Irina

29 vjet PS/ Balla: Në mandatin e tretë, Shqipëria do të marrë datën e anëtarësimit në BE

Aktualitet, Politike / /

Sekretari i Përgjithshëm i Partisë Socialiste, njëherësh dhe kryetar i grupit parlamentar, Taulant Balla uroi sot të gjithë socialistët shqiptarë në ditëlindjen e 29 të themelimit të Partisë Socialiste.

Balla tha se Partia Socialiste është forca më e madhe politike jo vetëm në Shqipëri, por në mbarë trojet shqiptare.

Sipas Ballës, ky 29 vjetor e gjen Partinë Socialiste në një moment të rëndësishëm të maturimit të mëtejshëm, teksa përgatitet për fitoren e mandatit të tretë, tek i cili “ne do të kemi përmbyllur bisedimet për anëtarësim dhe unë besoj do të kemi dhe datën për anëtarësimin e Shqipërisë në BE”.

“Jemi në ditëlindjen e 29 të Partisë Socialiste dhe i uroj të gjithë socialistëve dhe progresistëve shqiptarë këtë moment të rëndësishëm të maturimit të mëtejshëm të forcës më të madhe politike jo vetëm në Shqipëri, por në mbarë trojet shqiptare dhe që e gjen PS në një etapë të rëndësishme teksa përgatitemi për 9 majin e vitit 2021, ku ne presim të rikonfirmohemi në përgjegjësinë e rëndësishme historike mandati i tretë, tek i cili ne do të kemi përmbyllur bisedimet për anëtarësim dhe unë besoj do të kemi dhe datën për anëtarësimin e Shqipërisë në BE”, tha ai.

Balla shprehu bindjen e shumicës së qytetarëve që nën drejtimin e PS dhe kryeministrit Edi Rama janë bërë hapa që në 2013 shumë pak mund t’i besonin./atsh

29 vjet PS/ Balla: Në mandatin e tretë, Shqipëria do të marrë datën e anëtarësimit në BE Read More »

21-vjetori i çlirimit të Kosovës/ Meta: Përjetë mirënjohës dhe falënderues për NATO-n dhe SHBA-në

Aktualitet / /

Presidenti i Republikës, Ilir Meta përkujtoi sot 21-vjetorin e çlirimit të Kosovës.

“Sot, në 21-vjetorin e Çlirimit të Kosovës, kujtojmë me nderim të jashtëzakonshëm jetën dhe veprën lapidare të Presidentit historik Ibrahim Rugova dhe Komandantit legjendar Adem Jashari, djemtë dhe vajzat e UÇK-së, si dhe dhjetëra e mijëra Heronj e Dëshmorë që dhanë jetën për Kosovën Republikë, në paqe, të lirë, të pavarur, sovrane dhe demokratike, me orientim të qartë perëndimor, në bashkëpunim e fqinjësi të mirë me të gjithë në rajon”, theksoi presidenti Meta.

“Përjetë mirënjohës dhe falenderues për NATO-n dhe Shtetet e Bashkuara, që çështjen e lirisë së Kosovës, e bënë çështje të dinjitetit të tyre”, nënvizoi Meta./atsh

21-vjetori i çlirimit të Kosovës/ Meta: Përjetë mirënjohës dhe falënderues për NATO-n dhe SHBA-në Read More »

Parashikimi i motit, e premte 12 qershor 2020

Aktualitet / /

Shërbimi Meteorologjik Ushtarak bën me dije se moti sot do të nis me kthjellime e vranësira. Gradualisht në mesditë vranësirat marrin zhvillim. Në orët e nxheta të ditës përgjatë maleve shtrëngata të izoluara. Era do të fryjë me drejtim nga veriperëndimi e lehtë e hera herës mesatare në bregdet. Valëzimi në dete parashikohet i forcës 2-3 ballë.

Temperaturat parashikohen:

QYTETET Temperaturat në °C Sigla
Shkodër 14/25 re diell
Kukës 12/26 re diell
Lezhë 14/26 re diell
Dibër 9/24 re diell
Durrës 13/27 re diell
Tiranë 12/28 re diell
Elbasan 13/27 re diell
Berat 14/28 re diell
Vlorë 14/28 re diell
Korçë 9/21 re diell
Gjirokastër 12/25 re diell
Sarandë 14/26 re diell/atsh

Parashikimi i motit, e premte 12 qershor 2020 Read More »

‘Duhen testime’/ Rritja e ndjeshme e rasteve, ‘befason’ mjeku epidemiolog: Karantina nuk dha rezultat

Opinione, Shendetesi / /

I ftuar në “Çim Peka LIVE”, mjeku epidemiolog Erion Dasho ka komentuar shtimin e rasteve me Covid-19 ditët e fundit në Shqipëri.

I pyetur nga gazetari Çim Peka se, a janë shtuar testimet apo shqiptarët nuk po ruhen më, mjeku u shpreh se prej dy muajsh e ka humbur besimin ndaj kolegëve të tij në Komitetitn e Ekspertëve.

“Kam të paktën dy muaj që e kam humbur besimin te kolegët tanë dhe nuk do të çuditesha. Nuk ka informacionet që keni ju të medias, por nuk më çudit në asgjë pasi kam parë kolegët e mi të Komitetit kanë një sjellje të çuditshme. Ne dëgjonim në 9, 10 dhe 11 maj kemi patur 4 raste të raportuara, por nëse kanë qenë 80 justifikohej ajo mbyllje.

Çkuptim ka karantina nga prilli e këtej kur shifrat ishin ato?! Kaluam në një situatë të pakuptimtë nga prilli e këtej kur rastet nuk kalonin 20.
Rastet e ditëve të fundit, referuar shifrave zyrtare, rastet me 36, 42 dhe 44 janë shqetësuese. Tregoi se karantina nuk dha rezultat. Nëse ka qenë vetëm një ditë 81, kam një bindje se po të shkosh në popullatë e të testosh 10 herë më shumë do të kemi 10 herë më shumë raste. OBSH thoshte testoni, testoni e ne nuk testonim. Të mbyllim ekonominë dhe të mos testojmë? Në prill u hap e gjithë Europa.

‘Duhen testime’/ Rritja e ndjeshme e rasteve, ‘befason’ mjeku epidemiolog: Karantina nuk dha rezultat Read More »

Festa e Shën Ndout/ Bashkia Kurbin me plan të detajuar masash, apel për respektimin e rregullave kundër COVID-19

Aktualitet / /

Duke parë situatën dhe zhvillimet e fundit në lidhje me pandeminë e COVID-19, por edhe pritjen e një fluksi të madh pelegrinazhi në Kishën e Shën Ndout me rastin e festës së 13 Qershorit, bashkia e Kurbinit në bashkëpunim edhe me institucione të tjera vendore ka përgatitur një plan të detajuar masash.

Policia e Shtetit, Policia Bashkiake, Shërbimi Shëndetësor Vendor, Zjarrfikësja etj., do të funksionojnë me shërbime të përforcuara përgjatë periudhës 12-13 qershor me qëllim përballimin e numrit të madh të pelegrinëve që priten në këto dy ditë.

Bashkia njoftoi se “është i ndaluar kategorikisht transporti publik me mjete si autobusë apo furgonë drejt Kishës së Shën Ndout dhe lëvizja do të bëhet vetëm me automjete private ose në këmbë”.

Kryetarja e bashkisë Kurbin, Majlinda Cara u bëri thirrje të gjithë banorëve të Kurbinit dhe pelegrinëve të shumtë që vijnë nga vende të tjera, për respektim rigoroz të distancimit fizik dhe përdorimin e maskave/dorezave apo dezinfektantëve pasi një ditë pelegrinazhi dhe lutjesh mund të kthehet në një vatër infektimi.

Gjithashtu, ajo tha se “është shumë e rëndësishme ruajtja e higjienës personale, por edhe mosndotja e mjediseve publike me ambalazhe e mbetje të ndryshme”.

“13 Qershori është një ditë feste dhe paqeje dhe jam e bindur se, me bashkëpunimin tuaj, si e tillë do të kalojë”, tha Cara. /atsh

Festa e Shën Ndout/ Bashkia Kurbin me plan të detajuar masash, apel për respektimin e rregullave kundër COVID-19 Read More »

Kosova nuk e ka luksin të ketë Kryeministër që armiqësohet me Shqipërinë dhe SHBA-në

Aktualitet / /

Presidenti i Kosovës, Hashim Thaçi deklaroi sot se “Kosova nuk e ka luksin që të ketë Kryeministër që armiqësohet me Amerikën dhe me Shqipërinë”.

I ftuar në një studio televizive, Thaçi tha se “unë nuk jam kundër askujt, jam për të gjithë dhe në favor të të gjithëve”.

“Kam qenë entuziast që Kurti pas rezultatit zgjedhor të 6 shkurtit të niste sa më shpejt themelimin e qeverisë së re dhe unë ta dekretoja, sepse gjithë ato muaj pa qeveri ishin të dëmshme për Kosovën. E kam dekretuar menjëherë edhe tani do të përpiqem maksimalisht që të mos ketë vakum institucional sepse nuk mund të presim që inatet e spektrit politik t’i kushtojnë shtetit të Kosovës. Aq sa kam punuar që Kurti të merrte detyrat, aq kam dekretuar edhe Hotin menjëherë. Sot kemi një situatë krejt normale, me një kryeministër në zyrë që ka marrë disa vendime të rëndësishme, si largimi i barrierave që kanë penguar Kosovën dhe gjithë proceset e tjera të rëndësishme”, tha Thaçi.

Ai theksoi se “këshilla ime ndaj Kurtit ishte që të jetë më i kujdesshëm në raport me opozitën në Kosovë dhe të mos sillej aq keq sa është sjellë me Shqipërinë, pothuajse në mënyrë armiqësore, pa nevojë”. “I kam kërkuar t’i heqë të gjitha ato pengesa me Shqipërinë. Ne jemi këta që jemi dhe pavarësisht kësaj, interesi i Kosovës dhe i Shqipërisë gjithmonë është vendosur para egove personale. Afrimi aq i madh me Serbinë në periudhën e pandemisë ka qenë shumë i pajustifikueshëm, i paargumentuar nga askush dhe nuk është mirëpritur në Kosovë”, tha Thaçi.

Thaçi tha se “edhe raportet shumë të ndera, ballafaquese për herë të parë me SHBA-në të zyrës së qeverisë Kurti, kanë qenë sinjale negative”./atsh

Kosova nuk e ka luksin të ketë Kryeministër që armiqësohet me Shqipërinë dhe SHBA-në Read More »

Ndërron jetë në Spitalin Infektiv 59-vjeçari nga Lushnja

Lajmi i fundit, Shendetesi / /

Ministria e Shëndetësisë dhe Mbrojtjes Sociale ka informuar se mëngjesin e sotëm ka ndërruar jetë në Spitalin Infektiv një pacient 59- vjeçar nga Lushnja i shtruar prej 6 ditësh në terapi intensive, i konfirmuar me COVID-19.

59-vjeçari vuante nga kardiomiopati e dilatuar, sëmundje renale kronike, diabet mellitus, anemi. Pas asistencës së madhe të stafit mjekësor në terapi intensive, 59- vjeçari nuk ka mundur të mbijetojë. Ministria e Shëndetësisë i ka shprehu ngushëllime familjarëve të të ndjerit./atsh

Ndërron jetë në Spitalin Infektiv 59-vjeçari nga Lushnja Read More »

Thaçi: Pa luftën e UÇK-së dhe sakrificën e qytetarëve nuk do të lëvizte as bota

Politike / /

Me rastin e 21–vjetorit të çlirimit të Prishtinës, presidenti i Kosovës, Hashim Thaçi, bëri homazhe tek shtatorja e heroit, Zahir Pajaziti, prej ku tha se e ardhmja e Kosovës është e sigurt dhe askush nuk mund ta pengojë atë.

Ai ndërsa bëri homazhe tha se sot nderojnë sakrificën e heronjve që sakrifikuan për lirinë dhe pavarësinë e Kosovës.

“Bëjmë nderime tek heroi i popullit heroi i kombit, Zahir Pajaziti, prej komandantëve të parë të Ushtrisë Çlirimtare të Kosovës, e përmes këtij nderimi shtetëror dërgojmë mesazhin e respektit shtetëror për të gjithë heronjtë e kombit luftëtarët e UÇK-së, invalidët e luftës , dhe familjet e dëshmorëve. Nderojmë sakrificën e gjithë qytetarëve të vendit që në një formë apo tjetër, me pushkë në dorë apo me rezistencë civile kontribuan në lirinë dhe pavarësinë e Kosovës. Janë këto ditë heroike, janë këto ditë historike të rëndësishme, pa luftën e UÇK-së, pa sakrificën e qytetarëve nuk do lëvizte as bota. Rezistenca jonë e drejtë sakrifica e madhe që u tregua në fushë beteja dhe kauza bëri që të kemi krahë nesh edhe aleatët tanë Shtetet e Bashkuara të Amerikës, Bashkimin Evropian dhe NATO”, tha Thaçi.

Sipas të parit të vendit tani mbetet të punohet në integrimin e Kosovës drejt NATO-së dhe Bashkimit Europian, pasi që vendi ka një të ardhme të sigurt dhe askush nuk mund ta pengojë atë.

Presidenti i vendit adresoi kritika edhe për mirëmbajtjen e shtatores së Zahir Pajazitit.

“I bëj ftesë institucioneve përkatëse edhe të ministrisë së Kulturës dhe autoriteteve lokale që të përkujdesen më tepër për monumentet dhe lapidarët që i kemi që janë krenaria e Prishtinës dhe Kosovës, në kuadër të kësaj edhe të heroit të popullit, Zahir Pajaziti”, deklaroi presidenti Thaçi.

Në 21 vjetorin e çlirimit të Prishtinës janë organizuar një sërë aktivitetesh ndër to janë edhe homazhet tek varrezat e dëshmorëve.

Po ashtu, me rastin e 11 Qershorit – Ditës së Çlirimit te Prishtinës, komuna e Prishtinës ndan “Çelësin e Qytetit” për Sabri Fejzullahun, ndërsa në orën 12:00 pritet të parakaloj dhe performoi Orkestra Frymore e FSK-së./KosovaPress/

Thaçi: Pa luftën e UÇK-së dhe sakrificën e qytetarëve nuk do të lëvizte as bota Read More »