Irina

“Njësoj si tërë të këqiat e kësaj bote, epidemia i bën njerëzit më të fortë”

Aktualitet, Politike / /

Me një thënie të filozofit, shkrimtarit dhe gazetarit të njohur francez, Albert Kamy (Albert Camus) Kryeministri Edi Rama ka përcjellë mesazhin e sotëm në rubrikën “Fjalë të çmuara”.

“Njësoj si tërë të këqiat e kësaj bote, epidemia i bën njerëzit më të fortë”, shprehet Rama duke cituar shkrimtarin dhe nobelistin Kamy për të përcjell mesazhin e tij ndërsa mbarë bota po përballet me COVID-19./atsh

“Njësoj si tërë të këqiat e kësaj bote, epidemia i bën njerëzit më të fortë” Read More »

Shpendi i unazuar në Guinea-Bissau fotografohet në Lagunën e Nartës, një oaz paqeje i Shqipërisë

Aktualitet / /

Shpendi i unazuar në arkipelagun Bijagos në Guinea-Bissau-n e largët në Afrikën Perëndimore është fotografuar gjatë vrojtimit tepër interesant të regjistruar për inventarizimin e shpendëve folezues në zonën e peizazhit të mbrojtur Vjosë-Nartë.

Kryeministri Edi Rama uroi sot mirëmëngjes me pamje nga ky shpend në lagunën e magjishme të Nartës, në Vlorë.

“Mirëmëngjes nga një oaz paqeje i Shqipërisë tonë të bukur, në Nartën e magjishme të Vlorës. Shpendi i unazuar në arkipelagun Bijagos në Guinea-Bissau-n e largët, fotografohet në Lagunën e Nartës”, – thekson Kryeministri Rama.

Ky shpend është individ i gjelëzës gushëkuqe (Calidris ferruginea) që është unazuar në mars të vitit 2018 në arkipelagun Bijagos në Gine-Bisonë e largët në Afrikën Perëndimore.

Ky vrojtim është cilësuar tepër interesant edhe nga kërkuesit që kanë unazuar shpendin të cilët konfirmuan se është rasti i parë që një shpend i unazuar në arkipelagun Bijagos vrojtohet në Shqipëri. Gjithashtu ky vrojtim jep të dhëna të rëndësishme mbi ekologjinë e shtegtimit të këtij lloji.

Gjelëza gushëkuqe, folezon në Siberi dhe dimëron në zonën tropikale dhe subtropikale të Indo-Malajzisë, Australisë dhe Afrikës Tropikale. Ky individ përshkon mbi 20 000 km çdo vit, nga vendi i folezimit drejt vendeve të dimërimit dhe anasjelltas.

Në vendin tonë, ashtu sikurse në të gjithë Palearktikun (përveç zonave të folezimit) ky lloj haset gjatë periudhës së shtegtimit.

Me qindra ekzemplarë të këtij lloji kanë ndaluar pothuajse çdo ditë gjatë kësaj periudhe në zonën e Peizazhit të Mbrojtur Vjosë-Nartë. Krahas kësaj, mbi 100 000 shpendë shtegtarë kanë ndaluar deri më tani, vetëm këtë vit, në këtë zonë që prej fillimit të sezonit të shtegtimit dhe ky numër pritet të disafishohet gjatë gjithë periudhës së mbetur të 2020-ës.

Këto shifra faktojnë rëndësinë e madhe që ka Vjosë-Narta në korridorin e shtegtimit të Adriatikut, duke përbërë një prej zonave më të rëndësishme të tij. Vjosë-Narta është një ndër mrekullitë e rralla që gëzon Shqipëria. Urojmë dhe shpresojmë që të gjithë të ndërgjegjësohemi për këtë, dhe ta ruajmë ashtu sikurse natyra e ka krijuar. Cenimi i kësaj zone do të përbënte një prej mëkateve më të mëdha që mund t’i bëhet jo vetëm natyrës së vendit tonë, por të gjithë Europës dhe më gjerë.

Inventarizimi i shpendëve folezues po realizohet nga PPNEA dhe AdZM Vlorë me mbështetjen e CEPF, në kuadër të projektit “Toka e Kështjellave dhe Shqiponjave”./atsh

Shpendi i unazuar në Guinea-Bissau fotografohet në Lagunën e Nartës, një oaz paqeje i Shqipërisë Read More »

Faza e parë u kalua me sukses/ Mjekët dhe infermierët e COVID2 rrëfejnë vijën e parë të betejës me armikun e padukshëm

Shendetesi / /

Ministrja e Shëndetësisë dhe Mbrojtjes Sociale Ogerta Manastirliu, ka publikuar një video nga spitali COVID 2 “Shefqet Ndroqi”.

Manastirliu thote se pavarësisht pasigurisë nga e panjohura, rrezikut e frikës për vete dhe familjarët, mjekët, infermierët dhe i gjithë stafi i spitaleve që trajtojnë pacientët me COVID19 kanë bërë një punë heroike.

“Stafi mjekësor i spitaleve COVID e ka përballuar me sukses fazën e parë të epidemisë. Pavarësisht pasigurisë nga e panjohura, rrezikut e frikës për vete dhe familjarët, mjekët, infermierët dhe i gjithë stafi i spitaleve që trajtojnë pacientët me Covid19 kanë bërë një punë heroike në vijën e parë të betejës me armikun e padukshëm”, u shpreh Manastirliu duke sjellë rrëfimet mbi eksperiencën dhe përjetimet e mjekëve dhe infermierëve të spitalit COVID2, spitalit universitar “Shefqet Ndroqi”.

Në video stafi i mjekëve dhe infermierëve tregon përballjen në vijën e parë me COVID-19, frikën për infektim dhe mungesën e familjes prej 1 muaj e gjysmë, qëkur Spitali “Shefqet Ndroqi” u bë Spital COVID2.

Adelina Dragoti, kryeinfermiere e Urgjencës thotë se “ne u kemi shërbyer pacientëve pa e menduar për veten time që mund të infektohesha nga kjo sëmundje”.

Lediana Hida, kryeinfermiere në shërbimin e pneunomonisë thotë se “kur shkojmë në shtëpi me stres sepse vajzat e mia kanë nevojë edhe për mua. Ruhem që ato të mos i infektoj”.

“Ishte vërtet shumë e vështirë pasi ishte hera e parë që ndodheshim në këtë situatë”, thote Sofokli Hoxha, infermier i Urgjencës.

Shefi i Shërbimit të Imazherisë, Pëllumb Hysko “kishte disa elementë brenda, kishte pjesën e ankthit, pjesën e stresit, të frikës së infektimit me COVID-19 por mbi të gjitha për ne ishte edhe diagnoza sepse ishte hera e parë që ndesheshim me këtë patologji”.

Irma Tashi, mjeke pneumologe thotë se nuk ka kontakt me familjen. “Një muaj e gjysmë qëkur ne u shpallëm COVID 2 nuk kam vajtur, flasim nëpërmjet whatsup por pjesa e kontaktit është një muaj e gjysmë”, u shpreh ajo.

Këto janë një pjesë e rrëfimeve të mjekëve dhe infermierëve që iu shërbejnë çdo ditë me përkushtim pacientëve të infektuar me COVID-19 në Spitalin “Shefqet Ndroqit”./atsh

Faza e parë u kalua me sukses/ Mjekët dhe infermierët e COVID2 rrëfejnë vijën e parë të betejës me armikun e padukshëm Read More »

Parashikimi i motit, e diel 3 maj 2020

Aktualitet / /

Moti për ditën e sotme nis i kthjellët dhe me mjegull e mjegullinë në orët e mëngjesit gati në të gjithë vendin. Në mesditë përgjatë maleve dhe zonave kodrinore vranësirat grumbullore do të marrin zhvillim.

Shërbimi Meteorologjik Ushtarak bën me dije se reshjet e shiut do të bëhen të pranishme përgjatë zonave malore në mesditë. Reshjet parashikohen të jenë në kohë të shkutrër, por lokalisht në formë rrebeshësh shoqëruar me rrufe e breshër. Në mbrëmje shi i dobët në male.

Era do të fryjë nga juglindje e gradualisht kthen nga veriperëndimi deri 15 m/sek. Intensiteti i erës në mbrëmje vjen në rritje.

Valëzimi në dete parashikohet 4 deri 5 ballë. Deti në forcim i trazuar do të jetë prej pasdites.

Temperaturat parashikohen:

QYTETET Temperaturat në °C Sigla
Shkodër 13/21 re diell
Kukës 11/17 re diell shi
Lezhë 11/20 re diell
Dibër 9/17 re diell shi
Durrës 12/21 re diell
Tiranë 14/22 re diell
Elbasan 12/21 re diell shi
Berat 9/22 re diell shi
Vlorë 15/22 re diell
Korçë 8/18 re diell shi
Gjirokastër 8/22 re diell shi
Sarandë 11/22 re diell/atsh

Parashikimi i motit, e diel 3 maj 2020 Read More »

Rama publikon grafikun: Krenar për Shqipërinë që sot ka bilancin më të mirë në luftën ndaj COVID-19

Aktualitet, Lajmi i fundit, Shendetesi / /

Shqipëria ka numrin më të ulët të vdekjeve për 1 milion banorë në rajon dhe në Europë sa i takon betejës me COVID-19, sipas “Coronavirus Worldmeter”.

Kryeministri Edi Rama ka publikuar të dhënat e “Coronavirus Worldometer”, ku tregohet përballimi i koronavirusit në Shqipëri, gjë që dëshmon edhe efikasitetin e masave të marra nga qeveria.

Sipas grafikut të publikuar nga Rama, të cilat i referohen statistikave të “Coronavirus Worldmeter”, rezulton se vendi ynë ka numrin më të ulët të jetëve të humbura në Europë dhe në rajon nga COVID-19 për 1 milion banorë.

“Albania the Best. Çudi e madhe ëëë?! Strategji jo, plan jo, teste jo e jo, mjekësi jo që jo, qeverisje jo dhe jo, po ja që kur hap sytë e shikon, na del Shqipëria më mirë se tërë dynjaja deri tani në bilancin e kësaj lufte të mallkuar”,- shprehet Rama.

“Krenar për Shqipërinë që sot ka këtë bilanc falë popullit të mençur dhe mirëkuptues me qeverinë dhe frikë nga injoranca që na rrezikon gjithçka, sa më shumë ky bilanc varet nga sjellja e çdo individi në kushtet e rihapjes. Të dhënat janë nga Coronavirus Worldometer”,- nënvizon Kryeministri Rama.

Shqipëria rezulton se ka 39.7% raste aktive, 56.5% të shëruar ndërsa 3.9% humbje jete nga COVID-19.

Aktualisht në vendin tonë janë 239 pacientë aktivë me COVID-19 dhe pjesa më e madhe prej tyre po ndiqen nga mjeku i familjes ose janë asimptomatikë, ndërsa në dy spitalet COVID, në spitalin infektiv dhe spitalin “Shefqet Ndroqi” janë të shtruar 31 pacientë (11.4%) dhe vetëm 7 prej tyre janë në terapi intensive. //atsh

Rama publikon grafikun: Krenar për Shqipërinë që sot ka bilancin më të mirë në luftën ndaj COVID-19 Read More »

Pezullimi i aktivitetit/ Personat fizikë dhe juridikë duhet të aplikojë në e-albania

Aktualitet / /

Personat fizikë dhe juridikë që kërkojnë të pezullojnë aktivitetin e tyre, duhet të aplikojë nëpërmjet sportelit elektronik në e-albania, për pushimin e përkohshëm të aktivitetit (pezullim).

Qendra Kombëtare e Biznesit informoi se në kuadër të masave të përcaktuara nga qeveria për parandalimin e përhapjesë së infeksionit COVID-19, shërbimet për regjistrimin dhe licencimin e biznesit, që do të ofrohen vetëm nëpërmjet sportelit online.

QKB bën të ditur se në zbatim të ligjit “Për procedurat tatimore”, përpara aplikimit për pushimin e përkohshëm të aktivitetit, subjektet duhet të sigurohen se nuk kanë detyrime të pashlyera ndaj organeve tatimore, e më pas duhet të kryhet aplikimi për pezullim aktiviteti.

Po ashtu sipas QKB-së, subjektet, të cilët kërkojnë të krijojnë një llogari si biznes në portalin e-albania dhe të cilëve u kërkohet përditësimi i të dhënave (numrit të identifikimit/NID, të personave të lidhur me të) të regjistruar pranë Regjistrit Tregtar, duhet të aplikojnë online në portalin e-albania./atsh

Pezullimi i aktivitetit/ Personat fizikë dhe juridikë duhet të aplikojë në e-albania Read More »

Këshilla për të moshuarit dhe personat me probleme shëndetësore

Shendetesi / /

Të moshuarit dhe personat me probleme shëndetësore janë në rrezik më të lartë për të zhvilluar forma të rënda të COVID.

Ministria e Shëndetësisë dhe Mbrojtjes Sociale ka ndarë disa këshilla, me qëllim edhe mbrojtjen nga rreziku i infeksionit për kategoritë më të rrezikuara.

“Lani duart. Kollituni, tështini në gropën e berrylit ose përdorni kartopecetë. Ndiqni masat e rekomanduara të distancimit. Pastroni dhe dezinfektoni shpesh sipërfaqet. Shmangni aktivitetet publike të panevojshme por komunikoni cdo ditë nëpërmjet telefonit dhe miqtë dhe familjarët. Evitoni grumbullimet publike dhe cdo aktivitet tjetër publik të panevojshëm. Mbani në shtëpi rezerva ushqimore dhe medikamente të mjaftueshme për të paktën 2 javë. Blini ushqime nëpërmjet internetit ose kërkoni ndihmë tek vullnetarët apo të afërmit. Evitoni vizitat tek të afërmit gjatë epidemisë së covid 19. Disa njerëz shfaqin simptoma të lehta dhe nuk e dinë që janë të infektuar. Kontaktet me miqtë dhe të afërmit mbajini nëpërmjet telefonit”, rekomandon ministria./atsh

Këshilla për të moshuarit dhe personat me probleme shëndetësore Read More »

Si do të lëvizin makinat? Rama: Ja si do procedohet nga data 11 maj

Aktualitet / /

Kryeministri Edi Rama ka publikuar masat e reja të lehtësimit pas kufizimit si pasojë e COVID-19, ku shumë biznese janë lejuar që të hapen.

Në datën 18 maj pritet që të hapen baret dhe restorantet, ndërkohë që kreu i qeverisë shtoi se masat mund të ndryshojnë në varësi të epidemisë.

Po ashtu duke filluar nga data 11 maj do të zgjerohet lëvizja e automjeteve pa autorizim brenda qarqeve nga ora 05-17:30. Ndërkaq të gjithë të riatdhesuarit do të vetëkarantinohen në banesë.

Po në datën 11 maj do të hapen parukeritë, berberët, klinikat dentare, dhe dyqanet në qendrat tregtare.

Si do të lëvizin makinat? Rama: Ja si do procedohet nga data 11 maj Read More »