Irina

Situata nën kontroll, lehtësohet puna për një pjesë të konsiderueshme të sektorit privat

Aktualitet, Lajmi i fundit / /

Kryeministri Edi Rama deklaroi sot se vendimet që do të merren për të vijuar me hapjen e më tepër aktiviteteve ekonomike do të jenë të udhëhequra nga shifrat dhe situata që do të paraqitet në sistemin tonë shëndetësor.

“Në këtë proces ne udhëhiqemi në radhë të parë dhe pa diskutim nga shifrat në spitalin e Infektivit. Situata në spital është nën kontroll. Kemi vetëm një numër të kufizuar shtretërish të zënë, ndërkohë po përgatisim edhe spitalin tjetër. Kemi një numër minimal personash në terapi intensive dhe kjo na jep mundësi të shikojmë nga ana e hapjes, sepse e gjithë lufta bëhet për shëndetin që të mos mbetet njeri pa marrë kujdesin e duhur shëndetësor”, bëri të ditur Kryeministri, në një intervistë televizive.

Rama tha se me bllokun e parë të lehtësimit që është tanimë në aktivitet dhe me bllokun e aktiviteteve që do të hapen nga data 27 prill, është lehtësuar puna për një pjesë të konsiderueshme të forcës së punës për sektorin privat në Shqipëri.

“Janë 27 589 njerëz që kthehen në punë, ndërsa do të vijojë të mbështeten nga qeveria me “pagën e luftës”. Të gjitha pagat e premtuara do të shkojnë te ata që janë subjekt para dhe pas paketës së zgjeruar. Taksitë do të fillojnë punë, por ata do të vazhdojnë të marrin pagën e luftës sikundër punonjësit e dyqaneve e tregjeve”, siguroi Kryeministri.

Rama tha se sipas të dhënave, të gjithë personat që aplikuan për tu mbështetur nga paketa e parë e qeverisë, por që u refuzuan për shkak të kritereve të përcaktuara, që janë mbi 60 mijë individë, përfitojnë përmes paketës së zgjeruar mbështetëse bonusin prej 40 mijë lekësh, që do ta marrin shumë shpejt./atsh

Situata nën kontroll, lehtësohet puna për një pjesë të konsiderueshme të sektorit privat Read More »

E bija e Dr. Petrit Kokalarit nga SHBA mesazh mjekëve: Sot, ju jeni heronjtë e Shqipërisë

Aktualitet, Shendetesi / /

“Sot, ju jeni heronjtë e Shqipërisë, drita e shpresës dhe misioni juaj, na jep forcë të gjithëve”, është mesazhi që e bija e mjekut dhe e pedagogut të shquar, Dr. Petrit Kokalari, Drejtor i Institutit të Mjekësisë Popullore, i ka drejtuar doktorit, Tritan Kalo, e përmes tij edhe të gjithë mjekëve të spitalit Infektiv.

Doktor Kalo e ka cilësuar, mallëngjyes mesazhin e marrë sot përmes një emisioni televiziv, ndërsa shprehet se mirënjohja është virtyt i fisnikëve ndërshekullorë të trojeve arbërore dhe jo i shumë harbutërve të demonkracisë sonë.

“Sot ju jeni heronjtë e Shqipërisë, drita e shpresës dhe misioni juaj, na jep forcë të gjithëve. Më vjen keq që duhej kjo tragjedi dhe një krizë e këtij niveli, që t’ju shprehnim publikisht vlerësimin që ndjejmë, por më lejoni t’ju siguroj se ky vlerësim dhe respekt për ju, jam e sigurt se ka qenë, është dhe do të ngulitet thellë në koshiencën e të gjithë shqiptarëve” thuhet në mesazhi e znj. Kokalari.

Doktor Kalo shpreh bindjen se ekipi mjekësor shqiptar do t’ja dalë të fitojë betejën me COVID -19.

“Shqiptari i vërtetë mbetet shqiptar, i lidhur përjetësisht me dheun amë, kudo ku ai frymon. Së bashku ne do ja dalim me siguri mbanë”, deklaroi Kalo.//atsh

E bija e Dr. Petrit Kokalarit nga SHBA mesazh mjekëve: Sot, ju jeni heronjtë e Shqipërisë Read More »

Gati vërtetimi online në e-Albania për të gjitha bizneset që lejohen të hapen nga nesër, merret vetëm një herë

Aktualitet, Lajmi i fundit / /

Bizneset e miratuara për hapje nga Ministria e Shëndetësisë duke nisur nga java që vjen (20 – 26 prill), mund të shkarkojnë online në www.e-albania.al vërtetimin.

Kryeministri Edi Rama bëri të ditur se ky vërtetim merret vetëm një herë dhe se duhet të jetë i disponueshëm, në mjedisin e biznesit kur zhvillohet një procedurë kontrolli.

“Bizneset e hapura të zbatojnë përpikmërisht protokollin e sigurisë që është i publikuar në www.e-albania.al sipas kategorisë përkatëse”, theksoi Kryeministri.

Kryeministri publikoi edhe hapat që një biznes duhet të ndjekë për tu pajisur me këtë vërtetim.

Nëse përfaqësuesi i biznesit nuk ka një llogari ekzistuese të biznesit në e-albania, ata mund të kryejnë hapjen e saj duke u identifikuar si “Administrator” me kredencialet e tyre. Më pas klikon butonin “Regjistro” një biznes dhe plotëson të dhënat që kërkohen.

Për të gjeneruar vërtetimin, mjafton të identifikoheni në llogarinë e biznesit në e-Albania me nipt-in tuaj dhe të përzgjidhni shërbimin “Vërtetim për aktivitet ekonomik të hapur”.

Pasi të klikoni butonin “Përdor”, menjëherë në ekran do t’ju shfaqen të dhënat e biznesit tuaj dhe mesazhi nëse subjekti Juaj lejohet ose jo të ushtrojë aktivitetin në këtë periudhë.

Klikoni butonin “Dërgo” dhe vërtetimi do të vijë menjëherë në adresën e email-it të biznesit që është regjistruar në platformën e-Albania.

Para se të mbyllni dritaren e konfirmimit në e-Albania, lutemi të lexoni me vëmendje protokollin e sigurisë, që duhet të zbatojnë bizneset e hapura.

“Ruani veten, punonjësit tuaj dhe konsumatorin. Mosdisponimi i vërtetimit si biznes i miratuar nga Ministria e Shëndetësisë apo moszbatimi i protokollit përkatës të sigurisë, sjellin pasoja administrative dhe penale”, tha Kryeministri Rama.

Vërtetim për aktivitet ekonomik të hapur

“Vërtetim për aktivitet ekonomik të hapur” është një shërbim elektronik i cili u mundëson subjekteve të aplikojnë online për t’u pajisur me vërtetim që dëshmon se subjekti është i autorizuar të ushtrojë aktivitetin gjatë periudhës së gjendjes së jashtëzakonshme për shkak të COVID-19, në përputhje me urdhrin e Ministrisë së Shëndetësisë dhe Mbrojtjes Sociale.
Kujdes! Ky vërtetim duhet të mbahet gjatë gjithë kohës në ambientet e subjektit dhe t’i tregohet inspektorëve ose punonjësve të policisë në rast kontrolli.
Ky autorizim është i vlefshëm për mbajtësin, deri në momentin që aktiviteti të cilin ai ushtron është në listën e aktiviteteve të lejuara. Në rast se aktiviteti mund të përbëjë rrezikshmëri për shëndetin dhe futet në listën e aktiviteteve të mbyllura, atëherë autorizimi automatikisht humbet vlefshmërinë e tij, në momentin që njoftohet publikisht ndryshimi i kategorisë së aktivitetit.
Dokumentacioni i nevojshëm
Për këtë shërbim nuk nevojitet dokumentacion shoqërues.

Hapat e procedurës

– Identifikohuni si biznes me NIPT në portalin e-Albania;
– Zgjidhni shërbimin “Vërtetim për aktivitet ekonomik të hapur”;
– Klikoni butonin” Përdor”;
– Në formularin elektronik do të shfaqen të dhënat e biznesit tuaj dhe mesazhi nëse subjekti juaj lejohet ose jo të ushtrojë aktivitetin në këtë periudhë;
– Klikoni butonin “Dërgo” dhe vërtetimi do të dërgohet menjëherë në adresën e email-it te biznesit që është regjistruar në platformën e-Albania.
– Në rast se dëshironi të përdorni një email tjetër, ju duhet ta ndryshoni në rubrikën “Hapësira Ime” duke klikuar: Ndrysho të dhënat e llogarisë.
– Para së të mbyllni dritaren e konfirmimit në e-Albania, lutemi të lexoni me vëmendje protokollin e sigurisë, që duhet të zbatojnë bizneset e hapura.
Vërtetimin e gjeneruar mund ta gjeni gjithashtu në çdo kohë në seksionin “Dokumentet e mia” tek hapësira juaj në portalin e-Albania. /atsh

Gati vërtetimi online në e-Albania për të gjitha bizneset që lejohen të hapen nga nesër, merret vetëm një herë Read More »

Bashkia e Vlorës koncert për festën e Pashkës/ Leli: Arti dhe muzika, mesazh shprese

Aktualitet / /

Bashkia e Vlorës organizoi mbrëmjen e djeshme një koncert në sheshin para teatrit “Petro Marko” Vlorë, si një urim për festën e Pashkës Ortodokse.

Kryetari I bashkisë së Vlorës, Dritan Leli, tha se “arti dhe muzika le të jenë edhe në këto ditë, një mesazh shprese se çdo gjë do të shkojë mire”.

“Jemi në një qytet të zbrazur. Kemi zgjedhur një gjë ndryshe nga para një jave kemi sjellë në sheshin “Tri Racat”, të rinjtë e qytetit, ata që janë shpresa e muzikës për të ardhmen, me simbolikën që jeta vazhdon”, – theksoi Leli.

Duke falënderuar të rinjtë kryebashkiaku Leli u shpreh se “arti i këtyre të rinjve janë simbolika e shpresë që pas një të keqe duhet të presim një të mirë që vjen”.

“Faleminderit Fjorela, Enea, Redi, Jorgo, Eros që me muzikën tuaj sot lumturuat sadopak qytetarët nga sheshi Tre Racat . Faleminderit shkollës së muzikës “Naim Frashëri” dhe drejtorit Qani Balla që pranuan ftesën time për t’u uruar qytetarëve vlonjatë dhe jo vetëm , Gëzuar Pashkët”, – tha Leli.

Qytetarët vlonjatë e ndoqën koncertin nga ballkonet e shtëpisë së tyre./atsh

Bashkia e Vlorës koncert për festën e Pashkës/ Leli: Arti dhe muzika, mesazh shprese Read More »

40 ditë në përballje me COVID-19, Nevila dhe Arbër Gjermeni dy heronj të vërtetë në Spitalin Infektiv

Aktualitet / /

Kryetari i grupit Parlamentarë të PS-së Taulant Balla ka shprehur mirënjohje për mjekës, Nevila dhe Arbër Gjermeni të cilët mbushin 40 ditë në vijnë e parë të luftës me COVID-19.

Balla shprehet se “prej 40 ditësh, doktorët Nevila dhe Arbër Gjermeni janë dy heronj të vërtetë në Spitalin Infektiv, në shërbim të pacientëve të prekur nga Covid-19.

“Prej 40 ditëve ata janë larg fëmijëve të tyre, djalit 10-vjeçar dhe vogëlushes vetëm 14 muajshe, ndërsa kujdesen me përkushtim, çdo ditë, për shërimin e pacientëve që po përballen me virusin e rrezikshëm. Mirënjohje dhe respekt pafund për këta heronj”, shprehet ai. /atsh

40 ditë në përballje me COVID-19, Nevila dhe Arbër Gjermeni dy heronj të vërtetë në Spitalin Infektiv Read More »

Një lloj i panjohur bari në lulishten e Vlorës, Leli: Do angazhojmë Institutin e bimëve për analizimin e tij

Aktualitet / /

Një lloj i panjohur bari i lartë që e ruan vesën gjatë gjithë kohës në formë të konservuar përgjatë trupit ka mbirë në lulishtet në hyrje të qytetit të Vlorës.

Kryetari i bashkisë së Vlorës, Dritan Leli, publikoi sot një fotografi të këtij lloji bari, ndërsa theksoi se “bashkia e Vlorës do të angazhojë Institutin e Bimëve për të analizuar shkaqet e lindjes dhe përbërjen biologjike të kësaj specieje”.

“Na rezulton se gjatë këtyre 40 ditëve të karantinës në hyrje të Vlorës ka mbirë një lloj i panjohur bari i lartë që e ruan vesën gjatë gjithë kohës në formë të konservuar përgjatë trupit”,- tha Leli.

Kryebashkiaku Leli shprehet se “ju bëjmë thirrje të gjithë qytetarëve të mos i afrohen pa u zbuluar më parë efekti i kësaj bime mbi organizmin e njeriut. Për momentin bimë të tjera dhe pemë të ndryshme po shtohen rrotull barit të çuditshëm me përmasa gjigante që ka dalë në hyrje te qytetit”./atsh

Një lloj i panjohur bari në lulishten e Vlorës, Leli: Do angazhojmë Institutin e bimëve për analizimin e tij Read More »

Situata e epidemisë e kontrolluar, koha të fillojë lirimi i masave të forta

Aktualitet, Lajmi i fundit / /

Ndërsa numri i të shtruarve me COVID në spital është në rënie dhe gjendja e pacientëve të infektuar paraqitet e mirë, këto janë shenja të cilat tregojnë se pas javës së shtatë të epidemisë, masat e ndërmarra nga qeveria do të lehtësohen nga pak.

Kështu u shpreh zv.ministrja e Shëndetësisë dhe Mbrojtjes Sociale, Mira Rakacolli e cila argumentoi se edhe pas lehtësimit të masave, nëse ndryshon dinamika dhe situata për keq, atëherë mund të ketë edhe tërheqje të lehtësimit të masave.

‘Siç e kanë treguar edhe numrat e tanishëm, situata është e kontrolluar. Asnjëherë jashtë atyre shifrave që na bënin të shqetësoheshim e të ndodheshim përpara një situate që do të sillte një numër të madh të sëmurësh. Pavarësisht luhatjeve të vogla në numër, këto gjëra interpretohen në kuadrin e numrave të mëdhenj, në kuadër të numrit të popullsisë , numrat janë po njësoj. Situata vazhdon të mbetet e kontrolluar. Gjëja që është shumë pozitive është fakti që kemi një rënie të numrit të të shtruarve në spitale. Pra, me këtë që po fillon tani, pra java e 7-të tashmë e pandemisë, me këtë fillon të matet realiteti. Numrat e të shtruarve në spital kanë ardhur vazhdimisht në rënie. Kryesorja është që shumica e të sëmurëve nuk janë të sëmurë në gjendje të rëndë. Vazhdojnë të mbeten në repartet e kujdesit intensiv, vazhdojnë të mbetet një numër jo i madh pacientësh që kanë nevojë për këtë lloj përkujdesje. Pra, shenjat e mira të dominimit të epidemisë janë pikërisht shenjat e numrave të sëmurëve që kanë nevojë për kujdes spitalor.

Rakacolli tha se aktualisht të sëmurë me COVID-19 që janë të intubuar janë vetëm 3 pacientë.

“Numri i qëndrueshëm i të infektuarve të rinj, gjendja pak a shumë e mirë e të infektuarve dhe numri i ulët nëpër spitale janë premisa që tregojnë që masat mund të fillojnë të lirohen.

Ajo tha se do të gjykohet situate në varësi të dinamikës së situatës, ku mund të ndodhë që pas lehtësimit të masave për shkak të rritjes së numrit të të infektuarve mund edhe të rikthehen masat e izolimit.

“Nga analizat e hollsishme që është bërë, është koha t’i propozohet, pra të fillojmë lirimin nga këto masa kaq të forta që janë marrë’.

E pyetur mbi rastet në një fasoneri në Krujë, Rakacolli u shpreh se “në çdo lloj aktiviteti të mbajtur hapur si në spitale dhe aktivitete të tjera që janë gjykuar që mund të jenë të hapura, janë propozuar dhe kontrolluar marrja e mjeteve mbrojtëse. Pra, çdo punë që është bërë në lidhje me përdorimin e mjeteve mbrojtëse personale siç janë distancimi fizik, përdorimi i maskave, dorezave dhe gjithçka tjetër që lidhet me procesin e punës” ndërsa shtoi se “po bëhet një hetim i hollësishëm epidemiologjik si në fasoneri, ashtu edhe nëpër shtëpia. Ashtu siç po bëhet në familje, ashtu siç po bëhet në çdo vend në të cilin vlerësohet një person i infektuar me koronavirus’./atsh

Situata e epidemisë e kontrolluar, koha të fillojë lirimi i masave të forta Read More »

Braçe: Ku i çuan paratë të pasurit tanë që veç për 5 javë i kërkojnë para qeverisë

Aktualitet, Opinione, Politike / /

Zëvendëskryeministri Erion Braçe ka reaguar në lidhje me kërkesën që biznesi i madh i bënë qeverisë për pra në situatën e pandemisë me COVID-19, si dhe i kërkon të pasurve të shkurtojnë luksin dhe jo rrogat e punëtorëve pasi do përballen me Kodin e Punës para drejtësisë.

Braçe shprehet se “secili pjesën e tij në faturë, kriza jo veç mbi punëtorët e qeverinë! Edhe mbi fitimet! Bizneset i ndajnë sipas xhiros së aktivitetit apo ndërmarrjeve të tyre në këtë vend; deri në 2 milionë lekë, në 14 milionë lekë, mbi këtë nivel, ka dhe VIP-a më pas; pronarët e tyre, veçanërisht kategorinë VIP, i asociojnë ose me panairin e makinave të luksit në Tiranë, ose me panairin e vilave në Lalez, Qerret, Palasë!”.

“Unë nuk e di se kujt sipërmarrësi, fëmijë të tij, i përket ku luks rrugës, – më duket se mungon një McClaren në listë, – por e di fare mirë që ky luks nuk përfaqëson mijëra sipërmarrës edhe të pasur që çdo gjë e kanë me punë, djersë, sakrifica, garë e konkurrencë, ligjërisht, krejtësisht modest, që nuk ia lejojnë vetes, familjes, këtë luks banal, edhe pse me xhiro mbi 14 milionë lekë!”, thekson Braçe.

Ai tha se “fasha e biznesit VIP ka çelur dy panaire të rinj në Tiranë, të lidhur me njëri-tjetrin; njëri, ai i kërkesave për para drejtuar qeverisë, deri tek kërkesa e pamend që qeveria të presë para, tjetri, ai i punëtorëve të papunë të dorëhequr me zor e përzënë me dhunë, shtyrë drejt qeverisë. Në fakt një pyetje më vjen në mend prej ditësh, ku i çuan paratë të pasurit tanë, aq sa për 5 javë, veç për 5 javë i kërkojnë para qeverisë?! Shikoni, unë mendoj se kjo krizë përballohet me punëtore, sipërmarrës, qeveri-bashkë, duke marrë secili pjesën e tij të përgjegjësisë e faturës. Gjithkush duhet të kuptojë se fatura vetëm mbi qeverinë, sidomos në skemën – 0 taksa dhe para për ne, biznesin, është faturë mbi të gjitha, të varfrit e të mesmit më shumë”.

Ndaj, shton Braçe, ndërmarrje që përfituan nga favori fiskal i reduktimit të tatimit mbi të ardhurat nga dividenti (janë 4100 ndërmarrje të mëdha të listuar), ndërmarrje që nuk respektojnë Kodin e Punës, ndërmarrje që nuk kanë gjendje të madhe likuiditeti, ndërmarrjet që në dy vitet e fundit kanë raportuar normë të lartë fitimi e që në dy vitet e fundit kanë transferuar fitimin e tyre jashtë, ndërmarrje që deklarojnë tani aktivet të ndryshëm nga ai i regjistruar në QKR për qëllime evazioni, ndërmarrje që deklarojnë në zyrat e pagesës së papunësisë më shumë se 50% të punonjësve të tyre, nuk duhet t’i bëhen barrë buxhetit të shtetit”.

Braçe shton se nuk është koha për të fituar edhe më shumë para.

“Kanë vepruar në kundërshtim me Kodin e Punës kur kanë larguar punëtorët e tyre nga puna, duhet të bëjnë pas e të marrin përgjegjësi ligjore e financiare siç Kodi i Punës ju kërkon. Kodi i Punës si reference ligjore, procedurale e financiare është zgjidhja e drejtë dhe e ndershme; Përgjigja-nuk kam më lekë, t’u paguaj qeveria është një gënjeshtër e madhe!. Por përtej tyre, VIP-ave, dhjetëra sipërmarrës ju kanë dalë për zot punëtorëve të tyre, ju kanë paguar rrogat, sigurimet, madje edhe tatimin mbi te ardhurat”.

Braç ju drejtohet të pasurve duke ju thënë se duhet të frenoni luksin dhe jo pagat e punonjësve.

“Kjo është pabarazi! Edhe në tregun ku operojnë si ai lloj edhe ky lloj, pabarazi është. Fakti i kryer në kundërshtim me ligjin duhet të ketë një kufi; Qeveria po merr përsipër punëtoret që janë hedhur në rrugë në kundërshtim me ligjin-me herët ka marrë përsipër të punësuar e vetëpunësuar në biznesin e vogël por hetimi ligjor, administrativ, fiskal, duhet të pasojë me çdo kusht. Por përtej kësaj, të hënë hapet puna thuajse plotësisht, pa kafenetë, baret e restorantet. Drejtësia duhet të dalë nga karantina e të prese padinë e çdo punëtori të dhunuar e që nuk bie dakord me pagën e papunësisë, duke kërkuar atë që Kodi i Punës i garanton. Të pasurit tanë duhet të mësohen edhe me këtë, ta pranojnë si mënyrën e re të jetesës; Kudo nis duke frenuar luksin, jo rrogat e punëtorëve”, tha ai. /atsh

Braçe: Ku i çuan paratë të pasurit tanë që veç për 5 javë i kërkojnë para qeverisë Read More »