Irina

Muaj i Ramazanit, Basha: Zoti ju dhëntë shpërblesë për sakrificën tuaj

Aktualitet, Politike / /

Kryetari i PD-së Lulzim Basha ka uruar besimtarët mysliman për muajin e Ramazanit dhe nisjen e agjërimit.

“Gjatë këtij muaji, sakrificës së agjërimit i shtohet edhe pamundësia për t’u falur në xhamitë e mbyllura për shkak të pandemisë. Por shtëpitë dhe shpirtrat e besimtarëve do të përndriten nga lutjet ndaj Krijuesit të Plotfuqishëm, dhe zemrat do të dlirësohen nga agjërimi dhe thellimi në meditim”, u shpreh Basha.

“Ndaj le të bashkohemi sot të gjithë në urimin për agjërim të lehtë e të pranuar! Zoti i dëgjoftë lutjet e besimtarëve çdo mëngjes e mbrëmje dhe na faltë bekimin dhe mëshirën e tij! Sakrifica e agjëruesëve gjatë këtij muaji shërbeftë për lehtësimin e dhimbjeve dhe sprovave me të cilat po përballen shqiptarët! Zoti ju mbrojt dhe ju dhëntë shpërblesë të shumëfishtë për sakrificën tuaj!”, shprehet ai./atsh

Muaj i Ramazanit, Basha: Zoti ju dhëntë shpërblesë për sakrificën tuaj Read More »

Solidaritet në kohë pandemie/ Shqiptarja nga Vlora dhuron 600 maska për qytetarët në Itali

Aktualitet, Lajmi i fundit / /

Shqiptarja nga Vlora, Etleva Veizaj, e cila prej 20 vitesh jeton në qytetin e Ferentinos, Lazio, ka dhënë ndihmën e saj, duke qepur dhe dhuruar 600 maska për ata që kanë nevojë.

Me përhapjen e shpejt të koronavirusit në shtetin fqinj, Itali, shumë shqiptarë janë përfshirë në nisma të ndryshme për të ndihmuar në komunitet.

Veizaj tregon se mori këtë iniciativë pasi pa që njerëzit në qytetin e saj, po përballeshin me mungesë të maskave, në një kohë kur ato janë kthyer në domosdoshmëri jetike për secilin nga ne.

“Ideja për këtë iniciativë erdhi pasi pashë njerëzit në rrugë pa maska dhe mamaja ime më tha që mund të fillosh dhe ti qepësh maska për njerëzit të cilët kanë nevojë dhe t’i shpërndash ato”, shprehet ajo për gazetën “Diaspora Shqiptare”.

Për vetëm një muaj Veizaj ka qepur mbi 600 maska, të cilat jua ka shpërndarë qytetarëve shqiptaro-italian si dhe qendrave të mbrojtjes civile dhe asistencave sociale në Ferentino.

Maskat e saj janë të punuar nga dy shtresa, me copa të pëlhurës dhe pambukut, ato mund të lahen dhe të dezinfektohen ndërsa tregon se brenda 4 orëve ka arritur të qepë deri në 30 maska.

Veizaj, me dëshirën që ka për për të kontribuar gjithnjë në komunitet, është e angazhuar edhe si vullnetare pranë shoqatës “AIRC” në ndihmë të njerëzve me sëmundje tumoriale.

“Më pëlqen të ndihmojë njerëzit që janë në nevojë, kjo është pasuri më e madhe që mund të bëjmë”, tha ajo.

Solidaritet në kohë pandemie/ Shqiptarja nga Vlora dhuron 600 maska për qytetarët në Itali Read More »

Kuvendi miraton me 91 vota zgjatjen e afatit të gjendjes së fatkeqësisë natyrore deri në 23 qershor

Aktualitet, Lajmi i fundit, Politike / /

Kuvendi miratoi sot zgjatjen e afatit të gjendjes së fatkeqësisë natyrore.

Me kërkesë të qeverisë, gjendja e fatkeqësisë është shtyrë deri në datën 23 qershor, teksa vendi ndodhet në vështirësi për shkak të situatës me COVID-19.

Kuvendi u mblodh në një seancë plenare, ku miratoi me 91 vota pro, 5 kundër dhe 3 abstenim, projektligjin “Për disa ndryshime dhe shtesa në ligjin nr. 64, datë 31.5.2012, “Për peshkimin” të ndryshuar./atsh

Kuvendi miraton me 91 vota zgjatjen e afatit të gjendjes së fatkeqësisë natyrore deri në 23 qershor Read More »

Harta e shpresës/ Braçe: Numri i shqiptarëve të shëruar, më i madh se i të infektuarve

Aktualitet, Opinione / /

Zëvendëskryeministri Erion Braçe publikoi sot atë që e cilësoi harta e shpresës në bashkitë e vendit ku numri i shqiptarëve të shëruar është më i madh se i të infektuarve.

Braçe shprehet se pas më shume se një javë ku, numri i shqiptareve të shëruar është me i madh se numri i shqiptarëve të infektuar me koronavirus, zmadhohet lista e bashkive që i kanë qytetaret e shëruar.

“Plotësisht të shëruar; Janë Berati, Lezha, Mirdita, Rrogozhina e Tropoja! Një bravo e madhe agjencive ligjzbatuese e të shërbimit, qytetarëve që duke zbatuar masat e distancimit fizik, ja dolën të ndërpresin zinxhirin e transmetimit të virusit; Një bravo e madhe mjekëve e infermierëve që ja dolën të shërojnë qytetaret e infektuar! Ndërkohë, Divjaka vijon që nga dita e parë e epidemisë së kthyer shpejt në pandemi që nuk ka asnjë rast të sëmurësh me COVID-19; bashkia Divjakë, Policia e Shtetit, drejtoria e Shëndetit Publik, mjekët e infermierët në qendrat shëndetësore, qytetarët vetë, meritojnë një duartrokitje të madhe për punën e bërë e rregullat e zbatuara; Edhe pse nuk kanë lënë asnjë ditë punën, madje kane qenë “hapur” çdo ditë për të furnizuar tregjet kombëtare e të huaja me perime të freskëta, lirinë e kanë përdorur veç për punë e rregullat i kanë zbatuar një me një!”, tha ai.

Po ashtu Braç shton se “Lushnja, ja ka dalë të shërojë 5 qytetarë të infektuar me COVID-19, ka humbur veç një në këtë betejë, edhe ai i infektuar në spitalin COVID 2; Pra sot, Lushnja ka çdo të sëmurë të testuar pozitiv të shëruar! Një bravo e madhe për të gjithë: bashkia Lushnjë, Policia e Shtetit, drejtoria e Shëndetit Publik, mjekët e infermierët e spitali, e në qendrat shëndetësore, qytetarët vetë, posaçërisht bujqit e grumbulluesit e Lushnjës që nuk e kanë ndalur punën asnjë minutë!”

Braçe apelon për qytetarët se me lëshimin e masave duhet të jenë të vëmendshëm.

“Por kujdes; nuk ka mbaruar e nuk kemi shpëtuar! Tani që njerëzit do kenë edhe me shume liri për të lëvizur e punuar, nis me e vështira! Duhet te mbrohemi e të mbrojmë; distancimi fizik nga njëri-tjetri është thelbi! Duhet të jemi të distancuar kudo, gjatë gjithë kohës që jemi jashtë banesës, në punë, në tregje, kur marrim shërbime! Deri sa një vaksinë të jetë e sigurt dhe e gatshme për ne, duhet të jetojmë kështu!”, shprehet ai./atsh

Harta e shpresës/ Braçe: Numri i shqiptarëve të shëruar, më i madh se i të infektuarve Read More »

Edlira Kraja emërohet në krye të Autoritetit të Aviacionit Civil

Aktualitet, Lajmi i fundit / /

Këshilli i Ministrave vendosi sot lirimin nga detyra të drejtorit ekzekutiv të Autoritetit të Aviacionit Civil, Krislen Kerit dhe zëvendësimin e tij me Edlira Krajën.

Në vendimin e publikuar thuhet se “Në mbështetje të nenit 100 të Kushtetutës dhe të pikës 1, të nenit 12, të ligjit nr.10233, datë 11.2.2010, “Për Autoritetin e Aviacionit Civil”, të ndryshuar, me propozimin e ministrit të Infrastrukturës dhe Energjisë, Këshilli i Ministrave vendosi: Edlira Kraja emërohet drejtor Ekzekutiv i Autoritetit të Aviacionit Civil’.

Me tej thuhet se “Krislen Keri, drejtor Ekzekutiv i Autoritetit të Aviacionit Civil, lirohet nga kjo detyrë. Ky vendim hyn në fuqi menjëherë dhe botohet në “Fletoren Zyrtare”. /atsh

Edlira Kraja emërohet në krye të Autoritetit të Aviacionit Civil Read More »

“Shtyrja e gjendjes së fatkeqësisë natyrore domosdoshmëri”, Balla: Çdo gabim i vogël mund të na kthejë në fillim të luftës

Aktualitet, Opinione, Politike / /

Sekretari i Përgjithshëm i Partisë Socialiste njëherësh kryetar i grupit parlamentar të PS-së, Taulant Balla deklaroi sot në lidhje televizive se Shqipëria është vendi i dytë në Europë që mori masa të rrepta të menjëhershme, ndërsa në asnjë vend sipas tij, nuk është parë ende një operacion humanitar në ndihmë të familjeve në nevojë sikurse po ndodh sot në Shqipëri.

Teksa falënderoi punonjësit e shërbimit epidemiologjik që po bëjnë gjurmimin e personave të prekur nga COVID, shtyrja e situatës së fatkeqësisë natyrore nga ana e qeverisë, sipas tij, është domosdoshmëri.

“Ne jemi ende në një situatë lufte me një armik të padukshëm i cili nuk arriti të na mposhte sikurse ka bërë me shumë në vende të tjera, përsëri vazhdojmë të kemi persona që identifikohen nga puna e përditshme heroike e shërbimit epidemiologjik në të gjithë territorin, ku gjej rastin t’i falënderoj të gjithë punonjësit e palodhur të shërbimit epidemiologjik nga veriu në jug, në çdo vatër dhe në çdo derë për të identifikuar personat që mbartin virusin vrasës. Duhet të kuptojmë që shtyrja e situatës së gjendjes së fatkeqësisë natyrore është padyshim një domosdoshmëri në kushtet që jo vetëm që ende kemi raste që shfaqen, bie dakord me konstatimin që ne e kemi kaluar fazën e parë të një emergjence akute, por duhet të kuptojmë që në situatën që jemi çdo gabim i vogël mund të na kthejë në ditët e fillimit të kësaj lufte”, u shpreh ai.

Sipas Ballës, një gabim i vogël pas lehtësive të krijuara nga qeveria në lëvizje, mund të na kushtojë rikthimin në masat shtrënguese.

“Qeveria shqiptare bën pjesë në atë grup të madh vendesh që kanë respektuar rekomandimet e OBSH-së si organizata më e madhe që bashkon të gjitha vendet anëtarë në kuadër të Kombeve të Bashkuara, ka ekspertizën e domosdoshme dhe ka qenë konservatore sa i përket masave shtrënguese. Në këtë kuptim, qeveria shqiptare ishte ndër qeveritë e para që mori masa të rrepta shtrënguese. Kujtojmë këtu, që në ditën e parë u pezulluan shkollat. Në Europë kemi qenë qeveria e dytë që morëm masa për pezullimin e plotë të shkollave edhe pse kishim vetëm 2 raste të konstatuara në ditën e parë të kësaj lufte. Të gjitha këto masa kanë treguar që ne kemi arritur ta mbajmë nën kontroll betejën me këtë armik të padukshëm dhe që kjo betejë të përfundojë në favorin e jetës së njerëzve sepse në fund të fundit çdo jetë është e domosdoshme dhe gjëja më e rëndësishme që na intereson në këtë betejë. Gjithçka mund të rikuperohet mbrapa, ekonomia, vendet e punës mund të gjendet përsëri por jetët e njerëzve nuk mund të kthehen mbrapsht. Në këto kushte, ne do të vazhdojmë të jemi në kushtet e një fatkeqësie natyrore e cila imponon disa detyrime ndaj shtetit”, u shpreh ai.

“Nuk ka ngjashmëri me vende të tjera një operacion humanitar i këtyre përmasave që ka garantuar që me kujdes të veçantë, për të mos kthyer operacionin në një vatër të shpërndarjes së virusit vrasës kemi arritur të shërbejmë më shumë se dyqind e njëzet mijë familjeve shqiptare shumë në nevojë sikurse një numër të madh të pensionistëve të vetmuar jo vetëm me pako ushqimore por edhe me furnizime të tjera të nevojshme sikurse janë ilaçet ndërkohë që vazhdon që posta shqiptarë të kryejë me përpikëri shpërndarjen e pensioneve në banesa”, tha Balla./atsh

“Shtyrja e gjendjes së fatkeqësisë natyrore domosdoshmëri”, Balla: Çdo gabim i vogël mund të na kthejë në fillim të luftës Read More »

Forca e Ligjit vijon operacionin, sekuestron në kushtet e emergjencës 9 automjete

Aktualitet / /

Policia e Shtetit njofton se Operacioni Forca e Ligjit vijon me veprime konkrete në terren.

Policia e Shtetit bëri të ditur sot se është vendosur sekuestro në kushtet e emergjencës, për 9 automjete.

Policia njofton gjithashtu se është vendosur sekuestro edhe për një pasaportë, për moslejimin e daljes jashtë shtetit të poseduesit të saj.

“Në zbatim të ligjit special për masat pasurore ndaj individëve të dënuar apo akuzuar për krim të organizuar, Operacioni Forca e Ligjit, në zbatim të Aktit Normativ Nr. 1, datë 31.01.2020, bazuar në Nenin Nr. 19 “Sekuestrimi i pasurisë nga Policia e Shtetit në rastet e emergjencës”, Drejtori i Përgjithshëm i Policisë së Shtetit ka nxjerrë urdhrat e sekuestrimit për 9 automjete dhe një pasaportë dhe konkretisht:Tre automjete autovetura në pronësi të shtetasit E. D., banues në Farkë, Tiranë;Automjeti fuoristradë në pronësi të shtetasit G. K., banues në Maqellarë, Dibër; Automjeti Audia A6, në pronësi të shtetases V. H., banuese në Korçë; Automjeti në pronësi të shtetases L. M., banuese në Lezhë; Automjeti në pronësi të shtetasit A. G., banues në Gjirokastër; Automjeti në pronësi të shtetases E. K., banuese në Gjirokastër; Automjeti në pronësi të shtetases L. K., banuese në Gjirokastër;”,- njofton policia.

“Gjithashtu, bazuar në Nenin Nr. 11 për “Masat parandaluese personale në raste emergjencës”, i është bërë bllokimi i pasaportës dhe i është ndaluar dalja jashtë shtetit, për një afat 6-mujor, një shtetasi, banues në Lezhë. Me vendosjen e kësaj mase sekuestroje, automjetet i kalojnë në administrim Agjencisë së Administrimit të Aseteve dhe dosjet pasurore të këtyre personave do t’i kalojnë SPAK-ut, për veprime të mëtejshme”,- thekson Policia.

“Gjatë kësaj periudhe, OFL nuk ka ndërprerë asnjë ditë punën, por ka vijuar me veprime për kompletimin e dosjeve hetimore të shtetasve që janë subjekt i OFL-së. Policia e Shtetit, nëpërmjet strukturës së posaçme OFL, është e vendosur që në bashkëpunim me SPAK-un dhe agjencitë e tjera ligjzbatuese, brenda dhe jashtë vendit ta çojë deri në fund këtë operacion jetik, me interes të madh kombëtar e ndërkombëtar.”,- përfundon njoftimi i Policisë. /atsh

Forca e Ligjit vijon operacionin, sekuestron në kushtet e emergjencës 9 automjete Read More »

Lehtësim i masave pas 4 majit, Pipero: Ecuria e pandemisë e lejon, për të moshuarit kufizimi të zgjasë më shumë

Aktualitet, Lajmi i fundit, Opinione, Shendetesi / /

“Ecuria e deritanishme e epidemisë e lejon Kryeministrin Edi Rama dhe qeverinë të lejojë lirimin e masave shtrënguese”.

Kështu deklaroi sot në një intervistë televizive mjeku i njohur infeksionist Pëllumb Pipero.

“Mendoj se fundi i prillit dhe fillimi i majit na gjen shumë më të lehtësuar edhe nga sa tha Kryeministri jo vetëm lëvizjen e qytetarëve, por edhe gjallërinë e ekonomisë, por duke mos humbur në asnjë moment vigjilencën, sidomos nga bluzat e bardha dhe epidemiologët për të gjurmuar çdo rast të dyshimtë për të parandaluar krijimin e vatrave të reja”, – theksoi Pipero.

Pipero u shpreh se “jam dakord dhe mbështes masat e qeverisë për lehtësimin dhe gjallërimin e jetës qytetare dhe të ekonomisë. Është ende e nevojshme që të moshuarit dhe të sëmurët kronikë të jenë më të kufizuar përtej 4 majit me të tjerët dhe kufizimi i tyre të jetë dhe për një kohë pak më të gjatë e kufizuar dhe të jemi të kujdesshëm. Ne kemi filluar fazën e dytë të epidemisë, që është pak më e gjatë dhe pak më e zbutur dhe në favor të gjallërimit të jetës ekonomike dhe lëvizjes së qytetarëve. Pas majit rastet do të jenë sporadike, gjë që do lejojë lehtësimin e masave”.

Sipas Piperos, edhe plazhi do të mund të shijojet nga qytetarët këtë verë.

Mjeku Pipero tha se “pas çdo rasti të konfirmuar përfshihen 10 apo 15 raste të tjera të pakonfirmuara, ku pjesa më e madhe as nuk ka simptoma. Ritmi i transmetimit të virusit ka qenë i ulët në vendin tonë, ndoshta nën 2 dhe për këtë kurba ka qenë e zbutur dhe pas prillit do të ketë zbritje të qëndrueshme”.

“Kryeministri që nga fillimi i epidemisë ka folur me gjuhën e specialistëve të shëndetësisë dhe jo të politikanit. Më vjen mirë që shumë gjëra që tha Kryeministri sot ne specialistët, ku bëj pjesë edhe unë, i kemi thënë edhe më parë. Unë kam thënë që mesi i majit do të na gjejë më të lirë. Jam përkrahës i lehtësimit gradual në proporcion me epideminë, dhe kjo ecuri e epidemisë deri tani e lejon Kryeministrin të marrë këto masa”, – tha Pipero./atsh

Lehtësim i masave pas 4 majit, Pipero: Ecuria e pandemisë e lejon, për të moshuarit kufizimi të zgjasë më shumë Read More »