Aktori i mirënjohur Cekja ishte i ftuar mbrëmjen e djeshme në “Shiko Kush LUAN” me autore dhe moderatore Luana Vjollcën.
Pyetjes “Ndaje ose Kovën” iu bashkua edhe aktori i humorit të cilit iu drejtua kjo pyetje:
“Ceke si humorist me shumë vite karrierë, cilin do të konsideroje si humoristin e ri shqiptar më të talentuar dhe cilin si më pak të talentuar. Ndaj me ne dy emra në “Shiko Kush LUAN” ose kovën…”
Edhe pse Cekja ka ngurruar paksa në përgjigjen e tij dhe fillimisht ka thënë emrin e Rezart Veleshnjës, kapitenit të skuadrës blu, ndonëse ky emër nuk është pranuar duke qenë se është rregull i lojës, humoristi ka thënë:
“Gaz Paja si humorist i ri i talentuar dhe më pak i talentuar Zef Deda se e kam shok”.
E kështu Cekja i Beratit i shpëtoi kovës me oriz që e priste…
E kështu Cekja i Beratit i shpëtoi kovës me oriz që e priste…
Për shkak të shirave dhe erës së dendur, kapiteneria e Vlorës ka pezulluar lundrimin e mjeteve të vogla lundruese dhe ato të peshkimit.
Pezullimi do të zgjasë deri ditën e nesërme, 4 dhjetor në orën 18:00, ku sipas tytë pritet të ketë një përmirësim të motit. Në bazë të parashikimit të kushteve hidrometeorologjike për 24 orët e ardhshme në portin e Vlorës dhe jashtë saj do të jenë si më poshtë: Era dhe deti në drejtimin jug-juglindje forca 5-6bft brenda gjirit të Vlorës; Era dhe deti në drejtimin jug-juglindje forca 6-7bft jashtë.Përmirësimi i kushteve hidrometeorologjike do të jetë në datën 04.12.2020 mbas orës 18:00.
Janë pezulluar lundrimi i mjeteve të vogla lundruese dhe ato të peshkimit”, njofton kapiteneria.
Pala greke ka vendosur të shtyjë datën e hapjes së pikës kufitare të Kapshticës deri më 14 Dhjetor për shkak të rasteve me Covid. Deri në këtë datë, nuk do të lejohet lëvizja e këmbësorëve dhe mjeteve sin ë hyrje dhe dalje të Greqisë.
Policia Kufitare i bën thirrje qytetarëve që të shmangin udhëtimin në këtë periudhë kohore dhe të kalojnë nga pika e Kakavijës ku vijon lëvizja normalisht.
Njoftimi i plotë
Drejtoria Vendore e Kufirit dhe Migracionit Korçë. Stacioni i Po licisë Kufitare Kapshticë:
Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar shtyrjen e afatit të bllokimit të Pikës së Kalimit Kufitar Kapshticë, deri në datën 14.12.2020.
Sqarojmë se deri në këtë datë, nuk do të lejohet lëvizja e këmbësorëve dhe e mjeteve (vetura, autobusa dhe kamiona) si në hyrje dhe në dalje të Greqisë.
Policia Kufitare e Kapshticës, iu bën thirrje të gjithë qytetarëve që duan të udhëtojnë drejt Greqisë, që gjatë këtij harku kohor, të shmangin udhëtimin drejt kësaj pike kalimi dhe të orientohen në drejtim të Pikës së Kalimit Kufitar Kakavijë, në të cilën lëvizja vijon normalisht.
Kancelarja gjermane Angela Merkel shpreson që të hapë konferencën ndërqeveritare me Maqedoninë e Veriut qysh këtë vit. Ajo tha se pret që Bullgaria dhe Maqedonia e Veriut do ta mënjanojnë grindjen e tyre.
“Në rastin e Shqipërisë çështja është pak më ndryshe. Me gjithë përparimet, nuk mund të premtoj se do të ndodhë që këtë vit, por shumë shpejt”, tha kancelarja në një takim virtual me komisionet e parlamenteve të vendeve anëtarë të BE-së.
“Sa i përket Serbisë, ajo duhet të bëjë përparime në marrëdhëniet e saj me Kosovën”, tha kancelarja. Ajo ritheksoi edhe njëherë me këtë rast se ardhmja e vendeve të Ballkanit Perëndimor është në BE.
Më 7 dhjetor ministrat e Jashtëm të vendeve të BE-së do të vendosin për çeljen zyrtare ose jo, të negociatave me Maqedoninë e Veriut dhe Shqipërinë.
Vendimi paraprak, por pa datë nisjeje, është marrë në mars të këtij viti.
Për shkak të grindjes mes Bullgarisë dhe Maqedonisë së Veriut për përkatësisë historike të maqedonasve, Bullgaria ka paralajmëruar se do të vërë veton për hapjen e konferencë së parë ndërqeveritare.
Ajo që shpresohet për momentin është, sipas vëzhguesve, që së paku Bullgaria të mos pengojë miratimin e kornizës negociuese për Shkupin.
Në rastin e Shqipërisë nuk pritet as miratimi i kornizës negociuese, pasi vendi nuk i ka plotësuar parakushtet e vëna nga BE-ja dhe Bundestagu Gjerman./DW/
Mëngjesin e sotëm kryeministri Edi Rama është shprehur se kanë nisur procedurat ligjore për naftë pa taksa për fermerët e pajisur me NIPT.
Përmes një postimi në rrjetet sociale, Rama se aktualisht ka nisur gara e shpallur nga Ministria e Bujqësisë
“Mirëmëngjes dhe me lajmin që procedura ligjore për NAFTË PA TAKSA për të gjithë fermerët e pajisur me NIPT ka nisur me garën e shpallur nga Ministria e Bujqësisë, si edhe me nxitjen për të gjithë fermerët e papajisur me NIPT, që të nxitojnë ta marrin, ju uroj një muaj të mbarë.”-shkruan Rama./Opinion.al
Jonida Maliqi ka folur për herë të parë për divorcin nga ish-bashkëshorti i saj në rubrikën “Tani mund të këndosh” tek E Diela Shqiptare. Ajo është shprehur se ka tre vite që është ndarë dhe se ka gjenë përiudha më e vështirë për të sepse në mes ishte dhe djali i tyre.
Ardit Gjebrea: Si e more vendimin për të bërë divorcin?
Jonida Maliqi: Ishte shumë e vështirë, duke marrë në konsideratë që edhe se me ish-bashkëshortin tim ka kaluar gjysmën e jetës sime, 17 vjet dhe jam divorcuar në moshën 34-vjeçare. Kanë kaluar tashmë 3 vite.
Ardit Gjebrea: Ke qenë 17 vjeç kur e njohe, apo jo?
Jonida Maliqi: Po shumë e vogël. Ruaj kujtime shumë të bukura. Gjithçka erdhi ndoshta për shkak të konsumit edhe të disa arsyeve të tjera të cilat mbeten dhe do doja që të ishin personale. Ka qenë një ndër vendimet më të vështira të jetës sime.
Ardit Gjebrea: E morët bashkë?
Jonida Maliqi: Ishte vendimi im fillimisht, pastaj rrugëtuam të dy sepse për sa kohë dy njerëz nuk komunikojnë më, nuk gjejnë më gjuhën e përbashkët me njëri-tjetrin.
Ardit Gjebrea: Si ia dole se ishte dhe djali?
Jonida Maliqi: Unë vij nga një familje shumë e shëndetshme dhe gjithmonë jam rritur me frymën që do kisha familjen ideale, perfekte dhe ishte ëndrra ime që ta realizoja atë me sukses dhe divorcin e quaj si një dështim timin. Duke jetuar me një standart shumë të mirë jetese, jam munduar që të mbaj të njëjtin standart.
Sigurisht ka qenë më e vështirë sepse tani jam një nënë e vetme, jetoj me tim bir, forca për të punuar falë zotit nuk më ka munguar, energjia jo. E vetmja gjë që kam punuar fort për veten time ka qenë ana psikologjike. Është shuëm e vështirë të marrësh një iniciativë të tillë, deri diku unë kam qenë si “Liza në botën e çudirave” kur kam përjetuar dashurinë e jetës sime.
Ardit Gjebrea: Ishte dashuria e parë?
Jonida Maliqi: Sigurisht! Ishte një dashuri shumë sublime, ishte ajo dashuri që ndoshta kur ti arrin një pjekuri fillon reflekton dhe ndonjëherë vë logjikën mbi ndjenjat e tua.
Ardit Gjebrea: Është më mirë kur i peshon gjërat, apo me zemër?
Jonida Maliqi: Unë mendoj se është kur gjen balancën sepse nuk mund t’i peshosh kursesi. /noa.al/
Mëngjesin e sotëm nëpërmjet një lidhje me “Skype” në studion e “Ditë e Re” në RTV Ora ishte meteorologu Hakil Osmani i cili foli për ndryshimet e motit dhe si pritet të jenë ditët në vijim.
Osmani gjatë fjalës së tij bëri të ditur se dita e sotme dhe dita e nesërme priten të jenë me kthjellime dhe alternime vranësirash. Ditën e sotme sipas meteorologut do të kemi reshje shiu kryesisht në zonën juglindore të territorit shqiptar.
Këto reshje shiu do të pasojnë dhe ditët në vijim ku i gjithë vendi do të përballet me ulje temperaturash dhe në zonat malore nuk do të mungojnë as reshjet e dëborës.
“E marta mbetet me kthjellime dhe vranësira të pakta. Duke nisur nga dita e mërkurë do të kemi shtim të vranësirave në territorin tonë dhe prezencë të shiut, reshje shiu të cilat do të na shoqërojnë në pothuajse gjithë javën. Duke filluar nga mesdita e ditës së mërkurë dhe deri në fundjavë do të kemi prezencë të reshjeve të shiut në vendin tonë, por nuk përjashtohen dhe reshje të pakta dëbore në zonat e thella malore, në ato verilindore dhe shumë pak në ato jugore.
Ndërsa,përsa i përket vlerave termike dita e sotme ka regjistruar vlerat minimale në zonat malore -4 °C, ndërsa në ultësirën malore vlerat priten të shkojnë edhe në -5 ose -6 °C dhe maksimumi i tyre do të pësojnë një rritje të lehtë duke bërë që të shkojnë vlerat 15 °C në zonat juglindore dhe jugperëndimore”
Policia e Vlorës ka arr estuar sot një 43-vjeçar i cili anosi me mjet të mprehtë dhe ushtroi dhunë fizike ndaj bashkëshortes.
Specialistët për Hetimin e Krimit në Komisariatin e Policisë Vlorë, arrestuan në flagrancë shtetasin Y. D., 43 vjeç, banues në Vlorë.
Arrestimi i tij u bë pasi në datë 28.11.2020, ka kanosur me mjet të mprehtë thi kë si dhe ka ushtruar dhunë fizike në mënyrë të përsëritur ndaj bashkëshortes së tij.
……….
Materialet hetimore i kaluan Prokurorisë pranë Gjykatës së Shkallës Parë Vlorë, për veprime të mëtejshme.
(Balkanweb)
