janar kremtojnë Ditën e Ujit të Bekuar.

Kjo festë e madhe festohet çdo vit, duke mbledhur qindra dhe mijëra besimtarë të krishterë. Dita e Ujit të Bekuar festohet me hedhjen e kryqit në ujë.
Në Gjirokastër është celebruar bekimi simbolik i ujërave, që përkujton sipas kalendarit ortodoks pagëzimin e Krishtit në ujërat e lumit Jordan ndërsa në Elbasan kryqi u kap për herë të parë nga një 19-vjeçar.
Dita e ujit të bekuar është shënuar edhe në qytetin e Elbasanit, ku kryqi u nxorr nga një 19-vjeçar. Ceremonia u zhvillua edhe në Berat, ndërsa në Korçë, pas ritualit të celebrimit të meshës për të gjithë besimtarët në Katedralen “Ngjallja e Krishtit”, qytetarët korçarë i janë drejtuar shatërvanit tek lulishtja”Vangjush Mio”ku edhe është zhvilluar ceremonia e hedhjes së kryqit në ujë.

Sipas Biblës dita e ujit të bekuar, përkon me parathënien e 3 personave që panë në qiellin e Bethelemit në Jeruzalem yllin, i cili paralajmëronte lindjen e Jezu Krishtit.
Të tre dijetarët kishin ardhur nga vende të ndryshme për të parë lindjen e Krishtit dhe për t’i dedikuar atij dhurata të ndryshme. Duke u nisur nga ky fakt, kjo ditë njihet si dita e bekimit nga Zoti, të ujërave të të gjithë botës. Ajo çka e bën të veçantë është rituali i hedhjes së kryqit në ujë, kryesisht në det, lumë, liqen. Ashtu si ndodh në shumë vende të botës, edhe në Shqipëri ky ritual kremtohet prej vitesh në qytete si Berati, Gjirokastra, Durrësi, Fieri, Lushnja e Korça. Të rinjtë janë ata që bëhen pjesë e këtij riti, pasi çdo vit duke sfiduar edhe temperaturat e ulëta të janarit, janë hedhur në ujë për të kapur kryqin./atsh

Besimtarët ortodoksë shënojnë Ditën e Ujit të Bekuar Read More »

Sezoni i gripit/ ISHP: Aktualisht qarkullon virusi A/H1, situata normale

Shendetesi / /

Sipas Institutit të Shëndetit Publik është evidentuar qarkullimi i gripit në vendin tonë. Aktualisht qarkullon virusi A/H1 i cili gjithashtu qarkullon në gjithë shtetet e Europës dhe të rajonit.

Ekspertët e Institutit të Shëndetit Publik këshillojnë që qytetarët të bëjnë kujdes ndaj të ftohtit dhe të informohen mbi këshillat ndaj gripit në faqet zyrtare të MSHMS dhe ISHP.

Si të veproni për të parandaluar dhe mbrojtur veten edhe të afërmit tuaj nga gripi?

– Lani duart

– Pastroni hundët me shami njëpërdorimshme;

– Mbuloni hundën dhe gojën kur kolliteni ose teshtini;

– Evitoni ambientet e mbipopulluara dhe me shumë njerëz;

– Ruani një temperaturë të qëndrueshme brenda banesave tuaja;

– Ajrosni vazhdimisht ambientet ku rrini.

Kur jeni të sëmurë:

– Qëndroni në shtëpi, kufizoni daljen në ambiente të ftohta;

– Konsumoni ushqime të ngrohta;

– Pini sa më shumë lëngje;

– Kufizoni kontaktet direkte dhe indirekte (nëpërmjet objekteve);

– Mos e nënvlerësoni gripin. Sa herë nuk ndjeheni mirë, konsultohuni me mjekun.

Janë rreth 11 mijë raste në javë me infeksione respiratore. Sipas ekspertëve të ISHP situata është normale, e zakonshme dhe e pritshme për stinën. /atsh

Sezoni i gripit/ ISHP: Aktualisht qarkullon virusi A/H1, situata normale Read More »

Rama në banesën e re të të mbijetuarës nga tërmeti: Sfida është t’i rindërtojmë më mirë sesa ishin

Aktualitet, Lajmi i fundit / /

Kryeministri Edi Rama ishte sot në Durrës, në shtëpinë e re të Marjana Rexhepit, njërës prej të mbijetuarave të tërmetit të 26 nëntorit 2019.

“Mes dhimbjes për humbjen e pazëvendësueshme të nënës, nga pabesia e 26 nëntorit, ne u jemi dhe do t’u jemi pranë, megjithë zemër e me të gjitha mundësitë tona”, tha Rama, ndërsa u interesua për gjendjen e Marjanës, e cila u nxorr nga rrënojat pas 13 orësh.

Kryeministri u interesua për situatën në gjithë zonën e Durrësit, ku u informua se ndihmat kanë vijuar normalisht dhe banorët janë furnizuar edhe në datën 31 dhjetor 2019, edhe ditën e sotme.

Rama tha se ka një parti të fundit prej 250 çadrash dimërore, të cilat janë vonuar edhe për shkak të festave, por ky problem po zgjidhet shumë shpejt.

Prefekti i Durrësit, Roland Nasto tha se “banorët që janë sistemuar në çadra dimërore po pajisen me soba me dru”.

Lidhur me meremetimet e godinave të dëmtuara, Nasto tha se “janë 12 pika në qytet ku kanë filluar meremetimet”. “Kemi ndjekur procesin edhe në zonat rurale, por është periudhë dimri dhe problemet teknike nuk lejojnë që të procedohet ashtu si duam”, tha ai.

Kryeministri informoi se “sot në qeveri kanë kalur 8 vendime për procesin e rindërtimit”. “Vendimet kanë të bëjnë me ato hallkat e para të procesit që të gjitha duhen adoptuar në kuadrin e gjendjes së emergjencës dhe nevojës për t’i bërë shpejt”.

“Duhet të jemi maksimalisht transperentë dhe të garantojmë gjithë procesin e rindërtimit me cilësi. Sfida është t’i sjellim në situatë më të mirë se më parë, se çfarë kuptimi ka? Pra, duhet ta bëjmë më mirë se sa ishte”, tha Rama.

Ndërkohë, ai theksoi se “po bëjmë projektet e shkollave dhe të spitaleve që ato të jenë funksionale deri në shtator kur fillojnë shkollat”.

Kryeministri tha se ato që ndodhën nuk i ndalojmë dot, por të paktën cfarë mudn të bëjmë, e bëjmë deri në fund me shumë përkushtim dhe me shumë vendosmëri”. “Juve keni pranë për çdo gjë edhe zv/ministren Dajna Sorensen, të cilën e kemi Nënë Terezën e vogël brenda qeverisë”, u tha Rama familjarëve./atsh

https://www.facebook.com/edirama.al/videos/1361154814091514/?t=0

Rama në banesën e re të të mbijetuarës nga tërmeti: Sfida është t’i rindërtojmë më mirë sesa ishin Read More »

Kryemadhi: Djegia e mandateve, mënyra e vetme për të demaskuar qeverisjen e Ramës

Politike / /

“Nëse Edi Rama fiton zgjedhjet në 2021 në mënyrë të ndershme, unë largohem nga politika”, tha sot Monika Kryemadhi, e ftuar në një studio televizive.

Kryetarja e Lëvizjes Socialiste për Integrim, Monika Kryemadhi duke folur për aksionin e opozitës tha se djegia e mandateve erdhi si rezultat i arrogancës dhe autoritetit të ekzagjeruar të mazhorancës në parlament, sikundër edhe ndaj heshtjes për votën e vjedhur që tregohet nga dosjet 184, 339.

“Ne kishim një mazhorancë e cila tregohej arrogante, kishte zaptuar gjithë procesin parlamentar dhe nuk lejonte ngritjen e institucioneve të sistemit të drejtësisë, nuk lejon ngritjen e Gjykatës Kushtetuese, dhe ende s’e kemi kuorumin e duhur. Ky vit që lamë pas ishte një vit i mbrapshtë jo vetëm nga ana politike, por dhe nga ana ekonomike ishte shumë i rëndë. Kemi parasysh arsimin, bujqësinë që është në grahmat e fundit. 120 mijë shqiptarë të larguar dhe biznese që mbyllen”, tha ajo.

Kryemadhi theksoi se “çdo ditë e më shumë e vetmja mënyrë për të denoncuar dhe për të demaskuar qeverisjen e Ramës ishte djegia e mandateve”.

“Nëse nuk do të digjnim mandatet, nëse ne nuk do të bënim atë proces për bojkotimin e zgjedhjeve të 30 qershorit, do vazhdonim të kishim si për zgjedhjet e 2017, një raport shkel e shko, që zgjedhjet ishin të lira dhe të ndershme”, tha ajo.

Në lidhje me largimin e qeverisë, Kryemadhi tha se në qoftë se Edi Rama i fiton zgjedhjet në mënyrë të ndershme, sigurisht që do të ikë.

Në lidhje me qëndrimin ndryshe nga PD për sa i përket Reformës Zgjedhore, Kryemadhi tha se “kemi qëndrim ndryshe për financimin e partive politike, pasi ne nuk jemi dakord që partitë të marrin para nga buxheti i shtetit”. /atsh

Kryemadhi: Djegia e mandateve, mënyra e vetme për të demaskuar qeverisjen e Ramës Read More »

25-vjeçarja nga Tirana, ia del të shpëtojë, pas 3 ndërhyrjesh kirurgjikale të vështira në mëlçi

Shendetesi / /

Pas 30 ditësh të vështira në terapi intensive Arjola 25 vjeçare nga Tirana, ia ka dalë për mrekulli të shpëtojë, pas 3 ndërhyrjesh kirurgjikale të vështira në mëlçi.

Lajmin e ka dhënë Ministrja e Shëndetësisë dhe Mbrojtjes Sociale, Ogerta Manastirliu, e cila ka vlerësuar punën e shkëlqyer të mjekëve të klinikës 3 të Kirurgjisë prof. Arben Gjata, dr. Endri Shehu, dr. David Bellalla dhe dr. Anesti Caka.

Ministrja Manastirliu thekson se, pas 30 ditësh të vështira në terapi intensive mes momenteve shumë delikate dhe shpresës për mbijetesë, 25 vjeçarja nga Tirana ja ka dalë për mrekulli të shpëtojë, pas 3 ndërhyrjesh kirurgjikale të vështira në mëlçi”.

“Punë e shkëlqyer e ekipit të mjekëve të klinikës 3 të #Kirurgjisë prof. Arben Gjata, dr. Endri Shehu, dr. David Bellalla dhe dr. Anesti Caka”, shton Manastirliu.

“Shërim të shpejtë Arjola. Krenare për mjekët”, thekson ministrja e Shëndetësisë dhe Mbrojtjes Sociale, Ogerta Manastirliu./atsh

25-vjeçarja nga Tirana, ia del të shpëtojë, pas 3 ndërhyrjesh kirurgjikale të vështira në mëlçi Read More »

“Shëndet për të gjithë”/ Miratohet marrëveshja mes Shqipërisë dhe Zvicrës

Aktualitet, Shendetesi / /

Këshilli i Ministrave vendosi sot miratimin e një marrëveshjeje, ndërmjet Këshillit të Ministrave të Republikës së Shqipërisë dhe qeverisë së Konfederatës së Zvicrës.

Kështu në mbështetje të Kushtetutës dhe të ligjit “Për marrëveshjet ndërkombëtare në Republikën e Shqipërisë”, me propozimin e ministrit të Shëndetësisë dhe Mbrojtjes Sociale, Këshilli i Ministrave vendosi miratimin e një marrëveshjeje, ndërmjet Këshillit të Ministrave të Republikës së Shqipërisë dhe qeverisë së Konfederatës së Zvicrës të përfaqësuar nga agjencia Zvicerane për Zhvillim dhe Bashkëpunim (SDC) e Departamentit Federal të Punëve të Jashtme të Zvicrës, duke vepruar nëpërmjet Ambasadës Zvicerane në Shqipëri, për programin “Shëndet për të gjithë – HAP”, faza e dytë, prill 2019 – mars 2023, një projekt dypalësh bashkëpunimi dhe zhvillimi.

Që prej vitit 2015, Projekti Shëndet për të Gjithë (HAP), i financuar nga Agjencia Zvicerane për Bashkëpunim dhe Zhvillim (SDC) po ndihmon në promovimin e shëndetit publik në qarqet e Dibrës dhe Fierit. Faza e parë e projektit e cila u zbatua nga konsorciumi i përbërë nga 3 organizata: Instituti Zviceran i Shëndetit Publik dhe Mjekësisë Tropikale, Save the Children dhe Terre des Hommes, u finalizua në 31 mars 2019.

Faza e dytë e projektit shtrihet në afatin kohor prill 2019-mars 2023 dhe po zbatohet nga Instituti Zviceran i Shëndetit Publik dhe Mjekësisë Tropikale (Sëiss TPH) përmes qendrës HAP.

Parashtruar edhe në Strategjinë e SDC-së për Bashkëpunimin me Shqipërinë 2018-2021, qëllimi i fazës 2 të Projektit është “Popullsia shqiptare përfiton nga shëndetësia më e mirë falë shërbimeve të përmirësuara të kujdesit shëndetësor parësor.”

HAP po punon ngushtësisht me Ministrinë e Shëndetësisë dhe Mbrojtjes Sociale dhe entitetet e saj në nivel kombëtar dhe vendor, ofruesit e kujdesit shëndetësor parësor, pushtetin vendor dhe organizatat lokale të shoqërisë civile për arritjen e dy rezultateve kryesore.

MSHMS-ja dhe strukturat e saj rajonale menaxhojnë me më shumë efektshmëri dhe eficiencë shërbimin e kujdesit shëndetësor parësor.

Qytetarët në qarqet e synuara kanë akses dhe përdorin me efektshmëri shërbimet e kujdesit shëndetësor parësor e një cilësie më të mirë./atsh

“Shëndet për të gjithë”/ Miratohet marrëveshja mes Shqipërisë dhe Zvicrës Read More »

Hajdari: 2020-a do të jetë një vit i së vërtetës

Opinione, Politike / /

“2020-a do jetë patjetër përfundimi i Reformës Zgjedhore, Reformës në Drejtësi, do jetë vit i rëndësishëm pas vitit që lamë pas, do jetë i vështirë po ashtu, por një vit së vërtetës”, – deklaroi sot Rudina Hajdari, bashkëkryetare në komisionin për Reformën Zgjedhore.

Në një intervistë televizive, Hajdari tha se, “Partia Demokratike, por edhe partitë e tjera opozitare, e panë veten ngushtë se nuk kishin mundësi për të dhënë kontributin brenda parlamentit. Janë bërë më të ndërgjegjshëm, më të ndërgjegjshëm se një vit më parë se po ta mbani mend, një vit më parë ishin më pak të predispozuar për t’u marrë me Reformën Zgjedhore”.

Sa i takon nismës së mazhorancës për shkarkimin e Presidentit Ilir Meta, Hajdari u përgjigj se, “si ligjvënës mendoj se nuk duhet të shpejtojmë dhe të marrim hapa radikalë, sepse nxisin hapa të tjerë radikalë. Nuk është diçka emergjente, sepse mbi të gjitha njerëzit kanë nevojë për procese transparente dhe të drejta”.

E pyetur se cilët kanë qenë mbështetësit më të fortë të saj, Hajdari tha se, “gjatë gjithë kohës që kam qenë në Shqipëri, që u bënë gati 3 vjet që jam rikthyer, mbështetësit kryesorë, përveç familjes, kanë qenë miq të babait, kanë qenë njerëz që më kanë këshilluar dhe u kam besuar. Vazhdoj të kem marrëdhënie të mira me ta, madje i kam forcuar marrëdhëniet, se ata më njohin akoma më mirë. Mbështetem shumë te vetja ime dhe familja ime”.

E pyetur nëse do ta shohim në 2020 si kryetare partie, Hajdari theksoi se, “nuk do ndalem, do shoh mundësinë të jap kontributin tim modest. Demokracia në vend ka çaluar vitet e fundit dhe mendoj se 2020-a duhet të jetë rikthimi në bazë dhe ringritja e një demokracie të shëndoshë. Kjo është për t’u parë. Disa gjëra duhet t’ua lëmë surprizave”./atsh

Hajdari: 2020-a do të jetë një vit i së vërtetës Read More »