Irina

Për 5 javë/ 50% më shumë internet falas, akses falas në çdo platformë edukative online

Aktualitet, Lajmi i fundit / /

Kryeministri Edi Rama informoi sot se “do të ofrohet 50% internet mobil falas më shumë, për 5 javë nga të tre operatorët”.

“Në kushtet kur shumica e qytetarëve po ushtrojnë një pjesë të veprimtarisë së tyre online dhe po bëhet një përpjekje e madhe për të mos ndërprerë falë opsioneve online mësimdhënien për nxënësit e shkollave, përmes AKEP kemi inkurajuar fuqishëm operatorët, sipërmarrësit dhe ata që janë të angazhuar në rrjetet e shërbimeve elektronike të ofrojnë për pajtimtarët mundësi shfrytëzimi maksimal dhe cilësor të internetit me kushte financiare sa më të favorshme, duke pasur posaçërisht në vëmendje mbarëvajtjen teknike dhe qëndrueshmërinë e vetë rrjeteve”, tha Rama.

Kryeministri tha se edhe pas testeve teknike të domosdoshme që janë bërë nga operatorët e sipërmarrësit dhe janë koordinuar në vendimmarrje dhe bashkëpunim me kompanitë celulare lidhur me oferta që do të jenë të vlefshme, nga nesër deri në fund të muajit prill 2020 do të ofrohen:

50% më shumë internet falas për një periudhë 5 javore
Akses falas në internet në çdo platformë edukative përfshirë edhe RTSH-së, kanalin që mbulon shkollën, pa kufizim.
Mundësi për abonentë të fiksit për të pasur akses në paltforma edukative interaktive për fëmijë të çdo moshe 60% më lirë krahasimisht me ofertën normale.
Zgjatje e ofertave për internetin fiks dhe televizor nga ABCOM, të ofertës familjare 3+1 me përmbajtje gratis për fëmijët.
Ofertë për 1 muaj gratis për çdo paketë të re abonimi internet nga Albtelekom. Çdo paketë e re që do të blihet dhe kontratë e re do të ketë të përfshira ofertat e sipërpërmendura./atsh

https://www.facebook.com/edirama.al/videos/2625998364286573/?t=0

Për 5 javë/ 50% më shumë internet falas, akses falas në çdo platformë edukative online Read More »

Përdorim i kujdesshëm i internetit që të mos kolapsohet rrjeti, 350 teknikë të autorizuar në terren

Aktualitet / /

Kryeministri Edi Rama deklaroi sot se “javën e fundit është vënë re rritje e kuptueshme eksponenciale e përdorimit të internetit në Shqipëri”, ndaj dhe kërkoi përdorim sa më të përgjegjshëm dhe të kujdesshëm që kapacitetet e këtij aseti që nuk është një burim i pakufishëm të mos i mbivendosim presionin e kolapsit.

Rama tha se “administrimi i duhur i rrjeteve dhe shërbimeve elektronike është një nga pikat nevralgjike të gjithë menaxhimit të krizës dhe kërkon një koordinim në kohë reale mes të gjithë aktorëve”.

“E keni parë se si kolapsuan sistemet dixhitale në vende shumë më të zhvilluara se i yni. Ne ishim përgatitur qysh herët dhe kemi qenë gjithë kohës në koordinim me operatorët për mbarëvajtjen dhe sigurinë e mirëfunksionimit të rrjeteve dhe të shërbimeve që rrezikohen nga një kolaps i pjesshëm apo i përgjithshëm si rezultat i mbipërdorimit të internetit sidomos në shërbimin celular. Falë bashkëpunimit të deritanishëm, mirëkuptimit të sipërmarrësve, profesionalizmit të stafeve dhe mbështetjes së strukturave të Ministrisë së Brendshme, Policisë së Shtetit dhe të bashkive është siguruar megjithë vështirësitë kudo ku ka qenë e mundur”, tha Rama.

Ai u shpreh se “në respekt të kufizimeve normative, aksesi në pikat kryesore të shitjes dhe shërbimit ndaj klientit, më shumë se 350 teknikë janë të autorizuar të qarkullojnë në terren gjatë gjithë ditës për të mirëmbajtur infrastrukturën e rrjeteve dhe për të mos lënë për një kohë të gjatë pajtimtarët pa shërbime bazë”.

Rama tha se “në funksion të situatës ekipet teknike në terren mund të jenë edhe më të shpeshta megjithë mangësitë e natyrshme”.

Kryeministri theksoi se “në situatën e jashtëzakonshme është krijuar në kuadrin territorial një kordon asistence dixhitale jetëgjatësia e të cilit do të varet nga sensi i përgjegjshmërisë dhe vetëdijësimi i secilit prej nesh në një moment kur nuk ka ende parashikueshmëri për kohëzgjatjen e kësaj lufte”.

Kryeministri kërkoi ndërgjegjësimin e qytetarëve për brishtësinë akute të sistemeve dhe rrjeteve elektronike në këto kohë lufte.

“Përvoja në vende të tjera të prekura nga pandemia si Italia, Britania e Madhe dhe Spanja dëshmon se mbingarkimi i rrjeteve, abuzimi i përdorimit të tyre, sjell si pasojë të menjëhershme kolapsin që nuk dëmton vetëm cilësinë por kompromenton jetëgjatësinë dhe vazhdimësinë e furnizimeve bazike të telefonisë fikse dhe celulare si dhe furnizimin me internet në momentet kritike.

“Situata e krijuar në këto vende ku u afrua në mënyrë jorealiste internet mobile 100% falas i pakufizuar për 10 ditë, rezultoi në probleme teknike që mund të jenë fatale për mijëra konsumatorë. Ndaj dhe ata ndryshuan kurs kur u gjendën në kolaps”, tha Rama./atsh

Përdorim i kujdesshëm i internetit që të mos kolapsohet rrjeti, 350 teknikë të autorizuar në terren Read More »

“Ti që mendon se je kaq i fortë sa t’i ndalësh jetën dikujt”/Apeli i mjekes Selenica: Unë të kërkoj ty që të ndalësh virusin

Opinione, Shendetesi / /

“Ti që mendon se je kaq i fortë sa të prishësh gjumin tim, t’i ndalësh jetën dikujt, sot unë të kërkoj ty që të ndalësh virusin”.

Ministrja e Shtetit për Marrëdhëniet me Parlamentin, Elisa Spiropali ka publikuar sot mesazhin e mjekes Romina Selenica e cila punon në Itali.

Mjekja Selenica ka apeluar të gjithë qytetarët që të qëndrojnë në shtëpi si masa e vetme për të ndalur virusin.

“Ti që mendon se je kaq i fortë sa të prishësh gjumin tim, t’i ndalësh jetën dikujt, t’i plagosësh zemrën një nëne, vetëm sepse të duket një masë ekstreme qëndrimi në shtëpi. Unë nuk i kërkoja dot Zotit të ndalte tërmetin, vetëm i lutesha atij. Ama sot unë të kërkoj ty që të ndalësh virusin”, ka qenë mesazhi i mjekes Romina Selenica./atsh

“Ti që mendon se je kaq i fortë sa t’i ndalësh jetën dikujt”/Apeli i mjekes Selenica: Unë të kërkoj ty që të ndalësh virusin Read More »

Rama apel të rinjve: Qëndroni në shtëpi, rrezikohet edhe jeta juaj nga COVID-19

Aktualitet / /

Kryeministri Edi Rama u bëri sot apel të rinjve që të qëndrojnë në shtëpi, ndërsa solli disa statistika që dëshmojnë se COVID-19 rrezikon seriozisht edhe të rinjtë dhe fëmijët.

“Mbrëmë shifrat e të prekurve në SHBA ishin të frikshme për një gjë, 40% e të shtruarve në spitalet amerikane janë nga mosha 20-45 vjeç dhe jo pak prej tyre janë në gjendje të rëndë. Është e vërtetë se ky armik i verbër në fuqinë e tij vrastare merr në botën tjetër përgjithësisht ata që janë më të moshuar dhe më të dobët, por është e pavërtetë që të rinjtë janë të paprekshëm. Madje edhe fëmijët nuk janë 100% të paprekshëm. Sot në Izrael luftohet për jetën e një fëmije 9-vjeçar”, tha Rama.

Ndaj ai iu drejtua të rinjve, studentëve, gjimnazistëve, që dalin në lagje për ajrosje ose që arrijnë të luajnë edhe basketboll si në një lagje në Tiranë mes orës 4 dhe 6, që të mos lëvizin nga shtëpia për asnjë arsye në botë sepse jo vetëm transportojnë bombat kur kthehen në shtëpi dhe vrasin prindërit apo gjyshërit, por mund të humbasin dhe jetën e tyre.

“Puseta e hapur dixhitale kishte përhapur fjalën se nuk shkoj në zyrë nga frika. Në fakt kam qenë i detyruar të shkoj përditë se ma ka dashur puna, por kjo është një kohë kur trimëri është të rezistosh sa me shume pa dale nga shtëpia dhe kur del të dalësh
vetëm nëse ke një punë të domosdoshme pa u shoqëruar me askënd dhe te mos prishësh radhën apo distancat kur shkon të blesh diçka. Po bëhet një përpjekje fantastike që do ta mbaj mend historia nëse nuk na e hedhin në plehra ata që nuk respektojnë ligjin e kësaj lufte. Janë pak, janë shumë pak në krahasim me popullsinë, por janë mjaft që të na e bëjnë gjëmën dhe të na e bëjnë pastaj këtë luftë një tragjedi kombëtare, mos e dhëntë Zoti me përmasa të paimagjinueshme”, tha Rama./atsh

Rama apel të rinjve: Qëndroni në shtëpi, rrezikohet edhe jeta juaj nga COVID-19 Read More »

Kini besim te stafi mjekësor dhe na ndihmoni/ Apeli i shefes së Shërbimit Infektiv, Najada Çomo: Mos dilni nga shtëpia

Aktualitet, Shendetesi / /

Kryeministri Edi Rama ndau sot apelin e Najada Çomos, shefes së Shërbimit Infektiv në Tiranë, ku po trajtohen rastet e prekura me COVID-19, e cila u bën thirrje qytetarëve të qëndrojnë në shtëpi.

“Najada, shefja e forcës speciale në vijën e zjarrit, ku luftohet orë e minutë për të shpëtuar pengjet e armikut, ka një mesazh dhe një lutje për ju: mos dilni nga shtëpia”, tha Rama.

Nga Shërbimi Infektiv i QSUT, Najada Çomo, në cilësinë e shefes së shërbimit dha një informacion të shkurtër lidhur me situatën.

“Lufta është hapur, kemi shtim të numrit të pacientëve në shërbimin infektiv. Një pjesë janë në gjendje të mesme, ndërsa 3 prej tyre janë në repart terapie intensive dhe janë duke marrë ndihmën e duhur nga ana mjekësore. Dua të siguroj qytetarët e Shqipërisë që ne jemi staf i mirëtrajnuar me mjekë, infermierë, kryeinfermierë, sanitarë, laborantë, imazheristë e shumë të tjerë që janë në vijën e parë të betejës”, tha ajo.

Çomo u kërkoi qytetarëve të kenë besim te mjekët dhe ne do të bëjmë punën tonë në maksimum. “Kërkojmë mirëkuptimin tuaj lidhur me qëndrimin tuaj në shtëpi, sepse kjo është një fitore madhe për ne, sepse ulni rrezikun e infeksionit tek personat e tjerë. Nuk është sakrificë e madhe të qëndrosh në shtëpi, sakrificë e madhe është të përballesh me sëmundjen. Urojmë dhe besojmë që bashkëqytetarët të na mirëkuptojnë duke na besuar dhe duke mos frekuentuar ambiente publike, familje të sëmura, apo të shmangin qëndrimet që rrezikojnë për të infektuar persona të tjerë”, tha ajo./atsh

https://www.facebook.com/edirama.al/videos/522274932004279/?t=0

Kini besim te stafi mjekësor dhe na ndihmoni/ Apeli i shefes së Shërbimit Infektiv, Najada Çomo: Mos dilni nga shtëpia Read More »

Forcimi i sistemit imunitar, arma më e mirë kundër koronavirusit

Shendetesi / /

Arma më e mirë kundër koronavirusit është forcimi i sistemit imunitar, deklaroi mjeku turk, Faruk Yorulmaz, drejtuesi i Departamentit të Shëndetit Publik pranë Universitetit Trakya.

”Trupi i njeriut e ka të vështirë të luftojë kundër viruseve kur sistemi i tij imunitar dobësohet, kështu që është me rëndësi të hahet shëndetshëm dhe të bëhet gjumë i mirë”, shtoi ai.

“Nuk ka asnjë trajtim të njohur ose vaksinë kundër virusit deri më tani. Pra, forcimi i sistemit tonë imunitar është arma jonë më e mirë kundër koronavirusit”, tha Yorulmaz.

“Ne mund të forcojmë sistemin tonë imunitar me ushqim të shëndetshëm” tha ai, duke shtuar se njerëzit mund të ekspozohen në diell për të fituar vitaminë D.

”Duhen konsumuar të paktën dy litra ujë në ditë, mjeku tha që duhet përmbajtur nga të ngrënit ushqime “junk”, pasi mbipesha ndikon negativisht në imunitet. Po ashtu edhe gjumi i pandërprerë për 7-8 orë është gjithashtu i dobishëm”, tha ai dhe rekomandoi bërjen e aktiviteteve fizike.

“Trupi i njeriut është programuar të lëvizë, prandaj aktiviteti fizik do të ndihmojë në përmirësimin e sistemit imunitar”, tha Yorulmaz. /atsh

Forcimi i sistemit imunitar, arma më e mirë kundër koronavirusit Read More »

Plani 7-pikësh: 100 milionë dollarë garanci për pagat, 65 milionë për shtresat në nevojë

Aktualitet, Lajmi i fundit / /

Kryeministri Edi Rama publikoi sot planin ekonomik të qeverisë për përballimin e situatës së COVID-19.

“Plani ynë për adresimin e nevojat për financimin të atyre që janë prekur drejtpërdrejt në ekonominë e tyre të përmuajshme ka 7 pika”, – theksoi Rama.

Plani ekonomik:

1- 2.5 miliardë lekë ose 25 milionë dollarë për luftën në vijën e zjarrit që vihet në dispozicion të Ministrisë së Shëndetësisë për pajisje e materiale shëndetësore apo mbështetje të të gjithë personelit të angazhuar mjekësor.

2- 10 miliardë lekë ose 100 milionë dollarë përmes instrumentit të një garancie sovrane për kompanitë që kanë vështirësi objektive për të paguar pagat e punonjësve të tyre.

3- 6.5 miliardë lekë ose 65 milionë dollarë për nevojat më imediate; për shtresat më në nevojë, për biznesin e vogël, për papunësinë e mundshme për shkak të luftës.

4- 2 miliardë ose 20 milionë dollarë që vijnë në dispozicion të Ministrisë së Mbrojtjes për operacionin humanitar.

5- 1 miliard lekë ose 10 milionë dollarë si fond rezervë për Këshillin e Ministrave për çdo urgjencë të paparashikuar.

6- Do të fshijmë përgjithmonë kamatëvonesat për debitorët aktivë që kanë konsum energjie sot, familjarë apo biznes i vogël, me efekt financiar deri në 15 miliardë lekë ose 150 milionë dollarë dhe nga kjo masë do të përfitojnë 211 024 abonentë.

7- Do të riskedulojmë në 6-mujorin e dytë të vitit 2020 dhe në vazhdim tatim fitimin për të gjithë biznesin deri në fashën nga 2-14 milionë lekë, ose nga 20-140 mijë dollarë xhiro.

Shtyrja e dorëzimit të bilanceve për një periudhë deri në 1 qershor të këtij viti për bizneset që dorëzojnë bilancet në QKB online ose drejtë për drejtë.
Nesër, datë 20.03.2020, ky plan do të hyjë në fuqi si Akti Normativ i ndryshimeve në Buxhetin 2020./atsh

Plani 7-pikësh: 100 milionë dollarë garanci për pagat, 65 milionë për shtresat në nevojë Read More »

Askush nuk e di sa do zgjasë/ Në luftë për ekzistencë me COVID-19, kemi vetëm njëri-tjetrin mbështetje

Aktualitet, Opinione, Politike, Problematika / /

Kryeministri Edi Rama deklaroi sot se “në këtë luftë për ekzistencë jemi vetëm dhe kemi vetëm njëri-tjetrin”.

“Nuk jemi si pas tërmetit kur na ra tavani mbi kokë, varrosëm 51 anëtarë të familjes sonë, kuruam plagët e afro 1 mijë të tjerëve dhe programuam buxhetin tonë për të kthyer në shtëpi 17 mijë motra dhe vëllezër që mbetën me qiellin mbi kokë në mes të dimrit. Morëm rrugët e botës me dorën shtrirë si hallexhinj dhe i hapëm me shkelmin e argumenteve bindëse dyert e botës mbarë duke garantuar fondet e rindërtimit. Jo s’jemi pas tërmetit këtë herë, por jemi pasi na ka hyrë në shtëpi një armik që rrezikon të na marrë qindra, në mos mijëra jetë dhe rrezikon të na shtrijë spitaleve, në mos palestrave dhe sallave të koncerteve mijëra e mijëra njerëz të zemrës nëse nuk zbulojmë përditë brenda vetes fuqinë e durimit më të jashtëzakonshëm dhe nëse nuk e ndajmë mendjen më fort se kurrë se në këtë hall sa një mal mbi kokë jemi vetëm”, tha Rama.

Ai tha se “kemi vetëm veten dhe njëri-tjetrin dhe askush që nuk flet shqip apo qan shqip, nuk na dëgjon”. “Nuk kemi kujt t’ia shtrijmë dorën. Askujt tjetër, sepse askush nuk shikon hallin që na zuri, dhe nuk kemi asnjë derë tjetër, përveç dyerve të zemrave tona ku të trokasim, sepse nuk ka mbetur më derë në botë që nuk është mbyllur”, tha Rama.

Kryeministri tha se “ose do të luftojmë bashkë, ose të gjithë bashkë do të biem në humnerë, ku nuk do ketë kush të na varrosë e jo më të na qajë”.

Duke prezantuar planin financiar për përballimin e COVID-19, Rama u bëri edhe njëherë apel gjithë shqiptarëve që të ndërgjegjësohen për situatën ku ndodhemi.

“Ju kërkoj përulësisht ndjesë një mijë herë për gjithçka të papëlqyeshme që kam qenë i detyruar t’ju them dhe do t’ju them deri në fund dhe pa ngurim deri sa kjo luftë të mbaroj. Fjalët e sheqerosura janë tradhti. Shikoni çfarë po ndodh me vende shumë më të mëdha se Shqipëria, po e paguajnë një nga një iluzionin se kjo është një ëndërr e keqe që do të mbarojë vetë dhe shpejt. Vendet më të zhvilluara të botës u kapën të gjithë gafil, komplet të paditur dhe të papërgatitur nën agresionin e një virusi të panjohur, një armik që i ka gjetur pa shtretër të mjaftueshëm spitalore, pa aparatura të mjaftueshme frymëmarrje, pa maska dhe veshje të mjaftueshme mbrojtëse, dhe deri pa numra të mjaftueshëm mjekësh të specializuar kundër asfiksimit të qenies njerëzore”, tha Rama.

Ai tha se “për herë të parë si Ballkani i varfër, si Europa e pasur, gjenden në të vetmen anije në det të hapur. “Kanë vetëm një armë në dispozicion, që ka vetëm një fishek, unitetin popullor. Kjo është e para luftë në historinë e njerëzimit ku kazerma është shtëpia dhe çdo ushtar duhet të mbyllet sa më shumë në shtëpi. Tani shohim se si ushtria amerikane, më e pathyeshmja në botë, dhe më e vogla ushtria shqiptare, kanë të njëjtën forcë goditëse: zero. Asnjë aleancë mes shtetesh nuk ekziston. Një luftë botërore, ku secili mbetet më vete dhe Zoti për të gjithë”, tha ai.

Kryeministri tha se “ne nuk jemi më të mençur sesa ato vende që ngurruan për masat shtrënguese dhe që të kufizojnë rëndë lirinë e njerëzve, por pikërisht pse jemi më të dobët se ata ne vrapuam më shpejt të mbyllemi në shtëpi”.

“Do të vazhdojmë kështu pa asnjë iluzion. Nuk e di askush, as SHBA, Gjermania, Franca e me radhë se kur do të vijë dita e çlirimit tonë nga ky makth. Po nuk do të jetë as javës tjetër dhe as pas dy javësh. Vetëm Zoti e di se deri kur do të vazhdojë”, tha Rama./atsh

Askush nuk e di sa do zgjasë/ Në luftë për ekzistencë me COVID-19, kemi vetëm njëri-tjetrin mbështetje Read More »